လံာ်ယၡါယၤ 41:13 - Sgaw Karen Common Bible

¹³ ယမ့ၢ်ယွၤသုကစၢ်ယွၤလီၤ. ယဟ့ၣ်ဂံၢ်ဟ့ၣ်ဘါသုဒီးစံး, ပျံၤတၢ်တဂ့ၤ. ယကမၤစၢၤသုလီၤ.”

လံာ်ယၡါယၤ 41:13 Iomraidhean Croise

စံးထီၣ်ပတြၢၤ 109:31

အဂ့ၢ်ဒ်အံၤ, အဝဲဂဲၤဆၢထၢၣ်လၢ ပှၤလိၣ်ဘၣ်တၢ်မၤစၢၤအစုထွဲ ဒ်သိးကအုၣ်က့ၤခီၣ်က့ၤအီၤလၢ ပှၤလၢအစံၣ်ညီၣ်အီၤဆူတၢ်သံအဂီၢ်န့ၣ်လီၤ.

စံးထီၣ်ပတြၢၤ 118:7

ယွၤအိၣ်လၢယအိၣ်တခီလၢကမၤစၢၤယၤလီၤ. ဒီးယကထံၣ်ဘၣ် ယဒုၣ်ယဒါတဖၣ် ဘၣ်တၢ်မၤဃၣ်ကွံာ်အီၤန့ၣ်လီၤ.

စံးထီၣ်ပတြၢၤ 63:8

ယသးသန့ၤယသးလၢနၤ, နစုထွဲမၤစၢၤယၤလီၤ.

စံးထီၣ်ပတြၢၤ 73:23

မ့ၢ်နာ်သက့ဒ်န့ၣ်ဒီး, ယအိၣ်ဘူးဒီးနၤတထံၣ်ဃီ ဒီးနဟံးထီၣ်ယစုထွဲန့ၣ်လီၤ.

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်တၢ်ဟးထီၣ်ကွံာ် 20:20

ဒီးစီၤမိၤၡ့စံးဆၢဝဲ, “ပျံၤတၢ်တဂ့ၤ. ကစၢ်ယွၤဟဲဒၣ်လၢကမၤကွၢ်သုဒီးပာ်တၢ်ပျံၤဘၣ်အီၤအသးလၢသု ပူၤဒ်သိးသုသုတမၤဒဲးဘးတၢ်တဂ့ၤအဂီၢ်ဧိၤန့ၣ်လီၤ.”

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 42:6

“ယၤ, ယွၤအံၤ, ယကိးထီၣ်သုဒီးဟ့ၣ်သုတၢ်စိတၢ်ကမီၤ ဒ်သိးသုကကွၢ်ထွဲမၤတၢ်စံၣ်ညီၣ်တီအဂ့ၢ်အခၢးလၢဟီၣ်ခိၣ်အံၤ န့ၣ်လီၤ. ခီဖျိသုန့ၣ်, ယကမၤတၢ်အၢၣ်လီၤအီလီၤတမံၤဒီးပှၤဂီၢ်မုၢ်ခဲ လၢာ်လီၤ. ခီဖျိသုန့ၣ်, ယကဟဲစိာ်တၢ်ကပီၤဆူပှၤကလုာ်တဖၣ်အအိၣ်လီၤ.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 45:1

ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်,

လံာ်ယၡါယၤ 51:18

ပှၤလၢအကဆှၢနၤတအိၣ်နီတဂၤဘၣ်, ဒီးလၢနပှၤဂီၢ်မုၢ်ဒၣ်နဲအကျါ ပှၤလၢအကဟံးနၤလၢအစုတအိၣ်နီတဂၤဘၣ်.

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယံးရမံယၤ 46:27

“ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ယကမၤထူၣ်ဖျဲးသုလၢ ထံကီၢ်လၢအယံၤတဘ့ၣ်, လၢထံကီၢ်တဘ့ၣ်ဖဲ တၢ်စိာ်မၢကဲကုၢ်သုန့ၣ်လီၤ. သုကဟဲက့ၤကဒါက့ၤ ဆူဟံၣ်ဒီးအိၣ်ဆိးလၢ တၢ်ဃူတၢ်ဖိးအပူၤန့ၣ်လီၤ. သုကအိၣ်ဂၢၢ်ဆိးကျၢၤဒီး ပှၤတမၤပျံၤဘၣ်သုနီတဂၤဘၣ်.

လံာ်ဃးကဲ 2:5

ဖဲသုဟးထီၣ်ကွံာ်လၢကီၢ်အဲၤကူပတူးန့ၣ်, ယအၢၣ်လီၤအီလီၤတ့ၢ်လၢယကအိၣ်ဒီးသုထီဘိလီၤ. ယအိၣ်ဒံးဒီးသုအဃိဒီး, ပျံၤတၢ်တဂ့ၤ.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.