လံာ်ယၡါယၤ 45:17 - Sgaw Karen Common Bible

¹⁷ မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 45:17 Iomraidhean Croise

စံးထီၣ်ပတြၢၤ 103:17

မ့မ့ၢ်ယွၤအတၢ်အဲၣ်ဂၢၢ်ကျၢၤအိၣ်ဝဲလၢ ပှၤလၢအပျံၤအီၤတဖၣ်အလိၤလီၤစိၤလီၤထီ ဒီးအတၢ်ဂ့ၤတၢ်ဝါန့ၣ်အိၣ်ဂၢၢ်ဆိးကျၢၤကိးစိၤဒဲး,

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်ယၡါယၤ 26:4

နာ်ယွၤတဘိယူၢ်ဃီတက့ၢ်. ဒီးအဝဲကဒီဒၣ်အိၣ်ပှိၤပှၤထီဘိလီၤ.

လံာ်ယၡါယၤ 29:22

သတးဒီးခဲအံၤ, ယွၤ, အံၣ်စရ့လးအကစၢ်ယွၤတဂၤ, လၢအမၤပူၤမၤဖျဲးတ့ၢ်စီၤအၤဘြၤဟၣ်လၢတၢ်ကိၢ်တၢ်ဂီၤ အပူၤစံးဝဲ, “ယပှၤဂီၢ်မုၢ်သ့ၣ်ဧၢ, သုတဘၣ်တၢ်မၤမဲာ်ဆှး သုလၢၤဘၣ်, ဒီးသုမဲာ်သၣ်တဖၣ်တလီၤဝါလၢၤလၢတၢ်မဲာ် ဆှးအဃိနီတစုဘၣ်.

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 50:7

ဘၣ်ဆၣ်ဒီးအဝဲသ့ၣ်အတၢ်ဒုၣ်ဒွဲၣ်တဖၣ်မၤဘၣ်ဒိဘၣ်ထံးယၤ တသ့ဘၣ်. အဂ့ၢ်ဒ်အံၤ, ယွၤပၢဘၣ်တၢ်ခဲလၢာ်အကစၢ်ဟ့ၣ်ယၤတၢ်မၤစၢၤလီၤ. ယသကံၢ်ထီၣ်ယသးလၢယကတူၢ်တၢ်သ့ၣ်တဖၣ်န့ၣ်အဂီၢ်လီၤ. ယသ့ၣ်ညါလၢယတဘၣ်တၢ်မၤမဲာ်ဆှးယၤဘၣ်,

လံာ်ယၡါယၤ 51:6

ကွၢ်ထီၣ်တၢ်ဆူမူခိၣ်မူကပိာ်လိၤ, ကွၢ်တၢ်ဆူဟီၣ်ခိၣ်တက့ၢ်. မူခိၣ်မူကပိာ်လိၤကလီၤမၢ်ကွံာ်ဝဲဒ်မ့ၣ်အူလုၣ်အသိး, ဟီၣ်ခိၣ်ကလီၢ်လံၤဖီဃးကွံာ်ဝဲဒ်ဆ့ကၤလီၢ်လံၤ အသိးလီၤ. ဒီးအပှၤဂီၢ်မုၢ်ခဲလၢာ်ကသံဝဲဒ် သၣ်ဘုလါတဖၣ်အသိးလီၤ. ဘၣ်ဆၣ်ဒီးတၢ်မၤပူၤဖျဲးလၢယဟဲစိာ်န့ၣ် ကအိၣ်ဝဲလီၤထူလီၤယိာ် ဒီးယတၢ်မၤနၢၤအကတၢၢ်တအိၣ်ဝဲဘၣ်လီၤ.

လံာ်ယၡါယၤ 51:8

အဝဲသ့ၣ်ကဟါမၢ်ကွံာ်ဝဲဒ်တၢ် ကူတၢ်ကၤလၢအဃၢ်အီၣ်ကွံာ်အီၤအသိးလီၤ. မ့မ့ၢ်, တၢ်မၤပူၤဖျဲးလၢယဟဲစိာ်န့ၢ်သုန့ၣ်, ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ. ယတၢ်မၤနၢၤကအိၣ်ဂၢၢ်အိၣ်ကျၢၤ ကိးဆၢကိးကတီၢ်ဒဲးလီၤ.”

လံာ်ယၡါယၤ 54:4

ပျံၤတၢ်တဂ့ၤ. နတဘၣ်တၢ်မၤမဲာ်ဆှးကဒီးနၤလၢၤဘၣ်. နလၤကပီၤတဘၣ်တၢ်မၤဆံးလီၤစှၤလီၤအီၤလၢၤဘၣ်. နတၢ်သးတတီဒ်မါသးစၢ်တဂၤအသိး ဒီးနတၢ်အိၣ်သယုၢ်သညိဒ်မုၣ်က မဲတဂၤအသိးန့ၣ်နကသးပ့ၤနီၣ်ကွံာ်အီၤလီၤ.

လံာ်ယၡါယၤ 54:8

ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.

လံာ်ယၡါယၤ 60:19

မုၢ်တမ့ၢ်လၢၤနတၢ်ကပီၤလၢမုၢ်ဆါမ့ၢ်ဂ့ၤ, လါတမ့ၢ်လၢၤနတၢ်ကပီၤလၢမုၢ်နၤခီမ့ၢ်ဂ့ၤလၢၤဘၣ်. ယၤ, ယွၤအံၤ, ကမ့ၢ်နတၢ်ကပီၤအထူအယိာ်, ဒီးယလၤကပီၤအတၢ်ကပီၤန့ၣ် ကကပီၤထီၣ်လၢနဖီခိၣ်လီၤ.

