လံာ်ယၡါယၤ 42:23 - Sgaw Karen Common Bible

²³ မ့ၢ်သုဝဲတဂၤဂၤကဒိကနၣ်တၢ်အံၤဧါ. စးထီၣ်ခဲအံၤဒီးဆူညါန့ၣ်, မ့ၢ်သုကဒိကနၣ်တၢ်လၢတၢ်သူၣ်အိၣ်သးအိၣ်အပူၤကစီဒီဧါ.

လံာ်ယၡါယၤ 42:23 Iomraidhean Croise

လံာ်ယၡါယၤ 42:22

ဘၣ်ဆၣ်ဒီးခဲအံၤန့ၣ်အပှၤဂီၢ်မုၢ်သ့ၣ်တဖၣ်ဘၣ်တၢ်ဂုာ်ဆူၣ်ပျီ ဆူၣ်အီၤလံ. အဝဲသ့ၣ်ဘၣ်တၢ်စၢဃာ်အီၤလၢတၢ်ပူၤခံးသူတဖၣ်အပူၤ ဒီးဘၣ်တၢ်ပာ်တဒၢကွံာ်အီၤလၢဃိာ်တဖၣ်အပူၤလီၤ. အဝဲသ့ၣ်ဘၣ်တၢ်တမျိၤတမျးအီၤဒီးဘၣ်တၢ်ဂုာ်ဆူၣ်ပျီဆူၣ်အီၤ ဒီးပှၤလၢကဟဲလၢတၢ်မၤပူၤမၤဖျဲးအဝဲသ့ၣ်အဂီၢ်တအိၣ်နီတဂၤ ဘၣ်လီၤ.

လံာ်ယၡါယၤ 42:24

မတၤဟ့ၣ်လီၤကွံာ်ကီၢ်အံၣ်စရ့လးဆူပှၤဂုာ်ဆူၣ်ပျီဆူၣ်တၢ်တဖၣ် အစုပူၤလဲၣ်. မ့ၢ်ယွၤအနီၢ်ကစၢ်ဒၣ်ဝဲလၢပမၤတၢ်ဒဲးဘးထီဒါအီၤ တဂၤန့ၣ်လီၤ. ပတအိၣ်မူတ့ၢ်ပဝဲဒ်အဝဲအဲၣ်ဒိးလၢပကအိၣ်မူအသိး မ့ၢ်ဂ့ၤ, စူၢ်တၢ်သိၣ်လိတဖၣ်လၢအဝဲဟ့ၣ်လီၤတ့ၢ်ပှၤမ့ၢ်ဂ့ၤန့ၣ်ဘၣ်.

လံာ်ယၡါယၤ 48:18

သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 9:12

ယသံကွၢ်တၢ်, “ယွၤဧၢ, ဘၣ်မနုၤအဃိထံကီၢ်ဘၣ်တၢ်မၤဟးဂီၤ ကွံာ်အီၤဒီးဃ့ထီကွံာ်ဝဲဒ်မဲးမုၢ်ခိၣ်အသိး တုၤဒၣ်လဲာ်ပှၤတလဲၤခီဂာ်အီၤနီတဂၤန့ၣ်လဲၣ်. မတၤအိၣ်ဒီးတၢ်ကူၣ်သ့အလၢအပှဲၤလၢကနၢ်ပၢၢ်တၢ်အံၤန့ၣ်လဲၣ်. ဒ်သိးအဝဲတဲပှၤကသ့အဂီၢ်, ပှၤလၢနတဲဖျါထီၣ်တၢ်လၢအီၤန့ၣ်, မ့ၢ်မတၤလဲၣ်.”

လံာ်မံကၤ 6:9

တၢ်ပျံၤယွၤန့ၣ်မ့ၢ်တၢ်ကူၣ်သ့လီၤ. အဝဲဒၣ်ကိးဝဲဆူဝ့ၢ်ပူၤ, “သုဝဲပှၤဂီၢ်မုၢ်လၢအပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ် အပူၤသ့ၣ်ဧၢ, ဒိကနၣ်တက့ၢ်.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

လံာ်သိၣ်လီၤသီလီၤတၢ် 32:29

ဘၣ်မနုၤအဃိအဝဲသ့ၣ်ဘၣ်တၢ်မၤနၢၤအီၤလဲၣ်န့ၣ်, အဝဲသ့ၣ်ထံၣ်ဝဲတသ့ဘၣ်, တၢ်လၢအမၤတ့ၢ်အသးန့ၣ်အဝဲသ့ၣ်နၢ်ပၢၢ်ဝဲ တသ့ဘၣ်.