လံာ်ယၡါယၤ 44:9 - Sgaw Karen Common Bible

⁹ ပှၤလၢအတ့တၢ်ဂီၤတၢ်ဖီၣ်တဖၣ်န့ၣ်တဂိာ်တသီၣ်ဘၣ်တၢ်ဘၣ်. ဒီးကစၢ်လၢအဝဲသ့ၣ်ပာ်အပှ့ၤကလံၤဒိၣ်ဒိၣ်ကလဲာ်တဖၣ်အဘျုး တအိၣ်ဘၣ်. ပှၤလၢအဘူၣ်ထီၣ်ဘါထီၣ်ကစၢ်တဖၣ်အံၤအမဲာ်ဘျီၣ် ဒီးအတၢ်သ့ၣ်ညါတအိၣ်ဘၣ်, ဒီးအဝဲသ့ၣ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 44:9 Iomraidhean Croise

လံာ်စီၤပၤခံဘ့ၣ်တဘ့ၣ် 19:18

ဒီးဒွဲၣ်အူကွံာ်အဝဲသ့ၣ်အကစၢ်တဖၣ်, လၢအတမ့ၢ်ဘၣ်ကစၢ်လ့ၤတ က့ၤ, မ့ၢ်ဒၣ်ထဲတၢ်ဂီၤတၢ်ဖီၣ်တဖၣ်လၢပှၤကညီမၤအီၤလၢသ့ၣ်ဒီးလၢၢ် န့ၣ်လီၤ.

စံးထီၣ်ပတြၢၤ 115:4

အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ် ဘၣ်တၢ်မၤအီၤလၢစ့ဒီးထူဒီး မ့ၢ်ပှၤကညီအတၢ်မၤလၢအစုတဖၣ်န့ၣ်လီၤ.

စံးထီၣ်ပတြၢၤ 115:8

မ်ကယဲၢ်ပှၤလၢအတ့အဝဲသ့ၣ်ဒီးနာ်တၢ်လၢအပူၤန့ၣ် ကဲထီၣ်လီၤဂာ်ဒီးတၢ်ဂီၤတဖၣ်လၢ အဝဲသ့ၣ်တ့တ့ၢ်ဝဲန့ၣ်တက့ၢ်.

စံးထီၣ်ပတြၢၤ 135:18

ပှၤလၢအတ့အီၤတဖၣ်ဒီးကယဲၢ်ပှၤလၢ အသန့ၤအသးလၢအီၤခဲလၢာ်န့ၣ်, ကလီၤဂာ်ဒီးတၢ်ဂီၤတၢ်ဖီၣ်လၢအတ့ဝဲတဖၣ်လီၤ.

စံးထီၣ်ပတြၢၤ 97:7

ကယဲၢ်ပှၤလၢအဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ကဘၣ်တၢ်မၤမဲာ်ဆှးအီၤလီၤ. ကယဲၢ်ကစၢ်ခဲလၢာ် ကချံးခီၣ်တီၤလီၤလၢယွၤအမဲာ်ညါလီၤ.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 41:24

သုဝဲဒီးတၢ်လၢသုမၤခဲလၢာ်န့ၣ်တမ့ၢ်တၢ်နီတမံၤဘၣ်. ပှၤလၢအဘူၣ်ထီၣ်ဘါထီၣ်သုတဖၣ်လီၤသးဘၣ်အၢဒိၣ်မးလီၤ.

လံာ်ယၡါယၤ 41:29

ကစၢ်တဖၣ်အံၤတဂိာ်တသီၣ်ဘၣ်တၢ်ဘၣ်. အဝဲသ့ၣ်မၤတၢ်တသ့နီတမံၤဘၣ်. တၢ်ဂီၤတၢ်ဖီၣ်တဖၣ်အံၤအဂံၢ်စၢ်ဘါစၢ်ဒီးအစိကမီၤတအိၣ်ဘၣ်ဝဲဘၣ်.

လံာ်ယၡါယၤ 42:17

ကယဲၢ်ပှၤလၢအသန့ၤအသးလၢတၢ်ဂီၤ စိးပျၤအသးတဖၣ် ဒီးကိးတၢ်ဂီၤသိအသးတဖၣ်လၢအကစၢ်န့ၣ်, ကဘၣ်တၢ်မၤမဲာ်ဆှးအီၤနးနးကလဲာ်ဒီးအလၤကပီၤကလီၤမၢ်ကွံာ် ဝဲလီၤ.”

လံာ်ယၡါယၤ 42:18

ယွၤစံးဝဲ, “သုဝဲပှၤလၢအနၢ်တအၢသ့ၣ်ဧၢ, ဒိကနၣ်တၢ်တက့ၢ်. သုဝဲပှၤလၢအမဲာ်ဘျီၣ်သ့ၣ်ဧၢ, ကွၢ်ထံတၢ်တက့ၢ်.

