လံာ်ယၡါယၤ 41:14 - Sgaw Karen Common Bible

¹⁴ ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 41:14 Iomraidhean Croise

လံာ်စီၤယိၤဘး 19:25

အဂ့ၢ်ဒ်အံၤ, ယသ့ၣ်ညါလၢယပှၤပှ့ၤက့ၤယၤတဂၤမူဝဲ, ဒီးလၢခံကတၢၢ်န့ၣ်ကဂဲၤဆၢထၢၣ်အုၣ်အသးလၢယဂီၢ်လၢ ဟီၣ်ခိၣ်အံၤန့ၣ်လီၤ.

လံာ်စီၤယိၤဘး 25:6

အန့ၣ်ဒီးပှၤကညီလၢအမ့ၢ်ထိးကလဲာ်ဒီးလၢၢ်ဧိၤဆှးဧိၤန့ၣ် ကမ့ၢ်ဝဲတၢ်ဒ်လဲၣ်. လၢကစၢ်ယွၤအမဲာ်ညါန့ၣ်ပှၤကညီကကၢ ကီၣ်ဝဲထဲလဲၣ်.

စံးထီၣ်ပတြၢၤ 19:14

မ်ယထးခိၣ်အတၢ်ကတိၤ ဒီးယသးအတၢ်ဆိကမိၣ်န့ၣ် ဘၣ်နသးတက့ၢ်. ယလၢၢ်ဒီးတၢ်ပှ့ၤက့ၤယၤ, ယွၤဧၢ.

စံးထီၣ်ပတြၢၤ 22:6

မ့မ့ၢ်ယဲဒၣ်အံၤယတမ့ၢ်လၢၤပှၤကညီလၢၤဘၣ်. ယမ့ၢ်ဒၣ်ထိးကလဲာ်တဘိလၢ အဘၣ်တၢ်သးဘၣ်အၢအီၤ ဒီးဘၣ်တၢ်ဒုၣ်ဒွဲၣ်လၢပှၤကိးဂၤဒဲးန့ၣ်လီၤ.

စံးထီၣ်ပတြၢၤ 46:5

ကစၢ်ယွၤအိၣ်လၢအသးကံၢ်ပူၤ, ဒီးတဘၣ်တၢ်သုးကွံာ်အီၤဘၣ်. ကစၢ်ယွၤကမၤစၢၤအီၤဖဲမုၢ်ဆ့ၣ်ဝါထီၣ် အကတီၢ်န့ၣ်လီၤ.

စံးထီၣ်ပတြၢၤ 78:35

ဒီးအဝဲသ့ၣ်, သ့ၣ်နီၣ်ထီၣ်က့ၤလၢကစၢ်ယွၤမ့ၢ်အလၢၢ်, ဒီးတၢ်ထီကတၢၢ်ကစၢ်တဂၤန့ၣ်မ့ၢ် ကစၢ်လၢအပှ့ၤက့ၤအီၤန့ၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 37:4

ကီၢ်အၤၡူၢ်အစီၤပၤဖးဒိၣ်ဆှၢလီၤအသုးခိၣ်လၢကဒုၣ်ဒွဲၣ်ကစၢ် ယွၤလၢအမူဝဲတဂၤလီၤ. မ်ယွၤနကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်အံၤဒီးစံၣ်ညီၣ်ပှၤ တဖၣ်လၢအစံးကတိၤတၢ်အံၤန့ၣ်တက့ၢ်. လၢတၢ်န့ၣ်အဃိ, ဃ့ထုကဖၣ်တၢ်ဆူကစၢ်ယွၤလၢပှၤလၢအိၣ်မူတ့ၢ်တဖၣ်အဂီၢ် တက့ၢ်.”

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 43:14

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသု စံးဝဲ, “လၢတၢ်ကအုၣ်က့ၤခီၣ်က့ၤသုအဂီၢ်, ယကဆှၢလီၤသုးမုၢ်တဖုထီ ဒါကီၢ်ဘၤဘူၤလိၣ်လီၤ. ယကမၤလီၤပှီၢ်ဝ့ၢ်အတြဲၤတဖၣ်, ဒီးအဝဲသ့ၣ်အပှၤဂီၢ်မုၢ်အတၢ်ကိးပသူထီၣ်တဖၣ်န့ၣ်, ကလဲလိာ်အသးဆူတၢ်ဟီၣ်တၢ်ယၢၤလီၤ.

