လံာ်ယၡါယၤ 45:20 - Sgaw Karen Common Bible

²⁰ ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယၡါယၤ 45:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 25:15

တၢ်အံၤမၤသးဒိၣ်ထီၣ်ယွၤအဃိအဝဲဆှၢလီၤဝံတဂၤဆူ စီၤအမၤစယါအအိၣ်န့ၣ်လီၤ. ဝံန့ၣ်သံကွၢ်ဆူၣ်အီၤ, “နဘၣ်ဘူၣ်ထီၣ်ဘါထီၣ်ပှၤတခီဘီမုၢ်အကစၢ်တဖၣ်လၢ အအုၣ်က့ၤခီၣ်က့ၤဒၣ်လဲာ်အပှၤဂီၢ်မုၢ်ဒၣ်ဝဲလၢ နတၢ်စိတၢ်ကမီၤအပူၤတသ့န့ၣ်ဘၣ်မနုၤလဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 28:23

အဝဲလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူပှၤစူၤရံဖိတဖၣ်လၢ အမၤနၢၤတ့ၢ်အီၤအကစၢ်တဖၣ်လၢအမၤနၢၤတ့ၢ်အီၤအအိၣ်န့ၣ်လီၤ. အဝဲစံးဝဲ, “ပှၤစူၤရံဖိအကစၢ်တဖၣ်မၤစၢၤတ့ၢ်ကီၢ်စူၤရံ အစီၤပၤတဖၣ်, အဃိယမ့ၢ်လုၢ်ထီၣ်ပာ်ထီၣ်တၢ်ဆူ အဝဲသ့ၣ်အအိၣ်န့ၣ်, ဘၣ်သ့ၣ်သ့ၣ်, အဝဲသ့ၣ်ကမၤစၢၤယၤစ့ၢ်ကီး လီၤ.” တၢ်အံၤဟဲစိာ်တၢ်တတၢးတနါတဖၣ်လၢအဝဲအဖီခိၣ်ဒီးအပှၤကလုာ် အဖီခိၣ်န့ၣ်လီၤ.

စံးထီၣ်ပတြၢၤ 115:8

မ်ကယဲၢ်ပှၤလၢအတ့အဝဲသ့ၣ်ဒီးနာ်တၢ်လၢအပူၤန့ၣ် ကဲထီၣ်လီၤဂာ်ဒီးတၢ်ဂီၤတဖၣ်လၢ အဝဲသ့ၣ်တ့တ့ၢ်ဝဲန့ၣ်တက့ၢ်.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 41:21

ယွၤ, အံၣ်စရ့လးအစီၤပၤစံးတၢ်အံၤလီၤ. “သုဝဲပှၤကလုာ်တဖၣ်အကစၢ်တဖၣ်, ဟ့ၣ်ထီၣ်သုတၢ်ဂ့ၢ်တက့ၢ်. ဟဲစိာ်သုတၢ်ကတိၤဂ့ၢ်လိာ်အဂ့ၤကတၢၢ်တဖၣ်လၢအအိၣ်ဒီးသု တက့ၢ်.

လံာ်ယၡါယၤ 43:9

ကိးဖှိၣ်ပှၤကလုာ်တဖၣ်လၢအကဟဲဆူတၢ်သမံသမိးအလီၢ်တက့ၢ်. မတၤလၢအဝဲသ့ၣ်အကစၢ်တဖၣ်အကျါကတိၤဆိပာ်စၢၤလၢခါဆူညါတၢ် ကမၤအသးအဂ့ၢ်သ့တဂၤဂၤလဲၣ်. မတၤလၢအဝဲသ့ၣ်အကျါတဲဆိပာ်တၢ်လၢအမၤအသးခဲအံၤန့ၣ်လဲၣ်. မ်ကစၢ်တဖၣ်အံၤကဟဲစိာ်နုာ်အပှၤအုၣ်အသးတဖၣ် လၢကဒုးနဲၣ်ဖျါလၢအဝဲသ့ၣ်အတၢ်ဘၣ်, ဒီးကအုၣ်အသးလၢအတၢ်ကတိၤတဖၣ်အတၢ်မ့ၢ်တၢ်တီန့ၣ်တက့ၢ်.

