လံာ်ယၡါယၤ 45:21 - Sgaw Karen Common Bible

²¹ ဟဲဒီးပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ်ပူၤတက့ၢ်. ပျဲပှၤဒီဒၣ်လီၤက့ၤအသးတဖၣ်ကူၣ်လိာ်သကိးအသးတဂၤဒီးတဂၤတ က့ၢ်. မ့ၢ်မတၤကတိၤဆိပာ်လၢအပူၤကွံာ်ယံာ်တ့ၢ်မးလံလၢတၢ်မနုၤ မနုၤကမၤအသးန့ၣ်တဂၤလဲၣ်. တမ့ၢ်ယၤ, ယွၤ, ကစၢ်ယွၤလၢအအုၣ်က့ၤခီၣ်က့ၤ အပှၤဂီၢ်မုၢ်န့ၣ်ဘၣ်ဧါ. ကစၢ်အဂၤတအိၣ်ဘၣ်.

လံာ်ယၡါယၤ 45:21 Iomraidhean Croise

စံးထီၣ်ပတြၢၤ 26:7

ယသးဝံၣ်တၢ်စံးထီၣ်ပတြၢၤအတၢ်သးဝံၣ် ဒီးတဲဖျါထီၣ်နတၢ်မၤလီၤလးခဲလၢာ်လီၤ.

စံးထီၣ်ပတြၢၤ 83:18

မ်အဝဲသ့ၣ်, သ့ၣ်ညါလၢထဲနၤတဂၤဧိၤန့ၣ်နမ့ၢ်ယွၤ, ပှၤပၢတၢ်အဒိၣ်ကတၢၢ်လၢဟီၣ်ခိၣ်ချၢန့ၣ်တက့ၢ်.

စံးထီၣ်ပတြၢၤ 96:10

စံးဘၣ်ပှၤကလုာ်ခဲလၢာ် “ယွၤမ့ၢ်စီၤပၤလီၤ. ဟီၣ်ခိၣ်ဘၣ်တၢ်ပာ်လီၤဂၢၢ်ကျၢၤအီၤလၢ အလီၢ်ဒၣ်ဝဲအပူၤ ဒီးတၢ်မၤဟူးဝးအီၤတသ့ဘၣ်. အဝဲကစံၣ်ညီၣ်ပှၤဂီၢ်မုၢ်လၢတၢ်စံၣ်ညီၣ်တီလီၤ.”

လံာ်ယၡါယၤ 19:20

အဝဲသ့ၣ်ကမ့ၢ်တၢ်ပနီၣ်တဖၣ်လၢယွၤသ့တၢ်လၢာ်ကစၢ်အတၢ် အိၣ်လၢကီၢ်အဲၤကူပတူးအပူၤအဂ့ၢ်န့ၣ်လီၤ. ဖဲပှၤအိၣ်ဖဲန့ၣ်တဖၣ် ဘၣ်တၢ်မၤအၢမၤနးအီၤဒီးကိးထီၣ်ယွၤလၢ တၢ်မၤစၢၤအဂီၢ်န့ၣ်, အဝဲကဆှၢလီၤပှၤတဂၤဂၤလၢကမၤ ပူၤဖျဲးအဝဲသ့ၣ်န့ၣ်လီၤ.

လံာ်ယၡါယၤ 41:26

မ့ၢ်မတၤလၢသုကျါတဂၤဂၤကတိၤဆိပာ်လၢတၢ်အံၤကမၤအသး ဒ်သိးပစံးကသ့လၢသုတၢ်န့ၣ်ဘၣ်လီၤန့ၣ်လဲၣ်. သုတကတိၤတၢ်ကတိၤတဘီဒၣ်လဲာ်ဘၣ်ဃးဒီးတၢ်ဂ့ၢ်အံၤနီတဂၤဘၣ်. ပှၤတနၢ်ဟူသုကတိၤတၢ်နီတမံၤနီတဂၤဘၣ်.”

လံာ်ယၡါယၤ 43:11

ထဲယၤတဂၤဧိၤယမ့ၢ်ကစၢ်, ပှၤထဲတဂၤဧိၤလၢအအုၣ်က့ၤခီၣ်က့ၤသုသ့လီၤ.

လံာ်ယၡါယၤ 43:3

အဂ့ၢ်ဒ်အံၤ, ယမ့ၢ်ယွၤ, နကစၢ်ယွၤ, ကီၢ်အံၣ်စရ့လးအကစၢ်ယွၤစီဆှံလၢအအုၣ်က့ၤခီၣ်က့ၤနၤလီၤ. ယကဟ့ၣ်လီၤကွံာ်ကီၢ်အဲၤကူပတူးလၢနကထူၣ်ဖျဲးထီၣ်အဂီၢ်လီၤ. ယကဟ့ၣ်လီၤကွံာ်ကီၢ်ကူၤၡးဒီးကီၢ်စဘၤလၢ နလီၢ်လီၤ.

