လံာ်ယၡါယၤ 45:5 - Sgaw Karen Common Bible

⁵ ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ.

လံာ်ယၡါယၤ 45:5 Iomraidhean Croise

လံာ်စီၤပၤအခီၣ်ထံးတဘ့ၣ် 8:60

ဒီးလၢတၢ်န့ၣ်အဃိ, ပှၤကလုာ်ခဲလၢာ်လၢဟီၣ်ခိၣ်ချၢကသ့ၣ်ညါဝဲ လၢယွၤထဲတဂၤဧိၤအံၤမ့ၢ်ကစၢ်ယွၤ, ဒီးကစၢ်ယွၤအဂုၤအဂၤတအိၣ်ဘၣ်န့ၣ်လီၤ.

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်စီၤယိၤဘး 12:18

အဝဲပာ်လီၤကွံာ်စီၤပၤတဖၣ်လၢအလီၢ်ပစိာ်ဒီးဒုးကဲထီၣ် အဝဲသ့ၣ်လၢပှၤဘၣ်တၢ်စၢဃာ်ဖိသ့ၣ်တဖၣ်န့ၣ်လီၤ.

လံာ်စီၤယိၤဘး 12:21

အဝဲမၤတရီတပါပှၤလၢအအိၣ်ဒီးတၢ်စိတၢ်ကမီၤဒီးမၤလၢာ် ကွံာ်ပဒိၣ်ပပှၢ်တဖၣ်အဂံၢ်အဘါန့ၣ်လီၤ.

စံးထီၣ်ပတြၢၤ 18:31

အဂ့ၢ်ဒ်အံၤ, ယွၤမ့ၢ်ကစၢ်ယွၤထဲတဂၤဧိၤ, ကစၢ်ယွၤထဲတဂၤဧိၤ မ့ၢ်ပှၤတြီဆၢတၢ်အၢလၢပဂီၢ်န့ၣ်လီၤ.

စံးထီၣ်ပတြၢၤ 18:32

အဝဲမ့ၢ်ကစၢ်ယွၤလၢအမၤဆူၣ်ထီၣ်ယဂံၢ်ယဘါ, ဒီးမၤလိၤယကျဲန့ၣ်လီၤ.

စံးထီၣ်ပတြၢၤ 18:33

အဝဲမၤကျၢၤယခီၣ်ဒ်တၤဟိအခီၣ်အသိး, ဒီးဒုးဆၢထၢၣ်ယၤလၢတၢ်လီၢ်ထီၣ်ထီန့ၣ်လီၤ.

စံးထီၣ်ပတြၢၤ 18:39

နဟ့ၣ်ယၤဂံၢ်ဘါလၢတၢ်ဒုးအဂီၢ်, ဒီးတၢ်မၤနၢၤလၢယဒုၣ်ယဒါတဖၣ်အဖီခိၣ်လီၤ.

စံးထီၣ်ပတြၢၤ 86:10

အဂ့ၢ်ဒ်အံၤ, နမ့ၢ်တၢ်အဒိၣ်, ဒီးမၤတၢ်လီၤလးတဖၣ်လီၤ. ထဲနၤတဂၤဧိၤန့ၣ် မ့ၢ်ကစၢ်ယွၤလီၤ.

လံာ်တၢ်ဟးထီၣ်ကွံာ် 9:14

အအံၤတစုယတစံၣ်ညီၣ်ထဲနပဒိၣ်ပပှၢ်ဒီးနပှၤဂီၢ်မုၢ်န့ၣ်ဘၣ်. မ့မ့ၢ်ယကစံၣ်ညီၣ်စ့ၢ်ကီးနၤဒ်သိးနကသ့ၣ်ညါလၢပှၤဒ်သိးယၤ တအိၣ်ဘၣ်လၢဟီၣ်ခိၣ်ချၢနီတဂၤဘၣ်, န့ၣ်လီၤ.

လံာ်ယၡါယၤ 22:21

ယကဒုးကၤထီၣ်အီၤလၢနမူနဒါအဆ့ကၤဒီးနယီၢ်တကိး, ဒီးဟ့ၣ်လီၤအီၤတၢ်စိကမီၤခဲလၢာ်လၢအအိၣ်တ့ၢ်ဒီးနၤလီၤ. အဝဲကလီၤဂာ်ဒီးပၢ်တဂၤလၢဝ့ၢ်ယရူၤၡလ့ၣ်ဒီးကီၢ် ယူဒၤအပှၤဂီၢ်မုၢ်အဂီၢ်န့ၣ်လီၤ.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 43:10

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 44:8

ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ, အဂ့ၢ်ဒ်အံၤ, သုသ့ၣ်ညါလၢ, လၢပျၢၤလံၤလံၤဒီး တုၤလီၤခဲအံၤန့ၣ်, ယကတိၤဆိပာ်စၢၤတ့ၢ်တၢ်လၢအကမၤအသး ခဲလၢာ်န့ၣ်လီၤ. ဒီးသုမ့ၢ်ယပှၤအုၣ်အသးတဖၣ်လီၤ. မ့ၢ်ကစၢ်အဂၤအိၣ်ဒံးတဂၤဂၤဧါ. မ့ၢ်ကစၢ်တနီၤနီၤလၢအစိကမီၤဒိၣ်ဝဲလၢယတနၢ်ဟူတ့ၢ်ဘၣ်အဂ့ၢ် အိၣ်ဒံးဝဲတဂၤဂၤဧါ.”

