လံာ်ယၡါယၤ 43:18 - Sgaw Karen Common Bible

¹⁸ ဘၣ်ဆၣ်ဒီးယွၤစံးဝဲ, “ဘျးစဲဘူးထီဃးသုသးလၢတၢ်မၤအသးလၢအပူၤကွံာ်တဖၣ် တဂ့ၤ. ဒီးတၢ်လၢအမၤတ့ၢ်လံအသးလၢအပူၤကွံာ်လၢညါယံာ်တ့ၢ်မးတဖၣ် န့ၣ်, ဆိကမိၣ်လၢအဂ့ၢ်တဂ့ၤ.

လံာ်ယၡါယၤ 43:18 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:12

သ့ၣ်နီၣ်ထီၣ်က့ၤတၢ်မၤလီၤလးတဖၣ်လၢကစၢ်ယွၤမၤတ့ၢ်ဝဲ ဒီးတၢ်စံၣ်ညီၣ်တဖၣ်လၢအဟ့ၣ်ဝဲ,

လံာ်ယၡါယၤ 46:9

သ့ၣ်နီၣ်ထီၣ်က့ၤတၢ်လၢအမၤတ့ၢ်အသးလၢပျၢၤတက့ၢ်. အၢၣ်လီၤအီလီၤလၢထဲယၤတဂၤဧိၤန့ၣ်မ့ၢ်ကစၢ်ယွၤဒီးပှၤ အဂၤ ဒ်သိးယၤတအိၣ်ဝဲနီတဂၤဘၣ်န့ၣ်တက့ၢ်.

လံာ်ယၡါယၤ 65:17

ယွၤစံးဝဲ, “ယတ့လီၤဟီၣ်ခိၣ်အသီဒီးမူခိၣ်အသီလီၤ. တၢ်လၢအမၤတ့ၢ်အသးလၢအပူၤကွံာ်တဖၣ်ကဘၣ်တၢ်သး ပ့ၤနီၣ်ကွံာ်အီၤလၢာ်လၢာ်ဆ့ဆ့န့ၣ်လီၤ.

၂ ကရံၣ်သူး 3:10

ပကစံးလၢခဲအံၤလၢတၢ်လၤကပီၤလၢအကပြုၢ်ကပြီၤဒိၣ်ဒၣ်တၢ် တက့ၢ်အဃိန့ၣ်, တၢ်လၤကပီၤလၢအကပြုၢ်ကပြီၤ မးဝဲဖဲအပူၤကွံာ်န့ၣ်လီၤမၢ်ကွံာ်ဝဲလံန့ၣ်လီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

လံာ်သိၣ်လီၤသီလီၤတၢ် 7:18

ပျံၤဘၣ်အဝဲသ့ၣ်တဂ့ၤ. သ့ၣ်နီၣ်ထီၣ်တၢ်လၢယွၤ, သုကစၢ်ယွၤမၤတ့ၢ်ဘၣ်ကီၢ်အဲၤကူပတူးအစီၤပၤဒီးအပှၤဂီၢ်မုၢ် ခဲလၢာ်အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.