လံာ်ယၡါယၤ 41:24 - Sgaw Karen Common Bible

²⁴ သုဝဲဒီးတၢ်လၢသုမၤခဲလၢာ်န့ၣ်တမ့ၢ်တၢ်နီတမံၤဘၣ်. ပှၤလၢအဘူၣ်ထီၣ်ဘါထီၣ်သုတဖၣ်လီၤသးဘၣ်အၢဒိၣ်မးလီၤ.

လံာ်ယၡါယၤ 41:24 Iomraidhean Croise

စံးထီၣ်ပတြၢၤ 115:8

မ်ကယဲၢ်ပှၤလၢအတ့အဝဲသ့ၣ်ဒီးနာ်တၢ်လၢအပူၤန့ၣ် ကဲထီၣ်လီၤဂာ်ဒီးတၢ်ဂီၤတဖၣ်လၢ အဝဲသ့ၣ်တ့တ့ၢ်ဝဲန့ၣ်တက့ၢ်.

တၢ်ကတိၤဒိ. 28:9

နမ့ၢ်တဒိကနၣ်တၢ်သိၣ်တၢ်သီဘၣ်ဒီး, ကစၢ်ယွၤကထံၣ်ဝဲလၢနတၢ် ထုကဖၣ်တဖၣ်န့ၣ်လီၤသးဘၣ်အၢနးမးလၢတၢ်ကဒိကနၣ်အီၤအဂီၢ်လီၤ.

တၢ်ကတိၤဒိ. 3:32

အဂ့ၢ်ဒ်အံၤ, ယွၤသးဟ့ပှၤလၢအမၤတၢ်အၢတၢ်သီလီၤ. မ့မ့ၢ်ပှၤအတီအလိၤတဖၣ်န့ၣ်တူၢ်လိာ်ဝဲဆူအတၢ်ရ့လိာ်မုာ်လိာ် အပူၤလီၤ.

လံာ်ယၡါယၤ 37:19

ဒီးဒွဲၣ်အူထီၣ်ကွံာ်အကစၢ်တဖၣ်, လၢတမ့ၢ်ကစၢ်တဖၣ်လ့ၤတက့ၤဘၣ်. မ့ၢ်ဒၣ်တၢ်အက့ၢ်အဂီၤတဖၣ်လၢသ့ၣ်ဒီးလၢၢ်ဧိၤလ့ဧိၤလၢပှၤကညီ မၤအီၤလၢအစုဒၣ်ဝဲန့ၣ်လီၤ.

လံာ်ယၡါယၤ 41:29

ကစၢ်တဖၣ်အံၤတဂိာ်တသီၣ်ဘၣ်တၢ်ဘၣ်. အဝဲသ့ၣ်မၤတၢ်တသ့နီတမံၤဘၣ်. တၢ်ဂီၤတၢ်ဖီၣ်တဖၣ်အံၤအဂံၢ်စၢ်ဘါစၢ်ဒီးအစိကမီၤတအိၣ်ဘၣ်ဝဲဘၣ်.

လံာ်ယၡါယၤ 66:24

“ဖဲအဝဲသ့ၣ်ဟးထီၣ်အဖၢမုၢ်န့ၣ်, အဝဲသ့ၣ်ကထံၣ်ဘၣ်ပှၤတဖၣ် လၢအပူထီၣ်တၢ်ထီဒါတ့ၢ်ယၤအစိၣ်န့ၣ်လီၤ. လၢၣ်တဖၣ်လၢအအီၣ်အဝဲ သ့ၣ်န့ၣ်တသံနီတစုဘၣ်, ဒီးမ့ၣ်အူလၢအအီၣ်အဝဲ သ့ၣ်န့ၣ်တၢ်တမၤလီၤပံာ်ကွံာ်အီၤနီတစုဘၣ်. တၢ်ထံၣ်ဘၣ် တၢ်တဖၣ်အံၤကမ့ၢ်တၢ်လီၤသးဘၣ်အၢလၢပှၤဟီၣ်ခိၣ်ဖိ ခဲလၢာ်အဂီၢ်န့ၣ်လီၤ.”

လံာ်ယံးရမံယၤ 10:14

တၢ်ထံၣ်ဘၣ်တၢ်အံၤဒုးကလၢၢ်ဘၣ်ပှၤကညီလၢအတၢ်ဟးဂီၤဒီး အတၢ်သူၣ်တထံသးတဆးန့ၣ်လီၤ. ပှၤလၢအမၤတၢ်ဂီၤတၢ်ဖီၣ်တဖၣ်န့ၣ်, မဲာ်ဆှးဝဲ မ့ၢ်လၢကစၢ်တဖၣ်လၢမၤအိၣ်ထီၣ်ဝဲတဖၣ်မ့ၢ်ဒၣ် တၢ်ကဘျံးကဘျၣ်ဒီးအတၢ်သါတအိၣ်ဘၣ် အဃိန့ၣ်လီၤ.

လံာ်ယံးရမံယၤ 10:15

အဝဲသ့ၣ်အလုၢ်အပှ့ၤတအိၣ်ဘၣ်ဒီးကြၢးဘၣ် တၢ်သးဘၣ်အၢအီၤလီၤ. ဖဲကစၢ်ဟဲလၢကသဂၢၢ်လိာ်အသးဒီးအဝဲသ့ၣ်န့ၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်ယံးရမံယၤ 10:5

တၢ်ဂီၤတၢ်ဖီၣ်ဒ်န့ၣ်အသိးတဖၣ်လီၤဂာ်ဒီးတၢ်ဂီၤတဖၣ်လၢအမၤပျံၤ ထိၣ်ဧိၤလံၣ်ဧိၤလၢတၢ်ပာ်လီၤအီၤလၢဒံမုၣ်သၣ်အပျီပူၤန့ၣ်လီၤ. အဝဲသ့ၣ်ကတိၤတၢ်တသ့ဘၣ်. အဝဲသ့ၣ်ဘၣ်တၢ်စိာ်ဆှၢအီၤ မ့ၢ်လၢဟးတသ့ဘၣ်အဃိလီၤ. ပျံၤအဝဲသ့ၣ်တဂ့ၤ, အဝဲသ့ၣ်မၤဘၣ်ဒိဘၣ်ထံးသုတသ့နီတမံၤဘၣ်. ဒီးအဝဲသ့ၣ်မၤဂ့ၤသုတသ့စ့ၢ်ကီးနီတမံၤဘၣ်.”

လံာ်ယံးရမံယၤ 10:8

အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

လံာ်သိၣ်လီၤသီလီၤတၢ် 27:15

ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

လံာ်လီၣ်ဖျါ 17:5

လၢအဝဲဒၣ်အခိၣ်တိသၣ်အလိၤန့ၣ်, မံၤတဖျၢၣ်လၢအအိၣ်ဒီးအခီပညီခူသူၣ်အိၣ်ကွဲးအသးဒ်အံၤလီၤ. ဘၤဘူၤလိၣ်ဖးဒိၣ်, ကယဲၢ်ဃဲသဲမုၣ်ဒီးဟီၣ်ခိၣ်အတၢ်လီၤသးဘၣ် အၢခဲလၢာ်အမိၢ်