လံာ်ယၡါယၤ 45:1

ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်,

လံာ်ယၡါယၤ 45:6

ယမၤတၢ်အံၤဒ်သိးပှၤတဂၤလၢ်လၢ်လၢဟီၣ်ခိၣ်အကတၢၢ်တခီဆူအဂၤ တခီကသ့ၣ်ညါဝဲလၢယမ့ၢ်ယွၤဒီးလၢကစၢ်အဂၤတအိၣ်ဘၣ်အဂ့ၢ်န့ၣ် လီၤ.

လံာ်ယၡါယၤ 46:9

သ့ၣ်နီၣ်ထီၣ်က့ၤတၢ်လၢအမၤတ့ၢ်အသးလၢပျၢၤတက့ၢ်. အၢၣ်လီၤအီလီၤလၢထဲယၤတဂၤဧိၤန့ၣ်မ့ၢ်ကစၢ်ယွၤဒီးပှၤ အဂၤ ဒ်သိးယၤတအိၣ်ဝဲနီတဂၤဘၣ်န့ၣ်တက့ၢ်.

လံာ်ယၡါယၤ 47:8

ဒိကနၣ်တၢ်အံၤတက့ၢ်, ပှၤလၢအအဲၣ်တၢ်မုာ်တၢ်လၤ, ပှၤလၢအဆိကမိၣ်လၢအပူၤဖျဲးဒီးအိၣ်ဘံၣ်အိၣ်ဘၢတဂၤဧၢ. နစံးလၢနဒိၣ်ထဲသိးဒီးကစၢ်ယွၤဒီးပှၤအဂၤလၢအလီၤဂာ်ဒီးနၤ တအိၣ်နီတဂၤဘၣ်. နဆိကမိၣ်တ့ၢ်လၢနတကဲထီၣ်ဘၣ်မုၣ်ကမဲတဂၤနီတစုမ့ၢ်ဂ့ၤ, နတတူၢ်ဘၣ်နဖိသံလံၤသံအတၢ်ကိၢ်တၢ်ဂီၤမ့ၢ်ဂ့ၤဘၣ်န့ၣ်လီၤ.

လံာ်ယဃ့းစက့လး 30:24

အန့ၣ်ဝံၤဒီးယကမၤဆူၣ်ထီၣ်ကီၢ်ဘၤဘူၤလိၣ်အစီၤပၤအစုဒုၣ်တဖၣ် ဒီးပာ်လီၤယနးလၢအစုပူၤန့ၣ်လီၤ. ဘၣ်ဆၣ်ယကမၤကၢ်ကွံာ်ကီၢ်အဲၤကူပတူးအစီၤပၤအစု ဒုၣ်တဖၣ်ဒီးအဝဲကကအုကစွါဒီးသံကွံာ်လၢအဒုၣ်အဒါတဖၣ် အမဲာ်ညါန့ၣ်လီၤ.

လံာ်ယိၤအ့လး 2:27

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယအိၣ်လၢသုကျါ, ဒီးယၤ, ယွၤ, မ့ၢ်သုကစၢ်ယွၤ ဒီးယွၤအဂၤတအိၣ်နီတဂၤဘၣ်လီၤ. ယပှၤဂီၢ်မုၢ်တဘၣ်တၢ်ဒုၣ်ဒွဲၣ်ကဒီးအီၤနီတစုလၢၤဘၣ်.

လံာ်ယိၤဟၣ် 1:1

လၢထံးလၢသီန့ၣ်, တၢ်ကလုၢ်အိၣ်တ့ၢ်ဝဲ, တၢ်ကလုၢ်န့ၣ်အိၣ်ဝဲဒီးကစၢ်ယွၤဒီးတၢ်ကလုၢ်န့ၣ် မ့ၢ်တၢ်တမံၤဃီဒီးကစၢ်ယွၤန့ၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်သိၣ်လီၤသီလီၤတၢ် 4:35

ယွၤဒုးနဲၣ်တ့ၢ်တၢ်အံၤမ့ၢ်ဒ်သိးကအုၣ်အသးလၢသုမဲာ်ညါလၢထဲ အဝဲတဂၤဧိၤမ့ၢ်ကစၢ်ယွၤဒီးကစၢ်အဂၤတအိၣ်ဘၣ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 4:39

မၤသးဒ်န့ၣ်ဒီး, သ့ၣ်နီၣ်ထီၣ်မုၢ်တနံၤအံၤဒီးသးပ့ၤနီၣ်အီၤ နီတစုတဂ့ၤ. ယွၤန့ၣ်မ့ၢ်ကစၢ်ယွၤလၢမူခိၣ်ဒီးလၢဟီၣ်ခိၣ်အံၤန့ၣ်လီၤ. ကစၢ်အဂၤတအိၣ်ဘၣ်.