လံာ်ယၡါယၤ 42:25 - Sgaw Karen Common Bible

²⁵ လၢတၢ်န့ၣ်အဃိ, အဝဲဒၣ်ဒုးကလၢၢ်ပှၤလၢအတၢ်သးဒိၣ်အသဟီၣ် ဒီးဒုးတူၢ်ပှၤတၢ်ဒုးတၢ်ယၤအတၢ်မၤဆူၣ်မၤစိးန့ၣ်လီၤ. ဒ်မ့ၣ်အူအီၣ်တၢ်အသိးအတၢ်သးထီၣ်အီၣ်တၢ်သကုၤကီၢ်အံၣ်စရ့လး လီၤ. ဘၣ်ဆၣ်ဒီးတၢ်မနုၤမနုၤမၤအသးန့ၣ် ပတနၢ်ပၢၢ်နီတစုဘၣ်. လၢတၢ်အံၤန့ၣ်, ပတမၤလိတ့ၢ်တၢ်နီတမံၤဘၣ်.

လံာ်ယၡါယၤ 42:25 Iomraidhean Croise

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

လံာ်စီၤယိၤဘး 40:11

ကွၢ်ပှၤတဖၣ်လၢအပာ်ထီၣ်ထီအသးန့ၣ်တက့ၢ်. ဂၢ်လီၤနတၢ်သးထီၣ်ဆူၣ်ဆူၣ်ကလဲာ်, ဒီးဆီၣ်လီၤကွံာ်အဝဲသ့ၣ် တက့ၢ်.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယၡါယၤ 47:7

နဆိကမိၣ်တ့ၢ်လၢနကမ့ၢ်နီၢ်ပၤမုၣ်တဂၤထီဘိ, ဒီးတပာ်လ့ၣ်ပာ်ကါတၢ်သ့ၣ်တဖၣ်အံၤမ့ၢ်ဂ့ၤ, ဒီးတၢ်ခဲလၢာ်အံၤကလဲၤကတၢၢ်အသးဒ်လဲၣ်န့ၣ်မ့ၢ်ဂ့ၤ, နတဆိကမိၣ်ထီၣ်စ့ၢ်ကီးဘၣ်.

လံာ်ယၡါယၤ 48:8

ယသ့ၣ်ညါတ့ၢ်လၢတၢ်နာ်န့ၢ်သုတသ့ဘၣ်. သုဘၣ်တၢ်သ့ၣ်ညါတ့ၢ်သုထီဘိဒ်ပှၤပူထီၣ် တၢ်အသိးလီၤ. တၢ်န့ၣ်မ့ၢ်လၢသုတနၢ်ဟူတ့ၢ်တၢ်ဂ့ၢ်အံၤနီတဘျီနီတစုဘၣ်အဃိ ဒီး မ့ၢ်လၢတၢ်ကတိၤတတုၤအိၣ်သုနၢ်တဖၣ်နီတဖျၢၣ်နီတဘျီဘၣ်အဃိ န့ၣ်လီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 57:1

ပှၤအဂ့ၤတဖၣ်သံဝဲ, ဒီးပှၤတသ့ၣ်ညါနၢ်ပၢၢ်ဒီးပာ်သူၣ်ပာ်သး လၢအဂ့ၢ်နီတဂၤဒၣ်လဲာ်ဘၣ်. ဘၣ်ဆၣ်ဖဲအဝဲသ့ၣ်သံဝဲန့ၣ်, တၢ်တတၢးတနါမၤဘၣ်ဒိဘၣ်ထံးအဝဲသ့ၣ်တသ့နီတမံၤဘၣ်.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

လံာ်ယၡါယၤ 9:13

ပှၤအံၣ်စရ့လးဖိတဖၣ်တပီၢ်ယၢ်လီၤက့ၤအသးဘၣ်. ယွၤသ့တၢ်လၢာ်ကစၢ်, စံၣ်ညီၣ်တ့ၢ်လံအဝဲသ့ၣ်ဒၣ်လဲာ်န့ၣ်, အဝဲသ့ၣ်တဟဲက့ၤကဒါက့ၤဆူအအိၣ်ဘၣ်.

