လံာ်ယၡါယၤ 44:3 - Sgaw Karen Common Bible

³ ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 44:3 Iomraidhean Croise

လံာ်စီၤယိၤဘး 5:25

ဒီးနကအိၣ်ဒီးနချံနသၣ်အါအါဂီၢ်ဂီၢ်ဒ်နီၣ်ဧိၤမံၤဧိၤလၢ အီၣ်ဆၣ်အလီၢ်အသိးန့ၣ်လီၤ.

စံးထီၣ်ပတြၢၤ 107:35

အဝဲဒုးဆီတလဲက့ၤမဲးမုၢ်ခိၣ်ဆူနိၣ်တဖၣ်, ဒီးဟီၣ်ခိၣ်လၢအဃ့ဆူထံထီၣ်ပၢၢ်တဖၣ်န့ၣ်လီၤ.

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

တၢ်ကတိၤဒိ. 1:23

ဖဲယသိၣ်ဃီၣ်သုဒီးဒိကနၣ်တက့ၢ်. ယကဟ့ၣ်သုတၢ်ဟ့ၣ်ကူၣ် အဂ့ၤဒီးနီၤဟ့ၣ်သုလၢယတၢ်သ့ၣ်ညါလီၤ.

လံာ်ယၡါယၤ 27:3

“ယကွၢ်ထွဲအီၤဒီးလူအီၤလၢထံတပယူာ်ဃီလီၤ. ယပၢၤအီၤမုၢ်ဆါဆဲးလၢမုၢ်နၤဒ်သိးပှၤသုတမၤဘၣ်ဒိဘၣ်ထံး အီၤနီတဂၤတဂ့ၤအဂီၢ်လီၤ.

လံာ်ယၡါယၤ 32:15

ဘၣ်ဆၣ်ဒီးကစၢ်ယွၤကဟ့ၣ်လီၤပှၤလၢအသးအသီတဘျီ န့ၣ်လီၤ. ဟီၣ်ခိၣ်လီၤဃိကကဲထီၣ်က့ၤဟီၣ်ခိၣ်ညၣ်ထ့ၣ်, ဒီးစံာ်ပျီတဖၣ်ကဟ့ၣ်ထီၣ်တၤသူတၤသၣ်အါအါဂီၢ်ဂီၢ်လီၤ.

လံာ်ယၡါယၤ 32:2

အဝဲသ့ၣ်တဂၤဘၣ်တဂၤကလီၤ ဂာ်ဒီးတၢ်အိၣ်ကဒုပူၤဖျဲးအလီၢ်တတီၤလၢကလံၤမုၢ်, ဒီးတၢ်လီၢ်တတီၤလၢတၢ်အိၣ်သဒၢပူၤဖျဲးဒီးကလံၤ မုၢ်တွၤတဖၣ်အဂီၢ်န့ၣ်လီၤ. အဝဲသ့ၣ်ကလီၤဂာ်ဒီး ထံဖိကျိတဖၣ်လၢအယွၤလီၤလၢမဲးမုၢ်ခိၣ်တတီၤ, ဒီးလၢၢ်မုၢ်ဖးဒိၣ်တဖျၢၣ်အကဒုလၢကီၢ်အိၣ်လီၤ ဃီတဘ့ၣ်အပူၤန့ၣ်လီၤ.

လံာ်ယၡါယၤ 41:17

ဖဲယပှၤဂီၢ်မုၢ်လိၣ်ဘၣ်ဒီးဃုဝဲထံအဆၢကတီၢ် ဒီးဖဲအကိာ်ယူၢ်တဖၣ်ဃ့ထီဝဲလၢတၢ်သူအသးလၢထံအဃိန့ၣ်, ယၤ, ယွၤအံၤယကစံးဆၢအဝဲသ့ၣ်အတၢ်ထုကဖၣ်လီၤ. ယၤ, အံၣ်စရ့လးအကစၢ်ယွၤအံၤယတလဲၤသဒၣ်အဝဲသ့ၣ်နီတစုဘၣ်.

