လံာ်ယၡါယၤ 45:24 - Sgaw Karen Common Bible

²⁴ အဝဲသ့ၣ်ကစံးဝဲလၢ, တၢ်မၤနၢၤဒီးတၢ်ဂံၢ်တၢ်ဘါန့ၣ်တၢ်ထံၣ် န့ၢ်အီၤခီဖျိဒၣ်ထဲလၢယၤတဂၤဧိၤန့ၣ်လီၤ. မ့မ့ၢ်ပှၤလၢအသးဟ့ယၤခဲလၢာ် ကတူၢ်ဘၣ်တၢ်မဲာ်ဆှးလီၤ.

လံာ်ယၡါယၤ 45:24 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စံးထီၣ်ပတြၢၤ 110:2

ယွၤကမၤလဲၢ်ထီၣ်နစီၤပၤအစိကမီၤ စးထီၣ်လၢစံယိၣ်န့ၣ်လီၤ. အဝဲစံးဝဲ, “ပၢတၢ်လၢနဒုၣ်နဒါတဖၣ်အဖီခိၣ်တက့ၢ်.”

စံးထီၣ်ပတြၢၤ 71:16

ယကလဲၤတၢ်လၢကစၢ်ယွၤအဂံၢ်အဘါလီၤ. ယကစံးလၢနတၢ်တီတၢ်လိၤ, ထဲနဝဲဧိၤလီၤ.

စံးထီၣ်ပတြၢၤ 72:9

မ်ပှၤပှၢ်လၢ်ကျါဖိကဆုးလီၤအခိၣ်လၢအမဲာ်ညါ, ဒီးအဒုၣ်အဒါတဖၣ်ကလ့ၣ် ဟီၣ်ခိၣ်အကမူၣ်န့ၣ်တက့ၢ်.

စံးထီၣ်ပတြၢၤ 89:17

နဟ့ၣ်ပှၤလၢ တၢ်မၤနၢၤဖးဒိၣ်တဖၣ် ဒီးလၢနတၢ်အဲၣ်အပူၤန့ၣ် နဒုးမၤနၢၤပှၤတၢ်န့ၣ်လီၤ.

လံာ်ယၡါယၤ 26:4

နာ်ယွၤတဘိယူၢ်ဃီတက့ၢ်. ဒီးအဝဲကဒီဒၣ်အိၣ်ပှိၤပှၤထီဘိလီၤ.

လံာ်ယၡါယၤ 41:11

ပှၤလၢအသးထီၣ်ဘၣ်သုတဖၣ်ကသ့ၣ်ညါဘၣ်တၢ်ဃၣ်ကွံာ်အတၢ်မဲာ်ဆှး န့ၣ်လီၤ. ပှၤလၢအဒုးတၢ်ထီဒါသုတဖၣ်ကသံဝဲလီၤ.

လံာ်ယၡါယၤ 44:8

ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ, အဂ့ၢ်ဒ်အံၤ, သုသ့ၣ်ညါလၢ, လၢပျၢၤလံၤလံၤဒီး တုၤလီၤခဲအံၤန့ၣ်, ယကတိၤဆိပာ်စၢၤတ့ၢ်တၢ်လၢအကမၤအသး ခဲလၢာ်န့ၣ်လီၤ. ဒီးသုမ့ၢ်ယပှၤအုၣ်အသးတဖၣ်လီၤ. မ့ၢ်ကစၢ်အဂၤအိၣ်ဒံးတဂၤဂၤဧါ. မ့ၢ်ကစၢ်တနီၤနီၤလၢအစိကမီၤဒိၣ်ဝဲလၢယတနၢ်ဟူတ့ၢ်ဘၣ်အဂ့ၢ် အိၣ်ဒံးဝဲတဂၤဂၤဧါ.”

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယၡါယၤ 55:5

ခဲအံၤ, သုကကိးဖှိၣ်ထံဂုၤကီၢ်ဂၤအပှၤကလုာ်တဖၣ်လီၤ. တဘျီန့ၣ်, အဝဲသ့ၣ်တသ့ၣ်ညါသုဘၣ်. ဘၣ်ဆၣ်ဒီးခဲအံၤ, အဝဲသ့ၣ်ကဟဲဃ့ၢ် ပာ်ဖှိၣ်အသးဒီးသုလီၤ. ယၤ, ယွၤ, သုကစၢ်ယွၤ, အံၣ်စရ့လးအကစၢ်ယွၤစီဆှံ ကမၤကဲထီၣ်လိၣ်ထီၣ်တၢ်သ့ၣ်တဖၣ်အံၤခဲလၢာ်လီၤ. ယကဟ့ၣ်လီၤသုလၢတၢ်ဒိးဘၣ်တၢ်ယူးယီၣ် ဒီးတၢ်လၤကပီၤလီၤ.”

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 61:11

ဒ်တၢ်ချံတဖၣ်မဲထီၣ်ဒီးဒိၣ်ထီၣ်သပှၢ်ကတၢၢ်အသိး, ယွၤပၢဘၣ်တၢ်ခဲလၢာ်ကစၢ်ကအုၣ်က့ၤခီၣ်က့ၤ အပှၤဂီၢ်မုၢ်, ဒီးပှၤကလုာ်တဖၣ်ခဲလၢာ်ကစံးထီၣ်ပတြၢၤအီၤလီၤ.

