လံာ်ယၡါယၤ 42:18 - Sgaw Karen Common Bible

¹⁸ ယွၤစံးဝဲ, “သုဝဲပှၤလၢအနၢ်တအၢသ့ၣ်ဧၢ, ဒိကနၣ်တၢ်တက့ၢ်. သုဝဲပှၤလၢအမဲာ်ဘျီၣ်သ့ၣ်ဧၢ, ကွၢ်ထံတၢ်တက့ၢ်.

လံာ်ယၡါယၤ 42:18 Iomraidhean Croise

လံာ်တၢ်ဟးထီၣ်ကွံာ် 4:11

ဒီးယွၤစံးဘၣ်အီၤ, “မ့ၢ်မတၤတ့ပှၤကညီအထးခိၣ်လဲၣ်. ပှၤတအုၣ်, ပှၤနၢ်တအၢ, ပှၤထံၣ်တၢ်သ့ဒီးပှၤမဲာ်ဘျီၣ်န့ၣ်မ့ၢ် မတၤဒုးကဲထီၣ်အီၤတဂၤလဲၣ်. ယၤ, ယွၤတမ့ၢ်ဘၣ်ဧါ.

တၢ်ကတိၤဒိ. 20:12

ယွၤဟ့ၣ်တ့ၢ်လံပှၤမဲာ်ချံတဖၣ်လၢကထံၣ်တၢ်အဂီၢ်ဒီးနၢ်တဖၣ်လၢ ကဒိကနၣ်တၢ်အဂီၢ်လီၤ.

လံာ်ယၡါယၤ 29:18

ဖဲမုၢ်နံၤန့ၣ်ဟဲတုၤဝဲဒီး, ပှၤနၢ်တအၢနၢ်ဟူလံာ်တဘ့ၣ်ဘၣ် တၢ်ဖးအီၤလၢကလုၢ်ဖးဒိၣ်ကသ့, ဒီးပှၤမဲာ်ဘျီၣ်, လၢအအိၣ်မူတ့ၢ်လၢ တၢ်ခံးတၢ်နၤအပူၤန့ၣ်, ကအိးထီၣ်အမဲာ်ချံဒီးကထံၣ်တၢ်လီၤ.

လံာ်ယၡါယၤ 35:5

ပှၤမဲာ်ဘျီၣ်ကထံၣ်ထီၣ်က့ၤတၢ် ဒီးပှၤနၢ်တအၢကနၢ်ဟူတၢ်လီၤ.

လံာ်ယၡါယၤ 43:8

ကစၢ်ယွၤစံးဝဲ, “ကိးဖှိၣ်ပှၤဂီၢ်မုၢ်ဆူကွီၢ်ဘျီၣ်တက့ၢ်. အဝဲသ့ၣ်အမဲာ်ချံအိၣ်, ဘၣ်ဆၣ်အဝဲသ့ၣ်အမဲာ်ချံဘျီၣ်လီၤ. အဝဲသ့ၣ်အနၢ်အိၣ်, ဘၣ်ဆၣ်အဝဲသ့ၣ်အနၢ်တအၢလီၤ.

လံာ်လူၤကၣ် 7:22

အဝဲဒၣ်စံးဆၢက့ၤစီၤယိၤဟၣ်အပှၤဆှၢတၢ်ကစီၣ်တဖၣ်, “က့ၤဒီးတဲဘၣ်စီၤယိၤဟၣ်တၢ်လၢသုထံၣ်ဘၣ်ဒီးနၢ် ဟူဘၣ်တ့ၢ်သုဝဲန့ၣ်တက့ၢ်. ပှၤမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤခီၣ်ဟးဂီၤတဖၣ်ဟးထီၣ်က့ၤဝဲသ့, ပှၤလိၤတဂ့ၤတဖၣ်ဘၣ်တၢ်မၤကဆှီထီၣ်က့ၤအီၤ, ပှၤနၢ်တအၢတဖၣ်နၢ်ဟူထီၣ်က့ၤတၢ်, ပှၤသံတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ, ဒီးတၢ်သးခုကစီၣ်ဘၣ်တၢ်စံၣ်တဲၤတဲလီၤန့ၢ်ပှၤဖှီၣ်ဖိယာ်ဖိတဖၣ်လီၤ.