လံာ်ယၡါယၤ 48:19

သုစၢၤသုသွဲၣ်တဖၣ်ကအါဝဲဂီၢ်ဝဲဒ် မဲးအဖျၢၣ်တဖၣ်အသိး, ဒီးယကမၤလီၤတံၢ်တၢ်ဒ်သိးအဝဲသ့ၣ်အသုတဘၣ်တၢ်မၤဟးဂီၤအီၤ နီတစုတဂ့ၤအဂီၢ်န့ၣ်လီၤ.

လံာ်ယၡါယၤ 48:21

ဖဲယွၤဆှၢခီဖျိအပှၤဂီၢ်မုၢ်လၢမဲးမုၢ်ခိၣ်တတီၤလၢအကိၢ် ဒီးအဃ့ထီအခါန့ၣ်, အဝဲသ့ၣ်တတူၢ်ဘၣ်တၢ်သူအသးလၢထံဘၣ်. ဒုးယွၤလီၤထံလၢလၢၢ်တဖျၢၣ်အပူၤ လၢအဝဲသ့ၣ်အဂီၢ်လီၤ. အဝဲဒိသ့ၣ်ဖးလၢၢ်ဒီးထံပုာ်ထီၣ်ယွၤလီၤဝဲလီၤ.

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်ယၡါယၤ 59:21

ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ယၡါယၤ 61:9

အဝဲသ့ၣ်အမံၤကဟူသၣ်ကဖျါလၢ ပှၤကလုာ်တဖၣ်အကျါ, ပှၤတဂၤလၢ်လၢ်လၢအထံၣ်အဝဲသ့ၣ်န့ၣ် ကသ့ၣ်ညါဝဲလၢ အဝဲသ့ၣ်မ့ၢ်ပှၤဂီၢ်မုၢ်တဖုလၢ ယဆိၣ်ဂ့ၤတ့ၢ်လံအီၤန့ၣ်လီၤ.”

လံာ်ယၡါယၤ 65:23

တၢ်မၤလၢအမၤဝဲန့ၣ်ကကဲထီၣ်လိၣ်ထီၣ်ဝဲဒီးအဝဲသ့ၣ်အဖိတဖၣ် တကွၢ်ဆၢၣ်မဲာ်ဘၣ်တၢ်တတၢးတနါဘၣ်. ယကဆိၣ်ဂ့ၤအဝဲသ့ၣ်ဒီး အစၢၤအသွဲၣ်တဖၣ်လၢတၢ်ဆၢကတီၢ်လၢကဟဲဝဲကိးအကတီၢ် ဒဲးန့ၣ်လီၤ.

လံာ်ယဃ့းစက့လး 34:26

ယကဆိၣ်ဂ့ၤအဝဲသ့ၣ်ဒီးဒုးအိၣ်ဆိးအဝဲသ့ၣ်ဝးတရံးယတၢ်လူၢ်စီဆှံ န့ၣ်လီၤ. ဖဲန့ၣ်ယကဆိၣ်ဂ့ၤအဝဲသ့ၣ်ဒီးမူခိၣ်အတၢ်စူၤထံဖဲအဝဲသ့ၣ် လိၣ်ဘၣ်ဝဲအခါန့ၣ်လီၤ.

လံာ်ယဃ့းစက့လး 36:27

ယကဒၢနုာ်လီၤယသးလၢသုပူၤဒီးယကကွၢ်, လၢမ့ၢ်သု ပိာ်ထွဲယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတိၢ်န့ၢ်ဖံးဃာ် တၢ်မၤလိာ်တဖၣ်လၢယဟ့ၣ်လီၤတ့ၢ်သုကစီဒီဧါန့ၣ်လီၤ.

လံာ်ယဃ့းစက့လး 39:29

ယကလူလီၤယသးလၢကီၢ်အံၣ်စရ့လးအပှၤဂီၢ်မုၢ်အလိၤဒီး တဃၣ်ကွံာ်ဘၣ်ယသးလၢအဝဲသ့ၣ်အအိၣ်နီတစုလၢၤဘၣ်န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 47:8

အဝဲစံးဘၣ်ယၤ, “ထံအံၤယွၤလီၤခီဖျိတၢ်လီၢ်တၢ်ကျဲဆူမုၢ်ထီၣ်တကပၤဒီး ဆူယၢ်ဒ့ၣ်အတၢ်တြီၤပူၤ, ဒီးဆူပီၣ်လဲၣ်သံအပူၤန့ၣ်လီၤ. တုၤအယွၤနုာ်လီၤဆူပီၣ်လဲၣ်သံအပူၤန့ၣ်မၤပှဲၤ က့ၤပီၣ်လဲၣ်န့ၣ်အအံသၣ်ထံအလီၢ်ဒီးထံအဘျါန့ၣ်လီၤ.

