လံာ်ယၡါယၤ 43:6 - Sgaw Karen Common Bible

⁶ ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 43:6 Iomraidhean Croise

စံးထီၣ်ပတြၢၤ 107:3

ပှၤတဖၣ်လၢအဝဲကိးဖှိၣ်က့ၤအီၤလၢ ထံကီၢ်တဖၣ် လၢမုၢ်ထီၣ်ဒီးလၢမုၢ်နုာ်, လၢကလံၤစိး ဒီးလၢကလံၤထံး, စံးတၢ်ဒ်အံၤတက့ၢ်.

လံာ်ယၡါယၤ 11:12

ယွၤကယူာ်ထီၣ်တၢ်ပနီၣ်, နီၣ်တယၢ်လၢကဒုးနဲၣ်ပှၤကလုာ်တဖၣ် လၢအဝဲပာ်ဖှိၣ်က့ၤကဒီးကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ် လၢအလီၤပြံလီၤပြါတဖၣ်ဒီးဟဲက့ၤစိာ်ကဒါက့ၤအဝဲသ့ၣ် လၢဟီၣ်ခိၣ်အသနၢၣ်လွံၢ်နၢၣ်န့ၣ်လီၤ.

လံာ်ယၡါယၤ 18:7

တၢ်ဆၢကတီၢ်ကဟဲဝဲဖဲယွၤသ့တၢ်လၢာ်ကစၢ်ကတူၢ်လိာ်တၢ် လုၢ်မၤဘူၣ်တဖၣ်လၢကီၢ်လၢအဘၣ်တၢ်နီၤဖးအီၤလၢထံ ကျိတဖၣ်, ကီၢ်လၢအဂံၢ်ဆူၣ်ဒီးအိၣ်ဒီးအစိကမီၤအံၤ, ပှၤလၢအနီၢ်ထီဒီးအဖံးဘျ့ဒီးဘၣ်တၢ်ပျံၤအီၤလၢ ဟီၣ်ခိၣ်ဒီဘ့ၣ်ညါအံၤ, အအိၣ်န့ၣ်လီၤ. အဝဲသ့ၣ်ကဟဲဆူကစၢၢ်စံယိၣ်ဖဲယွၤသ့တၢ်လၢာ်ကစၢ် ဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ယၡါယၤ 27:13

တုၤမုၢ်တနံၤန့ၣ်ဟဲဝဲဒီး, ကွဲၤတဖျၢၣ်ကဘၣ်တၢ်အူထီၣ် အီၤလၢတၢ်ကိးက့ၤပှၤအံၣ်စရ့လးဖိခဲလၢာ်လၢဘၣ်တၢ်စိာ် မၢကဲကုၢ်အီၤလၢကီၢ်အၤၡူၢ်ဒီးကီၢ်အဲၤကူပတူးန့ၣ်လီၤ. အဝဲသ့ၣ်ကဟဲဒီးဘူၣ်ထီၣ်ဘါထီၣ်ယွၤလၢဝ့ၢ်ယရူၤၡလ့ၣ်, လၢအကစၢၢ်စီဆှံအလိၤန့ၣ်လီၤ.

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 49:22

ယွၤပၢဘၣ်တၢ်ခဲလၢာ်အကစၢ်စံးဘၣ်အပှၤဂီၢ်မုၢ်, ယကဒုးနဲၣ်တၢ်ပနီၣ်ဆူပှၤကလုာ်တဖၣ် ဒီးအဝဲသ့ၣ်ကဟဲဆှၢက့ၤသုဖိတဖၣ်ဆူဟံၣ်လီၤ.

လံာ်ယၡါယၤ 54:3

နကမၤလဲၢ်ထီၣ်နကီၢ်ဆၢတဖၣ်လၢကိးအကပၤဒဲးလီၤ. နပှၤဂီၢ်မုၢ်ကမၤန့ၢ်က့ၤအထံအကီၢ်လၢပှၤကလုာ်ဂၤ တဖၣ်နုာ်လီၤအိၣ်ခဲအံၤန့ၣ်လီၤ. ဝ့ၢ်တဖၣ်လၢခဲအံၤအိၣ်သယုၢ်ဝဲန့ၣ်, ကဘၣ်တၢ်မၤပှဲၤအီၤလၢပှၤဂီၢ်မုၢ်လီၤ.

