လံာ်ယၡါယၤ 43:20 - Sgaw Karen Common Bible

²⁰ ဆၣ်ဖိကီၢ်ဖိအမံၤတဖၣ်ဒၣ်လဲာ်ကမၤလၤကပီၤယၤဒီး ထွံၣ်ဟီၣ်ခိၣ်ဒီးထိၣ်ကီၤလၤအူးတဖၣ်ကစံးထီၣ်ပတြၢၤယၤဖဲ ယဒုးယွၤလီၤ ထံကျိတဖၣ်လၢမဲးမုၢ်ခိၣ်အပူၤ ဒီးဟ့ၣ်လီၤထံလၢယပှၤဂီၢ်မုၢ်လၢယဃုထၢအီၤ အဂီၢ်န့ၣ်လီၤ.

လံာ်ယၡါယၤ 43:20 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:13

သုဝဲပှၤလီၤစၢၤလီၤသွဲၣ်လၢကစၢ်ယွၤအခ့အပှၤစီၤအံၣ်စရ့လး, ပှၤလၢကစၢ်ယွၤဃုထၢဝဲတဂၤ, စီၤယၤကိာ်အဖိအလံၤသ့ၣ်ဧၢ,

စံးထီၣ်ပတြၢၤ 104:21

ခ့ယုၢ်ဖိတဖၣ်ကညီၤထီၣ်ထွဲအဆၣ်အခံ, ဖဲအဃုအီၣ်အဆၣ်လၢ ကစၢ်ယွၤဟ့ၣ်လီၤအီၤန့ၣ်လီၤ.

စံးထီၣ်ပတြၢၤ 148:10

ဆၣ်ဖိကီၢ်ဖိအမံၤဒီးဆၣ်ဖိကီၢ်ဖိအဒၢ, တၢ်လၢအစွါဒီးထိၣ်လၢအယူၤတဖၣ်ဧၢ,

စံးထီၣ်ပတြၢၤ 33:12

ပှၤကလုာ်လၢကစၢ်ယွၤမ့ၢ်အကစၢ်န့ၣ်ဘၣ်ဆိၣ်ဂ့ၤနီၢ်နီၢ် ဒီးပှၤဂီၢ်မုၢ်လၢကစၢ်ယွၤဃုထၢအီၤလၢ အတၢ်န့ၢ်သါအဂီၢ်ဒၣ်ဝဲန့ၣ် ဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 13:22

ထွံၣ်မံၤဒီးထွံၣ်ဟီၣ်ခိၣ်တဖၣ်အတၢ်မီၤအသီၣ်ကသီၣ်ဆၢက့ၤလၢ ပၢၤတၢ်အလီၢ်ဒီးနူၢ်ဧိၤစီၤဧိၤအပူၤန့ၣ်လီၤ. ကီၢ်ဘၤဘူၤလိၣ်အဆၢကတီၢ်ဟဲတုၤဝဲလံ. အမုၢ်နံၤတဖၣ်ကလၢာ်ဘူးထီၣ်လံ.”

လံာ်ယၡါယၤ 30:25

မုၢ်တနံၤဖဲသုဒုၣ်သုဒါအတိာ်တဖၣ်ဘၣ်တၢ်ဒုးန့ၢ်ဖီၣ်န့ၢ်အီၤ, ဒီးအပှၤတဖၣ်ဘၣ်တၢ်မၤသံကွံာ်အီၤန့ၣ်, ထံဖိကျိအထံတဖၣ် ကယွၤလီၤဝဲလၢကစၢၢ်ကိးဖျၢၣ်ဒဲးဒီးတၢ်လူၢ်ကိးလူၢ်ဒဲးန့ၣ်လီၤ.

