လံာ်ယၡါယၤ 44:7 - Sgaw Karen Common Bible

⁷ တၢ်လၢယမၤတ့ၢ်န့ၣ်, ပှၤအဂၤတဂၤဂၤမၤဝဲဘၣ်ကသ့ဧါ. စးထီၣ်လၢတၢ်အခီၣ်ထံးတုၤလၢတၢ်အကတၢၢ်, တၢ်လၢအကမၤအသးခဲလၢာ်န့ၣ်, မ့ၢ်မတၤကတိၤဆိပာ်ကသ့တဂၤဂၤ လဲၣ်.

လံာ်ယၡါယၤ 44:7 Iomraidhean Croise

လံာ်ယၡါယၤ 19:12

ကီၢ်အဲၤကူပတူးအစီၤပၤဧၢ, နပှၤဟ့ၣ်ကူၣ်တၢ်လၢအသ့အဘၣ် တဖၣ်န့ၣ်, အိၣ်ဖဲလဲၣ်. ဘၣ်သ့ၣ်သ့ၣ်အဝဲသ့ၣ်တဲဘၣ်နၤလၢယွၤ သ့တၢ်လၢာ်ကစၢ်အတၢ်ကူၣ်ကျဲၤတဖၣ်လၢကီၢ်အဲၤကူပတူး အဂီၢ်ကသ့ဝဲလီၤ.

လံာ်ယၡါယၤ 41:22

ဟဲဖဲအံၤဒီးတဲဆိပာ်စၢၤတၢ်လၢအကမၤအသး, ဒ်သိးပကသ့ၣ်ညါအီၤဖဲအမၤအသးအဆၢကတီၢ်န့ၣ်တက့ၢ်. တၢ်လၢအမၤအသးလၢအပူၤကွံာ်တဖၣ်အဂ့ၢ်န့ၣ်တဲဖျါထီၣ်လၢကွီၢ် ဘျီၣ်အပူၤတက့ၢ်. ဒီးတဲပှၤအခီပညီမ့ၢ်တၢ်မနုၤလဲၣ်န့ၣ်တက့ၢ်.

လံာ်ယၡါယၤ 41:23

စံးဘၣ်တဲဘၣ်ပှၤတၢ်လၢကဟဲထီၣ်ဆူခံဆူညါတဖၣ်န့ၣ်တက့ၢ်. အန့ၣ်ဒီးပကသ့ၣ်ညါလၢသုမ့ၢ်ကစၢ်တဖၣ်လီၤ. မၤတၢ်အဂ့ၤတမံၤမံၤ, မ့တမ့ၢ်, ဟဲစိာ်တၢ်တတၢးတနါ တနီၤတက့ၢ်. မၤပှဲၤပှၤဒီးတၢ်ပျံၤတၢ်ဖုးဒီးတၢ်ကမၢကမၣ်တက့ၢ်.

လံာ်ယၡါယၤ 41:26

မ့ၢ်မတၤလၢသုကျါတဂၤဂၤကတိၤဆိပာ်လၢတၢ်အံၤကမၤအသး ဒ်သိးပစံးကသ့လၢသုတၢ်န့ၣ်ဘၣ်လီၤန့ၣ်လဲၣ်. သုတကတိၤတၢ်ကတိၤတဘီဒၣ်လဲာ်ဘၣ်ဃးဒီးတၢ်ဂ့ၢ်အံၤနီတဂၤဘၣ်. ပှၤတနၢ်ဟူသုကတိၤတၢ်နီတမံၤနီတဂၤဘၣ်.”

လံာ်ယၡါယၤ 41:4

ပှၤလၢအဒုးကဲထီၣ်တၢ်အံၤမ့ၢ်မတၤတဂၤလဲၣ်. တၢ်စံၣ်စိၤတဲစိၤအကျိၤအကျဲန့ၣ်မ့ၢ်မတၤတဂၤနီၤဖးစံၣ်ညီၣ် တဲာ်အီၤလဲၣ်. ယၤ, ယွၤအံၤ, တၢ်မၤအသးအခီၣ်ထံးန့ၣ်ယ အိၣ်ဖဲန့ၣ် ဒီးယၤ, ယွၤအံၤ, လၢတၢ်မၤအသးအကတၢၢ်န့ၣ်ယကအိၣ်ဖဲန့ၣ်လီၤ.

လံာ်ယၡါယၤ 43:12

ယကတိၤဆိတ့ၢ်တၢ်လၢအကမၤအသးဝံၤဒီးယဟဲတ့ၢ်ယဲလၢတၢ်မၤစၢၤ သုအဂီၢ်လီၤ. တခီဘီမုၢ်အကစၢ်တမၤတ့ၢ်တၢ်အံၤနီတစုနီတဂၤဘၣ်. သုမ့ၢ်ယပှၤအုၣ်အသးတဖၣ်လီၤ.

လံာ်ယၡါယၤ 43:9

ကိးဖှိၣ်ပှၤကလုာ်တဖၣ်လၢအကဟဲဆူတၢ်သမံသမိးအလီၢ်တက့ၢ်. မတၤလၢအဝဲသ့ၣ်အကစၢ်တဖၣ်အကျါကတိၤဆိပာ်စၢၤလၢခါဆူညါတၢ် ကမၤအသးအဂ့ၢ်သ့တဂၤဂၤလဲၣ်. မတၤလၢအဝဲသ့ၣ်အကျါတဲဆိပာ်တၢ်လၢအမၤအသးခဲအံၤန့ၣ်လဲၣ်. မ်ကစၢ်တဖၣ်အံၤကဟဲစိာ်နုာ်အပှၤအုၣ်အသးတဖၣ် လၢကဒုးနဲၣ်ဖျါလၢအဝဲသ့ၣ်အတၢ်ဘၣ်, ဒီးကအုၣ်အသးလၢအတၢ်ကတိၤတဖၣ်အတၢ်မ့ၢ်တၢ်တီန့ၣ်တက့ၢ်.

လံာ်ယၡါယၤ 45:21

ဟဲဒီးပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ်ပူၤတက့ၢ်. ပျဲပှၤဒီဒၣ်လီၤက့ၤအသးတဖၣ်ကူၣ်လိာ်သကိးအသးတဂၤဒီးတဂၤတ က့ၢ်. မ့ၢ်မတၤကတိၤဆိပာ်လၢအပူၤကွံာ်ယံာ်တ့ၢ်မးလံလၢတၢ်မနုၤ မနုၤကမၤအသးန့ၣ်တဂၤလဲၣ်. တမ့ၢ်ယၤ, ယွၤ, ကစၢ်ယွၤလၢအအုၣ်က့ၤခီၣ်က့ၤ အပှၤဂီၢ်မုၢ်န့ၣ်ဘၣ်ဧါ. ကစၢ်အဂၤတအိၣ်ဘၣ်.

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:8

တၢ်ထီကတၢၢ်တဂၤန့ၣ်ပာ်လီၤန့ၢ်တ့ၢ်ပှၤကလုာ်တဖၣ်လၢအဝဲသ့ၣ် အထံအကီၢ်တဖၣ်, ဒီးအဝဲစံၣ်ညီၣ်တဲာ်တ့ၢ်ဝဲလၢပှၤဂီၢ်မုၢ်တဖၣ်ကဘၣ်အိၣ်ဆိးဖဲ လဲၣ်န့ၣ်လီၤ. ပှၤတကလုာ်စုာ်စုာ်အဂီၢ်န့ၣ်အဝဲပာ်လီၤန့ၢ်အီၤအကလူးလၢကအံး ထွဲကွၢ်ထွဲအီၤန့ၣ်လီၤ.