လံာ်ယၡါယၤ 60:4

ကွၢ်တရံးနဃၢၤဝးဝးဒီး ထံၣ်တၢ်လၢအမၤအသးန့ၣ်တက့ၢ်. နပှၤဂီၢ်မုၢ်ပာ်ဖှိၣ်အသးလၢအကဟဲက့ၤဆူဟံၣ်လံ. နဖိခွါတဖၣ်ကဟဲလၢတၢ်လီၢ်အယံၤ ဒီးနဖိမုၣ်တဖၣ်ကဘၣ်တၢ်စိာ်အီၤဒ်ဖိသၣ်အသိးလီၤ.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယၡါယၤ 66:20

အဝဲသ့ၣ်ကဟဲစိာ်ကဒါက့ၤသုထံဖိကီၢ်ဖိခဲလၢာ်လၢပှၤကလုာ် တဖၣ်အအိၣ်ဒ်အမ့ၢ်တၢ်ဟ့ၣ်တမံၤလၢယဂီၢ်အသိးန့ၣ်လီၤ. အဝဲသ့ၣ်ကဟဲစိာ်ပှၤတဖၣ်န့ၣ်ဆူယကစၢၢ်စီဆှံလၢဝ့ၢ်ယရူၤၡလ့ၣ် အပူၤလၢကသ့ၣ်တဖၣ်, ကသ့ၣ်လၤတဖၣ်ဒီးကီၤလၤအူးတဖၣ် အလိၤ, ဒီးလၢလ့ၣ်ကဟၣ်တဖၣ်ဒီးလ့ၣ်တဖၣ်အပူၤ, ဒ်ပှၤအံၣ်စရ့လးဖိတဖၣ်ဟဲစိာ်တၢ်မၤဘူၣ်ဘုဧိၤ ဟုဧိၤဆူတၢ်လုၢ်ဟံၣ်, လၢတလါဒၢဖးဒိၣ်တဖၣ်လၢ တၢ်မၤကဆှီတ့ၢ်လံအီၤအပူၤအသိးန့ၣ်လီၤ.

လံာ်ယံးရမံယၤ 23:8

အခိၣ်တလိာ်, အဝဲသ့ၣ်ကဆိၣ်တၢ်လၢယမံၤအပူၤ ဒ်ကစၢ်ယွၤအမူဝဲတဂၤအသိးဒ်ကစၢ်တဂၤလၢအစိာ်ထုးထီၣ်ကွံာ် ကီၢ်အံၣ်စရ့လးအပှၤဂီၢ်မုၢ်လၢထံကီၢ်လၢကလံၤစိးတခီဒီးလၢထံကီၢ် အဂၤတဖၣ်ခဲလၢာ်အပူၤဖဲယမၤလီၤပြံလီၤပြါတ့ၢ်အဝဲသ့ၣ်န့ၣ်လီၤ. အန့ၣ်ဝံၤဒီး, အဝဲသ့ၣ်ကအိၣ်ကဆိးလၢအထံအကီၢ်ဒၣ်ဝဲအပူၤန့ၣ်လီၤ.”

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 3:14

ပှၤဂီၢ်မုၢ်လၢအသးတတီသ့ၣ်ဧၢ, ဟဲက့ၤကဒါက့ၤတက့ၢ်. သုဘၣ်ဃးဒီးယၤလီၤ. ယကဟံးန့ၢ်သုတဂၤစုာ်စုာ်လၢဝ့ၢ်တဝ့ၢ် ဘၣ်တဝ့ၢ်, ခံဂၤစုာ်စုာ်လၢဒူၣ်ထၢတဒူၣ်ဘၣ်တဒူၣ်, ဒီးယကဟဲစိာ်က့ၤသုဆူကစၢၢ်စံယိၣ်လီၤ.

