လံာ်ယၡါယၤ 43:16 - Sgaw Karen Common Bible

¹⁶ ပူၤကွံာ်လၢညါယံာ်တ့ၢ်မးလံန့ၣ်, ယွၤမ့ၢ်တ့ၢ်ကျဲမုၢ်တဘိ ခီဖျိပီၣ်လဲၣ်, ကျဲဖိတဘိခီဖျိထံသဝံးအပူၤလီၤ.

လံာ်ယၡါယၤ 43:16 Iomraidhean Croise

လံာ်စီၤနဃ့မယၤ 9:11

နမၤတ့ၢ်ကျဲတဘိလၢနပှၤဂီၢ်မုၢ်အဂီၢ်လၢပီၣ်လဲၣ်ပူၤ ဒီးဆှၢခီဖျိအဝဲသ့ၣ်လၢဟီၣ်ခိၣ်ဃ့အလိၤန့ၣ်လီၤ. ပှၤတဖၣ်လၢအလူၤအဝဲသ့ၣ်န့ၣ်လီၤအုးကွံာ်လၢထံယိာ်အပူၤ ဒ်လၢၢ်တဖျၢၣ်လီၤဘျၢကွံာ်လၢပီၣ်လဲၣ်လၢအလပီဒိၣ်အပူၤအသိး န့ၣ်လီၤ.

စံးထီၣ်ပတြၢၤ 106:9

အဝဲဟ့ၣ်လီၤအကလုၢ်ဒီး ပီၣ်လဲၣ်ဂီၤဃ့ထီကွံာ်ဝဲ, အဝဲဆှၢခီဖျိအပှၤဂီၢ်မုၢ်လၢ ခိသူၣ်ခိၣ်န့ၣ်လီၤ.

စံးထီၣ်ပတြၢၤ 77:19

နလဲၤခီဂာ်လပီတဖၣ် ဒီးနခီဂာ်ပီၣ်လဲၣ်လၢအယိာ်ဝဲ, ဘၣ်ဆၣ်နခီၣ်လီၢ်တဖၣ်တၢ်ထံၣ်န့ၢ်အီၤတသ့ဘၣ်.

စံးထီၣ်ပတြၢၤ 77:20

နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

စံးထီၣ်ပတြၢၤ 78:13

အဝဲဒၣ်မၤသ့ၣ်ဖးပီၣ်လဲၣ်, ဒီးဒုးလဲၤခီဂာ်အဝဲသ့ၣ်, ဒီးပာ်ဆၢထၢၣ်ထံဒ်တၢ်ဒူၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 14:16

ယူာ်ထီၣ်နီၣ်ထိးဘိဒီးဖီၣ်ဃးအီၤလၢပီၣ်လဲၣ်အဖီခိၣ်တက့ၢ်. ထံကနီၤဖးလီၤအသးဒီးပှၤအံၣ်စရ့လးဖိတဖၣ်လဲၤတၢ်လၢဟီၣ် ခိၣ်အဃ့ထီအဖီခိၣ်ကသ့ဝဲလီၤ.

လံာ်တၢ်ဟးထီၣ်ကွံာ် 14:29

မ့မ့ၢ်ပှၤအံၣ်စရ့လးဖိတဖၣ်ဟးဝဲလၢဟီၣ်ခိၣ်ဃ့ထီအဖီခိၣ် ခီဂာ်ပီၣ်လဲၣ်လၢအအိၣ်ဒီးထံအဒူၣ်ခံခီန့ၣ်လီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 44:27

ထဲတၢ်ဟ့ၣ်လီၤတၢ်ကလုၢ်တဘီဧိၤန့ၣ်ယဒုးဃ့ထီကွံာ်ပီၣ်လဲၣ် န့ၣ်လီၤ.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယၡါယၤ 51:10

နမ့ၢ်စ့ၢ်ကီးပှၤလၢအမၤလီၤ သံးကွံာ်ပီၣ်လဲၣ်ဒီးကတဲာ်က တီၤတ့ၢ်ကျဲတဘိလၢပီၣ်လဲၣ်ခံဒး ဒ်သိးပှၤတဖၣ်လၢနအုၣ်က့ၤ ခီၣ်က့ၤအီၤခီဂာ်တၢ်ကသ့အဂီၢ်န့ၣ်လီၤ.

လံာ်ယၡါယၤ 51:15

ယမ့ၢ်ယွၤ, သုကစၢ်ယွၤလီၤ. ယထိၣ်ဂဲၤထီၣ်ပီၣ်လဲၣ် ဒီးဒုးသီၣ်ထီၣ်အလပီတဖၣ်ရူၢ်ရူၢ်လီၤ. ယမံၤမ့ၢ်ဝဲယွၤသ့တၢ်လၢာ်န့ၣ်လီၤ.

လံာ်ယံးရမံယၤ 31:35

ယွၤဟ့ၣ်မုၢ်လၢကကပီၤထီၣ်လၢ မုၢ်ဆါခီ, ဒီးလါဒီး ဆၣ်တဖၣ်လၢ ကကပီၤထီၣ်လၢ မုၢ်နၤန့ၣ်လီၤ. အဝဲထိၣ်ဂဲၤထီၣ်ပီၣ်လဲၣ်ဒီး ဒုးသီၣ်ထီၣ်အလပီတဖၣ်ရုၢ်ရုၢ်လီၤ. အဝဲအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ.

လံာ်လီၣ်ဖျါ 16:12

တုၤနုၤတစုကလူးဃုဂၤတဂၤဂၢ်လီၤအသလၢလၢထံကျိဖးဒိၣ် ဖရၤသးအပူၤလီၤ. ထံကျိဃ့ထီကွံာ်ဝဲ, ဒ်သိးအကဒုးအိၣ်ထီၣ်ကျဲလၢစီၤပၤလၢအဟဲလၢမုၢ်ထီၣ် တဖၣ်အဂီၢ်န့ၣ်လီၤ.