လံာ်ယၡါယၤ 41:15 - Sgaw Karen Common Bible

¹⁵ ယကဒုးကဲထီၣ်နၤလၢနီၣ်တီၢ်ဘုအဘ့ၣ်ဘၣ်, လၢအအိၣ်ဒီးထးခိၣ်စူအသီဒီးအကနၣ်အ့ၣ်ဝဲတဖၣ်လီၤ. နကတီၢ်ကစၢၢ်တဖၣ်ဒီးမၤဟးဂီၤကွံာ်အဝဲသ့ၣ်ဒီးတၢ်လူၢ်တဖၣ် ကလီၤပှီၢ်တုၤအကဲထီၣ်ဟီၣ်ခိၣ်ကမူၣ်လီၤ.

လံာ်ယၡါယၤ 41:15 Iomraidhean Croise

လံာ်စီၤယိၤဘး 41:30

အသဒံၣ်တဖၣ်လၢအဟၢဖၢကနူၤန့ၣ်လီၤဂာ်ဒ်သပၢၤက့တဖၣ် လၢအကနၣ်အ့ၣ်ဝဲအသိးဒီးမၤလီၤကလဲဟီၣ်ခိၣ်ကပံာ်ဒ်ထဲၣ်ကနၣ် တဖၣ်အသိးလီၤ.

စံးထီၣ်ပတြၢၤ 18:42

ယမၤသဘှံးအဝဲသ့ၣ်ဒီးကဲထီၣ်ဒ်ဖၣ်ကမူၣ် လၢကလံၤအူဒံကွံာ်အီၤအသိး, ယယီၢ်တံၢ်အဝဲသ့ၣ်ဒ် ကပံာ်လၢကျဲအလိၤအသိးန့ၣ်လီၤ.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယၡါယၤ 21:10

ယပှၤဂီၢ်မုၢ်အံၣ်စရ့လးဧၢ, သုဘၣ်တၢ်ယီၢ်သုဒ်ပှၤယီၢ်ဘုဟု အသိး, ဘၣ်ဆၣ်အခဲအံၤယဘိးဘၣ်သ့ၣ်ညါသုတၢ်ကစီၣ် အမုာ်လၢယနၢ်ဟူတ့ၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤ, အအိၣ်န့ၣ်လီၤ.

လံာ်ယၡါယၤ 28:27

အဝဲတသူနီၣ်တီၢ်လၢအဃၢတဘိနီတစုလၢကတီၢ်ထုးထီၣ် စပံးမုၢ်ဒီးစံယၤအချံတဖၣ်အဂီၢ်န့ၣ်ဘၣ်. အခိၣ်တလိာ်, အဝဲသူဒၣ်နီၣ်က့ဘၣ်ဒံးဘၣ်ဒးဖိတဖၣ်န့ၣ်လီၤ.

လံာ်ယၡါယၤ 29:5

ဝ့ၢ်ယရူၤၡလ့ၣ်ဧၢ, ကယဲၢ်ပှၤတခီဘီမုၢ်ဖိခဲလၢာ်လၢအဟဲထီၣ် ဒုးနၤန့ၣ်ကဘၣ်တၢ်အူဒံဖျိးကွံာ်အီၤဒ်ဖၣ်ကမူၣ်ဖၣ်ဆါအသိးဒီး အဝဲသ့ၣ်အသုးမုၢ်သံၣ်ဘိလၢအပျံၤတၢ်ဖုးတၢ်တဖၣ်ဒံကွံာ်ဖျိး ကွံာ်ဝဲဒ်ဘုလီၢ်အသိးန့ၣ်လီၤ. သတူၢ်ကလာ်ဒီးလၢတၢ်တမုၢ်လၢ် အပူၤန့ၣ်, ယွၤသ့တၢ်လၢာ်ကမၤပူၤဖျဲးသုခီဖျိလီသီၣ်လီသဲဒီး ဟီၣ်ခိၣ်ဟူးဝးတဖၣ်န့ၣ်လီၤ.

