လံာ်ယၡါယၤ 45:25 - Sgaw Karen Common Bible

²⁵ ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယၡါယၤ 45:25 Iomraidhean Croise

လံာ်စီၤပၤအခီၣ်ထံးတဘ့ၣ် 8:32

အိယွၤဧၢ, ဒိကနၣ်လၢ်လၢမူခိၣ်ဒီးစံၣ်ညီၣ်နခ့နပှၤတဖၣ်န့ၣ်တ က့ၢ်. စံၣ်ညီၣ်ဃၣ်ပှၤလၢအတၢ်ကမၣ်အိၣ်တဂၤဒ်အကြၢးဒိးဘၣ်ဝဲအသိးဒီး ပျၢ်ဖျဲးကွံာ်ပှၤတဂၤလၢအတၢ်ကမၣ်တအိၣ်ဘၣ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:13

သုဝဲပှၤလီၤစၢၤလီၤသွဲၣ်လၢကစၢ်ယွၤအခ့အပှၤစီၤအံၣ်စရ့လး, ပှၤလၢကစၢ်ယွၤဃုထၢဝဲတဂၤ, စီၤယၤကိာ်အဖိအလံၤသ့ၣ်ဧၢ,

စံးထီၣ်ပတြၢၤ 22:23

“စံးထီၣ်ပတြၢၤအီၤ, သုဝဲပှၤလၢအမ့ၢ်ယွၤအခ့အပှၤသ့ၣ်ဧၢ, မၤလၤကပီၤအီၤ, သုဝဲပှၤလၢ အလီၤစၢၤလၢစီၤယၤကိာ်သ့ၣ်ဧၢ, ဘူၣ်ထီၣ်ဘါထီၣ်အီၤ, သုဝဲပှၤအံၣ်စရ့လးဖိသ့ၣ်ဧၢ,

စံးထီၣ်ပတြၢၤ 64:10

မ်ပှၤတီပှၤလိၤသးခုလၢယွၤအပူၤ ဒီးအိၣ်ပူၤဖျဲးလၢအပူၤန့ၣ်တက့ၢ်. မ်ပှၤလၢအအိၣ်ဒီးတၢ်သူၣ်တီသးလိၤ မၤလၤကပီၤအပီၤအီၤလၢ အသးပူၤတက့ၢ်. စံးထီၣ်ပတြၢၤအီၤတက့ၢ်.

လံာ်ယၡါယၤ 26:2

အိးထီၣ်ဝ့ၢ်အတြဲၤတဖၣ် ဒီးပျဲပှၤအတီအလိၤတကလုာ်လဲၤနုာ်ဝဲ, ပှၤတကလုာ်လၢအပှၤဂီၢ်မုၢ်မၤတၢ်တီတၢ်လိၤ န့ၣ်တက့ၢ်.

လံာ်ယၡါယၤ 28:5

မုၢ်တနံၤဟဲဝဲဖဲယွၤသ့တၢ်လၢာ်ကလီၤဂာ်ဒ်တၢ်လၤကပီၤခိၣ်ကျီၤဖီတခါအသိး လၢအပှၤဂီၢ်မုၢ်လၢအအိၣ်မူတ့ၢ်တဖၣ်အဂီၢ်လီၤ.

လံာ်ယၡါယၤ 41:16

နကကွံာ်ထီၣ်အဝဲသ့ၣ်လၢကလံၤကျါဒီးကလံၤကစိာ်ကွံာ်အဝဲသ့ၣ် လီၤ. ဒီးကလံၤမုၢ်ကမၤပြံမၤပြါအဝဲသ့ၣ်န့ၣ်လီၤ. အန့ၣ်ဒီး, နကသူၣ်ခုသးခုမ့ၢ်လၢယမ့ၢ်နကစၢ်ယွၤအဃိန့ၣ်လီၤ. နကစံးထီၣ်ပတြၢၤယၤ, အံၣ်စရ့လးအကစၢ်ယွၤစီဆှံအံၤလီၤ.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 45:19

ယတကတိၤတၢ်လၢတၢ်ခူသူၣ်အပူၤ ဒီးပာ်ခူသူၣ်ယတၢ်တိာ်န့ၣ်ဘၣ်. ယတမၤလိာ်ယပှၤဂီၢ်မုၢ်အံၣ်စရ့လးလၢကဃုထံၣ်န့ၢ်ယၤလၢတၢ်လီၢ် သယုၢ်အိၣ်ကလီတတီၤအပူၤန့ၣ်ဘၣ်. ယဲဒၣ်အံၤယမ့ၢ်ယွၤဒီးယကတိၤတၢ်မ့ၢ်တၢ်တီလီၤ. ယဒုးသ့ၣ်ညါတ့ၢ်တၢ်လၢအဘၣ်န့ၣ်လီၤ.

လံာ်ယၡါယၤ 45:24

အဝဲသ့ၣ်ကစံးဝဲလၢ, တၢ်မၤနၢၤဒီးတၢ်ဂံၢ်တၢ်ဘါန့ၣ်တၢ်ထံၣ် န့ၢ်အီၤခီဖျိဒၣ်ထဲလၢယၤတဂၤဧိၤန့ၣ်လီၤ. မ့မ့ၢ်ပှၤလၢအသးဟ့ယၤခဲလၢာ် ကတူၢ်ဘၣ်တၢ်မဲာ်ဆှးလီၤ.

