လံာ်ယၡါယၤ 44:23 - Sgaw Karen Common Bible

²³ ကိးထီၣ်လၢတၢ်သးခုတက့ၢ်, သုဝဲမူခိၣ်မူကပိာ်လိၤသ့ၣ်တဖၣ်ဧၢ, ကိးထီၣ်, ဟီၣ်ခိၣ်အလီၢ်လၢအယိာ်တဖၣ်ဧၢ, ကိးထီၣ်လၢတၢ်သးခုတက့ၢ်, ကစၢၢ်သ့ၣ်တဖၣ်ဒီးသ့ၣ်ထူၣ်ကိးထူၣ်ဒဲးလၢသ့ၣ်ဒိၣ်ပှၢ်တီၣ်ပူၤသ့ၣ်ဧၢ, ယွၤဒုးနဲၣ်အတၢ်ဒိၣ်တၢ်မုၢ်ခီဖျိတၢ်အုၣ်က့ၤခီၣ်က့ၤ အပှၤဂီၢ်မုၢ်အံၣ်စရ့လးလီၤ.

လံာ်ယၡါယၤ 44:23 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:31

ဟီၣ်ခိၣ်ဒီးမူကပိာ်လိၤဧၢ, သူၣ်ဖှံသးညီတက့ၢ်. တဲဘၣ်ပှၤကလုာ်တဖၣ်လၢယွၤမ့ၢ်စီၤပၤတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:32

ပီၣ်လဲၣ်ဒီးတၢ်ဘၣ်တ့လၢအအိၣ်လၢအပူၤတဖၣ်ဧၢ, သီၣ်ထီၣ်ရူၢ်ရူၢ်တက့ၢ်. ပျီတဖၣ်ဒီးတၢ်အိၣ်လၢအပူၤခဲလၢာ်သ့ၣ်ဧၢ, သူၣ်ဖှံသးညီတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:33

တုၤယွၤဟဲလၢကပၢဟီၣ်ခိၣ်န့ၣ်သ့ၣ်လၢပှၢ်လၢ်ကျါတဖၣ်ကကိးထီၣ် လၢတၢ်သးခုန့ၣ်လီၤ.

စံးထီၣ်ပတြၢၤ 148:7

မ်တၢ်အိၣ်လၢဟီၣ်ခိၣ်ခဲလၢာ် ပီၣ်လဲၣ်အပယိၤဒီးထံယိာ် ပူၤခဲလၢာ်, စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 148:9

စံးထီၣ်ပတြၢၤအီၤ, ကစၢၢ်ကလိဒီးကယဲၢ်တၢ်စိခိၣ်, သ့ၣ်လၢအသၣ်ထီၣ်ဒီးကယဲၢ်သ့ၣ်ဆှိအ့ရ့း,

စံးထီၣ်ပတြၢၤ 65:13

စံာ်ပျီတဖၣ်ဘၣ်တၢ်လုၣ်ဘၢအီၤလၢ သိတဖၣ် ဒီးတၢ်ပၢၤခိၣ်န့ၣ်အိၣ်ပှဲၤဒီး ဘုဧိၤဟုဧိၤလီၤ. အဝဲသ့ၣ်ကိးပသူထီၣ်ဒီးသးဝံၣ်သကိးတပူၤဃီလၢတၢ်သးခု အဃိန့ၣ်လီၤ.

စံးထီၣ်ပတြၢၤ 69:34

မ်မူခိၣ်ဒီးဟီၣ်ခိၣ်, ပီၣ်လဲၣ်ဒီး ကယဲၢ်တၢ်လၢအလဲၤလၢအပူၤခဲလၢာ်န့ၣ်, စံးထီၣ်ပတြၢၤကစၢ်ယွၤတက့ၢ်.

စံးထီၣ်ပတြၢၤ 69:35

အဂ့ၢ်ဒ်အံၤ, ယွၤကအုၣ်က့ၤခီၣ်က့ၤစံယိၣ်, ဒီးကသူၣ်ထီၣ်က့ၤယူဒၤအဝ့ၢ်တဖၣ် ဒီးအခ့အပှၤသ့ၣ်တဖၣ်ကအိၣ်ကဆိးဖဲန့ၣ်ဒီး ကန့ၢ်ဘၣ်ကီၢ်န့ၣ်လီၤ.

စံးထီၣ်ပတြၢၤ 89:13

နအိၣ်ဒီးနစုဒုၣ်လၢအဂံၢ်ဆူၣ်ဘါဆူၣ်, နစုန့ၣ်ဆူၣ်ဝဲဒီးနစုထွဲအိၣ်ထီၣ်ထီလီၤ.

