လံာ်ယၡါယၤ 42:2 - Sgaw Karen Common Bible

² အဝဲတကိးပသူထီၣ်မ့ၢ်ဂ့ၤ, မၤသီၣ်ဒိၣ်ထီၣ်အကလုၢ်မ့ၢ်ဂ့ၤ, ကတိၤတၢ်ဒိၣ်ဒိၣ်သွါသွါမ့ၢ်ဂ့ၤလၢကျဲတဖၣ်အပူၤဘၣ်.

လံာ်ယၡါယၤ 42:2 Iomraidhean Croise

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 42:3

အဝဲတမၤကၢ်ကွံာ်တပိၢ်တဘိလၢအသဘှံးမ့ၢ်ဂ့ၤ, မၤပံာ်ကွံာ်မ့ၣ်အူလၢအကပီၤပံာ်လ့ပံာ်လ့မ့ၢ်ဂ့ၤ န့ၣ်ဘၣ်. အဝဲကဟဲစိာ်တၢ်စံၣ်ညီၣ်တီအိၣ်လီၤထူလီၤယိာ်လၢပှၤခဲလၢာ် အဂီၢ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်လူၤကၣ် 17:20

ပှၤဖၤရံၤၡဲတနီၤသံကွၢ်ယ့ၣ်ၡူးလၢကစၢ်ယွၤအဘီအမုၢ်ကဟဲဝဲဒၣ် ဖဲဆၢကတီၢ်မတၤလဲၣ်န့ၣ်လီၤ. အဝဲဒၣ်အတၢ်စံးဆၢမ့ၢ်ဝဲ, “ကစၢ်ယွၤအဘီအမုၢ်တဟဲဝဲလၢကျဲလၢ ပှၤထံၣ်အီၤသ့အပူၤန့ၣ်ဘၣ်.

၂ တံၤမသ့း 2:24

ကစၢ်အခ့အပှၤတဘၣ်အ့ၣ်လိာ်ဆိးက့လိာ်အသးဘၣ်. ကဘၣ်အိၣ်ဒီးတၢ်သူၣ်ဂ့ၤသးဝါလၢပှၤခဲလၢာ်အဖီခိၣ်ဒီး ကဘၣ်မ့ၢ်သရၣ်လၢအဂ့ၤဒီးဝံသးစူၤတၢ်တဂၤ,

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.