လံာ်ယၡါယၤ 43:8

ကစၢ်ယွၤစံးဝဲ, “ကိးဖှိၣ်ပှၤဂီၢ်မုၢ်ဆူကွီၢ်ဘျီၣ်တက့ၢ်. အဝဲသ့ၣ်အမဲာ်ချံအိၣ်, ဘၣ်ဆၣ်အဝဲသ့ၣ်အမဲာ်ချံဘျီၣ်လီၤ. အဝဲသ့ၣ်အနၢ်အိၣ်, ဘၣ်ဆၣ်အဝဲသ့ၣ်အနၢ်တအၢလီၤ.

လံာ်ယၡါယၤ 43:9

ကိးဖှိၣ်ပှၤကလုာ်တဖၣ်လၢအကဟဲဆူတၢ်သမံသမိးအလီၢ်တက့ၢ်. မတၤလၢအဝဲသ့ၣ်အကစၢ်တဖၣ်အကျါကတိၤဆိပာ်စၢၤလၢခါဆူညါတၢ် ကမၤအသးအဂ့ၢ်သ့တဂၤဂၤလဲၣ်. မတၤလၢအဝဲသ့ၣ်အကျါတဲဆိပာ်တၢ်လၢအမၤအသးခဲအံၤန့ၣ်လဲၣ်. မ်ကစၢ်တဖၣ်အံၤကဟဲစိာ်နုာ်အပှၤအုၣ်အသးတဖၣ် လၢကဒုးနဲၣ်ဖျါလၢအဝဲသ့ၣ်အတၢ်ဘၣ်, ဒီးကအုၣ်အသးလၢအတၢ်ကတိၤတဖၣ်အတၢ်မ့ၢ်တၢ်တီန့ၣ်တက့ၢ်.

လံာ်ယၡါယၤ 44:11

ပှၤတဂၤလၢ်လၢ်လၢအဘူၣ်ထီၣ်ဘါထီၣ်အီၤန့ၣ်ကဘၣ်တၢ်မၤမဲာ်ဆှး အီၤလီၤ. ပှၤလၢအမၤထီၣ်တၢ်ဂီၤတၢ်ဖီၣ်တဖၣ်န့ၣ်မ့ၢ်ဒၣ်ပှၤကညီ တဖၣ်ဒီးတအါန့ၢ်တၢ်န့ၣ်ဘၣ်. ပျဲအဝဲသ့ၣ်ဟဲလၢတၢ်ကသမံသမိးအီၤအဂီၢ်တက့ၢ်. အဝဲသ့ၣ်ကပျံၤတၢ်ဖုးတၢ်ဒီးကတူၢ်ဘၣ်တၢ်မဲာ်ဆှးလီၤ.

လံာ်ယၡါယၤ 44:18

ပှၤဒ်န့ၣ်သိးတဖၣ်ဟးဂီၤနးနးကလဲာ်လၢတသ့ၣ်ညါတၢ်လၢအဝဲသ့ၣ် မၤဝဲအဂ့ၢ်အဃိန့ၣ်လီၤ. အဝဲသ့ၣ်ဘံၣ်ဃးအမဲာ်ဒီးကးတံၢ်အသးတြီတၢ်မ့ၢ်တၢ်တီန့ၣ်လီၤ.

လံာ်ယၡါယၤ 44:20

တၢ်အံၤအခီပညီအိၣ်ဝဲဒၣ်ထဲသိးသိးဒီးတၢ်အီၣ်ဖၣ်ဆါန့ၣ်လီၤ. အတၢ်ဆိကမိၣ်တဂီာ်တသီၣ်တဖၣ်ဆှၢကမၣ်တ့ၢ်အီၤတုၤဒၣ်လဲာ်တၢ်မၤ စၢၤအီၤတသ့လၢၤဘၣ်. တၢ်ဂီၤတၢ်ဖီၣ်လၢအဟံးဃာ်ဝဲလၢအစုပူၤအံၤတမ့ၢ်ကစၢ်လ့ၤ တက့ၤဘၣ်န့ၣ်လီၤ.

လံာ်ယၡါယၤ 45:16

ပှၤလၢအတ့တၢ်ဂီၤတၢ်ဖီၣ်တဖၣ်ကမဲာ်ဆှးခဲလၢာ်လီၤ. အဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယၡါယၤ 57:12

သုဆိကမိၣ်လၢတၢ်လၢသုမၤန့ၣ်ဘၣ်လီၤ. ဘၣ်ဆၣ်ဒီးယကမၤဖျါသုသကဲာ်ပဝး, ဒီးသုတၢ်ဂီၤတၢ်ဖီၣ်တဖၣ်မၤစၢၤသုတမ့ၢ်ကသ့ဘၣ်န့ၣ်လီၤ.

