လံာ်ယၡါယၤ 43:14 - Sgaw Karen Common Bible

¹⁴ ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသု စံးဝဲ, “လၢတၢ်ကအုၣ်က့ၤခီၣ်က့ၤသုအဂီၢ်, ယကဆှၢလီၤသုးမုၢ်တဖုထီ ဒါကီၢ်ဘၤဘူၤလိၣ်လီၤ. ယကမၤလီၤပှီၢ်ဝ့ၢ်အတြဲၤတဖၣ်, ဒီးအဝဲသ့ၣ်အပှၤဂီၢ်မုၢ်အတၢ်ကိးပသူထီၣ်တဖၣ်န့ၣ်, ကလဲလိာ်အသးဆူတၢ်ဟီၣ်တၢ်ယၢၤလီၤ.

လံာ်ယၡါယၤ 43:14 Iomraidhean Croise

လံာ်စီၤယိၤဘး 19:25

အဂ့ၢ်ဒ်အံၤ, ယသ့ၣ်ညါလၢယပှၤပှ့ၤက့ၤယၤတဂၤမူဝဲ, ဒီးလၢခံကတၢၢ်န့ၣ်ကဂဲၤဆၢထၢၣ်အုၣ်အသးလၢယဂီၢ်လၢ ဟီၣ်ခိၣ်အံၤန့ၣ်လီၤ.

စံးထီၣ်ပတြၢၤ 19:14

မ်ယထးခိၣ်အတၢ်ကတိၤ ဒီးယသးအတၢ်ဆိကမိၣ်န့ၣ် ဘၣ်နသးတက့ၢ်. ယလၢၢ်ဒီးတၢ်ပှ့ၤက့ၤယၤ, ယွၤဧၢ.

လံာ်ယၡါယၤ 23:13

(ပှၤလၢအပျဲလီၤဆၣ်ဖိကီၢ်ဖိအမံၤတဖၣ်လၢကဃ့ၢ်မၤနၢၤကွံာ်ဝ့ၢ် ထါယၢၣ်န့ၣ်မ့ၢ်ဒၣ်ပှၤဘၤဘူၤလိၣ်ဖိတဖၣ်, ဒီးတမ့ၢ်ပှၤအၤၡူၢ်ဖိ တဖၣ်ဘၣ်လီၤ. ပှၤလၢအဘှီထီၣ်ပၢၤတၢ်အလီၢ်တဖၣ်လၢ ကဒုးတၢ်ဒီး, မၤလီၤပှီၢ်ကွံာ်ဝ့ၢ်ထါယၢၣ်အတိာ်ခၢၣ်သနၢၣ်တဖၣ်, ဒီးပာ်တ့ၢ်အီၤလၢတၢ်ဟးဂီၤတဖၣ်အပူၤန့ၣ်, မ့ၢ်တ့ၢ်ဝဲပှၤဘၤဘူၤလိၣ်ဖိတဖၣ်လီၤ.)

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 47:4

ကီၢ်အံၣ်စရ့လးအကစၢ်ယွၤစီဆှံမၤပူၤဖျဲးပှၤလီၤ. အမံၤန့ၣ်မ့ၢ်ယွၤသ့တၢ်လၢာ်လီၤ.

လံာ်ယၡါယၤ 48:17

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသုစံးဝဲ, “ယမ့ၢ်ယွၤ, သုကစၢ်ယွၤ, ပှၤတဂၤလၢအသးအိၣ်သိၣ်လိသုလၢ အတၢ်ဂ့ၤဒၣ်ဝဲအဂီၢ် ဒီးနဲၣ်သုဆှၢသုလၢကျဲတဘိလၢသုကြၢးလဲၤန့ၣ်လီၤ.

လံာ်ယံးရမံယၤ 51:13

ထံကီၢ်အဝဲန့ၣ်အိၣ်ဒီးအထံကျိတဖၣ်ဒီး အတၢ်ထူးတၢ်တီၤတဖၣ် အါမးဘၣ်ဆၣ်, အတၢ်ဆၢကတီၢ်လၢာ်ကွံာ်လံ, ဒီးအသးသမူအလုၣ်ဖျ့ဘၣ်တၢ်မၤထီၣ်တဲာ်ကွံာ်အီၤလံ.

လံာ်ယံးရမံယၤ 51:24

ယွၤစံးဝဲဒၣ်, “သုကထံၣ်ဘၣ်ယမၤဆၢက့ၤ ကီၢ်ဘၤဘူၤလိၣ်ဒီး အပှၤဂီၢ်မုၢ်လၢ တၢ်အၢတၢ်သီ ခဲလၢာ်လၢအဝဲသ့ၣ် မၤဘၣ်တ့ၢ် ဝ့ၢ်ယရူၤၡလ့ၣ်အဃိန့ၣ်လီၤ.

လံာ်ယဃ့းစက့လး 39:7

ယကမၤလီၤတံၢ်ဒ်သိးပှၤဂီၢ်မုၢ်အံၣ်စရ့လးကသ့ၣ်ညါယမံၤ စီဆှံဒီးယတပျဲယမံၤဘၣ်တၢ်မၤမဲာ်ဆှးအီၤနီတ ဘျီလၢၤဘၣ်. အန့ၣ်တစုပှၤကလုာ်တဖၣ်ကသ့ၣ်ညါဝဲလၢယၤ, ယွၤအံၤမ့ၢ်အံၣ်စရ့လးအတၢ်စီဆှံကစၢ်ယွၤန့ၣ်လီၤ.”

လံာ်မံကၤ 4:10

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ဝံာ်ပကံးန သးဒီးကအုကစွါဒ်ပိာ်မုၣ်တဂၤလၢအကဆံးစၢ်အသိးန့ၣ်တက့ၢ်. အဂ့ၢ်ဒ်အံၤ, ခဲကနံၣ်အံၤသုကဘၣ်ဟးထီၣ်လၢဝ့ၢ်ပူၤဒီးအိၣ်လၢတၢ်ပျီပူၤလီၤ. သုကဘၣ်လဲၤဆူကီၢ်ဘၤဘူၤလိၣ်, ဘၣ်ဆၣ်ဒီးဖဲန့ၣ်ယွၤကအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစုပူၤလီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.