လံာ်ယၡါယၤ 43:23 - Sgaw Karen Common Bible

²³ နတဟဲစိာ်န့ၢ်ယၤသိဖိတဖၣ်လၢနတၢ်လုၢ်မ့ၣ်အူတဖၣ်အဂီၢ်န့ၣ်ဘၣ်. နတမၤလၤကပီၤယၤလၢနတၢ်လုၢ်တၢ်ပာ် တဖၣ်န့ၣ်ဘၣ်. ယတပာ်တၢ်ဝံတၢ်ယိးလၢနဖီခိၣ်ဒီးဃ့ဆူၣ်နၤ တၢ်မၤဘူၣ်တဖၣ်မ့ၢ်ဂ့ၤ, ယတမၤလီၤဘှံးလီၤတီၤကွံာ်နၤဒီးဃ့တၢ်ဆိၣ်ကဲၤနၢမူ မ့ၢ်ဂ့ၤန့ၣ်ဘၣ်.

လံာ်ယၡါယၤ 43:23 Iomraidhean Croise

လံာ်စီၤနဃ့မယၤ 13:10

ယသ့ၣ်ညါဘၣ်စ့ၢ်ကီးလၢတၢ်လုၢ်ဟံၣ်အပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိအဂၤတဖၣ်ဟးထီၣ်ကွံာ်လံလၢဝ့ၢ်ယရူၤၡလ့ၣ်ဒီး က့ၤကဒါက့ၤဆူအဝဲသ့ၣ်အစံာ်အပျီမ့ၢ်လၢပှၤဂီၢ်မုၢ်တဟ့ၣ်အဝဲ သ့ၣ်တၢ်လၢလၢလီၣ်လီၣ်လၢကအိၣ်မူဝဲအဂီၢ်ဘၣ်အဃိန့ၣ်လီၤ.

လံာ်တၢ်ဟးထီၣ်ကွံာ် 30:34

ယွၤစံးဘၣ်စီၤမိၤၡ့, “ဟံးန့ၢ်တၢ်နၢမူပှဲၤသိးသိးလၢ သ့ၣ်နၢမူတဖၣ်လၢအမ့ၢ်သ့ၣ်နၤတဖၣ်အထုး, သ့ၣ်ၡဃ့လးအထုး, သ့ၣ်သံခိၣ်ဝါအထုး, ဒီးလီၢ်ဘၣ်အကဆှီတဖၣ်န့ၣ်တက့ၢ်.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 21:27

ယွၤသးဘၣ်အၢပှၤတတီတလိၤတဖၣ်အတၢ်လုၢ်ထီၣ်အီၤတၢ်လုၢ်တၢ်ပာ်တ ဖၣ်, ဒီးလီၤဆီဒၣ်တၢ်ဖဲအဝဲသ့ၣ်မၤအီၤလၢလၢတၢ်တိာ်သူၣ်ပာ်သး အအၢအသီလၢအမၢန့ၢ်ဆီၣ်ခံအီၤတဖၣ်အပူၤအခါန့ၣ်လီၤ.

တၢ်ကတိၤဒိ. 3:9

မၤလၤကပီၤယွၤလၢနတၢ်လုၢ်ထီၣ်ပာ်ထီၣ်တမံၤ, လၢအမ့ၢ်တၢ်အဂ့ၤကတၢၢ်လၢတၢ်လၢနဟီၣ်ခိၣ်အတၤသၣ်အကျါတက့ၢ်.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယံးရမံယၤ 7:21

ယပှၤဂီၢ်မုၢ်သ့ၣ်ဧၢ, တၢ်လုၢ်တၢ်ပာ်တနီၤန့ၣ်သုဒွဲၣ်အူကွံာ် အီၤလၢာ်လၢာ်ဆ့ဆ့လၢတၢ်လုၢ်လီၢ်အဖီခိၣ်, ဒီးတနီၤန့ၣ်တၢ်ပျဲ သုလၢသုကအီၣ်အဂီၢ်န့ၣ်လီၤ. မ့မ့ၢ်တၢ်လၢယၤ, ယွၤစံးန့ၣ်, မ့ၢ်ဝဲ, ဂ့ၤတက့ၢ်သုအီၣ်ကွံာ်အီၤခဲလၢာ်တခီန့ၣ်လီၤ.