လံာ်ယၡါယၤ 43:3

အဂ့ၢ်ဒ်အံၤ, ယမ့ၢ်ယွၤ, နကစၢ်ယွၤ, ကီၢ်အံၣ်စရ့လးအကစၢ်ယွၤစီဆှံလၢအအုၣ်က့ၤခီၣ်က့ၤနၤလီၤ. ယကဟ့ၣ်လီၤကွံာ်ကီၢ်အဲၤကူပတူးလၢနကထူၣ်ဖျဲးထီၣ်အဂီၢ်လီၤ. ယကဟ့ၣ်လီၤကွံာ်ကီၢ်ကူၤၡးဒီးကီၢ်စဘၤလၢ နလီၢ်လီၤ.

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 47:4

ကီၢ်အံၣ်စရ့လးအကစၢ်ယွၤစီဆှံမၤပူၤဖျဲးပှၤလီၤ. အမံၤန့ၣ်မ့ၢ်ယွၤသ့တၢ်လၢာ်လီၤ.

လံာ်ယၡါယၤ 48:17

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသုစံးဝဲ, “ယမ့ၢ်ယွၤ, သုကစၢ်ယွၤ, ပှၤတဂၤလၢအသးအိၣ်သိၣ်လိသုလၢ အတၢ်ဂ့ၤဒၣ်ဝဲအဂီၢ် ဒီးနဲၣ်သုဆှၢသုလၢကျဲတဘိလၢသုကြၢးလဲၤန့ၣ်လီၤ.

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယၡါယၤ 54:8

ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.

လံာ်ယၡါယၤ 59:20

ယွၤစံးဘၣ်အပှၤဂီၢ်မုၢ်, “ယကဟဲဆူဝ့ၢ်ယရူၤၡလ့ၣ်လၢယကက ဟုကယာ်သုဒီးအုၣ်က့ၤခီၣ်က့ၤသုဝဲခဲလၢာ်လၢ အဃၣ်ကွံာ်အသးလၢအတၢ်ဒဲးဘးတဖၣ်န့ၣ်လီၤ.

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.

လံာ်ယၡါယၤ 63:16

နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်ယံးရမံယၤ 46:27

“ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ယကမၤထူၣ်ဖျဲးသုလၢ ထံကီၢ်လၢအယံၤတဘ့ၣ်, လၢထံကီၢ်တဘ့ၣ်ဖဲ တၢ်စိာ်မၢကဲကုၢ်သုန့ၣ်လီၤ. သုကဟဲက့ၤကဒါက့ၤ ဆူဟံၣ်ဒီးအိၣ်ဆိးလၢ တၢ်ဃူတၢ်ဖိးအပူၤန့ၣ်လီၤ. သုကအိၣ်ဂၢၢ်ဆိးကျၢၤဒီး ပှၤတမၤပျံၤဘၣ်သုနီတဂၤဘၣ်.

လံာ်ယံးရမံယၤ 50:34

ဘၣ်ဆၣ်ဒီး ပှၤတဂၤလၢကမၤပူၤဖျဲးအဝဲသ့ၣ်န့ၣ်အဂံၢ်ဆူၣ်အဘါ ဆူၣ်ဝဲဒီးအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ. အဝဲအကစၢ်ဒၣ်ဝဲ ကဟံးထီၣ်အဝဲသ့ၣ်အကွီၢ်ဒီးကဟဲစိာ်တၢ်ဃူတၢ်ဖိးဆူ ဟီၣ်ခိၣ်, ဒီးတၢ်ကီတၢ်ခဲဆူဘၤဘူၤလိၣ်အပှၤဂီၢ်မုၢ်အအိၣ်န့ၣ်လီၤ.”

လံာ်သးသယုၢ်တၢ် 3:57

နစံးဆၢဒီးတဲဘၣ်တ့ၢ်ယၤလၢယသုတပျံၤတၢ်တဂ့ၤလီၤ.

