လံာ်ယၡါယၤ 44:27 - Sgaw Karen Common Bible

²⁷ ထဲတၢ်ဟ့ၣ်လီၤတၢ်ကလုၢ်တဘီဧိၤန့ၣ်ယဒုးဃ့ထီကွံာ်ပီၣ်လဲၣ် န့ၣ်လီၤ.

လံာ်ယၡါယၤ 44:27 Iomraidhean Croise

လံာ်တၢ်ကဲထီၣ်အခီၣ်ထံး 8:1

ဒီးကစၢ်ယွၤတသးပ့ၤနီၣ်စီၤနိအၤ, ဒီးကယဲၢ်ဆၣ်ဖိကီၢ်ဖိအိၣ် ဒီးအီၤလၢကဘီပူၤန့ၣ်ဘၣ်. အဝဲဒုးအူထီၣ်ကလံၤဒီးထံစးထီၣ်လီၤဝဲဒၣ်န့ၣ်လီၤ.

စံးထီၣ်ပတြၢၤ 74:15

နဒုးယွၤလီၤထံကျိဖိဒီးထံထီၣ်ပၢၢ် ဒီးနဒုးဃ့ထီၣ်ကွံာ်ထံကျိဖးဒိၣ်တဖၣ်လီၤ.

လံာ်တၢ်ဟးထီၣ်ကွံာ် 14:21

စီၤမိၤၡ့ယူာ်ထီၣ်အစုလၢပီၣ်လဲၣ်အဖီခိၣ်ဒီးယွၤနီၣ်ကဒါ က့ၤပီၣ်လဲၣ်ခီဖျိကလံၤဆူၣ်လၢမုၢ်ထီၣ်တခီန့ၣ်လီၤ. ကလံၤန့ၣ်အူတၢ်သီတနၤကျၢၤတုၤပီၣ်လဲၣ်ကဲထီၣ်ဟီၣ်ခိၣ်ဃ့ထီလီၤ. ထံနီၤဖးလီၤအသးခံခီ,

လံာ်ယၡါယၤ 42:15

ယကမၤဟးဂီၤကွံာ်တၢ်လူၢ်ဒီးကစၢၢ်တဖၣ် ဒီးမၤဃ့ထီကွံာ်နီၣ်ဧိၤမံၤဧိၤဒီးသ့ၣ်ထူၣ်တဖၣ်လီၤ. ယကဒုးကဲထီၣ်က့ၤထံကျိအတြီၤတဖၣ်ဆူမဲးမုၢ်ခိၣ် ဒီးမၤဃ့ထီကွံာ်ထံအကွံတဖၣ်လီၤ.

လံာ်ယၡါယၤ 43:16

ပူၤကွံာ်လၢညါယံာ်တ့ၢ်မးလံန့ၣ်, ယွၤမ့ၢ်တ့ၢ်ကျဲမုၢ်တဘိ ခီဖျိပီၣ်လဲၣ်, ကျဲဖိတဘိခီဖျိထံသဝံးအပူၤလီၤ.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယၡါယၤ 51:15

ယမ့ၢ်ယွၤ, သုကစၢ်ယွၤလီၤ. ယထိၣ်ဂဲၤထီၣ်ပီၣ်လဲၣ် ဒီးဒုးသီၣ်ထီၣ်အလပီတဖၣ်ရူၢ်ရူၢ်လီၤ. ယမံၤမ့ၢ်ဝဲယွၤသ့တၢ်လၢာ်န့ၣ်လီၤ.

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်ယံးရမံယၤ 50:38

မ်တၢ်ယီၤဃ့ကလီၤဘၣ်လၢ အထံကီၢ်အလိၤ, ဒီးမၤလီၤသံးကွံာ်အထံကျိတဖၣ်တက့ၢ်. ကီၢ်ဘၤဘူၤလိၣ်မ့ၢ် ကီၢ်တဘ့ၣ်လၢအပှဲၤဒီးတၢ်ဂီၤတၢ် ဖီၣ်လီၤပျံၤလီၤဖုး, လၢအဒုးပျုၢ်ထီၣ်ပှၤဂီၢ်မုၢ်န့ၣ်လီၤ.

လံာ်ယံးရမံယၤ 51:32

ဒုၣ်ဒါမၤန့ၢ်ကွံာ် ထံကျိၤလၢခီဂာ်တၢ်အဂီၢ်ဒီးဒွဲၣ်အူထီၣ် တိာ်ဧိၤတာ်ဧိၤတဖၣ်လၢ မ့ၣ်အူလံန့ၣ်လီၤ. ကီၢ်ဘၤဘူၤလိၣ် အသုးဖိတဖၣ် တၢ်ပျံၤတၢ်ဖုးလီၤဘၣ်အီၤလံန့ၣ်လီၤ.

လံာ်ယံးရမံယၤ 51:36

မၤသးဒ်န့ၣ်ဒီး, ယွၤစံးဘၣ်ဝ့ၢ်ယရူၤရှလ့ၣ်အပှၤဂီၢ်မုၢ်, “ယကဟံးထီၣ်သုကွီၢ်, ဒီးမၢသုဒုၣ်သုဒါဟ့ၣ်ဆၢက့ၤတၢ် အပှ့ၤလၢတၢ်လၢအဝဲသ့ၣ်မၤဘၣ်တ့ၢ်သုအဂီၢ်န့ၣ်လီၤ. ယကမၤလီၤသံးကွံာ် ဝ့ၢ်ဘၤဘူၤလိၣ်အထံဟဲထီၣ် အဂံၢ်ထံးဒီး မၤဃ့ထီကွံာ်အထံကျိတဖၣ်န့ၣ်လီၤ.

လံာ်စကၤရယၤ 10:11

ဖဲအဝဲသ့ၣ်ခီဂာ်အတၢ်ကီတၢ်ခဲအပီၣ်လဲၣ်န့ၣ်, ယဲဒၣ်, ယွၤ, ယကတီၢ်လပီတဖၣ် ဒီးထံကျိနံၤလါအတၢ်ယိာ်အထံကလီၤသံးကွံာ် ခဲလၢာ်လီၤ. ကီၢ်အၤၡူၢ်လၢအပာ်ထီၣ်ထီအသးန့ၣ် ကဘၣ်တၢ်ဆီၣ်လီၤကွံာ်အီၤ, ဒီးကီၢ်အဲၤကူပတူးလၢအဂံၢ်ဆူၣ်ဘါဆူၣ်အစိကမီၤကဟးဂီၤန့ၢ် အီၤလီၤ.

လံာ်လီၣ်ဖျါ 16:12

တုၤနုၤတစုကလူးဃုဂၤတဂၤဂၢ်လီၤအသလၢလၢထံကျိဖးဒိၣ် ဖရၤသးအပူၤလီၤ. ထံကျိဃ့ထီကွံာ်ဝဲ, ဒ်သိးအကဒုးအိၣ်ထီၣ်ကျဲလၢစီၤပၤလၢအဟဲလၢမုၢ်ထီၣ် တဖၣ်အဂီၢ်န့ၣ်လီၤ.