လံာ်ယၡါယၤ 45:1 - Sgaw Karen Common Bible

¹ ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်,

လံာ်ယၡါယၤ 45:1 Iomraidhean Croise

လံာ်စီၤပၤအခီၣ်ထံးတဘ့ၣ် 19:15

ယွၤစံးဘၣ်အီၤ, “က့ၤကဒါက့ၤဆူပှၢ်မုၢ်ကနၢဘူးဒီးဝ့ၢ်ဒၤ မ့းစ့း, ဝံၤဒီးလဲၤနုာ်ဆူဝ့ၢ်ပူၤဒီးဖှူစီၤဃစ့လးဒ်ကီၢ်စူၤရံအစီၤပၤ,

လံာ်စီၤဧ့စြၤ 1:1

ဖဲကီၢ်ပၤရၣ်အစီၤပၤဖးဒိၣ်စီၤကိရ့ၣ်ပၢတၢ်အခီၣ်ထံးတနံၣ် န့ၣ်, ယွၤမၤလၢထီၣ်ပှဲၤထီၣ်တၢ်လၢအစံးတ့ၢ်ဝဲခီဖျိဝံယံးရမံယၤ န့ၣ်လီၤ. အဝဲမၢန့ၢ်ဆီၣ်ခံစီၤကိရ့ၣ်ဒ်သိးအကဟ့ၣ်လီၤအကလုၢ်ဒီးဆှၢ လီၤအီၤလၢတၢ်ကွဲးဒ်လၢလာ်အံၤအသိး, လၢကဘၣ်တၢ်ဖးအီၤလၢအကလုၢ်ဖးဒိၣ်လၢတၢ်လီၢ်ကိးပူၤဒဲးလၢ အဘီအမုၢ်အပူၤန့ၣ်လီၤ.

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်စီၤယိၤဘး 12:21

အဝဲမၤတရီတပါပှၤလၢအအိၣ်ဒီးတၢ်စိတၢ်ကမီၤဒီးမၤလၢာ် ကွံာ်ပဒိၣ်ပပှၢ်တဖၣ်အဂံၢ်အဘါန့ၣ်လီၤ.

စံးထီၣ်ပတြၢၤ 73:23

မ့ၢ်နာ်သက့ဒ်န့ၣ်ဒီး, ယအိၣ်ဘူးဒီးနၤတထံၣ်ဃီ ဒီးနဟံးထီၣ်ယစုထွဲန့ၣ်လီၤ.

လံာ်ယၡါယၤ 13:2

ထူၣ်ထီၣ်တၢ်ဒုးအနီၣ်တယၣ်လၢကစၢၢ်လ့ၤခိၣ်တဖျၢၣ်အဒီခိၣ်တက့ၢ်. ကိးပသူထီၣ်ဆူသုးဖိတဖၣ်အအိၣ်ဒီးယူာ်ထီၣ်နစုဒုၣ်စုတီၤဒ် တၢ်ပနီၣ်လၢအဝဲသ့ၣ်ကလဲၤထီၣ်ဒုးတၢ်ဖဲဝ့ၢ်လၢအပာ်ထီၣ် ထီအသးအကျဲစၢၤတဖၣ်န့ၣ်တက့ၢ်.

လံာ်ယၡါယၤ 13:3

ယွၤကိးထီၣ်တ့ၢ်အသုးဖိလၢအပာ်စီဆှံတ့ၢ်ဝဲတဖၣ်ဒီးပှၤလၢ အသးခုလၢယွၤပာ်ထီၣ်ထီအီၤအဃိတဖၣ်လၢကဒုးတၢ်ဒုးစီဆှံဒီးစံၣ် ညီၣ်ပှၤလၢယွၤအသးကဲၤထီၣ်ဘၣ်အီၤတဖၣ်န့ၣ်လီၤ.

လံာ်ယၡါယၤ 41:13

ယမ့ၢ်ယွၤသုကစၢ်ယွၤလီၤ. ယဟ့ၣ်ဂံၢ်ဟ့ၣ်ဘါသုဒီးစံး, ပျံၤတၢ်တဂ့ၤ. ယကမၤစၢၤသုလီၤ.”

လံာ်ယၡါယၤ 41:2

ပှၤလၢအဟဲက့ၤကိးစီၤပၤဖးဒိၣ်လၢမုၢ်ထီၣ်တခီန့ၣ်, မ့ၢ်မတၤတဂၤလဲၣ်. ပှၤလၢအဒုးကဲထီၣ်အီၤလၢအကမၤန့ၣ်မၤနၢၤတၢ်ဖဲအလဲၤတပူၤလၢ် လၢ်န့ၣ်မ့ၢ်မတၤလဲၣ်. မ့ၢ်မတၤဟ့ၣ်အီၤတၢ်မၤနၢၤလၢစီၤပၤတဖၣ်ဒီးပှၤကလုာ်တဖၣ်အဖီ ခိၣ်န့ၣ်လဲၣ်. အနးကျီလီၤကွံာ်အဝဲသ့ၣ်လီၤဂာ်မးဒ်အဝဲသ့ၣ်မ့ၢ်ဟီၣ်ခိၣ် ကမူၣ်အသိးလီၤ. အပျၢ်တဖၣ်မၤပြံမၤပြါအဝဲသ့ၣ်လီၤဂာ်ဒ်ဘုလီၢ်လၢကလံၤအူဘၣ် အီၤအသိးလီၤ.

