လံာ်ယၡါယၤ 43:17 - Sgaw Karen Common Bible

¹⁷ အဝဲဆှၢသုးမုၢ်ဂံၢ်ဆူၣ်ဘါဆူၣ်တဖုဆူတၢ်ဟးဂီၤ, သုးမုၢ်တဖုလၢအအိၣ်ဒီးလ့ၣ်ကဟၣ်တဖၣ်ဒီး ကသ့ၣ်တဖၣ်လီၤ. အဝဲသ့ၣ်လီၤဃံၤကွံာ်ဝဲဒီးတဂဲၤဆၢထၢၣ်က့ၤ နီတဘျီလၢၤဘၣ်. အဝဲသ့ၣ်ဘၣ်တၢ်မၤပံာ်ကွံာ်အီၤဒ်မ့ၣ်အူဒၢ အမ့ၣ်အူလၣ်အသိးလီၤ.

လံာ်ယၡါယၤ 43:17 Iomraidhean Croise

စံးထီၣ်ပတြၢၤ 118:12

အဝဲသ့ၣ် အိၣ်ဖှိၣ်ဂီၢ်မုၢ်လၢယလိၤ ဒ်ကွဲဧိၤကနဲဧိၤအသိး, ဘၣ်ဆၣ်ဒီး မ့ၣ်အူအီၣ်ကွံာ်အဝဲသ့ၣ်ချ့သဒံးဒ် မ့ၣ်အူအီၣ်တၤဆှုၣ်အသိး, ယမၤဟးဂီၤကွံာ်အဝဲသ့ၣ်လၢ ယွၤအစိကမီၤအပူၤန့ၣ်လီၤ.

လံာ်တၢ်ဟးထီၣ်ကွံာ် 15:19

ပှၤအံၣ်စရ့လးဖိတဖၣ်လဲၤခီဂာ်ပီၣ်လဲၣ်လၢဟီၣ်ခိၣ်ဃ့ထီအဖီ ခိၣ်လီၤ. ဘၣ်ဆၣ်ဖဲပှၤအဲၤကူပတူးဖိအလ့ၣ်ကဟၣ်ဒုးသုးတဖၣ်, ဃုာ်ဒီးအကသ့ၣ်တဖၣ်ဒီးအပှၤနီၣ်တၢ်တဖၣ်လဲၤနုာ်ဆူပီၣ်လဲၣ်ပူၤ န့ၣ်, ယွၤဒုးဟဲက့ၤကဒါက့ၤထံတဖၣ်ဒီးလုၣ်ဘၢကွံာ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 15:4

အဝဲကွံာ်တ့ၢ်ကွံာ်ကီၢ်အဲၤကူပတူးအသုးမုၢ်ဒီးအလ့ၣ်ကဟၣ်ဒုး သုးတဖၣ်ဆူပီၣ်လဲၣ်ပူၤ, အသုးခိၣ်သုးနၢ်အဂ့ၤကတၢၢ်တဖၣ်လီၤအုးသံလၢပီၣ်လဲၣ်ဂီၤအပူၤလီၤ.

လံာ်ယၡါယၤ 1:31

ဒ်ဘုလီၢ်လၢမ့ၣ်အူအီၣ်အီၤခီဖျိမ့ၣ်အူဖီတဖီးအသိး, ပှၤလၢအဂံၢ်ဆူၣ်ဘါဆူၣ်တဖၣ်ကဘၣ်တၢ်မၤဟးဂီၤအီၤ ခီဖျိအတၢ်မၤအအၢအသီတဖၣ်, ဒီးပှၤဆိကတီၢ်ကွံာ်တၢ်မၤ ဟးဂီၤအံၤတသ့နီတဂၤဘၣ်.

လံာ်ယံးရမံယၤ 51:21

လၢတၢ်မၤဟးဂီၤကသ့ၣ်တဖၣ်ဒီး ပှၤဒိးအီၤတဖၣ်, လၢတၢ်မၤဟးဂီၤ လ့ၣ်ကဟၣ်ဒီး ပှၤဝီအီၤတဖၣ်,

လံာ်ယဃ့းစက့လး 38:4

ယကဃၣ်တရံးကဒါက့ၤအီၤ, ဘျးထီၣ်နီၣ်ကျးတဖၣ်လၢအခၣ် တဖၣ်အပူၤ, ဒီးတွံၢ်ကွံာ်အီၤဃုာ်ဒီးကယဲၢ်အသုးဖိသံၣ်ဖိတဖၣ်န့ၣ်လီၤ. အဝဲအသုးမုၢ်ဃုာ်ဒီးအကသ့ၣ်တဖၣ်ဒီးအပှၤအဒိး ကသ့ၣ်တဖၣ်လၢအလဲၤတၢ်ဃူဃူဒ်သိးသိးန့ၣ်, အိၣ်ဖျါဒိၣ်ဝဲ သွါဝဲ, ဒီးသုးဖိကိးဂၤဒဲးကံာ်တူာ်အသးဒီးကတီၤတဘ့ၣ်ဒီး နးတဘ့ၣ်စုာ်စုာ်န့ၣ်လီၤ.

လံာ်မးသဲ 12:20

တပိၢ်တဘိလၢအသဘှံးန့ၣ်တမၤတဲာ်ကွံာ်ဘၣ်ဝဲဘၣ်. ဒီးမ့ၣ်အူဒၢလၢအကပီၤပံာ်လ့ပံာ်လ့န့ၣ် တမၤလီၤပံာ်ကွံာ်ဝဲဘၣ်, ဒီးကကျဲးစၢးဝဲတုၤလီၤလၢတၢ်တီတၢ်လိၤ မၤနၢၤတၢ်တစုလီၤ.

လံာ်ပှၤစံၣ်ညီၣ်ကွီၢ် 4:16

စီၤဘါရးလူၤထွဲလ့ၣ်ကဟၣ်ဒုးသုးတဖၣ်ဒီးပှၤသုးဖိတဖၣ်အခံ တုၤဆူပှၤကလုာ်ဂၤတဖၣ်အဝ့ၢ်ဃရိၡ့းဒီးစီၤစံစရၤအသုးမုၢ် ဒီဖုဘၣ်တၢ်မၤသံကွံာ်အီၤခဲလၢာ်လီၤ. ပှၤတအိၣ်လီၤတဲာ်ဘၣ်နီတဂၤဘၣ်.