လံာ်တၢ်ဟးထီၣ်ကွံာ် 18:9

ဒီးဖဲစီၤယံးသရိၤနၢ်ဟူတၢ်ဂ့ၢ်ခဲလၢာ်အံၤဒီးအဝဲအသးခု,

လံာ်ယၡါယၤ 12:5

သးဝံၣ်ထီၣ်ယွၤလၢအမၤတ့ၢ်တၢ်အဒိၣ်တဖၣ်အဃိန့ၣ်တက့ၢ်. ပျဲဟီၣ်ခိၣ်ဒီဘ့ၣ်နၢ်ဟူတၢ်ကစီၣ်တက့ၢ်.

လံာ်ယၡါယၤ 26:15

ယွၤဧၢ, နမၤဒိၣ်ထီၣ်ထီထီၣ်ပပှၤကလုာ်, ဒီးမၤလဲၢ်ထီၣ်ထံကီၢ်ကိးကပၤဒဲး, ဒီးအဝဲအံၤဟဲစိာ်န့ၢ်နၤတၢ်လၤကပီၤလီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 43:7

အဝဲသ့ၣ်မ့ၢ်ယပှၤဂီၢ်မုၢ်ဒၣ်ယဲ, ဒီးယတ့လီၤပာ်လီၤတ့ၢ်အဝဲသ့ၣ်လၢကဟဲစိာ်န့ၢ်ယၤတၢ်လၤကပီၤ န့ၣ်လီၤ.”

လံာ်ယၡါယၤ 46:13

တၢ်မၤနၢၤအမုၢ်နံၤအံၤယဟဲစိာ်ဘူးထီၣ်အီၤလံ. တအိၣ်ယံၤလၢၤဘၣ်. ယတၢ်မၤနၢၤအံၤတၢ်တမၤယံာ်လၢၤဘၣ်အီၤဘၣ်, ယကအုၣ်က့ၤခီၣ်က့ၤဝ့ၢ်ယရူၤၡလ့ၣ်ဒီးဟဲစိာ်တၢ်လၤတၢ်ကပီၤလၢ ကီၢ်အံၣ်စရ့လးအဂီၢ်ဖဲန့ၣ်လီၤ.

လံာ်ယၡါယၤ 49:13

မူခိၣ်မူကပိာ်လိၤဧၢ, သးဝံၣ်ထီၣ်တက့ၢ်. ကိးပသူထီၣ်လၢတၢ်သးခုအဂ့ၢ်တက့ၢ်. မ်ကစၢၢ်တဖၣ်သီၣ်ပုာ်ထီၣ်လၢတၢ်သးဝံၣ်တက့ၢ်. ယွၤကမၤမုာ်မၤခုၣ်အပှၤဂီၢ်မုၢ်အသးလီၤ. အဝဲကအိၣ်ဒီးတၢ်သးကညီၤဘၣ်အပှၤဂီၢ်မုၢ်လၢအဘၣ်တူၢ်ဘၣ်တၢ် တဖၣ်န့ၣ်လီၤ.

လံာ်ယၡါယၤ 49:3

အဝဲစံးဘၣ်ယၤ, “နမ့ၢ်ယခ့ယပှၤကီၢ်အံၣ်စရ့လးလီၤ. လၢနၤအဃိဒီး, ပှၤဂီၢ်မုၢ်ကစံးထီၣ်ပတြၢၤယၤလီၤ.”

လံာ်ယၡါယၤ 52:9

ကိးသတြီထီၣ်လၢတၢ်သးခု အတၢ်ကိးထီၣ်တဖၣ်တက့ၢ်, သုဝဲဝ့ၢ်ယရူၤၡလ့ၣ်အတၢ်ဟးဂီၤတဖၣ်ဧၢ. ယွၤကမၤပူၤဖျဲးအဝ့ၢ်ဒၣ်ဝဲဒီးမၤမုာ်မၤခုၣ်အပှၤဂီၢ်မုၢ်လီၤ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယံးရမံယၤ 31:11

ယမၤထူၣ်ဖျဲးလံ ကီၢ်အံၣ်စရ့လး အပှၤဂီၢ်မုၢ်, ဒီးအုၣ်က့ၤခီၣ်က့ၤ လံအဝဲသ့ၣ်လၢ ပှၤအဂံၢ်ဆူၣ် တကလုာ်အစုပူၤလီၤ.