လံာ်ယံးရမံယၤ 31:8

ယကဟဲစိာ်အဝဲသ့ၣ်လၢ ကလံၤစိးတခီ, ဒီးထၢဖှိၣ်အဝဲသ့ၣ်လၢ ဟီၣ်ခိၣ်အကတၢၢ်တဖၣ်န့ၣ်လီၤ. ပှၤမဲာ်ဘျီၣ်ဒီး ပှၤခီၣ်ဟးဂီၤ ကဟဲဃုာ်ဒီးအဝဲသ့ၣ်, ဃုာ်ဒီး ပိာ်မုၣ်လၢ အဒၢတဖၣ်ဒီး ပိာ်မုၣ်လၢဘူး အကဆံးစၢ်တ့ၢ်တဖၣ်န့ၣ်လီၤ. အဝဲသ့ၣ်ကဟဲက့ၤကဒါက့ၤဝဲ ဒ်ပှၤကလုာ်ဖးဒိၣ် တကလုာ်အသိးန့ၣ်လီၤ.

လံာ်ယဃ့းစက့လး 36:24

ယကဟံးန့ၢ်က့ၤသုလၢပှၤကိးကလုာ်ဒဲးအအိၣ်ဒီးထံကီၢ်ကိးဘ့ၣ်ဒဲး အပူၤဒီးဟဲက့ၤစိာ်က့ၤသုဆူသုကီၢ်ဒၣ်သုဝဲန့ၣ်လီၤ.

လံာ်ယဃ့းစက့လး 37:21

အန့ၣ်ဝံၤဒီးတဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ် ကဟံးထီၣ်ကွံာ်ယပှၤဂီၢ်မုၢ်ခဲလၢာ်လၢထံကီၢ်တဖၣ်လၢအဝဲသ့ၣ် လဲၤတ့ၢ်ဝဲဒီးပာ်ဖှိၣ်က့ၤအဝဲသ့ၣ်တပူၤဃီ, ဒီးဟဲက့ၤစိာ်ကဒါက့ၤ အဝဲသ့ၣ်ဆူအထံအကီၢ်ဒၣ်ဝဲန့ၣ်တက့ၢ်.

လံာ်ယိၤအ့လး 3:7

ဒီးခဲကနံၣ်အံၤ, ယကဟဲက့ၤစိာ်ကဒါက့ၤအဝဲသ့ၣ်လၢသုဆါကွံာ်အီၤအလီၢ်တဖၣ်အ ပူၤ, ဒီးယကမၤသုဒ်သုမၤတ့ၢ်အဝဲသ့ၣ်အသိးန့ၣ်လီၤ.

လံာ်စကၤရယၤ 6:6

လ့ၣ်ကဟၣ်လၢအဘၣ်တၢ်တွံၢ်အီၤလၢကသ့ၣ်သူ တဖၣ်န့ၣ်လဲၤဝဲဒၣ်ဆူကလံၤစိးတကပၤဆူကီၢ်ဘၤဘူၤလိၣ်, လၢအဘၣ်တၢ်တွံၢ်အီၤလၢကသ့ၣ်ဝါတဖၣ်န့ၣ်လဲၤ ဝဲဒၣ်ဆူမုၢ်နုာ်တကပၤ, ဒီးလၢအဘၣ်တၢ်တွံၢ်အီၤလၢကသ့ၣ်ဂီၤဃ့ တဖၣ်န့ၣ်လဲၤဝဲဒၣ်ဆူကီၢ်လၢအအိၣ်လၢကလံၤထံးတကပၤန့ၣ်လီၤ.

လံာ်သိၣ်လီၤသီလီၤတၢ် 30:4

သုမ့ၢ်လီၤပြံလီၤပြါလၢဟီၣ်ခိၣ်အသနၢၣ်အယံၤကတၢၢ်တဖၣ်ဒၣ်လဲာ် န့ၣ်, ယွၤ, သုကစၢ်ယွၤကပာ်ဖှိၣ်က့ၤသုတပူၤဃီဒီးဟဲ က့ၤစိာ်ကဒါက့ၤသု,