လံာ်ယၡါယၤ 42:6 - Sgaw Karen Common Bible

⁶ “ယၤ, ယွၤအံၤ, ယကိးထီၣ်သုဒီးဟ့ၣ်သုတၢ်စိတၢ်ကမီၤ ဒ်သိးသုကကွၢ်ထွဲမၤတၢ်စံၣ်ညီၣ်တီအဂ့ၢ်အခၢးလၢဟီၣ်ခိၣ်အံၤ န့ၣ်လီၤ. ခီဖျိသုန့ၣ်, ယကမၤတၢ်အၢၣ်လီၤအီလီၤတမံၤဒီးပှၤဂီၢ်မုၢ်ခဲ လၢာ်လီၤ. ခီဖျိသုန့ၣ်, ယကဟဲစိာ်တၢ်ကပီၤဆူပှၤကလုာ်တဖၣ်အအိၣ်လီၤ.

လံာ်ယၡါယၤ 42:6 Iomraidhean Croise

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 27:3

“ယကွၢ်ထွဲအီၤဒီးလူအီၤလၢထံတပယူာ်ဃီလီၤ. ယပၢၤအီၤမုၢ်ဆါဆဲးလၢမုၢ်နၤဒ်သိးပှၤသုတမၤဘၣ်ဒိဘၣ်ထံး အီၤနီတဂၤတဂ့ၤအဂီၢ်လီၤ.

လံာ်ယၡါယၤ 32:1

မုၢ်ကအိၣ်ဝဲတနံၤ, စီၤပၤတဂၤလၢ အပၢတၢ်လၢတၢ်မၤတီအကလုၢ်အပူၤ, ဒီးထံဖိကီၢ်ဖိခိၣ်နၢ်တဖၣ်လၢအပၢတၢ်လၢတၢ်စံၣ် ညီၣ်တီအပူၤန့ၣ်ကအိၣ်ထီၣ်ဝဲလီၤ.

လံာ်ယၡါယၤ 41:13

ယမ့ၢ်ယွၤသုကစၢ်ယွၤလီၤ. ယဟ့ၣ်ဂံၢ်ဟ့ၣ်ဘါသုဒီးစံး, ပျံၤတၢ်တဂ့ၤ. ယကမၤစၢၤသုလီၤ.”

လံာ်ယၡါယၤ 41:2

ပှၤလၢအဟဲက့ၤကိးစီၤပၤဖးဒိၣ်လၢမုၢ်ထီၣ်တခီန့ၣ်, မ့ၢ်မတၤတဂၤလဲၣ်. ပှၤလၢအဒုးကဲထီၣ်အီၤလၢအကမၤန့ၣ်မၤနၢၤတၢ်ဖဲအလဲၤတပူၤလၢ် လၢ်န့ၣ်မ့ၢ်မတၤလဲၣ်. မ့ၢ်မတၤဟ့ၣ်အီၤတၢ်မၤနၢၤလၢစီၤပၤတဖၣ်ဒီးပှၤကလုာ်တဖၣ်အဖီ ခိၣ်န့ၣ်လဲၣ်. အနးကျီလီၤကွံာ်အဝဲသ့ၣ်လီၤဂာ်မးဒ်အဝဲသ့ၣ်မ့ၢ်ဟီၣ်ခိၣ် ကမူၣ်အသိးလီၤ. အပျၢ်တဖၣ်မၤပြံမၤပြါအဝဲသ့ၣ်လီၤဂာ်ဒ်ဘုလီၢ်လၢကလံၤအူဘၣ် အီၤအသိးလီၤ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 45:1

ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်,

လံာ်ယၡါယၤ 45:13

ယနီၢ်ကစၢ်ဒၣ်ယဲယထိၣ်ဂဲၤတ့ၢ်စီၤပၤကိရ့ၣ်လၢကမၤတၢ် ဒီးမၤလၢမၤပှဲၤယတၢ်တိာ်ဒီးမၤလိၤမၤဘၣ်တၢ်လီၤ. ယကမၤလိၤမၤဘျၢကျဲမုၢ်ကိးဘိဒဲးလၢအဝဲ လဲၤတၢ်န့ၣ်လီၤ. အဝဲကသူၣ်ထီၣ်ဘှီထီၣ်က့ၤယဝ့ၢ်, ဝ့ၢ်ယရူၤၡလ့ၣ်ဒီးမၤထူၣ် ဖျဲးယပှၤဂီၢ်မုၢ်လၢအဘၣ်တၢ်မၢကဲကုၢ်အီၤတဖၣ်လီၤ. ပှၤတဒိးလဲတ့ၢ်အီၤမ့ၢ်ဂ့ၤ, ဟ့ၣ်တ့ၢ်အီၤခိၣ်ဖးလာ်ဆှိးမ့ၢ် ဂ့ၤလၢကမၤတၢ်အံၤအဂီၢ်နီတဂၤဘၣ်. ယွၤသ့တၢ်လၢာ်ကတိၤတ့ၢ်လံတၢ်လံ.”

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 49:8

ယွၤစံးဘၣ်အပှၤဂီၢ်မုၢ်, “ဖဲတၢ်ဆၢကတီၢ်ဟဲဝဲလၢတၢ်အုၣ်က့ၤခီၣ်က့ၤသုအဂီၢ်ဒီး, ယကဒုးနဲၣ်ယတၢ်ကွၢ်မဲာ်သုဒီးစံးဆၢသုတၢ်ကိးထီၣ်တဖၣ်လၢတၢ် မၤစၢၤအဂီၢ်န့ၣ်လီၤ. ယကကဟုကယာ်ဒီးဒီဒၣ်အိၣ်ပှိၤသုဒီးခီဖျိသုန့ၣ်, ယကမၤတၢ်အၢၣ်လီၤအီလီၤဒီးပှၤဂီၢ်မုၢ်ခဲလၢာ်လီၤ. ယကပျဲသုအိၣ်ဆိးက့ၤကဒီးလၢသုထံသုကီၢ်ဒၣ်ဝဲလၢခဲအံၤ အိၣ်လီၤဃီဝဲန့ၣ်လီၤ.

လံာ်ယံးရမံယၤ 12:16

လၢအသးဒီဖျၢၣ်ညါန့ၣ်, အဝဲသ့ၣ်မ့ၢ်တူၢ်လိာ်ယပှၤဂီၢ်မုၢ်အတၢ်ဘူၣ်တၢ်ဘါဒီးမ့ၢ်ဆိၣ် လီၤအသးစံးဝဲ, ဒ်ယွၤမူဝဲအသိးဒ်တဘျီအဝဲသ့ၣ်သိၣ်လိ ယပှၤဂီၢ်မုၢ်လၢကဆိၣ်တၢ်လၢဘဧၤလးအမံၤအပူၤအသိးန့ၣ်ဒီး, အဝဲသ့ၣ်ကမၤန့ၢ်ဃုာ်တၢ်လီၢ်ဒီးယပှၤဂီၢ်မုၢ်ဒီးအဝဲသ့ၣ်ကဘီၣ် ထီၣ်ညီထီၣ်ဝဲန့ၣ်လီၤ.

လံာ်မးသဲ 26:28

တၢ်အံၤမ့ၢ်ယသွံၣ်, လၢအစဲပနီၣ်ဃာ်ကစၢ်ယွၤအတၢ်အၢၣ်လီၤအီ လီၤ, ယသွံၣ်လၢအဘၣ်တၢ်ဂၢ်လီၤကွံာ်အီၤ, ဒ်သိးပှၤအါဂၤအတၢ်ဒဲးဘးကဘၣ်တၢ်ပျၢ်ကွံာ်အီၤအဂီၢ်လီၤ.

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

မၤတၢ် 13:47

အဂ့ၢ်ဒ်အံၤ, အအံၤမ့ၢ်တၢ်မၤလိာ်လၢကစၢ်ဟ့ၣ်တ့ၢ်ပှၤန့ၣ်လီၤ. ‘ယဒုးကဲလံနၤတၢ်ကပီၤတဖျၢၣ်လၢပှၤကလုာ်ဂၤတဖၣ်အဂီၢ်, ဒ်သိးဟီၣ်ခိၣ်ဒီဘ့ၣ်ကဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်လီၤ.’ ”

မၤတၢ် 26:23

လၢခရံာ်ကဘၣ်တူၢ်တၢ်ဒီးကဲထီၣ်ပှၤအဆိကတၢၢ်တဂၤလၢ အကဂဲၤဆၢထၢၣ်သမူထီၣ်က့ၤ, ပှၤလၢအကဘိးဘၣ်သ့ၣ်ညါပှၤယူဒၤဖိဒီးပှၤကလုာ်ဂၤ တဖၣ်လၢတၢ်ကပီၤဘၣ်ဃးဒီးတၢ်အုၣ်က့ၤခီၣ်က့ၤအဂ့ၢ်န့ၣ်လီၤ.”