လံာ်ယၡါယၤ 42:15

ယကမၤဟးဂီၤကွံာ်တၢ်လူၢ်ဒီးကစၢၢ်တဖၣ် ဒီးမၤဃ့ထီကွံာ်နီၣ်ဧိၤမံၤဧိၤဒီးသ့ၣ်ထူၣ်တဖၣ်လီၤ. ယကဒုးကဲထီၣ်က့ၤထံကျိအတြီၤတဖၣ်ဆူမဲးမုၢ်ခိၣ် ဒီးမၤဃ့ထီကွံာ်ထံအကွံတဖၣ်လီၤ.

လံာ်ယၡါယၤ 64:1

နတအိးထီၣ်မူကပိာ်လိၤဒီးဟဲလီၤန့ၣ်ဘၣ်မနုၤအဃိလဲၣ်. ကစၢၢ်တဖၣ်ကထံၣ်ဘၣ်နၤဒီးကဟူးဝးဝဲလၢတၢ်ပျံၤတၢ်ဖုး အပူၤလီၤ.

လံာ်ယံးရမံယၤ 51:20

ယွၤစံးဝဲဒၣ်, “ကီၢ်ဘၤဘူၤလိၣ်ဧၢ, နမ့ၢ်ယခံၣ်ခူၣ်, ယတၢ်ဒုးသုး အစုကဝဲၤလီၤ. ယသူတ့ၢ်နၤလၢ တၢ်မၤသဘှံးပှၤကလုာ် တဖၣ်ဒီးဘီဧိၤမုၢ်ဧိၤတဖၣ်,

လံာ်ယံးရမံယၤ 51:33

တယံာ်လၢၤဘၣ်န့ၣ်, ဒုၣ်ဒါကကျီလီၤကွံာ်အဝဲသ့ၣ်ဒီး ကယီၢ်တံၢ်အီၤဒ် ဘုဧိၤဟုဧိၤလၢကြဲၢ်ပူၤအသိးန့ၣ်လီၤ. ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်ယံးရမံယၤ 9:10

ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်ယဃ့းစက့လး 33:28

ယကဒုးကဲထီၣ်ထံကီၢ်အံၤလၢတၢ်အိၣ်တယုၢ်အိၣ်လီၤဃီအလီၢ် တပူၤလၢအဘျုးတအိၣ်ဘၣ်ဒီးတၢ်စိတၢ်ကမီၤလၢအဝဲသ့ၣ် ပာ်ကဖၢလၢတ့ၢ်အသးဒိၣ်မးလၢအဃိန့ၣ်, ကကတၢၢ်ကွံာ်ဝဲဒၣ် လီၤ. ကီၢ်အံၣ်စရ့လးအကစၢၢ်ကလိတဖၣ်, ကဘၣ်တၢ်ခဲဘၢ အီၤတုၤဒၣ်လဲာ်ပှၤလဲၤထီၣ်က့ၤလီၤခီဖျိအီၤတသ့နီတဂၤဘၣ်န့ၣ်လီၤ.

လံာ်ဒၤနံးယ့လး 2:35

တကီၢ်ခါန့ၣ်, ထး, ကပံာ်, တိၢ်ဘီ, စ့ဒီးထူခဲလၢာ်န့ၣ်လီၤကလဲ ကွံာ်ဒီးကဲထီၣ်ဒ်ဖ့လၢတၢ်ကိၢ်အကတီၢ်လၢကြဲၢ်ပူၤအသိးန့ၣ်လီၤ. ကလံၤအူဒီးစိာ်ကွံာ်အီၤသတးဒီး, အလီၢ်အိၣ်လီၤပျီတ့ၢ်ဝဲလီၤ. မ့မ့ၢ်လၢၢ်လၢအလီၤတဲာ်တီၢ်အီၤန့ၣ်ကဲထီၣ်ကစၢၢ်ဖးဒိၣ်တ ဖျၢၣ်ဒီးမၤပှဲၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မံကၤ 4:13

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, လဲၤဒီးစံၣ်ညီၣ်သုဒုၣ်သု ဒါတဖၣ်တက့ၢ်. ယကဒုးဆူၣ်ထီၣ်သုဒ်ထးတဖၣ်ဂီၤဖံးတဒုလၢ အအိၣ်ဒီးအနၢၤ, အခီၣ်မ့ၣ်မ့ၢ်တိၤဘီတဖၣ်အသိးလီၤ. သုကမၤလီၤကလဲကွံာ်ပှၤအါကလုာ်ဒီးတၢ်ထူးတၢ်တီၤလၢအဝဲသ့ၣ်မၤ န့ၢ်ဝဲခီဖျိတၢ်ဂုာ်ဆူၣ်ပျီဆူၣ်န့ၣ်သုကဘၣ်ဟ့ၣ်ထီၣ်ဆူယၤ, ဟီၣ်ခိၣ်ဒီဘ့ၣ်အကစၢ်လီၤ.”

