လံာ်ယၡါယၤ 45:3 - Sgaw Karen Common Bible

³ ယကဟ့ၣ်လီၤနၤတၢ်လုၢ်ဒိၣ်ပှ့ၤဒိၣ်တဖၣ်လၢ တၢ်လီၢ်ခူသူၣ်ခံးသူတဖၣ်အပူၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤ ဒီးအံၣ်စရ့လးအကစၢ်ယွၤလၢအကိးတ့ၢ်နၤလၢနမံၤန့ၣ်လီၤ.

လံာ်ယၡါယၤ 45:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:17

လၢတၢ်န့ၣ်အဃိ, ယွၤ, အံၣ်စရ့လးအကစၢ်ယွၤဧၢ, တၢ်လၢနအၢၣ်လီၤတ့ၢ်နခ့နပှၤစီၤဒၤဝံးန့ၣ်, မ်အလၢထီၣ်ပှဲၤထီၣ်ခဲလၢာ်တက့ၢ်.

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်တၢ်ဟးထီၣ်ကွံာ် 33:12

စီၤမိၤၡ့စံးဘၣ်ကစၢ်ယွၤ, “နတဲတ့ၢ်ယၤလၢယကဘၣ်ဆှၢပှၤဂီၢ်မုၢ်ဆူကီၢ်အဝဲန့ၣ်န့ၣ်, မ့ၢ်ဝဲတီဝဲလီၤ. ဘၣ်ဆၣ်ဒီးနတတဲဘၣ်ယၤလၢနကမၢလီၤမတၤတဂၤဃုာ်ဒီးယၤလဲၣ်န့ၣ် ဘၣ်. နစံးတ့ၢ်လၢနသ့ၣ်ညါယၤဂ့ၤဂ့ၤဒီးဘၣ်နသးလၢယၤလီၤ.

လံာ်တၢ်ဟးထီၣ်ကွံာ် 33:17

ယွၤစံးဘၣ်စီၤမိၤၡ့, “ယကမၤဒ်နဃ့တ့ၢ်နဲအသိးလီၤ. အဂ့ၢ်ဒ်အံၤ, ယသ့ၣ်ညါနၤဂ့ၤဂ့ၤဒီးယဘၣ်သသူၣ်ဘၣ်သးလၢနၤလီၤ.”

လံာ်ယၡါယၤ 41:23

စံးဘၣ်တဲဘၣ်ပှၤတၢ်လၢကဟဲထီၣ်ဆူခံဆူညါတဖၣ်န့ၣ်တက့ၢ်. အန့ၣ်ဒီးပကသ့ၣ်ညါလၢသုမ့ၢ်ကစၢ်တဖၣ်လီၤ. မၤတၢ်အဂ့ၤတမံၤမံၤ, မ့တမ့ၢ်, ဟဲစိာ်တၢ်တတၢးတနါ တနီၤတက့ၢ်. မၤပှဲၤပှၤဒီးတၢ်ပျံၤတၢ်ဖုးဒီးတၢ်ကမၢကမၣ်တက့ၢ်.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 48:15

ယမ့ၢ်ပှၤတဂၤလၢအကတိၤတ့ၢ်တၢ်ဒီးကိးတ့ၢ်အီၤလီၤ. ယဆှၢထီၣ်တ့ၢ်အီၤဒီးဟ့ၣ်တ့ၢ်အီၤတၢ်မၤနၢၤလီၤ.

လံာ်ယၡါယၤ 49:1

ဒိကနၣ်ယၤတက့ၢ်, ပှၤကလုာ်တဖၣ်လၢအယံၤ, သုဝဲပှၤဂီၢ်မုၢ်တဖၣ်လၢအအိၣ်ဖးယံၤသ့ၣ်ဧၢ, တချုးလၢယအိၣ်ဖျဲၣ်ထီၣ်ဒံးဘၣ်ဒီးယွၤဃုထၢပာ်ထီၣ်တ့ၢ်ယၤလၢ ယကမ့ၢ်အခ့အပှၤလီၤ.

လံာ်ယံးရမံယၤ 41:8

ဘၣ်ဆၣ်ဒီး ပှၤအိၣ်ဆံဆဲၣ်ဂၤလၢ အကျါလၢ အစံးဘၣ် စီၤယံးၡမၤအ့လး, “ဝံသးစူၤ မၤသံပှၤတဂ့ၤ. ပအိၣ်ဒီး ဘုကၠူၣ်, ဘုမုယီၤ, သ့ၣ်စၤယံးအသိ, ဒီးကနဲစီလၢပပာ်ခူသူၣ်အီၤလၢ စံာ်ပျီတဖၣ်အပူၤန့ၣ်လီၤ.” လၢတၢ်န့ၣ်အဃိ, အဝဲပျဲပူၤဖျဲးကွံာ်ဝဲသ့ၣ်န့ၣ်လီၤ.

လံာ်ယံးရမံယၤ 50:26

လဲၤထီၣ်ဒုးအီၤလၢ ကိးကပၤဒဲးဒီးအိးထီၣ်ကွံာ်တၢ်လီၢ်တဖၣ်လၢ အဘုဟုတဖၣ်ဘၣ်တၢ်ပာ်ဖှိၣ်အီၤန့ၣ်တက့ၢ်. ပူၣ်ထီၣ်တၢ်ဂုာ်န့ၢ် တဖၣ်ဒ်ဘုဟုအပူၤတဖၣ်အသိးန့ၣ်တက့ၢ်. မၤဟးဂီၤကွံာ်ထံကီၢ်တက့ၢ်. ပာ်တီၢ်တၢ်နီတမံၤတဂ့ၤ.

လံာ်ယံးရမံယၤ 50:37

မ်တၢ်မၤဟးဂီၤကွံာ်အကသ့ၣ်တဖၣ်ဒီး အလ့ၣ်ကဟၣ်တဖၣ်တက့ၢ်. မ်တၢ်သံကဘၣ်အသုးဖိတဖၣ်လၢ အဒိးလဲဝဲတက့ၢ်. အဝဲသ့ၣ် အဂံၢ်အဘါကစၢ်ဆံးဒိၣ်လဲၣ်. မ်တၢ်မၤဟးဂီၤကွံာ်အတၢ်လုၢ်ဒိၣ်ပှ့ၤဒိၣ်တဖၣ်, ဒီးဂုာ်ဆူၣ်ပျီဆူၣ်ဒီး ဟံးန့ၢ်ဆူၣ်အီၤတက့ၢ်.

လံာ်ယံးရမံယၤ 51:13

ထံကီၢ်အဝဲန့ၣ်အိၣ်ဒီးအထံကျိတဖၣ်ဒီး အတၢ်ထူးတၢ်တီၤတဖၣ် အါမးဘၣ်ဆၣ်, အတၢ်ဆၢကတီၢ်လၢာ်ကွံာ်လံ, ဒီးအသးသမူအလုၣ်ဖျ့ဘၣ်တၢ်မၤထီၣ်တဲာ်ကွံာ်အီၤလံ.

လံာ်ယံးရမံယၤ 51:53

ကီၢ်ဘၤဘူၤလိၣ်လဲၤ ထီၣ်ဆူမူကပိာ်လိၤဒီးဘှီထီၣ်တိာ်ဂံၢ်ဆူၣ် ဘါဆူၣ်တဖျၢၣ်ဖဲန့ၣ်မ့ၢ်သ့ဒၣ်လဲာ်, ယကမၢလီၤဒံးပှၤဂီၢ်မုၢ်လၢ ကမၤဟးဂီၤအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”