လံာ်ယၡါယၤ 41:25

ယဃုထၢတ့ၢ်လံပှၤတဂၤလၢအအိၣ်လၢမုၢ်ထီၣ် တခီလီၤ. ယကဟဲကိးအီၤလၢအကဒုးတၢ်လၢကလံၤစိး တခီလီၤ. အဝဲယီၢ်တံၢ်ပှၤပၢတၢ်တဖၣ်မၤသးဒ်အဝဲသ့ၣ်မ့ၢ်ကပံာ်အသိး, ဒ်ပှၤတ့သပၢၤဖိယီၢ်ဟီၣ်ခိၣ်ကပံာ်အသိးန့ၣ်လီၤ.

လံာ်ယၡါယၤ 42:6

“ယၤ, ယွၤအံၤ, ယကိးထီၣ်သုဒီးဟ့ၣ်သုတၢ်စိတၢ်ကမီၤ ဒ်သိးသုကကွၢ်ထွဲမၤတၢ်စံၣ်ညီၣ်တီအဂ့ၢ်အခၢးလၢဟီၣ်ခိၣ်အံၤ န့ၣ်လီၤ. ခီဖျိသုန့ၣ်, ယကမၤတၢ်အၢၣ်လီၤအီလီၤတမံၤဒီးပှၤဂီၢ်မုၢ်ခဲ လၢာ်လီၤ. ခီဖျိသုန့ၣ်, ယကဟဲစိာ်တၢ်ကပီၤဆူပှၤကလုာ်တဖၣ်အအိၣ်လီၤ.

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ယၡါယၤ 45:5

ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ.

လံာ်ယၡါယၤ 48:15

ယမ့ၢ်ပှၤတဂၤလၢအကတိၤတ့ၢ်တၢ်ဒီးကိးတ့ၢ်အီၤလီၤ. ယဆှၢထီၣ်တ့ၢ်အီၤဒီးဟ့ၣ်တ့ၢ်အီၤတၢ်မၤနၢၤလီၤ.

လံာ်ယံးရမံယၤ 27:6

ယမ့ၢ်ပှၤတဂၤလၢ အပာ်လီၤပှၤကလုာ်ခဲလၢာ်အံၤလၢယခ့ယပှၤ ကီၢ်ဘၤ ဘူၤလိၣ်အစီၤပၤနဘူၤကးန့ စၢ်အစိကမီၤအဖီလာ်ဒီးယဒုးမၤဒၣ်လဲာ် ဆၣ်ဖိကီၢ်ဖိအမံၤတဖၣ်လၢ အဝဲအတၢ်မၤန့ၣ်လီၤ.

လံာ်ယံးရမံယၤ 43:10

အန့ၣ်ဝံၤဒီး, တဲဘၣ်အဝဲသ့ၣ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤအံၤ, ယကမၢယခ့ယပှၤ ကီၢ်ဘၤဘူၤလိၣ် အစီၤပၤစီၤနဘူၤကးန့စၢ်ဟဲဆူ တၢ်လီၢ်အံၤဒီး အဝဲကပာ် အလီၢ်ပစိာ် လၢလၢၢ်တဖၣ်လၢ သုဘျၢလီၤတ့ၢ်အီၤအဖီခိၣ်ဒီး ကသလၣ်လီၤ စီၤပၤအဒဲလၢ အဖီခိၣ်န့ၣ်လီၤ.

လံာ်ယံးရမံယၤ 50:3

အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်ယံးရမံယၤ 50:35

ယွၤစံးဝဲဒၣ်, “မ်တၢ်သံကဘၣ်ကီၢ်ဘၤဘူၤလိၣ်, မ်တၢ်သံကဘၣ်အပှၤဂီၢ်မုၢ်, အပှၤပၢတၢ်တဖၣ်, အပှၤလၢအကူၣ်တၢ်သ့တဖၣ် န့ၣ်တက့ၢ်.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ယံးရမံယၤ 51:30

ကီၢ်ဘၤဘူၤလိၣ်အသုးဖိတဖၣ် ဆိကတီၢ်ဒုးတၢ်ဒီး အိၣ်ဒၣ်လၢအတိာ်တဖၣ်အပူၤန့ၣ်လီၤ. အဝဲသ့ၣ် အတၢ်သးဒူဟးသဒၣ်ကွံာ်အီၤဒီး ကဲထီၣ်ဒ်ပိာ်မုၣ်တဖၣ် အသိးန့ၣ်လီၤ. ဝ့ၢ်အတြဲၤတဖၣ်ဘၣ်တၢ်မၤလီၤပှီၢ် ကွံာ်အီၤဒီး ဟံၣ်တဖၣ်မ့ၣ်အူအီၣ်ကွံာ်လံ.

