လံာ်ယၡါယၤ 44:13 - Sgaw Karen Common Bible

¹³ ပှၤစုသ့ထိၣ်နီၣ်တဲာ်နီၣ်သ့ၣ်လီၤ. အဝဲတ့တကွီၣ်တၢ်အက့ၢ်အဂီၤ တမံၤလၢထူၣ်ဝါ, စိးပျၤအီၤလၢအနီၣ်ပျၤတဖၣ်ဒီးဒုးကဲထီၣ်အီၤလၢပှၤကညီတဂၤ အဂီၤ, ပှၤကညီလၢအက့ၢ်အဂီၤဂ့ၤတဂၤ, လၢတၢ်ကပာ်အီၤလၢအဟံၣ်ပူၤအဂီၢ်လီၤ.

လံာ်ယၡါယၤ 44:13 Iomraidhean Croise

လံာ်တၢ်ကဲထီၣ်အခီၣ်ထံး 31:19

ဖဲစီၤလၤဘၣ်လဲၤတံာ်အသိးအဆူၣ်န့ၣ်နီၢ်ရၤဃ့လးဟုၣ်န့ၢ်အပၢ် အတၢ်ဂီၤတရၤဖးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:30

ယသ့ၣ်ညါလၢနအဲၣ်ဒိးက့ၤဆူနဟံၣ်ဒိၣ်မးလီၤ. ဘၣ်ဆၣ်ဒီးဘၣ်မနုၤလၢနဟုၣ်န့ၢ်ယပှၤဟံၣ်ဖိဃီဖိအကစၢ်တဖၣ်န့ၣ် လဲၣ်.”

လံာ်တၢ်ကဲထီၣ်အခီၣ်ထံး 31:32

ဘၣ်ဆၣ်ဒီး, နမ့ၢ်ထံၣ်ပှၤဖဲအံၤတဂၤဂၤအိၣ်ဒီးနကစၢ်တဖၣ်န့ၣ် ကဘၣ်တၢ်မၤသံအီၤလီၤ. ပာ်, ယပှၤသ့ၣ်တဖၣ်အံၤဒ်ပှၤအုၣ်အသးအသိးဒီးဃုဒီးဟံးန့ၢ်က့ၤ တၢ်လၢအဘၣ်ဃးဒီးနၤန့ၣ်တက့ၢ်.” ဒီးစီၤယၤကိာ်တသ့ၣ်ညါဝဲဒၣ်လၢနီၢ်ရၤဃ့လးဟုၣ်န့ၢ်အပၢ် အကစၢ်တဖၣ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 35:2

လၢတၢ်န့ၣ်အဃိစီၤယၤကိာ်စံးဘၣ်အပှၤဟံၣ်ဖိဃီဖိဒီးကယဲၢ်ပှၤ အိၣ်ဒီးအီၤခဲလၢာ်, “ကွံာ်တ့ၢ်ကွံာ်ပှၤတခီဘီမုၢ်ဖိအကစၢ်တဖၣ်လၢအအိၣ်ဒီးသု, မၤကဆှီထီၣ်သုသးဒီးသိးထီၣ်တၢ်ကူတၢ်သိးလၢအကဆှီတဖၣ်တ က့ၢ်.

လံာ်ယၡါယၤ 41:7

ပှၤမၤတၢ်စုသ့အတၢ်မၤစံးဘၣ်ပှၤပိာ်ထူ, “နမၤတၢ်ဂ့ၤမးလီၤ.” ပှၤလၢအတီၢ်ဘျ့တၢ်ဂီၤတၢ်ဖီၣ်ဟ့ၣ်ဂံၢ်ဟ့ၣ်ဘါပှၤလၢအတီၢ်ဖှိၣ် တံၢ်အီၤလၢထးန့ၣ်လီၤ. အဝဲသ့ၣ်စံးဝဲ, “စၢၢ်ဃံၤတံၢ်အံၤဂ့ၤဒိၣ်မးလီၤ.” ဒီးအဝဲသ့ၣ်ပာ်တၢ်ဂီၤတၢ်ဖီၣ်လၢအလီၢ်ဒီးတီၢ်တံၢ်ဝဲလၢထး လီၤ.

လံာ်ယၡါယၤ 44:14

ဘၣ်သ့ၣ်သ့ၣ်အဝဲကကူာ်လီၤကွံာ်သ့ၣ်ဆှိအ့ရ့းတဖၣ်လၢ ကသူဝဲအဂီၢ်, မ့တမ့ၢ်, ကဃုထၢသ့ၣ်သ့ထိးဖၣ်, မ့တမ့ၢ်သ့ၣ်အကိၤတကလုာ်လၢသ့ၣ်ဒိၣ်ပှၢ်တီၣ်ပူၤန့ၣ်လီၤ. မ့တမ့ၢ်ဘၣ်ဒီး, အဝဲကသူၣ်လီၤဝဲသ့ၣ်ဆှိတထူၣ်ဒီးအိၣ်ခိး တၢ်စူၤထံလၢသ့ၣ်အံၤကဒိၣ်ထီၣ်အဂီၢ်လီၤ.