လံာ်ယၡါယၤ 32:2

အဝဲသ့ၣ်တဂၤဘၣ်တဂၤကလီၤ ဂာ်ဒီးတၢ်အိၣ်ကဒုပူၤဖျဲးအလီၢ်တတီၤလၢကလံၤမုၢ်, ဒီးတၢ်လီၢ်တတီၤလၢတၢ်အိၣ်သဒၢပူၤဖျဲးဒီးကလံၤ မုၢ်တွၤတဖၣ်အဂီၢ်န့ၣ်လီၤ. အဝဲသ့ၣ်ကလီၤဂာ်ဒီး ထံဖိကျိတဖၣ်လၢအယွၤလီၤလၢမဲးမုၢ်ခိၣ်တတီၤ, ဒီးလၢၢ်မုၢ်ဖးဒိၣ်တဖျၢၣ်အကဒုလၢကီၢ်အိၣ်လီၤ ဃီတဘ့ၣ်အပူၤန့ၣ်လီၤ.

လံာ်ယၡါယၤ 33:21

ယွၤကဒုးနဲၣ်ပှၤလၢအလၤကပီၤလီၤ. ပကအိၣ်ဖဲထံကျိဖးလဲၢ်ဒီးထံကျိဖိတဖၣ်အနံၤလီၤ. ဘၣ်ဆၣ်ဒီးကဘီသုးတဖၣ်တလဲၤတၢ်လၢအဝဲသ့ၣ်အပူၤဘၣ်.

လံာ်ယၡါယၤ 35:7

မဲးမုၢ်ကိၢ်ကကဲထီၣ်ကမါတခါ ဒီးဟီၣ်ခိၣ်လၢအဃ့ထီန့ၣ်ကဘၣ်တၢ်မၤပှဲၤအီၤဒီးထံမူထီၣ်ပၢၢ် တဖၣ်လီၤ. ဖဲထွံၣ်မံၤတဖၣ်အိၣ်ဆိးတ့ၢ်ဝဲအလီၢ်န့ၣ်, တပိၢ်ဒီးဆှဲတဖၣ်ကမဲထီၣ်ဝဲလီၤ.

လံာ်ယၡါယၤ 41:17

ဖဲယပှၤဂီၢ်မုၢ်လိၣ်ဘၣ်ဒီးဃုဝဲထံအဆၢကတီၢ် ဒီးဖဲအကိာ်ယူၢ်တဖၣ်ဃ့ထီဝဲလၢတၢ်သူအသးလၢထံအဃိန့ၣ်, ယၤ, ယွၤအံၤယကစံးဆၢအဝဲသ့ၣ်အတၢ်ထုကဖၣ်လီၤ. ယၤ, အံၣ်စရ့လးအကစၢ်ယွၤအံၤယတလဲၤသဒၣ်အဝဲသ့ၣ်နီတစုဘၣ်.

လံာ်ယၡါယၤ 41:18

ယကဒုးအိၣ်ထီၣ်ထံကျိတဖၣ်လၢအယွၤလီၤဝဲလၢတၢ်လူၢ်ဃ့ထီလီၤ ဖျိတဖၣ်အကျါ ဒီးထံထီၣ်ပၢၢ်အကျိတဖၣ်ကယွၤလီၤဝဲလၢတၢ်တြီၤတဖၣ်အပူၤလီၤ. ယကဒုးကဲထီၣ်မဲးမုၢ်ခိၣ်ဆူထံအနိၣ်တဖၣ် ဒီးဟီၣ်ခိၣ်လၢအဃ့ထီဆူထံမူထီၣ်ပၢၢ်တဖၣ်လၢအယွၤလီၤဝဲ န့ၣ်လီၤ.

လံာ်ယၡါယၤ 43:19

အိၣ်ခိးကွၢ်လၢ်တၢ်အသီလၢယကမၤအီၤန့ၣ်တက့ၢ်. မၤတ့ၢ်လံအသးလံ. သုထံၣ်ဘၣ်အီၤခဲအံၤသ့လီၤ. ယကမၤကျဲမုၢ်တဘိခီဖျိပှၢ်မုၢ်ကနၢ ဒီးဟ့ၣ်သုထံကျိဖိတဖၣ်ဖဲန့ၣ်လီၤ.