လံာ်ယံးရမံယၤ 51:48

ကီၢ်ဘၤဘူၤလိၣ်မၤသံတ့ၢ်ပှၤဂီၢ်မုၢ်လၢ ဟီၣ်ခိၣ်ဒီဘ့ၣ်ညါ, ဒီးခဲကနံၣ်အံၤကီၢ်ဘၤဘူၤလိၣ်ကလီၤဝဲ, မ့ၢ်လၢအမၤသံတ့ၢ်ပှၤအံၣ်စရ့လးဖိအါမးအဃိန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 35:14

ယွၤပၢဘၣ်တၢ်ခဲလၢာ်ကစၢ်စံးဝဲ, “ယကဒုးအိၣ်သယုၢ်လီၤဃီသု, တုၤဒၣ်လဲာ်ဟီၣ်ခိၣ်ဒီဘ့ၣ်ညါကသူၣ်ဖှံသးညီဝဲလၢသု တၢ်လီၤကွံာ်အဃိ,

လံာ်ယဃ့းစက့လး 36:1

ယွၤစံးဝဲဒၣ်, “ပှၤကညီလၢအသံသ့ဧၢ, ကတိၤတၢ်ဒီးကီၢ်အံၣ်စ ရ့လးအကစၢၢ်ကလိတဖၣ်ဒီးစံးဘၣ်အဝဲသ့ၣ်လၢကဒိကနၣ်ယၤ,

လံာ်ယဃ့းစက့လး 36:8

မ့မ့ၢ်လၢကီၢ်အံၣ်စရ့လးအကစၢၢ်ကလိတဖၣ်အလိၤန့ၣ်သ့ၣ်တဖၣ် အလၣ်ကဒိးထီၣ်ကဒီး, ဒီးသၣ်ထီၣ်လၢသုဝဲယပှၤဂီၢ်မုၢ်အံၣ်စရ့ လးအဂီၢ်န့ၣ်လီၤ. တယံာ်ဘၣ်ဒီးသုကဟဲက့ၤကဒါက့ၤဆူဟံၣ်န့ၣ်လီၤ.

လံာ်ယဃ့းစက့လး 39:13

ပှၤကိးဂၤဒဲးလၢကီၢ်ပူၤကခူၣ်လီၤစၢၤအဝဲသ့ၣ်ဒီးအဝဲသ့ၣ်ကဘၣ် တၢ်မၤလၤကပီၤလၢတၢ်အံၤအဃိ, လၢယတၢ်မၤနၢၤအမုၢ်တနံၤ န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

အ့းဖ့းစူး 3:21

တၢ်လၤကပီၤမ်အဘၣ်ကစၢ်ယွၤလၢတၢ်အိၣ်ဖှိၣ်အပူၤ ဒီးလၢယ့ၣ်ၡူးခရံာ်အပူၤအစိၤစိၤအဃၣ်ဃၣ်လီၤထူလီၤယိာ် တက့ၢ်. အၤမ့ၣ်.

အ့းဖ့းစူး 4:9

ဖဲပစံး, “အဝဲလဲၤထီၣ်ဆူတၢ်လီၢ်အထီကတၢၢ်” န့ၣ်ပအဲၣ်ဒိးစံးဒ်လဲၣ်. မ့ၢ်ဒၣ်လၢအဝဲဟဲလီၤဆိတ့ၢ်ဝဲဆူဟီၣ်ခိၣ်လာ်အဃိန့ၣ်လီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

လံာ်လီၣ်ဖျါ 12:12

ဒီးလၢတၢ်န့ၣ်အဃိ, မူခိၣ်ဒီးသုဝဲလၢအအိၣ်အဆိးဖဲန့ၣ်ကိးဂၤ သ့ၣ်ဧၢ, သူၣ်ခုသးခုတက့ၢ်. မ့မ့ၢ်ဟီၣ်ခိၣ်ဒီးပီၣ်လဲၣ်အဂီၢ်မ့ၢ်တၢ်လီၤ ပျံၤလီၤဖုးဝဲဒၣ်ဆံးဒိၣ်လဲၣ်. အဂ့ၢ်ဒ်အံၤ, မုၣ်ကီၤလံၢ်ဟဲလီၤလံဆူသုအိၣ်, ဒီးအဝဲဒၣ်ပှဲၤဒီးတၢ်သးထီၣ်လီၤ. အဂ့ၢ်ဒ်အံၤ, အဝဲသ့ၣ်ညါလၢအဆၢကတီၢ်အိၣ်တ့ၢ်ထဲတစိၢ်ဖိအဃိန့ၣ်လီၤ.”

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.