လံာ်ယၡါယၤ 43:26 - Sgaw Karen Common Bible

²⁶ မ်ပကလဲၤဆူကွီၢ်ဘျီၣ်တက့ၢ်. ဟဲစိာ်နတၢ်လိာ်ဘၢလိာ်ကွီၢ် အဂ့ၢ်တက့ၢ်. ဆှၢထီၣ်နတၢ်ဂ့ၢ်ဒ်သိးနကဘၣ်တၢ်ပာ်တီပာ်လိၤနၤအဂီၢ်တက့ၢ်.

လံာ်ယၡါယၤ 43:26 Iomraidhean Croise

လံာ်တၢ်ကဲထီၣ်အခီၣ်ထံး 32:12

သ့ၣ်နီၣ်ထီၣ်က့ၤလၢနအၢၣ်လီၤတၢ်လၢနကမၤတၢ်ကိးမံၤဒဲးဂ့ၤ ဂ့ၤဘၣ်ဘၣ်လၢယဂီၢ်ဒီးနကဟ့ၣ်လီၤယၤယစၢၤယသွဲၣ်အါန့ၢ်ဒံးပှၤ ဂံၢ်အီၤသ့တက့ၢ်, အါဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးန့ၣ်တက့ၢ်.”

လံာ်စီၤယိၤဘး 16:21

ယဆၢဒိးန့ၢ်ဘၣ်ပှၤတဂၤလၢကဃ့ထီၣ်တၢ်ဆူကစၢ်ယွၤအအိၣ် လၢယဂီၢ်ဒ်ပှၤတဂၤဃ့တၢ်လၢအတံၤသကိးအဂီၢ်အသိးန့ၣ်လီၤ.

စံးထီၣ်ပတြၢၤ 141:2

မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ် တၢ်ဆိၣ်ကဲၤနၢမူအသိးလၢနမဲာ်ညါ, ဒီးယယူာ်ထီၣ်ယစုအံၤဒ်တၢ်လုၢ်လၢ မုၢ်ဟါအသိးန့ၣ်တက့ၢ်.

စံးထီၣ်ပတြၢၤ 74:22

ကစၢ်ယွၤဧၢ, ထိၣ်ဂဲၤထီၣ်နသးဒီး ဒီဒၣ်နကွီၢ်န့ၣ်တက့ၢ်. သ့ၣ်နီၣ်ထီၣ်က့ၤပှၤလၢအတအိၣ်ဒီးယွၤ နံၤဘၣ်ဖၣ်လဲနၤဒီတနံၤညါန့ၣ်တက့ၢ်.

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယၡါယၤ 41:1

ကစၢ်ယွၤစံးဝဲ, “ကီၢ်လၢအယံၤတဖၣ်ဧၢ, အိၣ်ဘှီၣ်ကလာ်ဒီးဒိကနၣ်ယၤတက့ၢ်. အိၣ်ကတဲာ်ကတီၤသုသးလၢသုကပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ် ပူၤတက့ၢ်. သုကအိၣ်ဒီးသုတၢ်ခွဲးတၢ်ယာ်လၢသုကကတိၤတၢ်အဂီၢ်လီၤ. မ်ပကဟဲပာ်ဖှိၣ်သကိးပသးလၢပကစံၣ်ညီၣ်နီၤဖးမတၤအတၢ်ဘၣ်လဲၣ် န့ၣ်တက့ၢ်.

လံာ်ယၡါယၤ 43:9

ကိးဖှိၣ်ပှၤကလုာ်တဖၣ်လၢအကဟဲဆူတၢ်သမံသမိးအလီၢ်တက့ၢ်. မတၤလၢအဝဲသ့ၣ်အကစၢ်တဖၣ်အကျါကတိၤဆိပာ်စၢၤလၢခါဆူညါတၢ် ကမၤအသးအဂ့ၢ်သ့တဂၤဂၤလဲၣ်. မတၤလၢအဝဲသ့ၣ်အကျါတဲဆိပာ်တၢ်လၢအမၤအသးခဲအံၤန့ၣ်လဲၣ်. မ်ကစၢ်တဖၣ်အံၤကဟဲစိာ်နုာ်အပှၤအုၣ်အသးတဖၣ် လၢကဒုးနဲၣ်ဖျါလၢအဝဲသ့ၣ်အတၢ်ဘၣ်, ဒီးကအုၣ်အသးလၢအတၢ်ကတိၤတဖၣ်အတၢ်မ့ၢ်တၢ်တီန့ၣ်တက့ၢ်.

လံာ်ယၡါယၤ 50:8

အဂ့ၢ်ဒ်အံၤ, ကစၢ်ယွၤအိၣ်ဘူးဒီးယၤ, ဒီးအဝဲကဒုးနဲၣ်ဖျါဝဲလၢယတၢ်ကမၣ်တအိၣ်ဘၣ်လီၤ. ပှၤလိာ်ကွီၢ်ထီဒါယၤဘူၣ်ကအိၣ်တဂၤဂၤဧါ. မ်ပကလဲၤသကိးဆူကွီၢ်ဘျီၣ်တက့ၢ်. မ်အဟဲစိာ်အတၢ်လိာ်ဘၢလိာ်ကွီၢ်အဂ့ၢ်တက့ၢ်.

လံာ်ယဃ့းစက့လး 36:37

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကပျဲပှၤအံၣ်စရ့လးဖိ တဖၣ်ဃ့ကဒီးတၢ်မၤစၢၤလၢယၤ, ဒီးယကဒုးအါထီၣ်အဝဲသ့ၣ် အနီၣ်ဂံၢ်ဒ်သိတဖုအသိးန့ၣ်လီၤ.

လံာ်လူၤကၣ် 10:29

ဘၣ်ဆၣ်ဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤအံၤသးအိၣ် ပာ်တီပာ်လိၤအသးသတးဒီးသံကွၢ်ယ့ၣ်ၡူး, “ပှၤလၢယဃၢၤမ့ၢ်မတၤတဂၤလဲၣ်.”

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ရိမ့ၤ 11:35

မ့ၢ်မတၤအိၣ်တဂၤဂၤလၢအဟ့ၣ်အီၤတၢ်တမံၤမံၤ, ဒ်သိးယွၤကဘၣ်ဟ့ၣ်ကဒါက့ၤအီၤန့ၣ်လဲၣ်.”

ရိမ့ၤ 8:33

မ့ၢ်မတၤကပာ်တၢ်ကမၣ်လၢပှၤလၢကစၢ်ယွၤဃုထၢအီၤ တဖၣ်အလိၤန့ၣ်လဲၣ်. ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢ အပာ်တီပာ်လိၤအဝဲသ့ၣ်န့ၣ်လီၤ.