လံာ်ယၡါယၤ 65:13

လၢတၢ်န့ၣ်အဃိ, ယစံးဘၣ်တဲဘၣ်သုလၢပှၤလၢအဘူၣ်ထီၣ် ဘါထီၣ်ဒီးစူၢ်ယၤန့ၣ်ကအိၣ်ဒီးတၢ်အီၣ်ကုးအီပှဲၤ, မ့မ့ၢ်, သုဝဲသုကသၣ်ဝံၤလီၤဒိန့ၣ်လီၤ. အဝဲသ့ၣ်ကသူၣ်ဖှံ သးညီဝဲ, မ့မ့ၢ်သုဝဲသုကဘၣ်တၢ်မၤမဲာ်ဆှးကွံာ်သုလီၤ.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 2:11

ပှၤကလုာ်အဂၤလၢအကစၢ်တဖၣ်တမ့ၢ်ဘၣ် ကစၢ်နီၢ်နီၢ်ဒၣ်လဲာ် တလဲလိာ်တ့ၢ်ဝဲဒ်သိးအံၤနီတကလုာ်နီတစုဘၣ်. ဘၣ်ဆၣ်ဒီးယပှၤဂီၢ်မုၢ်ခီလဲလိာ်ယၤ, ကစၢ်ယွၤတဂၤလၢအဟဲစိာ်န့ၢ်အဝဲသ့ၣ်တၢ်လၤကပီၤန့ၣ်, ဒီးကစၢ်တဖၣ်လၢအမၤတၢ်လၢအဝဲသ့ၣ်အဂီၢ် တသ့နီတမံၤဘၣ်န့ၣ်လီၤ.

လံာ်ယံးရမံယၤ 2:26

ယွၤစံးဝဲ, “ဒ်တၢ်ဘျၣ်တဂၤဘၣ်တၢ်မၤမဲာ်ဆှးအီၤဖဲတၢ်ဖီၣ် န့ၢ်အီၤအသိးန့ၣ်, သူဝဲကီၢ်အံၣ်စရ့လးအပှၤဂီၢ်မုၢ်ခဲလၢာ်ကဘၣ် တၢ်မၤမဲာ်ဆှးအီၤ, ဃုာ်ဒီးသုစီၤလိာ်စီၤပၤတဖၣ်, သုပဒိၣ်ပပှၢ် တဖၣ်, ဒီးသုဝံတဖၣ်န့ၣ်လီၤ.

လံာ်ဒၤနံးယ့လး 11:38

ဒီးကမၤလၤကပီၤဝဲကစၢ်တဂၤလၢအအိၣ်ပှိၤတိာ်ဧိၤတာ်ဧိၤ တဖၣ်, လၢကစၢ်တဖၣ်န့ၣ်အလီၢ်လီၤ. အဝဲကလုၢ်ထီၣ်မၤဘူၣ်ဝဲထူ, စ့, တၢ်မျၢ်ဒီးတၢ်ဟ့ၣ်လုၢ်ဒိၣ်ပှ့ၤဒိၣ်အဂၤတဖၣ်ဆူကစၢ်တဂၤလၢအမိၢ် ပၢ်ဖံဖုလၢပျၢၤတဖၣ်တဘူၣ်ထီၣ်ဘါထီၣ်ဝဲနီတစုဘၣ်အအိၣ်န့ၣ်လီၤ.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

ရိမ့ၤ 1:22

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

အ့းဖ့းစူး 4:18

အဝဲသ့ၣ်အသူၣ်ခံးအသးခံးသတးဒီးလီၤဖးကွံာ်ဒီးတၢ်မူလၢ ကစၢ်ယွၤဟ့ၣ်လီၤဝဲ, အဂ့ၢ်မ့ၢ်လၢအဝဲသ့ၣ်အပူၤန့ၣ်တၢ်သ့ၣ်ညါနၢ်ပၢၢ်တအိၣ်ဘၣ်နီ တစဲးဘၣ်ဒီးအသူၣ်ကိၤသးကိၤဒိၣ်နီၢ်မးအဃိန့ၣ်လီၤ.

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

လံာ်သိၣ်လီၤသီလီၤတၢ် 27:15

ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 4:28

ဖဲန့ၣ်သုကမၤကစၢ်တဖၣ်, လၢအဘၣ်တၢ်တ့အီၤလၢပှၤကညီအစုတဖၣ်အတၢ်, ကစၢ်တဖၣ်လၢအဘၣ်တၢ်မၤအီၤလၢသ့ၣ်ဒီးလၢၢ်, ကစၢ်တဖၣ်လၢအထံၣ်တၢ် မ့ၢ်ဂ့ၤ, နၢ်ဟူတၢ်မ့ၢ်ဂ့ၤ, အီၣ်တၢ်အီတၢ်မ့ၢ်ဂ့ၤတသ့ဘၣ်. အီၣ်တၢ်မ့ၢ်ဂ့ၤ, နၢတၢ်မ့ၢ်ဂ့ၤ, တသ့ဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:14

လဲၤဒီးကိးထီၣ်တၢ်ဆူကစၢ်အဂၤတဖၣ်လၢသုဃုထၢတ့ၢ်အီၤန့ၣ် တက့ၢ်. မ်အဝဲသ့ၣ်အုၣ်က့ၤခီၣ်က့ၤသုဖဲသုဘၣ်တၢ်ကိၢ်တၢ်ဂီၤန့ၣ် တက့ၢ်.”