လံာ်ယၡါယၤ 43:9

ကိးဖှိၣ်ပှၤကလုာ်တဖၣ်လၢအကဟဲဆူတၢ်သမံသမိးအလီၢ်တက့ၢ်. မတၤလၢအဝဲသ့ၣ်အကစၢ်တဖၣ်အကျါကတိၤဆိပာ်စၢၤလၢခါဆူညါတၢ် ကမၤအသးအဂ့ၢ်သ့တဂၤဂၤလဲၣ်. မတၤလၢအဝဲသ့ၣ်အကျါတဲဆိပာ်တၢ်လၢအမၤအသးခဲအံၤန့ၣ်လဲၣ်. မ်ကစၢ်တဖၣ်အံၤကဟဲစိာ်နုာ်အပှၤအုၣ်အသးတဖၣ် လၢကဒုးနဲၣ်ဖျါလၢအဝဲသ့ၣ်အတၢ်ဘၣ်, ဒီးကအုၣ်အသးလၢအတၢ်ကတိၤတဖၣ်အတၢ်မ့ၢ်တၢ်တီန့ၣ်တက့ၢ်.

လံာ်ယၡါယၤ 45:14

ယွၤစံးဘၣ်ကီၢ်အံၣ်စရ့လး, “ကီၢ်အဲၤကူပတူးဒီးကီၢ်ကူၤၡးအတၢ်ထူးတၢ်တီၤတဖၣ်ကမ့ၢ်နတၢ်, ဒီးပှၤစဘၤဖိလၢအနီၢ်ဒိၣ်ထီတဖၣ်ကမ့ၢ်နကုၢ်နပှၤတဖၣ်လီၤ. အဝဲသ့ၣ်ကပိာ်နခံလၢတၢ်စၢဃာ်အထးသွဲတဖၣ်အပူၤလီၤ. အဝဲသ့ၣ်ကတီၤလီၤကဒွံကျိာ်လၢနမဲာ်ညါဒီး အၢၣ်လီၤဝဲလၢ, ကစၢ်ယွၤအိၣ်ဒီးနၤ, အဝဲမ့ၢ်ကစၢ်ယွၤထဲတဂၤဧိၤန့ၣ်လီၤ.

လံာ်ယၡါယၤ 45:18

ယွၤတ့လီၤပာ်လီၤမူခိၣ်မူကပိာ်လိၤ ဒီးအဝဲမ့ၢ်ပှၤတဂၤလၢအမ့ၢ်ကစၢ်ယွၤန့ၣ်လီၤ. အဝဲဒၣ်မၤအိၣ်ထီၣ်ဟီၣ်ခိၣ်အက့ၢ်အဂီၤ ဒီးတ့လီၤပာ်လီၤဝဲဒီးမၤအီၤခၢၣ်သနၢၣ် လီၤထူလီၤယိာ်လီၤ. တတ့လီၤဝဲလၢဟီၣ်ခိၣ်ကအိၣ်သယုၢ် အိၣ်ကလီအဂီၢ်ဘၣ်. မ့မ့ၢ်ဒ်သိးကကဲထီၣ်တၢ်လီၢ်လၢပှၤကအိၣ်လၢအပူၤအဂီၢ်လီၤ. အဝဲမ့ၢ်ပှၤလၢအစံးဝဲ, “ယဲဒၣ်အံၤယမ့ၢ်ယွၤဒီးကစၢ်အ ဂၤတအိၣ်ဘၣ်,” န့ၣ်လီၤ.

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယၡါယၤ 45:5

ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ.

လံာ်ယၡါယၤ 48:14

သုဝဲခဲလၢာ်, အိၣ်ဖှိၣ်ရိဖှိၣ်ဒီးဒိကနၣ်တၢ်တက့ၢ်. ပှၤလၢယဃုထၢတ့ၢ်အီၤတဂၤကဒုးဝ့ၢ်ဘၤဘူၤလိၣ်အဂ့ၢ်န့ၣ်, ကစၢ်အဂၤတဖၣ်ကတိၤဆိပာ်အီၤတသ့နီတဂၤဘၣ်. အဝဲကမၤတၢ်လၢယသးအိၣ်လၢအဝဲကမၤဝဲန့ၣ်လီၤ.

လံာ်ယၡါယၤ 48:3

ယွၤစံးဘၣ်ကီၢ်အံၣ်စရ့လး, “လၢပျၢၤလံၤလံၤယကတိၤဆိပာ်တ့ၢ် တၢ်လၢကမၤအသး, ဝံၤဒီးသတူၢ်ကလာ်ယဒုးကဲထီၣ်အီၤလီၤ.

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.

