လံာ်ယၡါယၤ 43:10 - Sgaw Karen Common Bible

¹⁰ ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်ယၡါယၤ 43:10 Iomraidhean Croise

စံးထီၣ်ပတြၢၤ 102:27

မ့မ့ၢ်နဲဒၣ်အံၤနမ့ၢ်တၢ်ဒ်လီၢ်လီၢ် ဒီးနနံၣ်နလါတဖၣ် အကတၢၢ်တအိၣ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 8:6

လၢတၢ်န့ၣ်အဃိစီၤအၤဟရိၣ်ယူာ်ထီၣ်အနီၣ်ထိးဘိလၢထံတဖၣ်အဖီခိၣ်, ဒီးဒ့ၣ်တဖၣ်ဟဲထီၣ်ဝဲဒီးမၤပှဲၤကီၢ်အဲၤကူပတူး န့ၣ်လီၤ.

လံာ်ယၡါယၤ 41:20

ပှၤဂီၢ်မုၢ်ကထံၣ်တၢ်အံၤဒီးသ့ၣ်ညါဝဲလၢ ယၤ, ယွၤအံၤမၤတ့ၢ်တၢ်အံၤလီၤ. အဝဲသ့ၣ်ကနၢ်ပၢၢ်ထီၣ်ဝဲလၢအံၣ်စရ့လး အကစၢ်ယွၤစီဆှံဒုးကဲထီၣ်တၢ်အံၤလီၤ.”

လံာ်ယၡါယၤ 41:4

ပှၤလၢအဒုးကဲထီၣ်တၢ်အံၤမ့ၢ်မတၤတဂၤလဲၣ်. တၢ်စံၣ်စိၤတဲစိၤအကျိၤအကျဲန့ၣ်မ့ၢ်မတၤတဂၤနီၤဖးစံၣ်ညီၣ် တဲာ်အီၤလဲၣ်. ယၤ, ယွၤအံၤ, တၢ်မၤအသးအခီၣ်ထံးန့ၣ်ယ အိၣ်ဖဲန့ၣ် ဒီးယၤ, ယွၤအံၤ, လၢတၢ်မၤအသးအကတၢၢ်န့ၣ်ယကအိၣ်ဖဲန့ၣ်လီၤ.

လံာ်ယၡါယၤ 41:8

မ့မ့ၢ်နဲဒၣ်, ယကုၢ်ယပှၤအံၣ်စရ့လးဧၢ, နမ့ၢ်ပှၤဂီၢ်မုၢ်လၢယဃုထၢတ့ၢ်အီၤ, ပှၤဟဲလီၤစၢၤလီၤသွဲၣ်လၢယတံၤသကိးစီၤအၤဘြၤဟၣ်န့ၣ်လီၤ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 43:12

ယကတိၤဆိတ့ၢ်တၢ်လၢအကမၤအသးဝံၤဒီးယဟဲတ့ၢ်ယဲလၢတၢ်မၤစၢၤ သုအဂီၢ်လီၤ. တခီဘီမုၢ်အကစၢ်တမၤတ့ၢ်တၢ်အံၤနီတစုနီတဂၤဘၣ်. သုမ့ၢ်ယပှၤအုၣ်အသးတဖၣ်လီၤ.

လံာ်ယၡါယၤ 45:5

ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ.

လံာ်ယၡါယၤ 45:6

ယမၤတၢ်အံၤဒ်သိးပှၤတဂၤလၢ်လၢ်လၢဟီၣ်ခိၣ်အကတၢၢ်တခီဆူအဂၤ တခီကသ့ၣ်ညါဝဲလၢယမ့ၢ်ယွၤဒီးလၢကစၢ်အဂၤတအိၣ်ဘၣ်အဂ့ၢ်န့ၣ် လီၤ.

လံာ်ယၡါယၤ 48:12

ယွၤစံးဝဲ, “ဒိကနၣ်ယၤတက့ၢ်. ကီၢ်အံၣ်စရ့လးဧၢ, ပှၤဂီၢ်မုၢ်လၢယကိးထီၣ်တ့ၢ်အီၤသ့ၣ်ဧၢ, ယမ့ၢ်ကစၢ်ယွၤ, တၢ်အခီၣ်ထံး, တၢ်အကတၢၢ်ဒီးကစၢ်ယွၤထဲတဂၤဧိၤလီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 55:4

ယဒုးကဲထီၣ်အီၤလၢခိၣ်နၢ်တဂၤဒီးပှၤကလုာ်တဖၣ်အသုးခိၣ်ဖးဒိၣ်, ဒီးခီဖျိအီၤန့ၣ်ယဒုးနဲၣ်အဝဲသ့ၣ်လၢ ယတၢ်စိတၢ်ကမီၤလီၤ.