လံာ်ယၡါယၤ 44:10

တၢ်တ့ထီၣ်တၢ်အက့ၢ်အဂီၤလၢတိၢ်ဧိၤထးဧိၤလၢတၢ်ဘူၣ်ထီၣ်ဘါ ထီၣ်အီၤဒ်ကစၢ်တဂၤအသိးန့ၣ်အဘျုးတအိၣ်ဘၣ်.

လံာ်ယၡါယၤ 44:9

ပှၤလၢအတ့တၢ်ဂီၤတၢ်ဖီၣ်တဖၣ်န့ၣ်တဂိာ်တသီၣ်ဘၣ်တၢ်ဘၣ်. ဒီးကစၢ်လၢအဝဲသ့ၣ်ပာ်အပှ့ၤကလံၤဒိၣ်ဒိၣ်ကလဲာ်တဖၣ်အဘျုး တအိၣ်ဘၣ်. ပှၤလၢအဘူၣ်ထီၣ်ဘါထီၣ်ကစၢ်တဖၣ်အံၤအမဲာ်ဘျီၣ် ဒီးအတၢ်သ့ၣ်ညါတအိၣ်ဘၣ်, ဒီးအဝဲသ့ၣ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 46:1

တၢ်အံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ. ဘ့လးဒီးနဘိတဖၣ်, တဘျီဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဘၣ်ဆၣ်ဒီးခဲအံၤန့ၣ်ဘၣ်တၢ်ပဒၢးထီၣ်အီၤလၢကသ့ၣ်ယီၤတဖၣ် အလိၤ ဒီးမ့ၢ်တၢ်ဝံဃၢလၢဆၣ်ဖိကီၢ်ဖိလၢအလီၤဘှံးလီၤတီၤတဖၣ် အဂီၢ်န့ၣ်လီၤ.

လံာ်ယၡါယၤ 48:14

သုဝဲခဲလၢာ်, အိၣ်ဖှိၣ်ရိဖှိၣ်ဒီးဒိကနၣ်တၢ်တက့ၢ်. ပှၤလၢယဃုထၢတ့ၢ်အီၤတဂၤကဒုးဝ့ၢ်ဘၤဘူၤလိၣ်အဂ့ၢ်န့ၣ်, ကစၢ်အဂၤတဖၣ်ကတိၤဆိပာ်အီၤတသ့နီတဂၤဘၣ်. အဝဲကမၤတၢ်လၢယသးအိၣ်လၢအဝဲကမၤဝဲန့ၣ်လီၤ.

လံာ်ယၡါယၤ 57:13

ဖဲသုကိးထီၣ်လၢတၢ်မၤစၢၤအဂီၢ်န့ၣ်, ပျဲကွၢ်သုတၢ်ဂီၤတၢ် ဖီၣ်တဖၣ်အုၣ်က့ၤခီၣ်က့ၤသုတက့ၢ်. ကလံၤအူတၢ်တဘီဖိဒၣ်လဲာ်ကစိာ်ကွံာ်အဝဲသ့ၣ်ခဲလၢာ်လီၤ. မ့မ့ၢ်, ပှၤတဖၣ်လၢအပာ်အတၢ်နာ်လၢယပူၤန့ၣ်, ကအိၣ်ကဆိးဝဲလၢထံကီၢ်အပူၤဒီးကဘူၣ်ထီၣ်ဘါထီၣ် ယၤလၢယတၢ်လုၢ်ဟံၣ်အပူၤလီၤ.”

လံာ်ယံးရမံယၤ 10:14

တၢ်ထံၣ်ဘၣ်တၢ်အံၤဒုးကလၢၢ်ဘၣ်ပှၤကညီလၢအတၢ်ဟးဂီၤဒီး အတၢ်သူၣ်တထံသးတဆးန့ၣ်လီၤ. ပှၤလၢအမၤတၢ်ဂီၤတၢ်ဖီၣ်တဖၣ်န့ၣ်, မဲာ်ဆှးဝဲ မ့ၢ်လၢကစၢ်တဖၣ်လၢမၤအိၣ်ထီၣ်ဝဲတဖၣ်မ့ၢ်ဒၣ် တၢ်ကဘျံးကဘျၣ်ဒီးအတၢ်သါတအိၣ်ဘၣ် အဃိန့ၣ်လီၤ.