လံာ်မံကၤ 5:8

ဒီးကီၢ်အံၣ်စရ့လးအပှၤဂီၢ်မုၢ်လၢအအိၣ်လီၤတဲာ်ဒံးလၢ ပှၤကလုာ်တဖၣ်အကျါန့ၣ်ကလီၤဂာ်ဒီးခ့ယုၢ်တဒုလၢအဃုကွၢ်တၢ် အိၣ်လၢပှၢ်လၢ်ကျါမ့တမ့ၢ်လၢတၢ်အီၣ်ဆၣ်အလီၢ်န့ၣ်လီၤ. ဟဲနုာ်ဆူသိတဖၣ်အကျါ, စံၣ်ပှီၤအဝဲသ့ၣ်ဒီးအ့ၣ်ဖှီလီၤကလဲ ကွံာ်အီၤဒီးတၢ်မုၢ်လၢ်လၢကပူၤဖျဲးတအိၣ်ဘၣ်.

လံာ်ဃဘးကူာ် 3:12

နလဲၤထီၣ်ကြူၤကြူၤခီဂာ်ဟီၣ်ခိၣ်လၢတၢ်သးဒိၣ်အပူၤ ဒီးလၢတၢ်သးကဲၤထီၣ်အပူၤန့ၣ် နယီၢ်တံၢ်လီၤပှၤကလုာ်တဖၣ်လီၤ.

လံာ်စကၤရယၤ 4:7

တၢ်မၤတံာ်တၢ်တဖၣ်မ့ၢ်ဒိၣ်ထဲသိးကစၢၢ်တဖၣ်ဘၣ်ဆၣ် ကဟါမၢ်ကွံာ်လၢနမဲာ်ညါလီၤ. နကဘှီထီၣ်ကဒါက့ၤတၢ်လုၢ်ဟံၣ်, ဒီးဖဲနပာ်လီၤလၢၢ်လၢခံကတၢၢ်တဖျၢၣ်လၢအလီၢ်န့ၣ်, ပှၤဂီၢ်မုၢ်ကကိးထီၣ်ဝဲ, ဃံလၤမးလဲၣ်, ဃံလၤမးလဲၣ်န့ၣ် လီၤ.”

လံာ်စီၤယိၤၡူ 17:18

ကစၢၢ်ကလိအကီၢ်ကမ့ၢ်သုတၢ်လီၤ. မ့မ့ၢ်ဒၣ်လဲာ်သ့ၣ်ပှၢ်တပှၢ်န့ၣ်, သုကမၤပျီအီၤဒီးဟံးန့ၢ်အီၤတုၤလၢကီၢ်ဆၢအယံၤကတၢၢ်န့ၣ်လီၤ. မ့မ့ၢ်ပှၤကနၤဧၣ်ဖိတဖၣ်န့ၣ်, မ့ၢ်အိၣ်ဒီးအလ့ၣ်ကဟၣ်ထးဒီးအဂံၢ်အဘါမ့ၢ်ဆူၣ်ဒၣ်လဲာ်န့ၣ်, သုကဟီထီၣ်ကွံာ်အီၤန့ၣ်လီၤ.”

လံာ်ပှၤစံၣ်ညီၣ်ကွီၢ် 6:16

ဒီးယွၤစံးဆၢဝဲ, “နမၤတၢ်တမံၤန့ၣ်သ့, မ့ၢ်လၢယမၤစၢၤနၤအဃိန့ၣ်လီၤ. နကတီၢ်သဘှံးပှၤမံးဒယၣ်ဖိတဖၣ်ညီညီဒ်အဝဲသ့ၣ်မ့ၢ်ပှၤတဂၤဧိၤ အသိးန့ၣ်လီၤ.”