လံာ်ယၡါယၤ 44:11 - Sgaw Karen Common Bible

¹¹ ပှၤတဂၤလၢ်လၢ်လၢအဘူၣ်ထီၣ်ဘါထီၣ်အီၤန့ၣ်ကဘၣ်တၢ်မၤမဲာ်ဆှး အီၤလီၤ. ပှၤလၢအမၤထီၣ်တၢ်ဂီၤတၢ်ဖီၣ်တဖၣ်န့ၣ်မ့ၢ်ဒၣ်ပှၤကညီ တဖၣ်ဒီးတအါန့ၢ်တၢ်န့ၣ်ဘၣ်. ပျဲအဝဲသ့ၣ်ဟဲလၢတၢ်ကသမံသမိးအီၤအဂီၢ်တက့ၢ်. အဝဲသ့ၣ်ကပျံၤတၢ်ဖုးတၢ်ဒီးကတူၢ်ဘၣ်တၢ်မဲာ်ဆှးလီၤ.

လံာ်ယၡါယၤ 44:11 Iomraidhean Croise

လံာ်စီၤပၤအခီၣ်ထံးတဘ့ၣ် 18:40

စီၤအ့ၤလံယၤမၤလိာ်ပှၤဂီၢ်မုၢ်စံးဝဲ, “ဖီၣ်ဃာ်ဘဧၤလးအ ဝံတဖၣ်တက့ၢ်. ပျဲပူၤဖျဲးအဝဲသ့ၣ်နီတဂၤတဂ့ၤ.” ပှၤဂီၢ်မုၢ်ဖီၣ်ဃာ်အဝဲသ့ၣ်ခဲလၢာ်ဒီးစီၤအ့ၤလံယၤဆှၢဃီၤ အဝဲသ့ၣ်ဆူထံကျိဖိကံၡိၣ်ဒီးမၤသံကွံာ်အဝဲသ့ၣ်န့ၣ်လီၤ.

စံးထီၣ်ပတြၢၤ 97:7

ကယဲၢ်ပှၤလၢအဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ကဘၣ်တၢ်မၤမဲာ်ဆှးအီၤလီၤ. ကယဲၢ်ကစၢ်ခဲလၢာ် ကချံးခီၣ်တီၤလီၤလၢယွၤအမဲာ်ညါလီၤ.

လံာ်ယၡါယၤ 1:29

မ့ၢ်လၢသုဘူၣ်ထီၣ်ဘါထီၣ်တ့ၢ်သ့ၣ်ထူၣ်တဖၣ်ဒီးသုသူၣ်လီၤတ့ၢ် ဘၣ်ဖီကရၢၢ်စီဆှံတဖၣ်ဒီး, သုသးကအုးလၢတၢ်န့ၣ်အဃိလီၤ.

လံာ်ယၡါယၤ 42:17

ကယဲၢ်ပှၤလၢအသန့ၤအသးလၢတၢ်ဂီၤ စိးပျၤအသးတဖၣ် ဒီးကိးတၢ်ဂီၤသိအသးတဖၣ်လၢအကစၢ်န့ၣ်, ကဘၣ်တၢ်မၤမဲာ်ဆှးအီၤနးနးကလဲာ်ဒီးအလၤကပီၤကလီၤမၢ်ကွံာ် ဝဲလီၤ.”

လံာ်ယၡါယၤ 44:9

ပှၤလၢအတ့တၢ်ဂီၤတၢ်ဖီၣ်တဖၣ်န့ၣ်တဂိာ်တသီၣ်ဘၣ်တၢ်ဘၣ်. ဒီးကစၢ်လၢအဝဲသ့ၣ်ပာ်အပှ့ၤကလံၤဒိၣ်ဒိၣ်ကလဲာ်တဖၣ်အဘျုး တအိၣ်ဘၣ်. ပှၤလၢအဘူၣ်ထီၣ်ဘါထီၣ်ကစၢ်တဖၣ်အံၤအမဲာ်ဘျီၣ် ဒီးအတၢ်သ့ၣ်ညါတအိၣ်ဘၣ်, ဒီးအဝဲသ့ၣ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 45:16

ပှၤလၢအတ့တၢ်ဂီၤတၢ်ဖီၣ်တဖၣ်ကမဲာ်ဆှးခဲလၢာ်လီၤ. အဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 65:13

လၢတၢ်န့ၣ်အဃိ, ယစံးဘၣ်တဲဘၣ်သုလၢပှၤလၢအဘူၣ်ထီၣ် ဘါထီၣ်ဒီးစူၢ်ယၤန့ၣ်ကအိၣ်ဒီးတၢ်အီၣ်ကုးအီပှဲၤ, မ့မ့ၢ်, သုဝဲသုကသၣ်ဝံၤလီၤဒိန့ၣ်လီၤ. အဝဲသ့ၣ်ကသူၣ်ဖှံ သးညီဝဲ, မ့မ့ၢ်သုဝဲသုကဘၣ်တၢ်မၤမဲာ်ဆှးကွံာ်သုလီၤ.