လံာ်ယံးရမံယၤ 31:3

ယလီၣ်ဖျါထီၣ်တ့ၢ် ယသးဆူ အဝဲသ့ၣ်လၢ အယံၤန့ၣ်လီၤ. ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ယတၢ်အဲၣ်ခၢၣ်သနၢၣ်တထံၣ်ဃီန့ၣ်လီၤ.

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်ယိၤနါ 2:9

မ့မ့ၢ်ယဲဒၣ်အံၤယကလုၢ်ထီၣ်နၤလၢ တၢ်လုၢ်အိၣ်ဒီးတၢ်သးဝံၣ်စံးထီၣ်ပတြၢၤနၤ ဒီးယကမၤတၢ်လၢယအၢၣ်လီၤအီလီၤန့ၣ်လီၤ. တၢ်အုၣ်က့ၤခီၣ်က့ၤန့ၣ်ဟဲလၢယွၤလီၤ.”

လံာ်စဖါနယၤ 3:11

ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.

လံာ်ယိၤဟၣ် 10:28

ယဟ့ၣ်အီၤလၢတၢ်မူအထူအယိာ်, ဒီးအဝဲသ့ၣ်တသံလၢၤနီတဘျီဘၣ်. ပှၤဂုာ်န့ၢ်ဆူၣ်အဝဲသ့ၣ်လၢယအိၣ်တသ့နီတဂၤဘၣ်.

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

လံာ်ယိၤဟၣ် 6:40

အဂ့ၢ်ဒ်အံၤ, ယပၢ်အတၢ်ဘၣ်အသးမ့ၢ်ဒ်သိးကယဲၢ်ပှၤလၢ အထံၣ်ဖိခွါဒီးစူၢ်က့ၤနာ်က့ၤအီၤတဂၤလၢ်လၢ် ကဒိးန့ၢ်ဘၣ်တၢ်မူအထူအယိာ်န့ၣ်လီၤ. ဒီးယကဒုးဂဲၤဆၢထၢၣ်က့ၤအဝဲသ့ၣ်ဆူတၢ်မူလၢ မုၢ်နံၤခံကတၢၢ်န့ၣ်လီၤ.”

ရိမ့ၤ 10:11

တၢ်ကွဲးအသးစီဆှံစံးဝဲ, “ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်အသးတဟးဂီၤဘၣ်ဝဲဘၣ်” (ၡါ ၂၈:၁၆).

ရိမ့ၤ 11:26

ဒီးအအံၤမ့ၢ်ကျဲလၢအံၣ်စရ့လးခဲလၢာ်ကတုၤလၢတၢ်အုၣ် က့ၤခီၣ်က့ၤန့ၣ်လီၤ. ဒ်တၢ်ကွဲးအသးစီဆှံစံးဝဲအသိး, “ပှၤအုၣ်က့ၤခီၣ်က့ၤတၢ်ကဟဲဝဲလၢစံယိၣ် ဒီးကသုးကွံာ်တၢ်တယူးတယီၣ်ယွၤခဲလၢာ်လၢ စီၤယၤကိာ်အစၢၤအသွဲၣ်တဖၣ်အသိးအကျါန့ၣ်လီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 9:33

လၢတၢ်ကွဲးအသးစံးလၢအဂ့ၢ်, “ကွၢ်တက့ၢ်, ယပာ်လီၤလၢၢ်တဖျၢၣ်လၢစံယိၣ်အပူၤ, လၢပှၤအခီၣ်ကဘၣ်တိၢ်ဝဲအဂီၢ်, လၢၢ်တဖျၢၣ်လၢကမၤလီၤဃံၤအဝဲသ့ၣ်လီၤ. ဒီးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ် အမဲာ်တဆှးဘၣ်ဝဲဘၣ်” (ၡါ ၈:၁၄; ၂၈:၁၆).

၂ သ့းစၤလနံ 2:16

မ်ပကစၢ်ယ့ၣ်ၡူးခရံာ်အနီၢ်ကစၢ်ဒၣ်ဝဲ, ဒီးပပၢ်ကစၢ် ယွၤ, လၢအအဲၣ်ပှၤဒီးလၢအဘျုးအဖှိၣ်အဃိဟ့ၣ်ပှၤတၢ်သးဒူလၢ အအိၣ်စံာ်အိၣ်ကျၢၤဒီးတၢ်မုၢ်လၢ်အဂၢၢ်အကျၢၤတဂၤန့ၣ်,

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

၁ ပ့းတရူး 2:6

အဂ့ၢ်ဒ်အံၤ, တၢ်ကွဲးအသးစံးဝဲဒၣ်, “ယဃုထၢလၢၢ်လုၢ်ဒိၣ်ပှ့ၤဒိၣ်တဖျၢၣ်, လၢယပာ်လီၤအီၤဒ်လၢၢ်သနၢၣ်လၢ စံယိၣ်အပူၤလီၤ. ဒီးပှၤတဂၤလၢ်လၢ်လၢအနာ်အီၤန့ၣ် တသးဟးဂီၤဘၣ်ဝဲနီတဘျီဘၣ်” (ၡါ ၂၈:၁၆).

၁ ယိၤဟၣ် 4:15

ဖဲဒၣ်ပှၤလၢအအၢၣ်လီၤအီလီၤလၢယ့ၣ်ၡူးမ့ၢ် ကစၢ်ယွၤအဖိခွါန့ၣ်, ကစၢ်ယွၤအိၣ်ဝဲဆိးဝဲလၢ အပူၤ, ဒီးအဝဲဒၣ်အိၣ်ဝဲဆိးဝဲလၢကစၢ်ယွၤအပူၤလီၤ.