လံာ်ယၡါယၤ 44:15 - Sgaw Karen Common Bible

¹⁵ ပှၤကညီတဂၤသူသ့ၣ်အံၤတကူာ်လၢမ့ၣ်အူအဂီၢ်, ဒီးအဂၤ တကူာ်လၢကတ့တၢ်ဂီၤတၢ်ဖီၣ်အဂီၢ်လီၤ. တကူာ်န့ၣ်အဝဲမၤကဲၤထီၣ်မ့ၣ်အူဒီးမၤလၢၤအသးဒီးကုၢ်ကိၣ်, ဒီးအဂၤတကူာ်န့ၣ်တ့ထီၣ်ကစၢ်တဂၤဒီးဘူၣ်ထီၣ်ဘါထီၣ်အီၤန့ၣ် လီၤ.

လံာ်ယၡါယၤ 44:15 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 25:14

ဖဲစီၤအမၤစယါဟဲက့ၤကဒါက့ၤလၢအတၢ်မၤနၢၤပှၤအဒိၣ်ဖိ တဖၣ်အခါန့ၣ်, အဝဲဟဲက့ၤစိာ်အဝဲသ့ၣ်အတၢ်ဂီၤတၢ်ဖီၣ်တဖၣ်ဃုာ် ဒီးအီၤ, ပာ်ထီၣ်ဝဲ, ဘူၣ်ထီၣ်ဘါထီၣ်ဝဲ, ဒီးဆိၣ်ကဲၤတၢ်နၢမူဆူအဝဲ သ့ၣ်အအိၣ်န့ၣ်လီၤ.

လံာ်ယၡါယၤ 2:8

အထံအကီၢ်ပှဲၤဝဲဒီးတၢ်ဂီၤတၢ်ဖီၣ်တဖၣ်ဒီးအဝဲသ့ၣ်ဘူၣ် ထီၣ်ဘါထီၣ်တၢ်တဖၣ်လၢမၤတ့ၢ်ဝဲလၢအစုဒၣ်ဝဲန့ၣ်လီၤ.

လံာ်ယၡါယၤ 44:10

တၢ်တ့ထီၣ်တၢ်အက့ၢ်အဂီၤလၢတိၢ်ဧိၤထးဧိၤလၢတၢ်ဘူၣ်ထီၣ်ဘါ ထီၣ်အီၤဒ်ကစၢ်တဂၤအသိးန့ၣ်အဘျုးတအိၣ်ဘၣ်.

လံာ်ယၡါယၤ 44:14

ဘၣ်သ့ၣ်သ့ၣ်အဝဲကကူာ်လီၤကွံာ်သ့ၣ်ဆှိအ့ရ့းတဖၣ်လၢ ကသူဝဲအဂီၢ်, မ့တမ့ၢ်, ကဃုထၢသ့ၣ်သ့ထိးဖၣ်, မ့တမ့ၢ်သ့ၣ်အကိၤတကလုာ်လၢသ့ၣ်ဒိၣ်ပှၢ်တီၣ်ပူၤန့ၣ်လီၤ. မ့တမ့ၢ်ဘၣ်ဒီး, အဝဲကသူၣ်လီၤဝဲသ့ၣ်ဆှိတထူၣ်ဒီးအိၣ်ခိး တၢ်စူၤထံလၢသ့ၣ်အံၤကဒိၣ်ထီၣ်အဂီၢ်လီၤ.

လံာ်ယၡါယၤ 44:16

အဝဲမၤကဲၤထီၣ်မ့ၣ်အူလၢသ့ၣ်တနီၤ, ကၣ်အီၣ်တၢ်ညၣ်, အီၣ်အီၤဒီးသးမံသးမုာ်ဝဲလီၤ. အဝဲမၤလၢၤအသးဒီးစံးဝဲ, “ဂ့ၤနးလဲၣ်ဒီးလၢၤမးလဲၣ်. မ့ၣ်အူတခါအံၤဃံလၤမးလဲၣ်.”

လံာ်ယၡါယၤ 44:17

ဒီးသ့ၣ်လၢအအိၣ်တီၢ်န့ၣ်အဝဲတ့ထီၣ်ဝဲတၢ်ဂီၤတၢ်ဖီၣ်တခါ, ဝံၤတီၤလီၤကဒွံကျိာ်ဒီးဘူၣ်ထီၣ်ဘါထီၣ်အီၤလီၤ. အဝဲဘါထုကဖၣ်တၢ်ဒီးစံးဝဲ, “နမ့ၢ်ယကစၢ်လီၤ. အုၣ်က့ၤခီၣ်က့ၤယၤတက့ၢ်.”

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယၡါယၤ 46:6

ပှၤဂီၢ်မုၢ်အိးထီၣ်အကျိၣ်ဧိၤစ့ဧိၤအထၢၣ်တဖၣ်ဒီး ဂၢ်လီၤထူလီၤ. အဝဲသ့ၣ်စီၤစ့လၢစီၤပီၢ်အပူၤလီၤ. အဝဲသ့ၣ်ဒိးလဲပှၤပိာ်ထူတဂၤလၢကတ့ထီၣ်ကစၢ်တဂၤ, ဝံၤဒီးအဝဲသ့ၣ်တီၤလီၤကဒွံကျိာ်ဒီး ဘူၣ်ထီၣ်ဘါထီၣ်အီၤလီၤ.

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.

လံာ်ပှၤစံၣ်ညီၣ်ကွီၢ် 2:19

ဘၣ်ဆၣ်တုၤခိၣ်နၢ်တဂၤသံန့ၣ်, ပှၤဂီၢ်မုၢ်က့ၤကဒါက့ၤဆူ အကျဲလီၢ်လံၤတဖၣ်ဒီးမၤအသးအၢန့ၢ်ဒံးပှၤလၢအပူၤကွံာ် တစိၤန့ၣ်လီၤ. အဝဲသ့ၣ်မၤကစၢ်အဂၤတဖၣ်အတၢ်ဒီးဘူၣ်ထီၣ်ဘါထီၣ်အီၤန့ၣ်လီၤ. ဒီးအဝဲသ့ၣ်တဆိကတီၢ်လၢအကျဲအၢကျဲသီတဖၣ်န့ၣ်ဘၣ်လီၤ.