လံာ်ယၡါယၤ 41:25 - Sgaw Karen Common Bible

²⁵ ယဃုထၢတ့ၢ်လံပှၤတဂၤလၢအအိၣ်လၢမုၢ်ထီၣ် တခီလီၤ. ယကဟဲကိးအီၤလၢအကဒုးတၢ်လၢကလံၤစိး တခီလီၤ. အဝဲယီၢ်တံၢ်ပှၤပၢတၢ်တဖၣ်မၤသးဒ်အဝဲသ့ၣ်မ့ၢ်ကပံာ်အသိး, ဒ်ပှၤတ့သပၢၤဖိယီၢ်ဟီၣ်ခိၣ်ကပံာ်အသိးန့ၣ်လီၤ.

လံာ်ယၡါယၤ 41:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:43

ယတီၢ်သဘှံးအဝဲသ့ၣ်, ဒီးအဝဲသ့ၣ်ကဲထီၣ်ဒ်ဖၣ်ကမူၣ်အသိးန့ၣ် လီၤ. ယယီၢ်တံၢ်အဝဲသ့ၣ်ဒ်ကပံာ်လၢကျဲအဖီခိၣ် အသိးန့ၣ်လီၤ.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယၡါယၤ 41:2

ပှၤလၢအဟဲက့ၤကိးစီၤပၤဖးဒိၣ်လၢမုၢ်ထီၣ်တခီန့ၣ်, မ့ၢ်မတၤတဂၤလဲၣ်. ပှၤလၢအဒုးကဲထီၣ်အီၤလၢအကမၤန့ၣ်မၤနၢၤတၢ်ဖဲအလဲၤတပူၤလၢ် လၢ်န့ၣ်မ့ၢ်မတၤလဲၣ်. မ့ၢ်မတၤဟ့ၣ်အီၤတၢ်မၤနၢၤလၢစီၤပၤတဖၣ်ဒီးပှၤကလုာ်တဖၣ်အဖီ ခိၣ်န့ၣ်လဲၣ်. အနးကျီလီၤကွံာ်အဝဲသ့ၣ်လီၤဂာ်မးဒ်အဝဲသ့ၣ်မ့ၢ်ဟီၣ်ခိၣ် ကမူၣ်အသိးလီၤ. အပျၢ်တဖၣ်မၤပြံမၤပြါအဝဲသ့ၣ်လီၤဂာ်ဒ်ဘုလီၢ်လၢကလံၤအူဘၣ် အီၤအသိးလီၤ.

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ယၡါယၤ 45:1

ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်,

လံာ်ယၡါယၤ 45:13

ယနီၢ်ကစၢ်ဒၣ်ယဲယထိၣ်ဂဲၤတ့ၢ်စီၤပၤကိရ့ၣ်လၢကမၤတၢ် ဒီးမၤလၢမၤပှဲၤယတၢ်တိာ်ဒီးမၤလိၤမၤဘၣ်တၢ်လီၤ. ယကမၤလိၤမၤဘျၢကျဲမုၢ်ကိးဘိဒဲးလၢအဝဲ လဲၤတၢ်န့ၣ်လီၤ. အဝဲကသူၣ်ထီၣ်ဘှီထီၣ်က့ၤယဝ့ၢ်, ဝ့ၢ်ယရူၤၡလ့ၣ်ဒီးမၤထူၣ် ဖျဲးယပှၤဂီၢ်မုၢ်လၢအဘၣ်တၢ်မၢကဲကုၢ်အီၤတဖၣ်လီၤ. ပှၤတဒိးလဲတ့ၢ်အီၤမ့ၢ်ဂ့ၤ, ဟ့ၣ်တ့ၢ်အီၤခိၣ်ဖးလာ်ဆှိးမ့ၢ် ဂ့ၤလၢကမၤတၢ်အံၤအဂီၢ်နီတဂၤဘၣ်. ယွၤသ့တၢ်လၢာ်ကတိၤတ့ၢ်လံတၢ်လံ.”

လံာ်ယံးရမံယၤ 1:14

အဝဲစံးဘၣ်ယၤ, “တၢ်မၤဟးဂီၤကကလာ်ထီၣ် လၢကလံၤစိးတခီဒီးပုာ်ထီၣ်ယွၤလီၤဘၣ်ပှၤလၢအအိၣ်လၢ ထံကီၢ်တဘ့ၣ်အပူၤခဲလၢာ်လီၤ.

လံာ်ယံးရမံယၤ 50:3

အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်မံကၤ 7:10

တုၤနုၤတစုပဒုၣ်ပဒါတဖၣ်, ပှၤတဖုဃီလၢအဒုၣ်ဒွဲၣ် တ့ၢ်ပှၤဒီးစံး, “သုယွၤ, သုကစၢ်ယွၤအိၣ်ဖဲလဲၣ်” န့ၣ်, ကသ့ၣ်ညါနၢ်ပၢၢ်တၢ်အံၤဒီးကဘၣ်တၢ်မၤမဲာ်ဆှးအီၤလီၤ. ပကထံၣ်ဘၣ်အဝဲသ့ၣ်ဃၣ်ကွံာ်ဒီးဘၣ်တၢ်ယီၢ်တံၢ်လီၤအီၤဒ်ကပံာ်လၢ ကျဲမုၢ်တဖၣ်အပူၤအန့ၣ်သိးလီၤ.

လံာ်စကၤရယၤ 10:5

ကီၢ်ယူဒၤအပှၤဂီၢ်မုၢ်ကမၤနၢၤတၢ်ဒ်ပှၤ သုးဖိတဖၣ်လၢယီၢ်တံၢ်လီၤအဒုၣ်အဒါတဖၣ် လၢကျဲဘိတဖၣ်အကပံၢ်အကျါအသိးန့ၣ်လီၤ. အဝဲသ့ၣ်ကဒုးတၢ်မ့ၢ်လၢကစၢ်ယွၤအိၣ်ဒီးအဝဲသ့ၣ်အဃိဒီးအဝဲ သ့ၣ်ကမၤနၢၤဒၣ်လဲာ်ဒုၣ်ဒါအပှၤဒိးကသ့ၣ်တဖၣ်န့ၣ်လီၤ.

လံာ်လီၣ်ဖျါ 16:12

တုၤနုၤတစုကလူးဃုဂၤတဂၤဂၢ်လီၤအသလၢလၢထံကျိဖးဒိၣ် ဖရၤသးအပူၤလီၤ. ထံကျိဃ့ထီကွံာ်ဝဲ, ဒ်သိးအကဒုးအိၣ်ထီၣ်ကျဲလၢစီၤပၤလၢအဟဲလၢမုၢ်ထီၣ် တဖၣ်အဂီၢ်န့ၣ်လီၤ.