လံာ်ယၡါယၤ 45:16 - Sgaw Karen Common Bible

¹⁶ ပှၤလၢအတ့တၢ်ဂီၤတၢ်ဖီၣ်တဖၣ်ကမဲာ်ဆှးခဲလၢာ်လီၤ. အဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 45:16 Iomraidhean Croise

စံးထီၣ်ပတြၢၤ 97:7

ကယဲၢ်ပှၤလၢအဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ကဘၣ်တၢ်မၤမဲာ်ဆှးအီၤလီၤ. ကယဲၢ်ကစၢ်ခဲလၢာ် ကချံးခီၣ်တီၤလီၤလၢယွၤအမဲာ်ညါလီၤ.

လံာ်ယၡါယၤ 41:19

ယကဒုးမဲထီၣ်သ့ၣ်ဆှိးအ့ရ့းတဖၣ်လၢမဲးမုၢ်ခိၣ်, ဃုာ်ဒီးသ့ၣ်ဖှ့ၡံးတၤ, သမ့ၤဟဒး, ဒီးသ့ၣ်စၤယံးအမံၤတဖၣ်လီၤ. သ့ၣ်ပှၢ်တဖၣ်ကမဲထီၣ်ဝဲလၢဟီၣ်ခိၣ်ဃ့ထီလီၤဖျိအပူၤ, သ့ၣ်ဒိၣ်ပှၢ်တီၢ်လၢအမ့ၢ်ဝဲသ့ၣ်ဆှိ, သ့ထိးအီၣ်, ဒီးသ့ၣ်ဆှိတအၤၡူၢ်တဖၣ်လီၤ.

လံာ်ယၡါယၤ 42:17

ကယဲၢ်ပှၤလၢအသန့ၤအသးလၢတၢ်ဂီၤ စိးပျၤအသးတဖၣ် ဒီးကိးတၢ်ဂီၤသိအသးတဖၣ်လၢအကစၢ်န့ၣ်, ကဘၣ်တၢ်မၤမဲာ်ဆှးအီၤနးနးကလဲာ်ဒီးအလၤကပီၤကလီၤမၢ်ကွံာ် ဝဲလီၤ.”

လံာ်ယၡါယၤ 44:11

ပှၤတဂၤလၢ်လၢ်လၢအဘူၣ်ထီၣ်ဘါထီၣ်အီၤန့ၣ်ကဘၣ်တၢ်မၤမဲာ်ဆှး အီၤလီၤ. ပှၤလၢအမၤထီၣ်တၢ်ဂီၤတၢ်ဖီၣ်တဖၣ်န့ၣ်မ့ၢ်ဒၣ်ပှၤကညီ တဖၣ်ဒီးတအါန့ၢ်တၢ်န့ၣ်ဘၣ်. ပျဲအဝဲသ့ၣ်ဟဲလၢတၢ်ကသမံသမိးအီၤအဂီၢ်တက့ၢ်. အဝဲသ့ၣ်ကပျံၤတၢ်ဖုးတၢ်ဒီးကတူၢ်ဘၣ်တၢ်မဲာ်ဆှးလီၤ.

လံာ်ယၡါယၤ 44:9

ပှၤလၢအတ့တၢ်ဂီၤတၢ်ဖီၣ်တဖၣ်န့ၣ်တဂိာ်တသီၣ်ဘၣ်တၢ်ဘၣ်. ဒီးကစၢ်လၢအဝဲသ့ၣ်ပာ်အပှ့ၤကလံၤဒိၣ်ဒိၣ်ကလဲာ်တဖၣ်အဘျုး တအိၣ်ဘၣ်. ပှၤလၢအဘူၣ်ထီၣ်ဘါထီၣ်ကစၢ်တဖၣ်အံၤအမဲာ်ဘျီၣ် ဒီးအတၢ်သ့ၣ်ညါတအိၣ်ဘၣ်, ဒီးအဝဲသ့ၣ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယံးရမံယၤ 48:13

အန့ၣ်ဒီး, ပှၤမိၤအးဖိတဖၣ် ကဘၣ်တၢ်မဲာ်ဆှးလၢ အတၢ်နာ်ကမၣ်အကစၢ်ကမိၣ်အဃိ, ဒ်ပှၤအံၣ်စရ့လးဖိတဖၣ် ဘၣ်မဲာ်ဆှးလၢ ဘ့ၤသ့လး, ကစၢ်တဂၤလၢ အဝဲသ့ၣ်နာ်ဝဲအဃိ, အသိးန့ၣ်လီၤ.