၂ ကရံၣ်သူး 1:20

အဂ့ၢ်ဒ်အံၤ, အဝဲဒၣ်မ့ၢ်ဝဲ “မ့ၢ်” လၢယွၤတၢ်စံးပာ်ခဲလၢာ် အဂီၢ်လီၤ. လၢတၢ်တမံၤအံၤအဃိ, ခီဖျိယ့ၣ်ၡူးခရံာ်န့ၣ်ပ “အၤမ့ၣ်” ဘၣ်တၢ်ကတိၤထီၣ်ဖျဲးအီၤလၢကစၢ်ယွၤအလၤ ကပီၤအဂီၢ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 7:2

စီၤအၤဘြၤဟၣ်ဟ့ၣ်လီၤအီၤကယဲၢ်တၢ်လၢအဒိးန့ၢ်ဝဲ အပူတဆံတပူလီၤ. (အမံၤအဆိကတၢၢ်မၤလကံစဒ့း အခီပညီမ့ၢ်ဝဲ “တၢ်တီတၢ်လိၤအစီၤပၤ” လီၤ. အဝဲမ့ၢ်စ့ၢ်ကီးၡၤလ့ၣ်အစီၤပၤအခီပညီ “တၢ်ဃူတၢ်ဖိး အစီၤပၤ” န့ၣ်လီၤ.)

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

ဧ့ၤဘြံၤ 8:6

ဘၣ်ဆၣ်ဒီးခဲအံၤယ့ၣ်ၡူးဘၣ်တၢ်ဟ့ၣ်လီၤအီၤလၢပှၤလုၢ် တၢ်အခိၣ်အတၢ်ဖံးတၢ်မၤလၢအဂ့ၤဒိၣ်န့ၢ်အဝဲသ့ၣ်အတၢ်မၤ တက့ၢ်, ဒ်သိးဒၣ်တၢ်အၢၣ်လီၤအီလီၤလၢအဝဲဒုးအိၣ်ထီၣ်ဝဲလၢ ကစၢ်ယွၤဒီးအပှၤဂီၢ်မုၢ်အဘၢၣ်စၢၤမ့ၢ်တၢ်လၢအဂ့ၤဒိၣ်ဒၣ် တၢ်တက့ၢ်, မ့ၢ်လၢအသူၣ်လီၤအသးလၢတၢ်စံးပာ်တဖၣ်လၢ အဘၣ်ဃးဒီးတၢ်ဂ့ၤဒိၣ်ဒၣ်တၢ်တဖၣ်အဖီခိၣ်အဃိန့ၣ်လီၤ.

ဧ့ၤဘြံၤ 9:15

လၢတၢ်န့ၣ်အဃိခရံာ်မ့ၢ်ပှၤလၢအဒုးအိၣ်ထီၣ်တၢ်အၢၣ်လီၤအီလီၤ အသီဒ်သိးဒီးပှၤလၢကစၢ်ယွၤကိးထီၣ်တ့ၢ်လံအီၤတဖၣ်ကန့ၢ် သါဘၣ်တၢ်ဆိၣ်ဂ့ၤအထူအယိာ်လၢကစၢ်ယွၤစံးပာ်တ့ၢ်လံဝဲ အဂီၢ်န့ၣ်လီၤ. တၢ်အံၤမၤအသးသ့ဝဲမ့ၢ်လၢပှၤသံတ့ၢ်ဝဲတဂၤ အဃိလီၤ. အဝဲအတၢ်သံမၤထူၣ်ဖျဲးထီၣ်ပှၤဂီၢ်မုၢ်လၢအတၢ် ကမၣ်လၢအမၤတ့ၢ်လံဝဲ, ဖဲအအိၣ်ဒံးလၢတၢ်အၢၣ်လီၤအီလီၤအခီၣ်ထံးတခါအဖီလာ် အဆၢကတီၢ်န့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.