လံာ်ယၡါယၤ 43:21 - Sgaw Karen Common Bible

²¹ အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်ယၡါယၤ 43:21 Iomraidhean Croise

စံးထီၣ်ပတြၢၤ 102:18

တၢ်လၢယွၤမၤတ့ၢ်ဝဲအံၤ, ကွဲးလီၤအီၤလၢ ပှၤလၢခံတစိၤဂီၢ်, ဒ်သိးပှၤလၢအတအိၣ်ဖျဲၣ်ထီၣ်ဒံးသ့ၣ်တဖၣ် ကစံးထီၣ်ပတြၢၤယွၤန့ၣ်တက့ၢ်.

စံးထီၣ်ပတြၢၤ 102:19

အဝဲကွၢ်လီၤတၢ်လၢအလီၢ်စီဆှံထီၣ်ထီ, လၢမူခိၣ်န့ၣ်ယွၤကွၢ်လီၤတၢ်ဆူဟီၣ်ခိၣ်လီၤ.

စံးထီၣ်ပတြၢၤ 4:3

သ့ၣ်ညါလၢယွၤပာ်လီၤဆီပှၤအဲၣ်ယွၤပျံၤယွၤ လၢအဂီၢ်ဒၣ်ဝဲန့ၣ်တက့ၢ်. တုၤယကိးထီၣ်အီၤဒီးအဝဲဒၣ်နၢ်ဟူယၤလီၤ.

စံးထီၣ်ပတြၢၤ 79:13

ဒီးပဝဲဒၣ်, နပှၤဂီၢ်မုၢ်, နတၢ်အီၣ်ဆၣ်အလီၢ်အသိအံၤကစံးဘျုးစံးဖှိၣ်နၤ ဒီးစံးထီၣ်ပတြၢၤနၤလီၤထူလီၤယိာ်တစိၤဘၣ်တစိၤ န့ၣ်လီၤ.

တၢ်ကတိၤဒိ. 16:4

ကယဲၢ်တၢ်ကိးမံၤဒဲးလၢယွၤမၤအီၤန့ၣ်အိၣ်ဒီးအတၢ်အကတၢၢ်လီၤ. ဒီးတၢ်အကတၢၢ်လၢပှၤတတီတလိၤအဂီၢ်န့ၣ်မ့ၢ်တၢ်မၤဟးဂီၤကွံာ် အီၤန့ၣ်လီၤ.

လံာ်ယၡါယၤ 42:12

မ်ပှၤအိၣ်လၢထံယံၤကီၢ်ယံၤတဖၣ် ဟ့ၣ်ထီၣ်တၢ်စံးထီၣ်ပတြၢၤဒီးတၢ်လၤကပီၤဆူယွၤအအိၣ်တက့ၢ်.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 50:7

ဘၣ်ဆၣ်ဒီးအဝဲသ့ၣ်အတၢ်ဒုၣ်ဒွဲၣ်တဖၣ်မၤဘၣ်ဒိဘၣ်ထံးယၤ တသ့ဘၣ်. အဂ့ၢ်ဒ်အံၤ, ယွၤပၢဘၣ်တၢ်ခဲလၢာ်အကစၢ်ဟ့ၣ်ယၤတၢ်မၤစၢၤလီၤ. ယသကံၢ်ထီၣ်ယသးလၢယကတူၢ်တၢ်သ့ၣ်တဖၣ်န့ၣ်အဂီၢ်လီၤ. ယသ့ၣ်ညါလၢယတဘၣ်တၢ်မၤမဲာ်ဆှးယၤဘၣ်,

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယံးရမံယၤ 13:11

ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်မၤလကံ 3:17

ယွၤသ့တၢ်လၢာ်စံးဝဲ, “အဝဲသ့ၣ်ကမ့ၢ်ယပှၤဂီၢ်မုၢ်” န့ၣ်လီၤ. ဒီးမုၢ်တနံၤလၢယပာ်ဖှိၣ်ယတၢ်လုၢ်ဒိၣ်ပှ့ၤဒိၣ်န့ၣ်အဝဲသ့ၣ်ကကဲ ထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်လီၤ. ယကအိၣ်ဒီးတၢ်သးကညီၤအဝဲသ့ၣ်, ဒ်ပၢ်သးကညီၤအဖိခွါလၢအမၤအတၢ်အသိးန့ၣ်လီၤ.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

အ့းဖ့းစူး 3:21

တၢ်လၤကပီၤမ်အဘၣ်ကစၢ်ယွၤလၢတၢ်အိၣ်ဖှိၣ်အပူၤ ဒီးလၢယ့ၣ်ၡူးခရံာ်အပူၤအစိၤစိၤအဃၣ်ဃၣ်လီၤထူလီၤယိာ် တက့ၢ်. အၤမ့ၣ်.

ကလီးစဲ 1:16

ခီဖျိခရံာ်န့ၣ်ယွၤတ့လီၤတၢ်ခဲလၢာ်လၢအအိၣ်လၢမူခိၣ်ဒီးလၢ ဟီၣ်ခိၣ်, တၢ်လၢပထံၣ်အီၤသ့ဒီးတၢ်လၢပထံၣ်အီၤတသ့ဘၣ် တဖၣ်အိၣ်ဃုာ်ဒီးတၢ်စိတၢ်ကမီၤဘၣ်ဃးဒီးသူၣ်ဒီးသးတဖၣ်, ကစၢ်တဖၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်န့ၣ်လီၤ. ယွၤတ့လီၤတၢ်ခဲလၢာ်ခီဖျိခရံာ်ဒီးလၢခရံာ်အဂီၢ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.