လံာ်ယၡါယၤ 43:22 - Sgaw Karen Common Bible

²² ယွၤစံးဝဲ, “ဘၣ်ဆၣ်ကီၢ်အံၣ်စရ့လးဧၢ, နသးဟးဂီၤကွံာ်လၢယဃိ ဒီးနတဘူၣ်ထီၣ်ဘါထီၣ်လၢၤယၤဘၣ်.

လံာ်ယၡါယၤ 43:22 Iomraidhean Croise

စံးထီၣ်ပတြၢၤ 14:4

ယွၤစံးဝဲဒၣ်, “မ့ၢ်အဝဲသ့ၣ်တသ့ၣ်ညါဘၣ်ဧါ. ကယဲၢ်ပှၤမၤတၢ်အၢခဲလၢာ်အံၤအသးတဆးဘၣ်ဧါ. အဝဲသ့ၣ်အိၣ်မူလၢတၢ်ဟုၣ်ယပှၤဂီၢ်မုၢ်အပူၤဒီး တဘါထုကဖၣ်တၢ်ဆူယၤနီတစုဘၣ်. ”

စံးထီၣ်ပတြၢၤ 79:6

လူလီၤနတၢ်သးထီၣ်လၢပှၤကလုာ် တဖၣ်လၢအတသ့ၣ်ညါနၤအလိၤ ဒီးဘီမုၢ်တဖၣ်လၢအတကိးထီၣ်နမံၤအလိၤန့ၣ်တက့ၢ်.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယၡါယၤ 64:7

ပှၤတဃၣ်ဃီၤအသးဆူနအိၣ်လၢတၢ်ထုကဖၣ်အပူၤနီတဂၤ, ပှၤတလဲၤဆူနအိၣ်လၢတၢ်မၤစၢၤအဂီၢ်နီတဂၤဘၣ်. နပာ်ခူသူၣ်ကွံာ်နသးလၢပှၤဒီးစူးကွံာ်ညိကွံာ်တ့ၢ်ပှၤလၢပတၢ် ဒဲးဘးတဖၣ်အဃိလီၤ.

လံာ်ယံးရမံယၤ 10:25

ဃၣ်ဃီၤနတၢ်သးကဲၤထီၣ်ဆူပှၤကလုာ် တဖၣ်လၢတဘူၣ်ထီၣ်ဘါထီၣ်နၤအဖီခိၣ် ဒီးဆူပှၤဂီၢ်မုၢ်တဖၣ်လၢအညိကွံာ်နၤအဖီခိၣ်တက့ၢ်. အဝဲသ့ၣ်မၤသံကွံာ်နပှၤဂီၢ်မုၢ်န့ၣ်လီၤ. အဝဲသ့ၣ်မၤဟးဂီၤကွံာ်ပှၤလၢာ်လၢာ်ဆ့ဆ့ ဒီးပာ်လီၤတဲာ်တ့ၢ်ပထံပကီၢ်လၢတၢ်ဟးဂီၤအပူၤလီၤ.

လံာ်ယံးရမံယၤ 2:5

ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

လံာ်ဒၤနံးယ့လး 9:13

ဒီးဟ့ၣ်လီၤပှၤကယဲၢ်တၢ်စံၣ်ညီၣ်ဒ်တၢ်ကွဲးဖျါတ့ၢ်လၢစီၤမိၤၡ့ အတၢ်သိၣ်တၢ်သီအပူၤလီၤ. အိယွၤ, ပကစၢ်ယွၤဧၢ, ခဲကနံၣ်အံၤဒၣ်လဲာ်ပတကျဲးစၢးမၤမုာ်နသးခီဖျိတၢ်ဃၣ်ကွံာ် ပသးလၢပတၢ်ဒဲးဘးတဖၣ်မ့ၢ်ဂ့ၤ, ခီဖျိတၢ်မၤထွဲနတၢ်မ့ၢ်တၢ်တီမ့ၢ်ဂ့ၤဒံးဘၣ်.

လံာ်မံကၤ 6:3

ယွၤစံးဝဲဒၣ်, “ယပှၤဂီၢ်မုၢ်ဧၢ, ယမၤတ့ၢ်သုတၢ်မနုၤတမံၤလဲၣ်. ယကဲထီၣ်တ့ၢ်တၢ်ဝံဃၢတမံၤလၢသုဂီၢ်ဒ်လဲၣ်. စံးဆၢယၤတက့ၢ်.

လံာ်မၤလကံ 1:13

သုစံး, ‘တၢ်ဘှံးပသးလၢတၢ်တဖၣ်အံၤအဃိဒိၣ်မးလဲၣ်,’ ဒီးသုတပာ်ကဲဘၣ်ယၤဘၣ်. သုဟဲစိာ်ဆၣ်ဖိကီၢ်ဖိလၢသုဟုၣ် န့ၢ်အီၤမ့ၢ်ဂ့ၤ, ဘၣ်ဆူးဘၣ်ဆါမ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ ဆူယအိၣ်လီၤ. မ့ၢ်သုဆိကမိၣ်လၢယကတူၢ်လိာ်တၢ်ဒ်န့ၣ် အသိးလၢသုအိၣ်ဧါ.

လံာ်မၤလကံ 2:17

သုမၤဘှံးယွၤအသးလၢသုတၢ်ကတိၤန့ၣ်လံ. ဘၣ်ဆၣ်ဒီးသုသံကွၢ်, “ပမၤဘှံးအသးလၢမနုၤတမံၤန့ၣ်လဲၣ်.” ခီဖျိသုစံးလၢယွၤသ့တၢ်လၢာ်ဆိကမိၣ်လၢကယဲၢ်ပှၤမၤတၢ်အၢ ခဲလၢာ်မ့ၢ်ပှၤအဂ့ၤဒီးဘၣ်သူၣ်ဘၣ်သးဝဲန့ၣ်လီၤ. မ့တမ့ၢ်ဘၣ်ဒီးသုသံ ကွၢ်, “ကစၢ်ယွၤလၢအစံၣ်ညီၣ်တၢ်တီန့ၣ်, အိၣ်ဖဲလဲၣ်” န့ၣ်လီၤ.

လံာ်မၤလကံ 3:14

သုစံးတ့ၢ်သုဝဲ, “ပမၤယွၤအတၢ်န့ၣ်အဘျုးတအိၣ်ဘၣ်. တၢ်မၤထွဲတၢ်လၢအဝဲစံးမ့ၢ်ဂ့ၤ, ကျဲးစၢးပာ်ဖျါဆူယွၤသ့တၢ်လၢာ်လၢပသးအုးလၢတၢ်လၢပမၤဘၣ် တ့ၢ်အီၤအဃိန့ၣ်အဘျုးမနုၤကအိၣ်န့ၣ်လဲၣ်.