လံာ်ယၡါယၤ 63:1

ပှၤတဂၤလၢအဟဲလၢဝ့ၢ်ဘိးစရၤလၢကီၢ်အဒိၣ်အပူၤအံၤ မ့ၢ်မတၤလဲၣ်. မတၤတဂၤအံၤလၢကူသိးတၢ်အဂီၤလီၤကဟုကညီၢ်, လဲၤတၢ်လၢတၢ်စိကမီၤဒီးတၢ်ဂံၢ်ဆူၣ်ဘါဆူၣ်အပူၤန့ၣ်လဲၣ်. အဝဲမ့ၢ်ယွၤ, အိၣ်ဒီးအစိကမီၤလၢကအုၣ်က့ၤခီၣ်က့ၤတၢ်တဂၤ, ဟဲဝဲလၢကဘိးဘၣ်သ့ၣ်ညါအတၢ်မၤနၢၤအဂီၢ်လီၤ.

လံာ်ယံးရမံယၤ 50:2

တဲဘၣ်ပှၤကလုာ်တဖၣ်လၢ တၢ်ကစီၣ်တက့ၢ်. “တဲဖျါထီၣ်အီၤတက့ၢ်. ဟ့ၣ်လီၤတၢ်ပနီၣ်ဒီးဘိးဘၣ်သ့ၣ်ညါတၢ်ကစီၣ် တဖၣ်တက့ၢ်. တဘၣ်ပာ်အီၤဒ်တၢ်ခူသူၣ်တမံၤအသိးတဂ့ၤ. ကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်ဘၣ်တၢ်မၤမဲာ်ဆှးကွံာ်အီၤလံ. အတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်ဘၣ် တၢ်မၤလီၤသဘှံးကွံာ်အီၤလီၤ.

လံာ်ဟိၤၡ့ 13:4

ယွၤစံးဝဲဒၣ်, ယမ့ၢ်ယွၤ. နကစၢ်ယွၤလၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤန့ၣ်လီၤ. လၢယၤအမဲာ်ညါနတအိၣ်ဒီးကစၢ်ယွၤအဂၤနီတဂၤဘၣ်. ထဲယၤတဂၤဧိၤယမ့ၢ်ပှၤလၢအအုၣ်က့ၤခီၣ်က့ၤနၤလီၤ.

လံာ်စဖါနယၤ 3:17

ယွၤ, နကစၢ်ယွၤန့ၣ်အိၣ်ဒီးနၤလီၤ. အစိအကမီၤဟ့ၣ်နၤတၢ်မၤနၢၤလီၤ. ယွၤကသးခုလၢနဃိ ဒီးလၢအတၢ်အဲၣ်အဝဲကဟ့ၣ်နၤတၢ်အိၣ်မူအသီလီၤ. အဝဲကသးဝံၣ်တၢ်ဒီးသူၣ်ဖှံနသးညီလၢနဃိ,

လံာ်စဖါနယၤ 3:5

ဘၣ်ဆၣ်ယွၤအိၣ်ဒံးဝဲလၢဝ့ၢ်ပူၤ, မၤတၢ်လၢအဘၣ်ဒီးတၢ်လၢအကမၣ်န့ၣ်တမၤဝဲနီတစုဘၣ်. အဝဲဟဲစိာ်တၢ်တီတၢ်လိၤဆူအပှၤဂီၢ်မုၢ်အအိၣ်ကိးမုၢ်ဂီၤဒဲး ဒီးတလီၤတဲာ်တူာ်ဘၣ်. အန့ၣ်ဒၣ်လဲာ်ပှၤတတီတလိၤမၤဒံးတၢ် ကမၣ်ဒီးအမဲာ်တဆှးဘၣ်ဝဲဘၣ်.

လံာ်စကၤရယၤ 14:7

ဖဲန့ၣ်တၢ်ကပီၤကအိၣ်ဝဲဒၣ်ထီဘိ, လၢမုၢ်နၤခီအဆၢကတီၢ်ဒၣ်လဲာ်န့ၣ်လီၤ. တၢ်အံၤကမၤအသးအခါဖဲလဲၣ်န့ၣ်ပှၤလၢအသ့ၣ်ညါမ့ၢ်ဒၣ်ထဲယွၤတဂၤ ဧိၤလီၤ.

လံာ်စကၤရယၤ 14:9

အန့ၣ်ဒီးယွၤကကဲထီၣ်စီၤပၤလၢဟီၣ်ခိၣ်ဒီဘ့ၣ်ညါအဖီခိၣ်, ဒီးပှၤကိးဂၤဒဲးကဘူၣ်ထီၣ်ဘါထီၣ်အီၤဒ်ကစၢ်ယွၤအသိးဒီး ကသ့ၣ်ညါအီၤလၢအမံၤတယုၢ်ဃီန့ၣ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

မၤတၢ် 15:18

ကစၢ်လၢအဒုးသ့ၣ်ညါပှၤကညီ တၢ်ဂ့ၢ်တမံၤအံၤယံာ်တ့ၢ်လံတဂၤန့ၣ်, စံးဝဲဒ်န့ၣ်လီၤ.’ ”