လံာ်ယၡါယၤ 45:22 - Sgaw Karen Common Bible

²² ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 45:22 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:12

နမ့ၢ်ပကစၢ်ယွၤလီၤ. စံၣ်ညီၣ်အဝဲသ့ၣ်တက့ၢ်. အဂ့ၢ်ဒ်အံၤ, လၢသုးမုၢ်ဖးဒိၣ်လၢအဟဲထီၣ်ဒုးပှၤအမဲာ်ညါန့ၣ်, ပမၤစၢၤလီၤက့ၤပသးတဘၣ်ဘၣ်. ပကဘၣ်မၤတၢ်မနုၤလဲၣ်န့ၣ်ပတသ့ၣ် ညါဘၣ်. မ့မ့ၢ်ပကွၢ်ထီၣ်တၢ်ဆူနအိၣ်လၢတၢ်မၤစၢၤအဂီၢ်န့ၣ်လီၤ.”

စံးထီၣ်ပတြၢၤ 22:17

ယဃံယကွဲအိၣ်ဖျါကိးဘိဒဲး ယဒုၣ်ယဒါတဖၣ်ကွၢ်ယၤဒီးကွၢ်စူၣ်ယၤလီၤ.

စံးထီၣ်ပတြၢၤ 22:28

ယွၤမ့ၢ်စီၤပၤ ဒီးပၢပှၤကိးကလုာ်ဒဲးန့ၣ်လီၤ.

စံးထီၣ်ပတြၢၤ 65:5

နစံးဆၢပှၤခီဖျိနဟ့ၣ်ပှၤတၢ်မၤနၢၤ ဒီးနမၤတၢ်လီၤလးတဖၣ်လၢပတၢ်ပူၤဖျဲးအဂီၢ်လီၤ. ပှၤကလုာ်လၢဟီၣ်ခိၣ်ချၢခဲလၢာ် ဒီးလၢပီၣ်လဲၣ်ပီၣ်တြီၤသ့ၣ်တဖၣ် သန့ၤအသးလၢနၤလီၤ.

စံးထီၣ်ပတြၢၤ 65:6

နပာ်လီၤကစၢၢ်ကလိသ့ၣ်တဖၣ်လၢအလီၢ်ဒၣ်ဝဲ ခီဖျိနဂံၢ်နဘါ, ပာ်ဖျါထီၣ်နတၢ်စိတၢ်ကမီၤဖးဒိၣ်န့ၣ်လီၤ.

လံာ်ယၡါယၤ 30:15

ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 41:22

ဟဲဖဲအံၤဒီးတဲဆိပာ်စၢၤတၢ်လၢအကမၤအသး, ဒ်သိးပကသ့ၣ်ညါအီၤဖဲအမၤအသးအဆၢကတီၢ်န့ၣ်တက့ၢ်. တၢ်လၢအမၤအသးလၢအပူၤကွံာ်တဖၣ်အဂ့ၢ်န့ၣ်တဲဖျါထီၣ်လၢကွီၢ် ဘျီၣ်အပူၤတက့ၢ်. ဒီးတဲပှၤအခီပညီမ့ၢ်တၢ်မနုၤလဲၣ်န့ၣ်တက့ၢ်.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 45:21

ဟဲဒီးပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ်ပူၤတက့ၢ်. ပျဲပှၤဒီဒၣ်လီၤက့ၤအသးတဖၣ်ကူၣ်လိာ်သကိးအသးတဂၤဒီးတဂၤတ က့ၢ်. မ့ၢ်မတၤကတိၤဆိပာ်လၢအပူၤကွံာ်ယံာ်တ့ၢ်မးလံလၢတၢ်မနုၤ မနုၤကမၤအသးန့ၣ်တဂၤလဲၣ်. တမ့ၢ်ယၤ, ယွၤ, ကစၢ်ယွၤလၢအအုၣ်က့ၤခီၣ်က့ၤ အပှၤဂီၢ်မုၢ်န့ၣ်ဘၣ်ဧါ. ကစၢ်အဂၤတအိၣ်ဘၣ်.