လံာ်ယၡါယၤ 9:19

မ့ၢ်လၢယွၤ, သ့တၢ်လၢာ်ကစၢ်အသးထီၣ်အဃိ, အဝဲအတၢ်စံၣ်ညီၣ်အီၣ်ကွံာ်တၢ်ဒ်မ့ၣ်အူအီၣ်တၢ်လၢထံကီၢ် ဒီဘ့ၣ်အသိး, ဒီးမၤဟးဂီၤကွံာ်ပှၤဂီၢ်မုၢ်လီၤ. ဒီးပှၤကိးဂၤဒဲးန့ၣ်မ့ၢ်ပှၤအဲၣ်လီၤထဲအသးဒၣ်ဝဲဧိၤန့ၣ်လီၤ.

လံာ်ယံးရမံယၤ 12:11

အဝဲသ့ၣ်ဒုးကဲထီၣ်အီၤလၢပှၢ်မုၢ်ကနၢတတီၤ ဒီးအိၣ်သယုၢ်သညိဝဲလၢယမဲာ်ညါန့ၣ်လီၤ. ထံကီၢ်ဒီဘ့ၣ်ညါကဲထီၣ်မဲးမုၢ်ခိၣ်တတီၤဒီး ပှၤတကနၣ်ဃုာ်ဘၣ်အီၤနီတဂၤဘၣ်.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်သးသယုၢ်တၢ် 2:3

လၢအတၢ်သးကဲၤထီၣ်အပူၤဒီၣ်တဲာ်ကွံာ်ဝဲအံၣ်စရ့လးအဂံၢ် အဘါန့ၣ်လီၤ. ဖဲဒုၣ်ဒါတဖၣ်ဟဲန့ၣ်အဝဲဂ့ၢ်လိာ်တ့ၢ်လၢကမၤစၢၤပှၤအဂီၢ်လီၤ. အသးဒိၣ်ကဲၤထီၣ်ထီဒါပှၤဒ်မ့ၣ်အူအသိး, မၤဟးဂီၤကွံာ်တၢ် ခဲလၢာ်န့ၣ်လီၤ.

လံာ်သးသယုၢ်တၢ် 2:4

ပညိၣ်ဃီၤတ့ၢ်ဝဲအပျၢ်တဖၣ်ဆူပအိၣ်ဒ်ဒုၣ်ဒါတဂၤအသိးလီၤ. မၤသံကွံာ်ဝဲကယဲၢ်ပှၤလၢအမ့ၢ်ပတၢ်သးခုဒီးပတၢ်သးမုာ်တဖၣ် န့ၣ်လီၤ. ဖဲအံၤလၢဝ့ၢ်ယရူၤၡလ့ၣ်အပူၤန့ၣ်ပကလၢၢ်ဘၣ်တ့ၢ်အသးဒိၣ်ကဲၤ ထီၣ်န့ၣ်လီၤ.

လံာ်ယဃ့းစက့လး 20:34

ယကဒုးနဲၣ်သုလၢယစိကမီၤဒီးယတၢ်သးဒိၣ်ထီၣ်ဖဲယပာ်ဖှိၣ်က့ၤ သုတပူၤဃီဒီးဟဲက့ၤစိာ်ကဒါက့ၤသုလၢကယဲၢ်ထံကီၢ်တဖၣ်ဖဲ သုဘၣ်တၢ်မၤလီၤပြံလီၤပြါတ့ၢ်သုန့ၣ်လီၤ.

လံာ်ဟိၤၡ့ 7:9

ဒီးတသ့ၣ်ညါလီၤက့ၤအသးလၢ, တၢ်သန့ၤထီၣ်သးလၢပှၤတခီ ဘီမုၢ်ဖိတဖၣ်အံၤန့ၣ်, ဂုာ်ဆူၣ်ပျီဆူၣ်ကွံာ်အဝဲသ့ၣ်အ ဂံၢ်အဘါန့ၣ်ဘၣ်. အဝဲသ့ၣ်အမုၢ်နံၤတဖၣ်ဘၣ်တၢ်ဂံၢ်အီၤလံ, ဘၣ်ဆၣ်အဝဲသ့ၣ်တသ့ၣ်ညါဝဲဒၣ်လဲာ်ဘၣ်န့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.