လံာ်ယံးရမံယၤ 51:58

ဝ့ၢ်ဘၤဘူၤလိၣ်အခိၣ်ဒူဖးလဲၢ် ကဘၣ်တၢ်မၤလီၤ ပှီၢ်အီၤဆူဟီၣ်ခိၣ်လိၤ ဒီးအတြဲၤဖးထီတဖၣ်မ့ၣ်အူကအီၣ်ကွံာ်အီၤလီၤ. ပှၤကလုာ်တဖၣ်အတၢ်မၤကကဲထီၣ်တၢ်ကလီကလီ ဒီးအတၢ်ကျဲးစၢးခဲလၢာ်ကကဲထီၣ်မ့ၣ်အူဆၣ်န့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံၤ. ”

လံာ်ယဃ့းစက့လး 29:20

ယဟ့ၣ်အီၤ ကီၢ်အဲၤကူပတူးဒ်အမ့ၢ် တၢ်အဘူး အလဲလၢအဝဲသ့ၣ်အတၢ်ဖံးတၢ်မၤတဖၣ်အဂီၢ်မ့ၢ်လၢ အဝဲအသုးမုၢ်န့ၣ်မၤတ့ၢ်တၢ်လၢယဂီၢ်အဃိန့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဒၤနံးယ့လး 5:6

တုၤနုၤတစု, စီၤပၤအမဲာ်သၣ်လီၤဝါဒီးအသူၣ်ပျံၤသးဖုးနးနးကလဲာ်လီၤ. တၢ်မၤအသးဒ်အဆၢတဖၣ်လီၤဖျုကွံာ်ဝဲအသိးဒီးအခီၣ် လ့ၢ်ခိၣ်တဖၣ်ကနိးကစုာ်ဝဲဒၣ်န့ၣ်လီၤ.

လံာ်ဒၤနံးယ့လး 7:5

ဆၣ်ဖိကီၢ်ဖိအၢအၢသီသီခံဒုတဒုန့ၣ်လီၤဂာ်ဒီးတၤသူ တဒုဆၢထၢၣ်အိၣ်သကူးလီၤအသးလၢအခီၣ်လၢခံ, ခံခီအဖီခိၣ်န့ၣ်လီၤ. အဝဲဒၣ်အ့ၣ်တံၢ်ဃးတၢ်အဂုၢ်ဃံ သၢဘ့ၣ်လၢအမဲ, ဒီးတၢ်စံးဘၣ်အီၤ, ဂဲၤထၢၣ်, အီၣ်တၢ်ဖံးတၢ်ညၣ်ထဲသိးနအီၣ်ကဲတက့ၢ်န့ၣ်လီၤ.

လံာ်ဒၤနံးယ့လး 8:3

ဒီးဖဲထံကျိဖးဒိၣ်အံၤအကပၤန့ၣ်ယထံၣ်တ့ၢ်သိဖါတဒုလၢ အအိၣ်ဒီးအနၢၤဖးထီခံဘိ, လၢအကျါတဘိန့ၣ်ထီဝဲဒီးသီ ဝဲအါန့ၢ်ဒံးအဂၤတဘိန့ၣ်လီၤ.

လံာ်ဒၤနံးယ့လး 8:4

ယအိၣ်ခိးကွၢ်တ့ၢ်သိဖါတဒုန့ၣ်ဘျၢၣ်တၢ်လၢအနၢၤဆူမုၢ်နုာ်, ကလံၤစိးဒီးကလံၤထံးတကပၤန့ၣ်လီၤ. တၢ်မံၤလာ်လၢအတြီအီၤန့ၢ်မ့ၢ်ဂ့ၤ, ဃ့ၢ်ပူၤဖျဲးလၢအစိကမီၤမ့ၢ်ဂ့ၤတအိၣ်ဘၣ်နီတဒုဘၣ်. မၤဝဲဖဲဒၣ်အသးဒီးမၤဒိၣ်မၤဆူၣ်ထီၣ်အသးန့ၣ်လီၤ.

လံာ်နၤဃူၣ် 2:6

တြဲၤတဖၣ်လၢထံကျိအကပၤပိၢ်ဖး အိးသလၣ်ထီၣ်အသး, နူၢ်ဧိၤစီၤဧိၤအပူၤအိၣ်ပှဲၤဝဲဒီး တၢ်ပျံၤတၢ်ဖုးန့ၣ်လီၤ.

လံာ်နၤဃူၣ် 3:13

နပှၤသုးမုၢ်သံၣ်ဘိလီၤဂာ်ဒ်ပိာ်မုၣ်ပိာ်မၢၤအသိး, ဒီးနထံနကီၢ်ကဆၢထၢၣ်လၢနဒုၣ်နဒါတဖၣ်အမဲာ်ညါတအိၣ်ဘၣ်ဒီးတၢ် ဒီသဒၢအီၤဘၣ်လီၤ. မ့ၣ်အူကမၤဟးဂီၤကွံာ်နတြဲၤတဖၣ်အနီၣ်ဘိ တဖၣ်န့ၣ်လီၤ.