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ဃဘးကူာ် 3:19

ယွၤသ့တၢ်လၢာ်ဟ့ၣ်ယၤတၢ်ဂံၢ်တၢ်ဘါလီၤ. မၤကျၢၤယခီၣ်ဒ်တၤဟိအသိးဒီးပၢၤဃာ်ယၤပူၤ ဒုၣ်ပူၤဒါလၢကစၢၢ်ကလိအလိၤန့ၣ်လီၤ.

လံာ်စကၤရယၤ 10:12

ယကဒုးဂံၢ်ဆူၣ်ဘါဆူၣ်ထီၣ်ယပှၤဂီၢ်မုၢ်, ဒီးအဝဲသ့ၣ်ကဘါထီၣ်ယၤဒီးစူၢ်ယၤလီၤ,” ယွၤကတိၤလံတၢ်လံ.

လံာ်စကၤရယၤ 10:6

“ယကဒုးဂံၢ်ဆူၣ်ဘါဆူၣ်ကီၢ်ယူဒၤအပှၤဂီၢ်မုၢ်, ယကမၤပူၤမၤဖျဲးကီၢ်အံၣ်စရ့လးအပှၤဂီၢ်မုၢ်လီၤ. ယကအိၣ်ဒီးတၢ်သးကညီၤဘၣ်အဝဲသ့ၣ်, ဒီးဟဲက့ၤစိာ်ကဒါက့ၤအဝဲသ့ၣ်ခဲလၢာ်ဆူဟံၣ်လီၤ. အဝဲသ့ၣ်ကမၤအသးဒ်ပှၤလၢယတညိကွံာ်တ့ၢ်ဘၣ်အီၤနီတဘျီအသိး န့ၣ်လီၤ. ယမ့ၢ်ယွၤ, အဝဲသ့ၣ်အကစၢ်ယွၤ, ယကစံးဆၢအဝဲသ့ၣ်အတၢ်ထုကဖၣ်တဖၣ် လီၤ.

လံာ်စကၤရယၤ 12:5

အန့ၣ်ဒီးကီၢ်ယူဒၤအဒူၣ်ထၢတဖၣ်ကစံးလိာ်အသးတဂၤဒီးတဂၤ, ယွၤ, သ့တၢ်လၢာ်ကစၢ်ယွၤဟ့ၣ်လီၤအပှၤဂီၢ်မုၢ်လၢအအိၣ်လၢဝ့ၢ်ယရူၤ ၡလ့ၣ်အပူၤတဖၣ်လၢတၢ်ဂံၢ်တၢ်ဘါလံ.

လံာ်စကၤရယၤ 8:23

လၢမုၢ်နံၤတဖၣ်အပူၤန့ၣ်, တခီဘီမုၢ်ဖိအဂၤတဆံကဟဲဆူပှၤယူဒၤဖိတဂၤအအိၣ်ဒီးစံး, ပအဲၣ်ဒိးလဲၤသကိးဃုာ်တၢ်ဒီးသု, ဆူတၢ်လီၢ်လၢသုကလဲၤတုၤဃီၤသပှၢ်ကတၢၢ်, မ့ၢ်လၢပနၢ်ဟူတ့ၢ်လၢကစၢ်ယွၤအိၣ်ဒီးသုအဃိန့ၣ်လီၤ.”

လံာ်လူၤကၣ် 13:17

လၢယ့ၣ်ၡူးအတၢ်စံးဆၢတထံၣ်အံၤအဃိ, အဒုၣ်အဒါခဲလၢာ်အမဲာ်ဆှးလီၤက့ၤအသး, မ့မ့ၢ်, ပှၤဂီၢ်မုၢ်ခဲလၢာ်သူၣ်ဖှံသးညီလၢကယဲၢ်တၢ်မၤ လီၤလိၢ်လီၤလးလၢအမၤတ့ၢ်ဝဲတဖၣ်အဃိန့ၣ်လီၤ.

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”

လံာ်ယိၤဟၣ် 12:32

ဖဲယဘၣ်တၢ်ယူာ်ထီၣ်ယၤလၢဟီၣ်ခိၣ်အံၤဒီး, ယကထုးဖှိၣ်ပှၤခဲလၢာ်ဆူယအိၣ်လီၤ.

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

အ့းဖ့းစူး 3:16

ယဃ့ထုကဖၣ်ကစၢ်ယွၤ, ဒ်အလၤကပီၤထူးတီၤဝဲအသိးလၢအကဟ့ၣ်လီၤသုတၢ်စိတၢ် ကမီၤခီဖျိယွၤအသးဒ်သိးသုသးအဂံၢ်အဘါကဆူၣ်ထီၣ်ဝဲ အဂီၢ်,

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

လံာ်လီၣ်ဖျါ 11:18

ပှၤကလုာ်ဂၤတဖၣ်သူၣ်ဒိၣ်သးဖျိးဝဲ, အဂ့ၢ်မ့ၢ်လၢနတၢ်သးထီၣ် အဆၢကတီၢ်ဟဲတုၤဝဲလံ, ဆၢကတီၢ်လၢပှၤသံ ကဘၣ်တၢ်စံၣ်ညီၣ်အီၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကဟ့ၣ်ခိၣ်ဖး ဆူနခ့နပှၤတဖၣ်, ဝံတဖၣ်, ဒီးနပှၤဂီၢ်မုၢ်ခဲလၢာ်, ပှၤကိးဂၤဒဲးလၢအအိၣ်ဒီး တၢ်ယူးယီၣ်ပာ်ကဲနၤတဖၣ်, ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကမၤဟးဂီၤကွံာ် ပှၤတဖၣ်လၢအမၤဟးဂီၤဟီၣ်ခိၣ်န့ၣ်လီၤ.”

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.