လံာ်ဒၤနံးယ့လး 10:12

အန့ၣ်ဝံၤဒီးအဝဲစံးဘၣ်ယၤ, “စီၤဒၤနံးယ့လးဧၢ, ပျံၤတၢ်တဂ့ၤ, ကစၢ်ယွၤနၢ်ဟူတ့ၢ်လံနတၢ်ထုကဖၣ်တဖၣ်, စးထီၣ်မုၢ်တနံၤလၢ နပာ်လီၤနသးဒ်သိးနကဆီၣ်လီၤနသးလၢနကဒိးန့ၢ်ဘၣ်တၢ် သ့ၣ်ညါနၢ်ပၢၢ်န့ၣ်လီၤ. ယဟဲယဲလၢတၢ်စံးဆၢနတၢ်ထုကဖၣ် အဂီၢ်လီၤ.

လံာ်ဟိၤၡ့ 11:9

ယတစံၣ်ညီၣ်နၤလၢယတၢ်သးထီၣ်အပူၤဘၣ်. ယတမၤဟးဂီၤကဒီးလၢၤကီၢ်အံၣ်စရ့လးန့ၣ်ဘၣ်. အဂ့ၢ်ဒ်အံၤ, ယမ့ၢ်ကစၢ်ယွၤဒီးတမ့ၢ်ဘၣ်ပှၤကညီဘၣ်. ယၤ, တၢ်စီဆှံတဂၤ. အိၣ်ဒီးနၤလီၤ. ယတဟဲဆူနအိၣ်လၢတၢ်သးထီၣ်အပူၤန့ၣ်ဘၣ်.

လံာ်မးသဲ 7:14

ဘၣ်ဆၣ်ဒီး, ကျဲစၢၤလၢအအိးထီၣ်အသးဆူတၢ်မူန့ၣ်အံၣ်ဝဲ, ဒီးကျဲလၢအဆှၢပှၤဆူတၢ်မူန့ၣ်ကီခဲမးဒီးပှၤလၢအထံၣ်န့ၢ်အီၤ အိၣ်ဝဲစှၤဂၤလီၤ.

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

ရိမ့ၤ 9:27

ဒီးဝံယၡါယၤကိးသတြီထီၣ်တၢ်ဘၣ်ဃးအံၣ်စရ့လးဒီး စံးဝဲ, “ပှၤအံၣ်စရ့လးဖိတဖၣ်မ့ၢ်အါဝဲဒ်မဲးလၢပီၣ်လဲၣ်နံၤ နာ်သက့, ကဘၣ်တၢ်အုၣ်က့ၤခီၣ်က့ၤအီၤထဲစှၤဂၤဧိၤန့ၣ်လီၤ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

လံာ်သိၣ်လီၤသီလီၤတၢ် 7:7

တမ့ၢ်ယွၤအဲၣ်သု, ဒီးဃုထၢသုမ့ၢ်လၢသုနီၣ်ဂံၢ်အါန့ၢ်ဒံး ပှၤအဂၤတဖၣ်အဃိဘၣ်. သုမ့ၢ်ပှၤအဆံးကတၢၢ်တကလုာ် လၢဟီၣ်ခိၣ်ချၢန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

လံာ်စီၤယိၤၡူ 17:18

ကစၢၢ်ကလိအကီၢ်ကမ့ၢ်သုတၢ်လီၤ. မ့မ့ၢ်ဒၣ်လဲာ်သ့ၣ်ပှၢ်တပှၢ်န့ၣ်, သုကမၤပျီအီၤဒီးဟံးန့ၢ်အီၤတုၤလၢကီၢ်ဆၢအယံၤကတၢၢ်န့ၣ်လီၤ. မ့မ့ၢ်ပှၤကနၤဧၣ်ဖိတဖၣ်န့ၣ်, မ့ၢ်အိၣ်ဒီးအလ့ၣ်ကဟၣ်ထးဒီးအဂံၢ်အဘါမ့ၢ်ဆူၣ်ဒၣ်လဲာ်န့ၣ်, သုကဟီထီၣ်ကွံာ်အီၤန့ၣ်လီၤ.”

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.