လံာ်ယံးရမံယၤ 10:14

တၢ်ထံၣ်ဘၣ်တၢ်အံၤဒုးကလၢၢ်ဘၣ်ပှၤကညီလၢအတၢ်ဟးဂီၤဒီး အတၢ်သူၣ်တထံသးတဆးန့ၣ်လီၤ. ပှၤလၢအမၤတၢ်ဂီၤတၢ်ဖီၣ်တဖၣ်န့ၣ်, မဲာ်ဆှးဝဲ မ့ၢ်လၢကစၢ်တဖၣ်လၢမၤအိၣ်ထီၣ်ဝဲတဖၣ်မ့ၢ်ဒၣ် တၢ်ကဘျံးကဘျၣ်ဒီးအတၢ်သါတအိၣ်ဘၣ် အဃိန့ၣ်လီၤ.

လံာ်ယံးရမံယၤ 51:17

ဖဲပှၤထံၣ်ဘၣ်တၢ်အံၤန့ၣ်, ပှၤကညီမၤအသးဒ် ပှၤဟးဂီၤဖိဒီး ပှၤလၢအတၢ်သူၣ်ဆးသးဆးတအိၣ် ဘၣ်အသိးန့ၣ်လီၤ. ပှၤတဖၣ်လၢ အတ့တၢ်ဂီၤတၢ်ဖီၣ်တဖၣ်န့ၣ် ဘၣ်မဲာ်ဆှးဝဲ မ့ၢ်လၢကစၢ်တဖၣ်လၢ အဝဲသ့ၣ်မၤဝဲတဖၣ်မ့ၢ်တၢ်ကဘျံးကဘျၣ်ဒီး အတၢ်သါတအိၣ်ဘၣ်အဃိန့ၣ်လီၤ.

လံာ်ဟိၤၡ့ 13:2

အဝဲသ့ၣ်ကမၤဒံးတၢ်ဒဲးဘးခီဖျိအတၢ်သိထီၣ်တၢ်ဂီၤတဖၣ်လၢ အဘၣ်တၢ်မၤအီၤလၢစ့, တိၢ်ဒီးထးလၢကဘါထီၣ်ဝဲအဂီၢ်တၢ်ဂီၤတဖၣ်လၢအဘၣ်တၢ်မၤအီၤလၢ စ့, ဘၣ်တၢ်ဒုးအိၣ်ထီၣ်လၢပှၤကညီအတၢ်ဆိကမိၣ်ဒီးမၤအီၤလၢပှၤကညီ အစုတဖၣ်န့ၣ်လီၤ. ဒီးအဝဲသ့ၣ်စံးဝဲ, လုၢ်ထီၣ်တၢ်လုၢ်တၢ်ပာ်တဖၣ်ဆူအီၤတက့ၢ်. ပှၤကညီတဖၣ်နၢမူတၢ်ဂီၤတၢ်ဖီၣ်တဖၣ်အံၤ, တၢ်ဂီၤတဖၣ်လၢအအိၣ်လၢဂီၤဖံးဖါတဖၣ်အက့ၢ်အဂီၤကသ့ဒ်လဲၣ်.

လံာ်သိၣ်လီၤသီလီၤတၢ် 4:28

ဖဲန့ၣ်သုကမၤကစၢ်တဖၣ်, လၢအဘၣ်တၢ်တ့အီၤလၢပှၤကညီအစုတဖၣ်အတၢ်, ကစၢ်တဖၣ်လၢအဘၣ်တၢ်မၤအီၤလၢသ့ၣ်ဒီးလၢၢ်, ကစၢ်တဖၣ်လၢအထံၣ်တၢ် မ့ၢ်ဂ့ၤ, နၢ်ဟူတၢ်မ့ၢ်ဂ့ၤ, အီၣ်တၢ်အီတၢ်မ့ၢ်ဂ့ၤတသ့ဘၣ်. အီၣ်တၢ်မ့ၢ်ဂ့ၤ, နၢတၢ်မ့ၢ်ဂ့ၤ, တသ့ဘၣ်န့ၣ်လီၤ.