လံာ်ယၡါယၤ 45:5

ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 52:10

ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်ယၡါယၤ 55:5

ခဲအံၤ, သုကကိးဖှိၣ်ထံဂုၤကီၢ်ဂၤအပှၤကလုာ်တဖၣ်လီၤ. တဘျီန့ၣ်, အဝဲသ့ၣ်တသ့ၣ်ညါသုဘၣ်. ဘၣ်ဆၣ်ဒီးခဲအံၤ, အဝဲသ့ၣ်ကဟဲဃ့ၢ် ပာ်ဖှိၣ်အသးဒီးသုလီၤ. ယၤ, ယွၤ, သုကစၢ်ယွၤ, အံၣ်စရ့လးအကစၢ်ယွၤစီဆှံ ကမၤကဲထီၣ်လိၣ်ထီၣ်တၢ်သ့ၣ်တဖၣ်အံၤခဲလၢာ်လီၤ. ယကဟ့ၣ်လီၤသုလၢတၢ်ဒိးဘၣ်တၢ်ယူးယီၣ် ဒီးတၢ်လၤကပီၤလီၤ.”

လံာ်ယၡါယၤ 55:6

ဃၣ်သုသးဆူယွၤအအိၣ်ဒီးဖဲအအိၣ်ဘူးအဖၢမုၢ်အံၤန့ၣ်ဘါ ထုကဖၣ်တၢ်ဆူအအိၣ်တက့ၢ်.

လံာ်ယၡါယၤ 60:3

ပှၤကလုာ်တဖၣ်ကဘၣ်တၢ်ထုးန့ၣ်အီၤဆူနတၢ်ကပီၤအပူၤ, ဒီးစီၤပၤတဖၣ်ဆူနမုၢ်နံၤအသီအမုၢ်ဆ့ၣ်ဝါထီၣ်န့ၣ်လီၤ.

လံာ်ယၡါယၤ 66:18

ယသ့ၣ်ညါအဝဲသ့ၣ်အတၢ်ဆိကမိၣ်တဖၣ်ဒီးအတၢ်မၤတဖၣ် န့ၣ်လီၤ. ယဟဲယဲဒ်သိးယကပာ်ဖှိၣ်ကယဲၢ်ပှၤကလုာ်တဖၣ် အပှၤဂီၢ်မုၢ်န့ၣ်လီၤ. ဖဲအဝဲသ့ၣ်ဟဲပာ်ဖှိၣ်အသးခဲလၢာ်န့ၣ်, အဝဲသ့ၣ်ကထံၣ်ယတၢ်စိကမီၤမၤတၢ်မနုၤသ့,

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ဟိၤၡ့ 13:4

ယွၤစံးဝဲဒၣ်, ယမ့ၢ်ယွၤ. နကစၢ်ယွၤလၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤန့ၣ်လီၤ. လၢယၤအမဲာ်ညါနတအိၣ်ဒီးကစၢ်ယွၤအဂၤနီတဂၤဘၣ်. ထဲယၤတဂၤဧိၤယမ့ၢ်ပှၤလၢအအုၣ်က့ၤခီၣ်က့ၤနၤလီၤ.

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်ယိၤဟၣ် 6:40

အဂ့ၢ်ဒ်အံၤ, ယပၢ်အတၢ်ဘၣ်အသးမ့ၢ်ဒ်သိးကယဲၢ်ပှၤလၢ အထံၣ်ဖိခွါဒီးစူၢ်က့ၤနာ်က့ၤအီၤတဂၤလၢ်လၢ် ကဒိးန့ၢ်ဘၣ်တၢ်မူအထူအယိာ်န့ၣ်လီၤ. ဒီးယကဒုးဂဲၤဆၢထၢၣ်က့ၤအဝဲသ့ၣ်ဆူတၢ်မူလၢ မုၢ်နံၤခံကတၢၢ်န့ၣ်လီၤ.”

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,