လံာ်ယၡါယၤ 41:4 - Sgaw Karen Common Bible

⁴ ပှၤလၢအဒုးကဲထီၣ်တၢ်အံၤမ့ၢ်မတၤတဂၤလဲၣ်. တၢ်စံၣ်စိၤတဲစိၤအကျိၤအကျဲန့ၣ်မ့ၢ်မတၤတဂၤနီၤဖးစံၣ်ညီၣ် တဲာ်အီၤလဲၣ်. ယၤ, ယွၤအံၤ, တၢ်မၤအသးအခီၣ်ထံးန့ၣ်ယ အိၣ်ဖဲန့ၣ် ဒီးယၤ, ယွၤအံၤ, လၢတၢ်မၤအသးအကတၢၢ်န့ၣ်ယကအိၣ်ဖဲန့ၣ်လီၤ.

လံာ်ယၡါယၤ 41:4 Iomraidhean Croise

စံးထီၣ်ပတြၢၤ 102:27

မ့မ့ၢ်နဲဒၣ်အံၤနမ့ၢ်တၢ်ဒ်လီၢ်လီၢ် ဒီးနနံၣ်နလါတဖၣ် အကတၢၢ်တအိၣ်ဘၣ်န့ၣ်လီၤ.

စံးထီၣ်ပတြၢၤ 102:28

နခ့နပှၤတဖၣ်အဖိအလံၤကအိၣ်ကဆိးလၢ တၢ်ဘံၣ်တၢ်ဘၢအပူၤ, ဒီးအချံအသၣ် ကအိၣ်ဂၢၢ်ဆိးကျၢၤလၢနမဲာ်ညါလီၤ.

လံာ်ယၡါယၤ 40:12

မ့ၢ်ပှၤထိၣ်ပီၣ်လဲၣ်လၢအစုညါသးတဖၣ်အပူၤ သ့တဂၤဂၤဧါ, မ့တမ့ၢ်ဘၣ်ဒီးထိၣ်မူခိၣ်လၢအစုတဖၣ်သ့တဂၤဂၤဧါ. မ့ၢ်ပှၤစိာ်ဟီၣ်ခိၣ်ဒီဘ့ၣ်အကမူၣ်လၢလီခီတဖျၢၣ်အပူၤ မ့ၢ်ဂ့ၤ, စီၤဝဲကစၢၢ်တဖၣ်ဒီးတၢ်လူၢ်တဖၣ်လၢစီၤပီၢ်ပူၤမ့ၢ်ဂ့ၤ သ့တဂၤဂၤဧါ.

လံာ်ယၡါယၤ 40:26

ကွၢ်ထီၣ်တၢ်ဆူမူခိၣ်တက့ၢ်. ဆၣ်လၢနထံၣ်တဖၣ်န့ၣ်မတၤတ့လီၤပာ်လီၤအီၤလဲၣ်. မ့ၢ်ဒၣ်ပှၤတဂၤလၢအဆှၢထီၣ်အဝဲသ့ၣ်ဒ်သုးမုၢ်တဖုအသိးန့ၣ် လီၤ. ဆၣ်အိၣ်ပှဲၤဖျၢၣ်န့ၣ်အဝဲသ့ၣ်ညါဝဲ ဒီးကိးအီၤလၢအမံၤစုာ်စုာ်လီၤ. အစိအကမီၤဒိၣ်ဝဲတုၤဒၣ်လဲာ် လၢအကျါထဲတဖျၢၣ်ဧိၤန့ၣ်လီၤမၢ်တစုစုဧါ.

လံာ်ယၡါယၤ 41:20

ပှၤဂီၢ်မုၢ်ကထံၣ်တၢ်အံၤဒီးသ့ၣ်ညါဝဲလၢ ယၤ, ယွၤအံၤမၤတ့ၢ်တၢ်အံၤလီၤ. အဝဲသ့ၣ်ကနၢ်ပၢၢ်ထီၣ်ဝဲလၢအံၣ်စရ့လး အကစၢ်ယွၤစီဆှံဒုးကဲထီၣ်တၢ်အံၤလီၤ.”

လံာ်ယၡါယၤ 41:26

မ့ၢ်မတၤလၢသုကျါတဂၤဂၤကတိၤဆိပာ်လၢတၢ်အံၤကမၤအသး ဒ်သိးပစံးကသ့လၢသုတၢ်န့ၣ်ဘၣ်လီၤန့ၣ်လဲၣ်. သုတကတိၤတၢ်ကတိၤတဘီဒၣ်လဲာ်ဘၣ်ဃးဒီးတၢ်ဂ့ၢ်အံၤနီတဂၤဘၣ်. ပှၤတနၢ်ဟူသုကတိၤတၢ်နီတမံၤနီတဂၤဘၣ်.”