လံာ်ယၡါယၤ 50:8

အဂ့ၢ်ဒ်အံၤ, ကစၢ်ယွၤအိၣ်ဘူးဒီးယၤ, ဒီးအဝဲကဒုးနဲၣ်ဖျါဝဲလၢယတၢ်ကမၣ်တအိၣ်ဘၣ်လီၤ. ပှၤလိာ်ကွီၢ်ထီဒါယၤဘူၣ်ကအိၣ်တဂၤဂၤဧါ. မ်ပကလဲၤသကိးဆူကွီၢ်ဘျီၣ်တက့ၢ်. မ်အဟဲစိာ်အတၢ်လိာ်ဘၢလိာ်ကွီၢ်အဂ့ၢ်တက့ၢ်.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်ယၡါယၤ 60:19

မုၢ်တမ့ၢ်လၢၤနတၢ်ကပီၤလၢမုၢ်ဆါမ့ၢ်ဂ့ၤ, လါတမ့ၢ်လၢၤနတၢ်ကပီၤလၢမုၢ်နၤခီမ့ၢ်ဂ့ၤလၢၤဘၣ်. ယၤ, ယွၤအံၤ, ကမ့ၢ်နတၢ်ကပီၤအထူအယိာ်, ဒီးယလၤကပီၤအတၢ်ကပီၤန့ၣ် ကကပီၤထီၣ်လၢနဖီခိၣ်လီၤ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:9

အဝဲသ့ၣ်အမံၤကဟူသၣ်ကဖျါလၢ ပှၤကလုာ်တဖၣ်အကျါ, ပှၤတဂၤလၢ်လၢ်လၢအထံၣ်အဝဲသ့ၣ်န့ၣ် ကသ့ၣ်ညါဝဲလၢ အဝဲသ့ၣ်မ့ၢ်ပှၤဂီၢ်မုၢ်တဖုလၢ ယဆိၣ်ဂ့ၤတ့ၢ်လံအီၤန့ၣ်လီၤ.”

လံာ်ယၡါယၤ 65:23

တၢ်မၤလၢအမၤဝဲန့ၣ်ကကဲထီၣ်လိၣ်ထီၣ်ဝဲဒီးအဝဲသ့ၣ်အဖိတဖၣ် တကွၢ်ဆၢၣ်မဲာ်ဘၣ်တၢ်တတၢးတနါဘၣ်. ယကဆိၣ်ဂ့ၤအဝဲသ့ၣ်ဒီး အစၢၤအသွဲၣ်တဖၣ်လၢတၢ်ဆၢကတီၢ်လၢကဟဲဝဲကိးအကတီၢ် ဒဲးန့ၣ်လီၤ.

လံာ်ယၡါယၤ 65:9

ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

မၤတၢ် 13:39

ဒီးလၢပှၤစူၢ်က့ၤနာ်က့ၤအီၤကိးဂၤဒဲးန့ၣ်, ဘၣ်တၢ်ဒုးထူၣ်ဖျဲးထီၣ်ကွံာ်အီၤလၢတၢ်ဒဲးဘးခဲလၢာ်လၢစီၤ မိၤၡ့အတၢ်သိၣ်တၢ်သီဒုးထူၣ်ဖျဲးထီၣ်ကွံာ်အီၤတသ့ဘၣ်အဂ့ၢ် န့ၣ်လီၤ.

ရိမ့ၤ 4:16

ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 8:30

ဒီးလၢတၢ်န့ၣ်အဃိ ကစၢ်ယွၤကိးထီၣ်ပှၤလၢအပာ်လီၤ ဆီတ့ၢ်လံဝဲတဖၣ်, ဒီးပှၤတဖၣ်လၢအကိးထီၣ်ဝဲန့ၣ်အဝဲဒၣ် ပာ်တီပာ်လိၤဝဲဒီးအီၤ, ဒီးပှၤတဖၣ်လၢအပာ်တီပာ်လိၤ ဝဲန့ၣ်ဟ့ၣ်နီၤလီၤဝဲလၢအလၤအကပီၤစ့ၢ်ကီးန့ၣ်လီၤ.

1 ကရံၣ်သူး 1:31

လၢတၢ်န့ၣ်အဃိ, ဒ်တၢ်ကွဲးအသးစီဆှံစံးဝဲအသိးန့ၣ် “ပှၤတဂၤလၢ်လၢ်လၢအအဲၣ်ဒိးကတိၤဒိၣ်ကတိၤသွါတၢ်န့ၣ် ကဘၣ်ကတိၤဒိၣ်ကတိၤသွါတၢ်ဘၣ်ဃးတၢ်လၢကစၢ်မၤတ့ၢ်ဝဲန့ၣ် လီၤ.”

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

၂ ကရံၣ်သူး 10:17

ဘၣ်ဆၣ်ဒီး, ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအအဲၣ်ဒိးကတိၤတၢ်ကဖၢလၢန့ၣ်, မ်အကတိၤတၢ်ကဖၢလၢလၢတၢ်လၢကစၢ်မၤတ့ၢ်ဝဲအဂ့ၢ်န့ၣ် တက့ၢ်.”

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ကလၤတံ 6:14

မ့မ့ၢ်ယဲဒၣ်အံၤ, ယကပာ်ကဖၢလၢယသးထဲဒၣ်လၢပကစၢ် ယ့ၣ်ၡူးခရံာ်အထူၣ်စုညါအဃိလီၤ. အဂ့ၢ်ဒ်အံၤ, ခီဖျိလၢ အထူၣ်စုညါန့ၣ်, တၢ်ဘၣ်ဃးဒီးဟီၣ်ခိၣ်သံသဒၣ်ကွံာ်ယၤဒီး ယသံသဒၣ်ကွံာ်တၢ်ဘၣ်ဃးဒီးဟီၣ်ခိၣ်န့ၣ်လီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.