လံာ်ယံးရမံယၤ 10:5

တၢ်ဂီၤတၢ်ဖီၣ်ဒ်န့ၣ်အသိးတဖၣ်လီၤဂာ်ဒီးတၢ်ဂီၤတဖၣ်လၢအမၤပျံၤ ထိၣ်ဧိၤလံၣ်ဧိၤလၢတၢ်ပာ်လီၤအီၤလၢဒံမုၣ်သၣ်အပျီပူၤန့ၣ်လီၤ. အဝဲသ့ၣ်ကတိၤတၢ်တသ့ဘၣ်. အဝဲသ့ၣ်ဘၣ်တၢ်စိာ်ဆှၢအီၤ မ့ၢ်လၢဟးတသ့ဘၣ်အဃိလီၤ. ပျံၤအဝဲသ့ၣ်တဂ့ၤ, အဝဲသ့ၣ်မၤဘၣ်ဒိဘၣ်ထံးသုတသ့နီတမံၤဘၣ်. ဒီးအဝဲသ့ၣ်မၤဂ့ၤသုတသ့စ့ၢ်ကီးနီတမံၤဘၣ်.”

လံာ်ယံးရမံယၤ 10:8

အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

လံာ်ယံးရမံယၤ 48:13

အန့ၣ်ဒီး, ပှၤမိၤအးဖိတဖၣ် ကဘၣ်တၢ်မဲာ်ဆှးလၢ အတၢ်နာ်ကမၣ်အကစၢ်ကမိၣ်အဃိ, ဒ်ပှၤအံၣ်စရ့လးဖိတဖၣ် ဘၣ်မဲာ်ဆှးလၢ ဘ့ၤသ့လး, ကစၢ်တဂၤလၢ အဝဲသ့ၣ်နာ်ဝဲအဃိ, အသိးန့ၣ်လီၤ.

လံာ်ယံးရမံယၤ 48:47

ဘၣ်ဆၣ်လၢ မုၢ်နံၤတဖၣ်လၢ အကဟဲဝဲအပူၤန့ၣ်, ယွၤကဒုးဘီၣ်ထီၣ်ညီထီၣ် ကီၢ်မိၤအးကဒီးတဘျီန့ၣ်လီၤ. ကယဲၢ်တၢ်ခဲလၢာ်အံၤမ့ၢ် တၢ်လၢယွၤစံးတ့ၢ်ဝဲ လၢကမၤအသးဒီး ကီၢ်မိၤအးန့ၣ်လီၤ.

လံာ်ယံးရမံယၤ 50:28

(ပှၤတဖၣ်လၢ အဃ့ၢ်ထူၣ်ဖျဲးထီၣ်လၢ ကီၢ်ဘၤဘူၤလိၣ် န့ၣ်ဟဲဆူဝ့ၢ်ယရူၤၡလ့ၣ်ဒီး အဝဲသ့ၣ်စံးဘၣ်တဲဘၣ်တၢ်ဘၣ်ဃးဒီးယွၤ, ပကစၢ်ယွၤ, မၤကၣ်ဆၢက့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤဘၣ်တ့ၢ်အဝဲ အတၢ်လုၢ်ဟံၣ်အဂီၢ်, ဒ်လဲၣ်အဂ့ၢ်န့ၣ်လီၤ.)

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

အ့းဖ့းစူး 2:16

ခီဖျိအတၢ်သံလၢထူၣ်စုညါအလိၤန့ၣ်, ခရံာ်မၤကတၢၢ်ကွံာ်အဝဲသ့ၣ်အတၢ်သူၣ်ဟ့သးဟ့လီၤ. ခီဖျိထူၣ်စုညါန့ၣ်, အဝဲပာ်ဖှိၣ်ပှၤခံကလုာ်လၢာ်ဆူနီၢ်တဂၤဃီ အပူၤ, ဒီးဆှၢက့ၤအဝဲသ့ၣ်ဆူကစၢ်ယွၤအအိၣ်လီၤ.