လံာ်ယၡါယၤ 41:3

လူၤထွဲဝဲအဒုၣ်အဒါအခံဒီးလဲၤထီၣ်ဆူညါပူၤဒုၣ်ပူၤဒါ ဒီးလဲၤဝဲချ့တုၤဒၣ်လဲာ်အခီၣ်တထိးဘၣ်ဟီၣ်ခိၣ်ဘၣ်န့ၣ်လီၤ.

လံာ်ယၡါယၤ 42:24

မတၤဟ့ၣ်လီၤကွံာ်ကီၢ်အံၣ်စရ့လးဆူပှၤဂုာ်ဆူၣ်ပျီဆူၣ်တၢ်တဖၣ် အစုပူၤလဲၣ်. မ့ၢ်ယွၤအနီၢ်ကစၢ်ဒၣ်ဝဲလၢပမၤတၢ်ဒဲးဘးထီဒါအီၤ တဂၤန့ၣ်လီၤ. ပတအိၣ်မူတ့ၢ်ပဝဲဒ်အဝဲအဲၣ်ဒိးလၢပကအိၣ်မူအသိး မ့ၢ်ဂ့ၤ, စူၢ်တၢ်သိၣ်လိတဖၣ်လၢအဝဲဟ့ၣ်လီၤတ့ၢ်ပှၤမ့ၢ်ဂ့ၤန့ၣ်ဘၣ်.

လံာ်ယၡါယၤ 43:10

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်ယၡါယၤ 43:13

ယမ့ၢ်ကစၢ်ယွၤဒီးကမ့ၢ်ယဲထီဘိလီၤ. ပှၤဃ့ၢ်ပူၤဖျဲးလၢယစိကမီၤအဖီလာ်တသ့နီတဂၤဘၣ်. တၢ်လၢယမၤအီၤန့ၣ်ပှၤလဲလိာ်ကွံာ်အီၤ, တသ့နီတဂၤဘၣ်.”

လံာ်ယၡါယၤ 46:10

လၢထံးလၢသီလံၤလံၤယကတိၤဆိပာ်တ့ၢ်တၢ်လၢ အကကဲထီၣ်လိၣ်ထီၣ်ဝဲ, ဒီးလၢပျၢၤလံၤလံၤယတဲတ့ၢ်ပာ်စၢၤတၢ်လၢအကမၤအသးလီၤ. ယစံးတ့ၢ်လၢယတၢ်ကူၣ်ကျဲၤတဖၣ်တကဲထီၣ်ဒီးတအိၣ်ဘၣ်နီ တဘျီဘၣ် ဒီးယကမၤတၢ်ခဲလၢာ်လၢယတိာ်သူၣ်ပာ်သးလၢယကမၤအီၤန့ၣ်လီၤ.

လံာ်ယၡါယၤ 48:12

ယွၤစံးဝဲ, “ဒိကနၣ်ယၤတက့ၢ်. ကီၢ်အံၣ်စရ့လးဧၢ, ပှၤဂီၢ်မုၢ်လၢယကိးထီၣ်တ့ၢ်အီၤသ့ၣ်ဧၢ, ယမ့ၢ်ကစၢ်ယွၤ, တၢ်အခီၣ်ထံး, တၢ်အကတၢၢ်ဒီးကစၢ်ယွၤထဲတဂၤဧိၤလီၤ.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

မၤတၢ် 15:18

ကစၢ်လၢအဒုးသ့ၣ်ညါပှၤကညီ တၢ်ဂ့ၢ်တမံၤအံၤယံာ်တ့ၢ်လံတဂၤန့ၣ်, စံးဝဲဒ်န့ၣ်လီၤ.’ ”

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 2:8

ဆူဝ့ၢ်စမူရနၤတၢ်အိၣ်ဖှိၣ်အကလူးအအိၣ်န့ၣ် ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအမ့ၢ်တၢ်အခီၣ်ထံး ဒီးတၢ်အကတၢၢ်အအိၣ်, ပှၤတဂၤလၢအသံတ့ၢ်, ဒီးဂဲၤဆၢထၢၣ်သမူထီၣ်က့ၤတဂၤန့ၣ်လီၤ.

လံာ်လီၣ်ဖျါ 22:13

ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”