လံာ်ယၡါယၤ 44:2 - Sgaw Karen Common Bible

² ယမ့ၢ်ယွၤလၢအတ့လီၤပာ်လီၤတ့ၢ်သု ဒီးစးထီၣ်မုၢ်တနံၤလၢသုအိၣ်ဖျဲၣ်ထီၣ်န့ၣ်, ယမၤစၢၤတ့ၢ်သုလီၤ. ပျံၤတၢ်တဂ့ၤ. သုမ့ၢ်ယခ့ယပှၤ, ယပှၤဂီၢ်မုၢ်လၢယဃုထၢတ့ၢ် အီၤဒီးအဲၣ်အီၤလီၤ.

လံာ်ယၡါယၤ 44:2 Iomraidhean Croise

စံးထီၣ်ပတြၢၤ 46:5

ကစၢ်ယွၤအိၣ်လၢအသးကံၢ်ပူၤ, ဒီးတဘၣ်တၢ်သုးကွံာ်အီၤဘၣ်. ကစၢ်ယွၤကမၤစၢၤအီၤဖဲမုၢ်ဆ့ၣ်ဝါထီၣ် အကတီၢ်န့ၣ်လီၤ.

စံးထီၣ်ပတြၢၤ 71:6

ယသန့ၤတ့ၢ်ယသးလၢနၤစးထီၣ်လၢယအိၣ်ဖျဲၣ်, နမ့ၢ်ပှၤလၢအထုးထီၣ်ယၤလၢ ယမိၢ်အဟၢဖၢအပူၤန့ၣ်လီၤ. ယကစံးထီၣ်ပတြၢၤနၤတထံၣ်ဃီလီၤ.

စံးထီၣ်ပတြၢၤ 95:6

အိဟဲ, မ်ပတီၤလီၤဒီးဘူၣ်ထီၣ်ဘါထီၣ်အီၤန့ၣ်တက့ၢ်. မ်ပတီၤလီၤကဒွံကျိာ်လၢပှၤတ့လီၤပှၤ, ယွၤအမဲာ်ညါန့ၣ်တက့ၢ်.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 41:8

မ့မ့ၢ်နဲဒၣ်, ယကုၢ်ယပှၤအံၣ်စရ့လးဧၢ, နမ့ၢ်ပှၤဂီၢ်မုၢ်လၢယဃုထၢတ့ၢ်အီၤ, ပှၤဟဲလီၤစၢၤလီၤသွဲၣ်လၢယတံၤသကိးစီၤအၤဘြၤဟၣ်န့ၣ်လီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 43:21

အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်ယၡါယၤ 43:5

ပျံၤတၢ်တဂ့ၤ. ယအိၣ်ဒီးနၤလီၤ. ယကဟဲက့ၤစိာ်နပှၤဂီၢ်မုၢ်လၢတၢ်လီၢ်အယံၤဒီးတၢ်လီၢ်အယံၤ ကတၢၢ်လၢမုၢ်နုာ်ဆူအဟံၣ်လီၤ.

လံာ်ယၡါယၤ 43:7

အဝဲသ့ၣ်မ့ၢ်ယပှၤဂီၢ်မုၢ်ဒၣ်ယဲ, ဒီးယတ့လီၤပာ်လီၤတ့ၢ်အဝဲသ့ၣ်လၢကဟဲစိာ်န့ၢ်ယၤတၢ်လၤကပီၤ န့ၣ်လီၤ.”

လံာ်ယၡါယၤ 44:21

ယွၤစံးဝဲ, “ကီၢ်အံၣ်စရ့လးဧၢ, သ့ၣ်နီၣ်ထီၣ်တၢ်အံၤတက့ၢ်. သ့ၣ်နီၣ်ထီၣ်က့ၤလၢနမ့ၢ်ယခ့ယပှၤတက့ၢ်. ယတ့လီၤပာ်လီၤနၤလၢနကမ့ၢ်ယခ့ယပှၤဒီး ယတသးပ့ၤနီၣ်နၤနီတစုဘၣ်.

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 45:11

ယွၤ, ကီၢ်အံၣ်စရ့လးအကစၢ်ယွၤစီဆှံ, ပှၤလၢအတ့လီၤကျဲၤလီၤခါဆူညါတဂၤစံးဝဲ, “သုသံကွၢ်ယၤတၢ်ဘၣ်ဃးဒီးယဖိယလံၤတဖၣ် ဒီးတဲဘၣ်ယၤတၢ်လၢယကြၢးမၤန့ၣ် တပၢဘၣ်နီတဂၤဘၣ်.