လံာ်ဟိၤၡ့ 10:12

ယစံးယဲ, ထဲၣ်ဟီၣ်ခိၣ်အသီလၢနကစၢ်ဒၣ်နဲအဂီၢ်, သူၣ်လီၤတၢ်မ့ၢ်တၢ်တီ, ဒီးကူးက့ၤတၢ်ဆိၣ်ဂ့ၤတဖၣ်လၢနတၢ်ဟ့ၣ်လီၤနသးဆူယၤ, ကဟ့ၣ်ထီၣ်ဝဲန့ၣ်တက့ၢ်. အအံၤမ့ၢ်တၢ်ဆၢကတီၢ်လၢနဂီၢ်လၢနဘၣ်ဃၣ်ကဒါက့ၤနသးဆူယၤ, နယွၤအအိၣ်ဒီးယကဟဲဒီးလူလီၤဂၢ်လီၤတၢ်ဆိၣ်ဂ့ၤတဖၣ်လၢနလိၤ န့ၣ်လီၤ.

လံာ်ယိၤအ့လး 2:27

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယအိၣ်လၢသုကျါ, ဒီးယၤ, ယွၤ, မ့ၢ်သုကစၢ်ယွၤ ဒီးယွၤအဂၤတအိၣ်နီတဂၤဘၣ်လီၤ. ယပှၤဂီၢ်မုၢ်တဘၣ်တၢ်ဒုၣ်ဒွဲၣ်ကဒီးအီၤနီတစုလၢၤဘၣ်.

လံာ်ယိၤအ့လး 2:28

တၢ်န့ၣ်ဝံၤအလီၢ်ခံဒီးယကလူလီၤယသးစီ ဆှံလၢပှၤကိးဂၤဒဲးအလိၤ, သုဖိခွါတဖၣ်ဒီးသုဖိမုၣ်တဖၣ်ကတဲဖျါယတၢ်ကစီၣ်, သုပှၤပိာ်ခွါသးပှၢ်တဖၣ်ကမံမီၢ်တၢ်, ဒီးသုပှၤပိာ်ခွါသးစၢ်တဖၣ်ကထံၣ်တၢ်လၢညါခီလီၤ.

လံာ်ယိၤအ့လး 3:1

ဒီးယွၤစံးဝဲဒၣ်, လၢအဆၢကတီၢ်ဖဲန့ၣ်, ယကဒုးအီၣ်ကုးအီပှဲၤက့ၤကီၢ်ယူဒၤဒီး ဝ့ၢ်ယရူၤၡလ့ၣ်န့ၣ်လီၤ.

လံာ်ယိၤအ့လး 3:18

လၢအဆၢကတီၢ်ဖဲန့ၣ်, ကစၢၢ်ကလိတဖၣ်ကပှဲၤဝဲဒီးစပံးလီၢ်တဖၣ်, ဒီးဂီၤဘုၣ်ဂီၤဖံးတဖၣ်ကဘၣ်တၢ်ထံၣ်န့ၢ်အီၤလၢကစၢၢ်ကိးဖျၢၣ်ဒဲးအလိၤ, ဒီးထံကယွၤလီၤဝဲအါအါဂီၢ်ဂီၢ်လၢကီၢ်ယူဒၤအထံ ဖိကျိခဲလၢာ်အပူၤန့ၣ်လီၤ. ဒီးထံထီၣ်ပၢၢ်တပူၤကယွၤလီၤဝဲလၢယွၤအတၢ်လုၢ်ဟံၣ် ဒီးကမၤဘၣ်စီၣ်ကီၢ်အဃါယၤအတၢ်တြီၤန့ၣ်လီၤ.