လံာ်ဃးကဲ 2:23

လၢမုၢ်နံၤအဝဲန့ၣ်, ယကဟံးန့ၢ်နၤ, ယခ့ယပှၤစီၤစရူၤဘၤဘ့လးဧၢ, ယကဃုထၢပာ်လီၤနၤဒ်သိးနကပၢတၢ်လၢယမံၤအပူၤလီၤ. နမ့ၢ်ပှၤတဂၤလၢယဃုထၢတ့ၢ်အီၤလံ.” ယွၤသ့တၢ်လၢာ်ကစၢ်စံးတ့ၢ်ဝဲ.

လံာ်ယိၤဟၣ် 15:27

ဒီးသုဝဲသ့ၣ်စ့ၢ်ကီး, သုကအုၣ်သုသးလၢယဂ့ၢ် မ့ၢ်လၢသုအိၣ်တ့ၢ်ဒီးယၤလၢတၢ်အခီၣ်ထံးလံၤလံၤ အဃိလီၤ.

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

1 ကရံၣ်သူး 15:15

အါန့ၢ်အန့ၣ်, ပဘၣ်တၢ်ပာ်ဖျါထီၣ်ပှၤလၢပကတိၤတၢ်ကတိၤ တမ့ၢ်တတီဘၣ်ဃးဒီးယွၤအဂ့ၢ်န့ၣ်လီၤ. အဂ့ၢ်ဒ်အံၤ ပစံးလၢအဝဲဒၣ်ဒုးဂဲၤဆၢထၢၣ်က့ၤခရံာ်လၢတၢ်သံန့ၣ်လီၤ. ဘၣ်ဆၣ်ဒီး, ပှၤသံတဘၣ်တၢ်ဒုးဂဲၤဆၢထၢၣ်သမူထီၣ်အီၤအဂ့ၢ်န့ၣ် မ့မ့ၢ်မ့တီဒီး, အဝဲဒၣ်တဒုးဂဲၤဆၢထၢၣ်သမူထီၣ်က့ၤခရံာ်ဘၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်သိၣ်လီၤသီလီၤတၢ် 4:35

ယွၤဒုးနဲၣ်တ့ၢ်တၢ်အံၤမ့ၢ်ဒ်သိးကအုၣ်အသးလၢသုမဲာ်ညါလၢထဲ အဝဲတဂၤဧိၤမ့ၢ်ကစၢ်ယွၤဒီးကစၢ်အဂၤတအိၣ်ဘၣ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 4:39

မၤသးဒ်န့ၣ်ဒီး, သ့ၣ်နီၣ်ထီၣ်မုၢ်တနံၤအံၤဒီးသးပ့ၤနီၣ်အီၤ နီတစုတဂ့ၤ. ယွၤန့ၣ်မ့ၢ်ကစၢ်ယွၤလၢမူခိၣ်ဒီးလၢဟီၣ်ခိၣ်အံၤန့ၣ်လီၤ. ကစၢ်အဂၤတအိၣ်ဘၣ်.

ဖံလံးပံၤ 2:7

မ့မ့ၢ်, လၢအဝဲအတၢ်သးဆူၣ်ဒၣ်ဝဲအပူၤ, ညိကွံာ်တၢ်လၢအအိၣ်ဒီးအီၤခဲလၢာ် ဒီးဟံးထီၣ်ကုၢ်တဂၤအက့ၢ်အဂီၤလီၤ. အဝဲဒၣ်ကဲထီၣ်ပှၤကညီတဂၤ ဒီးလီၣ်ဖျါထီၣ်အသးဒ်ပှၤကညီတဂၤအသိးလီၤ.

ကလီးစဲ 1:7

ခီဖျိပှၤလၢတၢ်အဲၣ်အီၤဒီးယွၤအခ့အပှၤသကိးဒီးပှၤစီၤ အ့းပၤဖြါန့ၣ်လီၤ. အဝဲမ့ၢ်ပခၢၣ်စး, ခရံာ်အခ့အပှၤလၢ အကလုၢ်တီတဂၤ,

လံာ်လီၣ်ဖျါ 1:2

ဒီးစီၤယိၤဟၣ်တဲဖျါထီၣ်တ့ၢ်တၢ်သ့ၣ်တဖၣ်လၢအဝဲဒၣ် ထံၣ်ဘၣ်တ့ၢ်ဝဲခဲလၢာ်န့ၣ်လီၤ. အဝဲအံၤ, မ့ၢ်အဝဲဒၣ်အတၢ်ပာ်ဖျါဘၣ်ဃးတၢ်ကစီၣ်လၢကစၢ်ယွၤအအိၣ်, ဒီးတၢ်မ့ၢ်တၢ်တီလၢယ့ၣ်ၡူးခရံာ်လီၣ်ဖျါထီၣ်အီၤန့ၣ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.