လံာ်ယၡါယၤ 49:1

ဒိကနၣ်ယၤတက့ၢ်, ပှၤကလုာ်တဖၣ်လၢအယံၤ, သုဝဲပှၤဂီၢ်မုၢ်တဖၣ်လၢအအိၣ်ဖးယံၤသ့ၣ်ဧၢ, တချုးလၢယအိၣ်ဖျဲၣ်ထီၣ်ဒံးဘၣ်ဒီးယွၤဃုထၢပာ်ထီၣ်တ့ၢ်ယၤလၢ ယကမ့ၢ်အခ့အပှၤလီၤ.

လံာ်ယၡါယၤ 49:5

တချုးလၢယအိၣ်ဖျဲၣ်ထီၣ်ဒံးဘၣ်န့ၣ်, ယွၤဃုထၢပာ်ထီၣ်ယၤလီၤ. အဝဲဒုးကဲထီၣ်ယၤလၢအခ့အပှၤလၢကဟဲက့ၤစိာ်က့ၤအပှၤဂီၢ်မုၢ်, လၢယကဟဲက့ၤစိာ်က့ၤအံၣ်စရ့လးအပှၤဂီၢ်မုၢ်လၢ အလီၤပြံလီၤပြါတဖၣ်န့ၣ်လီၤ. ယွၤဟ့ၣ်ယၤတၢ်လၤတၢ်ကပီၤလီၤ. အဝဲဒၣ်မ့ၢ်ယတၢ်ဂံၢ်တၢ်ဘါအဂံၢ်ထံးလီၤ.

လံာ်ယံးရမံယၤ 1:5

“ယဃုထၢတ့ၢ်နၤတချုးဒံးလၢယဟ့ၣ်နသးသမူဒၣ်လဲာ်, ဒီးတချုးဒံးလၢနအိၣ်ဖျဲၣ်ထီၣ်န့ၣ်, ယဃုထၢထီၣ်တ့ၢ်နၤဒ်သိး နကကဲထီၣ်ဝံတဂၤလၢပှၤကလုာ်တဖၣ်အဂီၢ်န့ၣ်လီၤ.”

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

ရိမ့ၤ 8:30

ဒီးလၢတၢ်န့ၣ်အဃိ ကစၢ်ယွၤကိးထီၣ်ပှၤလၢအပာ်လီၤ ဆီတ့ၢ်လံဝဲတဖၣ်, ဒီးပှၤတဖၣ်လၢအကိးထီၣ်ဝဲန့ၣ်အဝဲဒၣ် ပာ်တီပာ်လိၤဝဲဒီးအီၤ, ဒီးပှၤတဖၣ်လၢအပာ်တီပာ်လိၤ ဝဲန့ၣ်ဟ့ၣ်နီၤလီၤဝဲလၢအလၤအကပီၤစ့ၢ်ကီးန့ၣ်လီၤ.

အ့းဖ့းစူး 1:4

တချုးဒံးဒၣ်လဲာ်လၢဟီၣ်ခိၣ်ဘၣ်တၢ်တ့လီၤအီၤန့ၣ်ကစၢ်ယွၤ ဃုထၢဆိပာ်စၢၤပှၤခီဖျိတၢ်အိၣ်မူလၢခရံာ်အပူၤဒ်သိး ပကစီဆှံဒီးပတၢ်ကမၣ်အသုတအိၣ်လၢအမဲာ်ညါတဂ့ၤ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

လံာ်သိၣ်လီၤသီလီၤတၢ် 33:5

ယွၤကဲထီၣ်က့ၤအဝဲအပှၤဂီၢ်မုၢ်အံၣ်စရ့လးအစီၤပၤ, ဖဲအဝဲသ့ၣ်အဒူၣ်တဖၣ်ဒီးအခိၣ်အနၢ်တဖၣ်ပာ်ဖှိၣ်ထီၣ်အသးတပူၤဃီ န့ၣ်လီၤ.

၁ သ့းစၤလနံ 1:4

ယဒီပုၢ်ဝဲၢ်သ့ၣ်ဧၢ, ပသ့ၣ်ညါလၢကစၢ်ယွၤအဲၣ်သု, ဒီးဃုထၢထီၣ်တ့ၢ်လံသုဒ်သိးသုကကဲထီၣ်အတၢ်ဒၣ်ဝဲ န့ၣ်လီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.