လံာ်ယၡါယၤ 42:15 - Sgaw Karen Common Bible

¹⁵ ယကမၤဟးဂီၤကွံာ်တၢ်လူၢ်ဒီးကစၢၢ်တဖၣ် ဒီးမၤဃ့ထီကွံာ်နီၣ်ဧိၤမံၤဧိၤဒီးသ့ၣ်ထူၣ်တဖၣ်လီၤ. ယကဒုးကဲထီၣ်က့ၤထံကျိအတြီၤတဖၣ်ဆူမဲးမုၢ်ခိၣ် ဒီးမၤဃ့ထီကွံာ်ထံအကွံတဖၣ်လီၤ.

လံာ်ယၡါယၤ 42:15 Iomraidhean Croise

စံးထီၣ်ပတြၢၤ 18:7

တုၤနုၤတစုဟီၣ်ခိၣ်ဟူးဝးဒီးဆှဲးဆှိးဝဲ, ကစၢၢ်တဖၣ်အခီၣ်ထံးသုးအသးဒီးဟူးဝးဝဲ, မ့ၢ်လၢကစၢ်ယွၤသးဒိၣ်ထီၣ်အဃိန့ၣ်လီၤ.

လံာ်ယၡါယၤ 41:15

ယကဒုးကဲထီၣ်နၤလၢနီၣ်တီၢ်ဘုအဘ့ၣ်ဘၣ်, လၢအအိၣ်ဒီးထးခိၣ်စူအသီဒီးအကနၣ်အ့ၣ်ဝဲတဖၣ်လီၤ. နကတီၢ်ကစၢၢ်တဖၣ်ဒီးမၤဟးဂီၤကွံာ်အဝဲသ့ၣ်ဒီးတၢ်လူၢ်တဖၣ် ကလီၤပှီၢ်တုၤအကဲထီၣ်ဟီၣ်ခိၣ်ကမူၣ်လီၤ.

လံာ်ယၡါယၤ 44:27

ထဲတၢ်ဟ့ၣ်လီၤတၢ်ကလုၢ်တဘီဧိၤန့ၣ်ယဒုးဃ့ထီကွံာ်ပီၣ်လဲၣ် န့ၣ်လီၤ.

လံာ်ယၡါယၤ 49:11

ယကမၤထီၣ်ကျဲမုၢ်ဖးဒိၣ်တဘိလဲၤခီဖျိကစၢၢ်တဖၣ် ဒီးကတဲာ်ကတီၤကျဲမုၢ်တဘိလၢ ယပှၤဂီၢ်မုၢ်ကလဲၤတၢ်က့ၤတၢ်အဂီၢ်လီၤ.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယံးရမံယၤ 4:24

ယကွၢ်တၢ်ဆူကစၢၢ်ကလိတဖၣ်, ဒီးကွၢ်ကွၢ်, အဝဲသ့ၣ်ဟူးဝးဝဲ, ဒီးတၢ်လူၢ်တဖၣ်ဟူးဝးဆှဲးဆှိးဆူအံၤဆူဘးန့ၣ်လီၤ.

လံာ်ယဃ့းစက့လး 38:19

လၢယတၢ်သးဒိၣ်ကဲၤထီၣ်အပူၤန့ၣ်ယဘိးဘၣ်သ့ၣ်ညါလၢ ဖဲမုၢ်နံၤအဝဲန့ၣ်, ဟီၣ်ခိၣ်ကဟူးဒိၣ်ဒိၣ်ကလဲာ်လၢကီၢ်အံၣ်စရ့လး အပူၤန့ၣ်လီၤ.

လံာ်ယဃ့းစက့လး 38:20

ကယဲၢ်ညၣ်ဒီးထိၣ်, ကယဲၢ်ဆၣ်ဖိကီၢ်ဖိဒိၣ်မ့ၢ်ဂ့ၤဆံးမ့ၢ်ဂ့ၤ, ဒီးကယဲၢ်ပှၤကညီလၢဟီၣ်ခိၣ်အမဲာ်ဖံးခိၣ်, ကကနိးကစုာ်လၢတၢ် ပျံၤယွၤအဃိန့ၣ်လီၤ. ကစၢၢ်ကလိတဖၣ်ကလီၤပှီၢ်ဝဲ, လ့ကဘျၣ်ဖးထီတဖၣ်ကလီၤကလဲကွံာ်ဝဲဒီးကယဲၢ်တၢ်ဒူၣ်ကိးခါဒဲး ကလီၤပှီၢ်ကွံာ်န့ၣ်လီၤ.

လံာ်ဃးကဲ 2:6

တယံာ်ဘၣ်န့ၣ်, ယကမၤဟူးဝးမူခိၣ်ဒီးဟီၣ်ခိၣ်, ခိဒီးပီၣ်လဲၣ်လီၤ.

လံာ်စကၤရယၤ 10:11

ဖဲအဝဲသ့ၣ်ခီဂာ်အတၢ်ကီတၢ်ခဲအပီၣ်လဲၣ်န့ၣ်, ယဲဒၣ်, ယွၤ, ယကတီၢ်လပီတဖၣ် ဒီးထံကျိနံၤလါအတၢ်ယိာ်အထံကလီၤသံးကွံာ် ခဲလၢာ်လီၤ. ကီၢ်အၤၡူၢ်လၢအပာ်ထီၣ်ထီအသးန့ၣ် ကဘၣ်တၢ်ဆီၣ်လီၤကွံာ်အီၤ, ဒီးကီၢ်အဲၤကူပတူးလၢအဂံၢ်ဆူၣ်ဘါဆူၣ်အစိကမီၤကဟးဂီၤန့ၢ် အီၤလီၤ.

လံာ်လီၣ်ဖျါ 11:13

တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.

လံာ်လီၣ်ဖျါ 16:12

တုၤနုၤတစုကလူးဃုဂၤတဂၤဂၢ်လီၤအသလၢလၢထံကျိဖးဒိၣ် ဖရၤသးအပူၤလီၤ. ထံကျိဃ့ထီကွံာ်ဝဲ, ဒ်သိးအကဒုးအိၣ်ထီၣ်ကျဲလၢစီၤပၤလၢအဟဲလၢမုၢ်ထီၣ် တဖၣ်အဂီၢ်န့ၣ်လီၤ.

လံာ်လီၣ်ဖျါ 16:18

လီဝၢ်အဒံး, လီသီၣ်လီသဲဒီးဟီၣ်ခိၣ်ဟူးဝးဆှဲးဆှိးဝဲလီၤပျံၤလီၤ ဖုးဒိၣ်မးလီၤ. စးထီၣ်လၢပှၤကညီဘၣ်တၢ်တ့လီၤအီၤလံၤလံၤန့ၣ်, ဟီၣ်ခိၣ်ဟူးဒ်အံၤအသိးတအိၣ်ဒံးဝဲနီတစု, အဝဲအံၤမ့ၢ်ဟီၣ်ခိၣ်ဟူးအဒိၣ်ကတၢၢ်နးကတၢၢ်တဘျီလီၤ.

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.