လံာ်ယံးရမံယၤ 7:22

တၢ်မၤလိာ်တဖၣ်လၢအဘၣ်ဃးဒီးတၢ်လုၢ်မ့ၣ်အူတဖၣ်မ့ၢ်ဂ့ၤ, တၢ်လုၢ်တၢ်ပာ်အဂၤတမံၤမံၤမ့ၢ်ဂ့ၤန့ၣ်, ယတဟ့ၣ်တ့ၢ်ဘၣ်သု မိၢ်ပၢ်ဖံဖုလၢပျၢၤတဖၣ်နီတမံၤ, ဖဲယထုးထီၣ်ကွံာ်အဝဲသ့ၣ် လၢကီၢ်အဲၤကူပတူးအပူၤအဆၢကတီၢ်, န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 2:1

ပှၤတဂၤလၢ်လၢ်မ့ၢ်လုၢ်ထီၣ်အဘုဧိၤဟုဧိၤဆူယွၤအအိၣ်န့ၣ်, ကဘၣ်ဂံာ်ကမူၣ်ဝဲလၢညါဒီးကဘၣ်လူလီၤသ့ၣ်စၤယံးအသိ ဒီးပာ်တၢ်နၢမူလၢအဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:7

နဘၣ်ပာ်လီၤတၢ်နၢမူလီၢ်ဘၣ်လၢကိၣ်တဂ့ၢ်ဘၣ်တဂ့ၢ် အဖီခိၣ်ဒ်အမ့ၢ်တၢ်ပနီၣ်လၢတၢ်အီၣ်အတၢ်လုၢ်ဆူယွၤအအိၣ်လၢကိၣ်တဖၣ်အလီၢ်န့ၣ်လီၤ.

လံာ်ဧၤမိၣ် 5:25

ကီၢ်အံၣ်စရ့လးအပှၤဂီၢ်မုၢ်ဧၢ, ယတဃ့သုလၢတၢ်လုၢ်တၢ်ပာ် တဖၣ်ဒီးတၢ်မၤဘူၣ်တဖၣ်, ဖဲယဆှၢတ့ၢ်သုခီဖျိပှၢ်မုၢ်ကနၢလၢအနံၣ်လွံၢ်ဆံအတီၢ်ပူၤ န့ၣ်ဘၣ်.

လံာ်မံကၤ 6:3

ယွၤစံးဝဲဒၣ်, “ယပှၤဂီၢ်မုၢ်ဧၢ, ယမၤတ့ၢ်သုတၢ်မနုၤတမံၤလဲၣ်. ယကဲထီၣ်တ့ၢ်တၢ်ဝံဃၢတမံၤလၢသုဂီၢ်ဒ်လဲၣ်. စံးဆၢယၤတက့ၢ်.

လံာ်မၤလကံ 3:8

ဒီးယသံကွၢ်သု, ပှၤတဂၤကလီကစၢ်ယွၤန့ၣ်, မ့ၢ်အဘၣ်ကစီဒီဧါ. တဘၣ်ဘၣ်. ဒီးအန့ၣ်ဒၣ်လဲာ်သုလီယၤလီၤ. ဒီးသုသံကွၢ်, ‘ပလီနၤဒ်လဲၣ်.’ လၢတၢ်ဆံဆဲၣ်ပူတပူဒီးတၢ်မၤဘူၣ်မၤတီၢ်တဖၣ်န့ၣ်လီၤ.

လံာ်မးသဲ 11:30

အဂ့ၢ်ဒ်အံၤ, ယနီၣ်ယိးဘိမ့ၢ်တၢ်လၢပယိးအီၤညီဒီးယတၢ်ဝံတၢ် ယိးမ့ၢ်တၢ်လၢအဖှံလီၤ.”