လံာ်ယၡါယၤ 41:19 - Sgaw Karen Common Bible

¹⁹ ယကဒုးမဲထီၣ်သ့ၣ်ဆှိးအ့ရ့းတဖၣ်လၢမဲးမုၢ်ခိၣ်, ဃုာ်ဒီးသ့ၣ်ဖှ့ၡံးတၤ, သမ့ၤဟဒး, ဒီးသ့ၣ်စၤယံးအမံၤတဖၣ်လီၤ. သ့ၣ်ပှၢ်တဖၣ်ကမဲထီၣ်ဝဲလၢဟီၣ်ခိၣ်ဃ့ထီလီၤဖျိအပူၤ, သ့ၣ်ဒိၣ်ပှၢ်တီၢ်လၢအမ့ၢ်ဝဲသ့ၣ်ဆှိ, သ့ထိးအီၣ်, ဒီးသ့ၣ်ဆှိတအၤၡူၢ်တဖၣ်လီၤ.

လံာ်ယၡါယၤ 41:19 Iomraidhean Croise

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 32:15

ဘၣ်ဆၣ်ဒီးကစၢ်ယွၤကဟ့ၣ်လီၤပှၤလၢအသးအသီတဘျီ န့ၣ်လီၤ. ဟီၣ်ခိၣ်လီၤဃိကကဲထီၣ်က့ၤဟီၣ်ခိၣ်ညၣ်ထ့ၣ်, ဒီးစံာ်ပျီတဖၣ်ကဟ့ၣ်ထီၣ်တၤသူတၤသၣ်အါအါဂီၢ်ဂီၢ်လီၤ.

လံာ်ယၡါယၤ 35:1

မဲးမုၢ်ခိၣ်န့ၣ်ကသူၣ်ခုသးခု, ဒီးဖီတဖၣ်ကဖီထီၣ်ဝဲလၢပှၢ်မုၢ်ကနၢအပူၤလီၤ.

လံာ်ယၡါယၤ 43:19

အိၣ်ခိးကွၢ်လၢ်တၢ်အသီလၢယကမၤအီၤန့ၣ်တက့ၢ်. မၤတ့ၢ်လံအသးလံ. သုထံၣ်ဘၣ်အီၤခဲအံၤသ့လီၤ. ယကမၤကျဲမုၢ်တဘိခီဖျိပှၢ်မုၢ်ကနၢ ဒီးဟ့ၣ်သုထံကျိဖိတဖၣ်ဖဲန့ၣ်လီၤ.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယၡါယၤ 60:13

သ့ၣ်တဖၣ်လၢတၢ်မၤန့ၢ်အီၤလၢသ့ၣ်ဆှိ, သ့ထိးအီၣ်ဒီးသ့ၣ်ဆှိတအၤၡူၢ်, သ့ၣ်အဂ့ၤကတၢၢ်လၢကီၢ်လဘၤနိၣ်အသ့ၣ်ပှၢ်ပူၤတဖၣ် ကဘၣ်တၢ်ဟဲစိာ်အီၤလၢတၢ်ကသူၣ်ထီၣ်က့ၤနၤအဂီၢ်, ဝ့ၢ်ယရူၤၡလ့ၣ်ဧၢ, ဒ်သိးကမၤဃံမၤလၤထီၣ်ယတၢ်လုၢ်ဟံၣ်, ဒ်သိးယဝ့ၢ်ကအိၣ်ဒီးအလၤကပီၤအဂီၢ်န့ၣ်လီၤ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:11

ဒ်တၢ်ချံတဖၣ်မဲထီၣ်ဒီးဒိၣ်ထီၣ်သပှၢ်ကတၢၢ်အသိး, ယွၤပၢဘၣ်တၢ်ခဲလၢာ်ကစၢ်ကအုၣ်က့ၤခီၣ်က့ၤ အပှၤဂီၢ်မုၢ်, ဒီးပှၤကလုာ်တဖၣ်ခဲလၢာ်ကစံးထီၣ်ပတြၢၤအီၤလီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယဃ့းစက့လး 47:12

လၢထံကျိဖိအကၢၢ်နံၤတခီစုာ်စုာ်န့ၣ်ကယဲၢ်သ့ၣ်တဖၣ်အကလုာ် ကလုာ်ကမဲထီၣ်ဝဲလၢကဟ့ၣ်ထီၣ်တၢ်အီၣ်အဂီၢ်န့ၣ်လီၤ. အဝဲသ့ၣ် အလၣ်တဖၣ်တလီၤညွံးနီတဘျီဘၣ်ဒီးအဝဲသ့ၣ်တဆိကတီၢ် သၣ်ထီၣ်နီတဘျီဘၣ်. ကိးလါဒဲးန့ၣ်အဝဲသ့ၣ်ကအိၣ်ဒီး သ့ၣ်သၣ်အသီကဘှဲဒဲမ့ၢ်လၢအဝဲသ့ၣ်မၤန့ၢ်ထံလၢထံကျိဖိလၢ အဟဲယွၤလီၤလၢယွၤအတၢ်လုၢ်ဟံၣ်အဃိန့ၣ်လီၤ. သ့ၣ်တဖၣ်ကဟ့ၣ်ထီၣ်တၢ်အီၣ်ဒီးအလၣ်တဖၣ် တၢ်ကသူအီၤလၢတၢ်မၤဘျါပှၤဂီၢ်မုၢ်အဂီၢ်န့ၣ်လီၤ.”

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်စကၤရယၤ 1:8

ယထံၣ်ယွၤအကလူးတဂၤဒိးကသ့ၣ်အဂီၤတဒုလီၤ. အဝဲအိၣ်ကတီၢ်ဝဲလၢသမ့ၤဟဒးအထူၣ်တနီၤ အကျါလၢအအိၣ်လၢတၢ်တြီၤပူၤ, ဒီးလၢအလီၢ်ခံန့ၣ်ကသ့ၣ် ဂီၤ, ကသ့ၣ်ဂီၤဃ့, ဒီးကသ့ၣ်ဝါအဂၤတဖၣ်အိၣ်ဝဲဒၣ်လီၤ.