လံာ်ယၡါယၤ 44:14 - Sgaw Karen Common Bible

¹⁴ ဘၣ်သ့ၣ်သ့ၣ်အဝဲကကူာ်လီၤကွံာ်သ့ၣ်ဆှိအ့ရ့းတဖၣ်လၢ ကသူဝဲအဂီၢ်, မ့တမ့ၢ်, ကဃုထၢသ့ၣ်သ့ထိးဖၣ်, မ့တမ့ၢ်သ့ၣ်အကိၤတကလုာ်လၢသ့ၣ်ဒိၣ်ပှၢ်တီၣ်ပူၤန့ၣ်လီၤ. မ့တမ့ၢ်ဘၣ်ဒီး, အဝဲကသူၣ်လီၤဝဲသ့ၣ်ဆှိတထူၣ်ဒီးအိၣ်ခိး တၢ်စူၤထံလၢသ့ၣ်အံၤကဒိၣ်ထီၣ်အဂီၢ်လီၤ.

လံာ်ယၡါယၤ 44:14 Iomraidhean Croise

လံာ်ယၡါယၤ 40:20

ပှၤလၢအပှ့ၤစ့, ထူ, တန့ၢ်န့ၣ်, ဃုထၢဒၣ်သ့ၣ်လၢအကျၣ်တသ့န့ၣ် လီၤ. အဝဲဃုထံၣ်န့ၢ်ပှၤစုသ့လၢအကူၣ်သ့တဂၤလၢအကမၤန့ၢ်အီၤတၢ် ဂီၤလၢအတလီၤဃံၤဘၣ်န့ၣ်လီၤ.

လံာ်ယၡါယၤ 44:13

ပှၤစုသ့ထိၣ်နီၣ်တဲာ်နီၣ်သ့ၣ်လီၤ. အဝဲတ့တကွီၣ်တၢ်အက့ၢ်အဂီၤ တမံၤလၢထူၣ်ဝါ, စိးပျၤအီၤလၢအနီၣ်ပျၤတဖၣ်ဒီးဒုးကဲထီၣ်အီၤလၢပှၤကညီတဂၤ အဂီၤ, ပှၤကညီလၢအက့ၢ်အဂီၤဂ့ၤတဂၤ, လၢတၢ်ကပာ်အီၤလၢအဟံၣ်ပူၤအဂီၢ်လီၤ.

လံာ်ယၡါယၤ 44:15

ပှၤကညီတဂၤသူသ့ၣ်အံၤတကူာ်လၢမ့ၣ်အူအဂီၢ်, ဒီးအဂၤ တကူာ်လၢကတ့တၢ်ဂီၤတၢ်ဖီၣ်အဂီၢ်လီၤ. တကူာ်န့ၣ်အဝဲမၤကဲၤထီၣ်မ့ၣ်အူဒီးမၤလၢၤအသးဒီးကုၢ်ကိၣ်, ဒီးအဂၤတကူာ်န့ၣ်တ့ထီၣ်ကစၢ်တဂၤဒီးဘူၣ်ထီၣ်ဘါထီၣ်အီၤန့ၣ် လီၤ.

လံာ်ဟိၤၡ့ 4:12

အဝဲသ့ၣ်ဃ့တၢ်လီၣ်ဖျါတဖၣ်လၢသ့ၣ်ကျီၣ်တကျီၣ်အအိၣ်လီၤ. သ့ၣ်တဒ့တဲဘၣ်အဝဲသ့ၣ်တၢ်လၢအဝဲသ့ၣ်အဲၣ်ဒိးသ့ၣ်ညါ န့ၣ်လီၤ. အဝဲသ့ၣ်လဲၤသဒၣ်ကွံာ်ယၤလံ. ဒ်ပိာ်မုၣ်တဂၤလၢအကဲထီၣ်ပှၤ ဃဲသဲမုၣ်အသိးအဝဲသ့ၣ်ဟ့ၣ်လီၤကွံာ်အသးဆူယွၤအဂၤတဖၣ်အအိၣ် လံ.

လံာ်ဃဘးကူာ် 2:19

ပှၤလၢအစံးဘၣ်သ့ၣ်တကူာ်, “ဖုးသံနီၣ်ထီၣ်တက့ၢ်,” မ့တမ့ၢ်လၢၢ်တလိၣ်, “ဂဲၤထၢၣ်တက့ၢ်,” န့ၣ်, ကဘၣ်တၢ်စံၣ်ညီၣ်ဃါမနၤလီၤ. တၢ်ဂီၤတၢ်ဖီၣ်တခါလီၣ်ဖျါ န့ၢ်သုတၢ်တမံၤမံၤကသ့ဧါ. ကဘၣ်တၢ်ပီၤအီၤလၢစ့ဒီးထူ, ဘၣ်ဆၣ်တၢ်မူတအိၣ်ဘၣ်လၢအပူၤဘၣ်.