လံာ်ယဃ့းစက့လး 8:10

အန့ၣ်ဒီး, ယလဲၤနုာ်ဒီးကွၢ်တၢ်လီၤ. တၢ်အဒူၣ်တဖၣ်ဘၣ်တၢ်ကးဘၢ အီၤလၢပှၤတ့ဃာ်တၢ်ဂီၤလၢအမ့ၢ်ဂုၢ်သ့ၣ်တဖၣ်ဒီးဆၣ်ဖိကီၢ်ဖိလၢ အတကဆှီဘၣ်အဂၤတဖၣ်အဂီၤ, ဒီးတၢ်အဂၤတဖၣ်လၢပှၤအံၣ် စရ့လးဖိတဖၣ်ဘူၣ်ထီၣ်ဘါထီၣ်တ့ၢ်ဝဲန့ၣ်လီၤ.

လံာ်ယဃ့းစက့လး 8:11

ကီၢ်အံၣ်စရ့လးအခိၣ်အနၢ်အဂၤနွံဆံအိၣ်ဝဲဖဲန့ၣ်, အိၣ်ဃုာ်ဒီးစီၤၡၤဖၣ်အဖိခွါစီၤယၤစါနယၤလီၤ. တဂၤစုာ်စုာ်ဟံးဃာ်တၢ်နၢမူအသပၢၤမ့ၣ်အူ, ဒီးတၢ်နၢမူအမ့ၣ်အူလုၣ်ခုၣ်ထီၣ်ဝဲန့ၣ်လီၤ.

လံာ်ယဃ့းစက့လး 8:12

ကစၢ်ယွၤသံကွၢ်ယၤ, “ပှၤကညီလၢအသံသ့ဧၢ, မ့ၢ်နထံၣ်ဘၣ်တၢ်လၢ ပှၤအံၣ်စရ့လးဖိအခိၣ်အနၢ်တဖၣ်မၤဝဲလၢတၢ်ခူသူၣ်အပူၤန့ၣ်လံ ဧါ. အဝဲသ့ၣ်ခဲလၢာ်ဘူၣ်ထီၣ်ဘါထီၣ်တၢ်လၢဒၢးတဖျၢၣ်လၢအပှဲၤ ဒီးတၢ်ဂီၤတၢ်ဖီၣ်တဖၣ်အပူၤန့ၣ်လီၤ. အဝဲသ့ၣ်ကတိၤပူၤဖျဲး အသးစံးဝဲလၢ, ယွၤတထံၣ်ပှၤဘၣ်. အဝဲပာ်လီၤတဲာ်ကွံာ်ထံကီၢ်လံ.”

မၤတၢ် 17:29

ဒ်ပမ့ၢ်ကစၢ်ယွၤအဖိတဖၣ်အသိး, ပတကြၢးဆိကမိၣ်လၢယွၤမ့ၢ်တၢ်လၢအလီၤဂာ်ဒီးထူ, စ့, မ့တမ့ၢ်လၢၢ်လၢအဘၣ်တၢ်စိးပျၤဒီးဒုးအိၣ်ထီၣ်အက့ၢ် အဂီၤခီဖျိပှၤကညီအတၢ်သ့တၢ်ဘၣ်န့ၣ်ဘၣ်.

ရိမ့ၤ 1:23

လၢကဘူၣ်ထီၣ်ဘါထီၣ်ကစၢ်ယွၤလၢအသံတသ့ဘၣ်အလီၢ်န့ၣ်, အဝဲသ့ၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤဂာ်ဒီးပှၤကညီ လၢအသံသ့, မ့တမ့ၢ်ထိၣ်ဧိၤလံာ်ဧိၤ, မ့တမ့ၢ်ဆၣ်ဖိကီၢ်ဖိ တဖၣ်, မ့တမ့ၢ်ဂုၢ်ဧိၤဒးဧိၤတဖၣ်တခီန့ၣ်လီၤ.

လံာ်သိၣ်လီၤသီလီၤတၢ် 27:15

ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 4:28

ဖဲန့ၣ်သုကမၤကစၢ်တဖၣ်, လၢအဘၣ်တၢ်တ့အီၤလၢပှၤကညီအစုတဖၣ်အတၢ်, ကစၢ်တဖၣ်လၢအဘၣ်တၢ်မၤအီၤလၢသ့ၣ်ဒီးလၢၢ်, ကစၢ်တဖၣ်လၢအထံၣ်တၢ် မ့ၢ်ဂ့ၤ, နၢ်ဟူတၢ်မ့ၢ်ဂ့ၤ, အီၣ်တၢ်အီတၢ်မ့ၢ်ဂ့ၤတသ့ဘၣ်. အီၣ်တၢ်မ့ၢ်ဂ့ၤ, နၢတၢ်မ့ၢ်ဂ့ၤ, တသ့ဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:24

စီၤမံၤကါစံးဆၢဝဲဒၣ်, “သုစံးမ့ၢ်အဘၣ်မနုၤလဲၣ်န့ၣ်အခီပညီဒ်လဲၣ်. သုစိာ်ကွံာ်ယပှၤလုၢ်တၢ်အခိၣ်ဒီးကစၢ်တဖၣ်လၢယမၤအီၤဝံၤဒီးသုဟးထီၣ်လီၤ. တၢ်မနုၤအိၣ်တ့ၢ်ဒီးယၤန့ၣ်လဲၣ်.”