လံာ်ယၡါယၤ 48:21

ဖဲယွၤဆှၢခီဖျိအပှၤဂီၢ်မုၢ်လၢမဲးမုၢ်ခိၣ်တတီၤလၢအကိၢ် ဒီးအဃ့ထီအခါန့ၣ်, အဝဲသ့ၣ်တတူၢ်ဘၣ်တၢ်သူအသးလၢထံဘၣ်. ဒုးယွၤလီၤထံလၢလၢၢ်တဖျၢၣ်အပူၤ လၢအဝဲသ့ၣ်အဂီၢ်လီၤ. အဝဲဒိသ့ၣ်ဖးလၢၢ်ဒီးထံပုာ်ထီၣ်ယွၤလီၤဝဲလီၤ.

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ယိၤအ့လး 3:18

လၢအဆၢကတီၢ်ဖဲန့ၣ်, ကစၢၢ်ကလိတဖၣ်ကပှဲၤဝဲဒီးစပံးလီၢ်တဖၣ်, ဒီးဂီၤဘုၣ်ဂီၤဖံးတဖၣ်ကဘၣ်တၢ်ထံၣ်န့ၢ်အီၤလၢကစၢၢ်ကိးဖျၢၣ်ဒဲးအလိၤ, ဒီးထံကယွၤလီၤဝဲအါအါဂီၢ်ဂီၢ်လၢကီၢ်ယူဒၤအထံ ဖိကျိခဲလၢာ်အပူၤန့ၣ်လီၤ. ဒီးထံထီၣ်ပၢၢ်တပူၤကယွၤလီၤဝဲလၢယွၤအတၢ်လုၢ်ဟံၣ် ဒီးကမၤဘၣ်စီၣ်ကီၢ်အဃါယၤအတၢ်တြီၤန့ၣ်လီၤ.

လံာ်မၢ်ကူး 13:20

ကစၢ်မ့ၢ်တမၤစှၤလီၤမုၢ်နံၤမုၢ်သီတဖၣ်န့ၣ်ဘၣ်ဒီး, တမ့ၢ်လၢပှၤကတုၤဘၣ်က့ၤလၢတၢ်အုၣ်က့ၤခီၣ်က့ၤနီတဂၤ ဘၣ်. ဘၣ်ဆၣ်ဒီးပှၤလၢအဘၣ်တၢ်ဃုထၢပာ်ဝဲတဖၣ် အဂီၢ်န့ၣ်, ကမၤစှၤလီၤမုၢ်နံၤမုၢ်သီတဖၣ်န့ၣ်လီၤ.

လံာ်ယိၤဟၣ် 4:10

ယ့ၣ်ၡူးစံးဆၢတၢ်ဒီးစံးဘၣ်အီၤ, “နမ့ၢ်သ့ၣ်ညါတ့ၢ်ကစၢ်ယွၤ အတၢ်ဟ့ၣ်ဒီးပှၤလၢအဃ့အီနၤလၢထံတဂၤမ့ၢ်မတၤလဲၣ်န့ၣ်, နကဃ့တၢ်လၢအီၤဒီးအဝဲကဟ့ၣ်နၤထံလၢအဟ့ၣ် တၢ်မူန့ၣ်လီၤ.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 21:6

ဒီးအဝဲဒၣ်စံးဝဲ, “တၢ်မၤအသးဝံၤလံ. ယမ့ၢ် က, ဒီး ဧ, တၢ်အခီၣ်ထံးဒီးတၢ်အကတၢၢ်လီၤ. ဆူပှၤတဂၤလၢ်လၢ်လၢတၢ်သူအသးလၢထံန့ၣ်, ယကဟ့ၣ်အီၤအခွဲးအယာ်လၢအကအီထံဖဲတၢ်မူ အထံထီၣ်ပၢၢ်တအိၣ်ဒီးတၢ်ဟ့ၣ်ဘၣ်အပှ့ၤအကလံၤ န့ၣ်ဘၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.