လံာ်မံကၤ 5:7

ဒီးလၢပှၤအါကလုာ်အဂီၢ်န့ၣ်အံၣ်စရ့လးအပှၤဂီၢ်မုၢ်လၢအအိၣ် လီၤတဲာ်တဖၣ်ကမၤအသးဒ်ဘှ့ၣ်ဒီးတၢ်စူၤထံ လၢယွၤဆှၢလီၤအီၤ လၢကမၤသံကစဲာ်ထီၣ်တၢ်မုၢ်တၢ်ဘိလၢအမဲထီၣ်တဖၣ်အသိးန့ၣ်လီၤ. အဝဲသ့ၣ်ကသန့ၤထီၣ်အသးလၢကစၢ်ယွၤ, ဒီးတမ့ၢ်ဘၣ်ပှၤကညီဘၣ်.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်မးသဲ 12:43

တုၤတၢ်နါအၢဟးထီၣ်လၢပှၤတဂၤအပူၤဒီးဟးဝ့ၤဝီၤဝဲလၢတၢ် ဃ့စိၢ်ဃ့ထီအလီၢ်တဖၣ်ဒီးဃုဝဲတၢ်အိၣ်ဘှံးအလီၢ်လီၤ. ဘၣ်ဆၣ်တထံၣ်န့ၢ်ဝဲဘၣ်.

မၤတၢ် 10:45

ပှၤယူဒၤဖိလၢအစူၢ်က့ၤနာ်က့ၤတၢ်လၢအဟဲဃုာ်ဒီးစီၤပ့းတရူး လၢဝ့ၢ်ယၤဖိၤတဖၣ်, ကမၢကမၣ်ဝဲလၢကစၢ်ယွၤလူလီၤဂၢ်လီၤအတၢ်ဟ့ၣ်ဘၣ်ဃးသး စီဆှံလၢပှၤကလုာ်ဂၤတဖၣ်အလိၤစ့ၢ်ကီးအဃိန့ၣ်လီၤ.

မၤတၢ် 2:17

‘ကစၢ်ယွၤစံးဝဲဒၣ်, အအံၤမ့ၢ်တၢ်လၢယကမၤအီၤလၢ မုၢ်နံၤမုၢ်သီ လၢခံကတၢၢ်တဖၣ်, ယကလူလီၤဂၢ်လီၤယသးလၢ ပှၤဟီၣ်ခိၣ်ဖိခဲလၢာ်အလိၤ, သုဖိမုၣ်ဖိခွါတဖၣ်ကတဲဖျါထီၣ်ယတၢ်ကစီၣ်, သုပှၤသးစၢ်တဖၣ်ကထံၣ်တၢ်ထံၣ်လၢညါခီတဖၣ်, ဒီးသုပှၤသးပှၢ်တဖၣ်ကမံမီၢ်တၢ်မံမီၢ်တဖၣ်လီၤ.

မၤတၢ် 2:33

အဝဲဒၣ်ဘၣ်တၢ်ပာ်ထီၣ်ထီအီၤလၢပၢ်ကစၢ်ယွၤအစုထွဲတကပၤ, ဒီးဒိးန့ၢ်သးစီဆှံလၢအအိၣ်ဒ်အအၢၣ်လီၤအီလီၤတ့ၢ်ဝဲအသိး န့ၣ်လီၤ. ဒီးတၢ်လၢသုထံၣ်ဘၣ်ဒီးနၢ်ဟူဘၣ်ခဲကနံၣ်အံၤ, မ့ၢ်ယ့ၣ်ၡူးအတၢ်ဟ့ၣ်လၢအလူလီၤဂၢ်လီၤဝဲလၢပလိၤန့ၣ်လီၤ.

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

လံာ်လီၣ်ဖျါ 21:6

ဒီးအဝဲဒၣ်စံးဝဲ, “တၢ်မၤအသးဝံၤလံ. ယမ့ၢ် က, ဒီး ဧ, တၢ်အခီၣ်ထံးဒီးတၢ်အကတၢၢ်လီၤ. ဆူပှၤတဂၤလၢ်လၢ်လၢတၢ်သူအသးလၢထံန့ၣ်, ယကဟ့ၣ်အီၤအခွဲးအယာ်လၢအကအီထံဖဲတၢ်မူ အထံထီၣ်ပၢၢ်တအိၣ်ဒီးတၢ်ဟ့ၣ်ဘၣ်အပှ့ၤအကလံၤ န့ၣ်ဘၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.