လံာ်ယၡါယၤ 43:15 - Sgaw Karen Common Bible

¹⁵ ယမ့ၢ်ယွၤ, သုကစၢ်ယွၤစီဆှံတဂၤလီၤ. ကီၢ်အံၣ်စရ့လးဧၢ, ယတ့လီၤပာ်လီၤနၤဒီး ယမ့ၢ်နစီၤပၤလီၤ.”

လံာ်ယၡါယၤ 43:15 Iomraidhean Croise

စံးထီၣ်ပတြၢၤ 149:2

မ်အံၣ်စရ့လးသးခုလၢကစၢ်လၢအတ့လီၤအီၤ အပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံသးညီလၢ အစီၤပၤအပူၤတက့ၢ်.

စံးထီၣ်ပတြၢၤ 74:12

ကစၢ်ယွၤမ့ၢ်ယစီၤပၤလၢပျၢၤ, လၢအမၤတၢ်အုၣ်က့ၤခီၣ်က့ၤလၢ ထံဧိၤကီၢ်ဧိၤအပူၤလီၤ.

လံာ်ယၡါယၤ 30:11

ဟးထီၣ်ကွံာ်လၢပကျဲပူၤဒီးသုးကွံာ်တၢ်မၤတံာ်တာ်ပကျဲပက ပူၤတက့ၢ်. ပသးတအိၣ်နၢ်ဟူနအံၣ်စရ့လးကစၢ်ယွၤစီဆှံ တဂၤန့ၣ်အဂ့ၢ်ဘၣ်.”

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 40:25

တၢ်ထိၣ်သတြီၤကစၢ်ယွၤစီဆှံတဂၤအံၤဒီးမတၤကသ့န့ၣ်လဲၣ်. မ့ၢ်ပှၤလၢအလီၤဂာ်ဒီးအီၤအိၣ်ဒံးတဂၤဂၤဧါ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 41:16

နကကွံာ်ထီၣ်အဝဲသ့ၣ်လၢကလံၤကျါဒီးကလံၤကစိာ်ကွံာ်အဝဲသ့ၣ် လီၤ. ဒီးကလံၤမုၢ်ကမၤပြံမၤပြါအဝဲသ့ၣ်န့ၣ်လီၤ. အန့ၣ်ဒီး, နကသူၣ်ခုသးခုမ့ၢ်လၢယမ့ၢ်နကစၢ်ယွၤအဃိန့ၣ်လီၤ. နကစံးထီၣ်ပတြၢၤယၤ, အံၣ်စရ့လးအကစၢ်ယွၤစီဆှံအံၤလီၤ.

လံာ်ယၡါယၤ 41:20

ပှၤဂီၢ်မုၢ်ကထံၣ်တၢ်အံၤဒီးသ့ၣ်ညါဝဲလၢ ယၤ, ယွၤအံၤမၤတ့ၢ်တၢ်အံၤလီၤ. အဝဲသ့ၣ်ကနၢ်ပၢၢ်ထီၣ်ဝဲလၢအံၣ်စရ့လး အကစၢ်ယွၤစီဆှံဒုးကဲထီၣ်တၢ်အံၤလီၤ.”

လံာ်ယၡါယၤ 41:21

ယွၤ, အံၣ်စရ့လးအစီၤပၤစံးတၢ်အံၤလီၤ. “သုဝဲပှၤကလုာ်တဖၣ်အကစၢ်တဖၣ်, ဟ့ၣ်ထီၣ်သုတၢ်ဂ့ၢ်တက့ၢ်. ဟဲစိာ်သုတၢ်ကတိၤဂ့ၢ်လိာ်အဂ့ၤကတၢၢ်တဖၣ်လၢအအိၣ်ဒီးသု တက့ၢ်.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 43:21

အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်ယၡါယၤ 43:3

အဂ့ၢ်ဒ်အံၤ, ယမ့ၢ်ယွၤ, နကစၢ်ယွၤ, ကီၢ်အံၣ်စရ့လးအကစၢ်ယွၤစီဆှံလၢအအုၣ်က့ၤခီၣ်က့ၤနၤလီၤ. ယကဟ့ၣ်လီၤကွံာ်ကီၢ်အဲၤကူပတူးလၢနကထူၣ်ဖျဲးထီၣ်အဂီၢ်လီၤ. ယကဟ့ၣ်လီၤကွံာ်ကီၢ်ကူၤၡးဒီးကီၢ်စဘၤလၢ နလီၢ်လီၤ.

လံာ်ယၡါယၤ 43:7

အဝဲသ့ၣ်မ့ၢ်ယပှၤဂီၢ်မုၢ်ဒၣ်ယဲ, ဒီးယတ့လီၤပာ်လီၤတ့ၢ်အဝဲသ့ၣ်လၢကဟဲစိာ်န့ၢ်ယၤတၢ်လၤကပီၤ န့ၣ်လီၤ.”

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 45:11

ယွၤ, ကီၢ်အံၣ်စရ့လးအကစၢ်ယွၤစီဆှံ, ပှၤလၢအတ့လီၤကျဲၤလီၤခါဆူညါတဂၤစံးဝဲ, “သုသံကွၢ်ယၤတၢ်ဘၣ်ဃးဒီးယဖိယလံၤတဖၣ် ဒီးတဲဘၣ်ယၤတၢ်လၢယကြၢးမၤန့ၣ် တပၢဘၣ်နီတဂၤဘၣ်.

လံာ်ယၡါယၤ 47:4

ကီၢ်အံၣ်စရ့လးအကစၢ်ယွၤစီဆှံမၤပူၤဖျဲးပှၤလီၤ. အမံၤန့ၣ်မ့ၢ်ယွၤသ့တၢ်လၢာ်လီၤ.

လံာ်ယၡါယၤ 48:17

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသုစံးဝဲ, “ယမ့ၢ်ယွၤ, သုကစၢ်ယွၤ, ပှၤတဂၤလၢအသးအိၣ်သိၣ်လိသုလၢ အတၢ်ဂ့ၤဒၣ်ဝဲအဂီၢ် ဒီးနဲၣ်သုဆှၢသုလၢကျဲတဘိလၢသုကြၢးလဲၤန့ၣ်လီၤ.

လံာ်ယံးရမံယၤ 51:5

ယၤ, ယွၤကစၢ်ယွၤသ့တၢ်လၢာ်အံၤ, တစူးကွံာ်ညိကွံာ်ကီၢ်အံၣ်စရ့လးဒီးကီၢ်ယူဒၤဘၣ်. အဝဲသ့ၣ်မ့ၢ်မၤတ့ၢ်တၢ်ဒဲးဘးထီဒါယၤ, အံၣ်စရ့လးအတၢ်စီဆှံတဂၤ, ဒၣ်လဲာ်န့ၣ်, ယတညိကွံာ်ဘၣ်အဝဲသ့ၣ်ဘၣ်.

လံာ်ဃဘးကူာ် 1:12

ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.