လံာ်ယၡါယၤ 41:11 - Sgaw Karen Common Bible

¹¹ ပှၤလၢအသးထီၣ်ဘၣ်သုတဖၣ်ကသ့ၣ်ညါဘၣ်တၢ်ဃၣ်ကွံာ်အတၢ်မဲာ်ဆှး န့ၣ်လီၤ. ပှၤလၢအဒုးတၢ်ထီဒါသုတဖၣ်ကသံဝဲလီၤ.

လံာ်ယၡါယၤ 41:11 Iomraidhean Croise

လံာ်တၢ်ဟးထီၣ်ကွံာ် 11:8

စီၤမိၤၡ့မၤကတၢၢ်အတၢ်ကတိၤစံးဝဲဒၣ်, “နပဒိၣ်ပပှၢ်ခဲလၢာ် ကဟဲဆူယအိၣ်ဒီးတီၤလီၤလၢယမဲာ်ညါဒီးအဝဲသ့ၣ်ကဃ့ကညး ယၤဒ်သိးယကဟးထီၣ်ကွံာ်ဒီးယပှၤဂီၢ်မုၢ်ခဲလၢာ်န့ၣ်လီၤ. ဒီးတၢ်န့ၣ်အလီၢ်ခံယကဟးထီၣ်ကွံာ်န့ၣ်လီၤ.” အန့ၣ်ဝံၤဒီးစီၤမိၤၡ့ဟးထီၣ်လၢစီၤပၤအအိၣ်လၢတၢ်သးထီၣ် အပူၤန့ၣ်လီၤ.

လံာ်တၢ်ဟးထီၣ်ကွံာ် 12:29

လၢဖးဖီမုၢ်န့ၣ်ယွၤမၤသံကွံာ်ကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအပူၤ, စးထီၣ်လၢစီၤပၤအဖိခွါလၢအကထီၣ်က့ၤနီ, တုၤလၢပှၤဘၣ်တၢ်စၢဃာ်လၢဃိာ်ပူၤတဖၣ်အဖိဝဲၢ်ကိန့ၣ်လီၤ. ကယဲၢ်ဆၣ်ဖိကီၢ်ဖိအဖိဝဲၢ်ကိတဖၣ်စ့ၢ်ကီးဘၣ်တၢ်မၤသံ အီၤန့ၣ်လီၤ.

လံာ်တၢ်ဟးထီၣ်ကွံာ် 23:22

ဘၣ်ဆၣ်ဒီးပှၤမ့ၢ်စူၢ်အကလုၢ်ဒီးမၤတၢ်ကိးမံၤဒဲးလၢယမၤလိာ် သုန့ၣ်, ယကဒုးတၢ်ထီဒါကယဲၢ်သုဒုၣ်သုဒါခဲလၢာ်န့ၣ်လီၤ.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယၡါယၤ 29:5

ဝ့ၢ်ယရူၤၡလ့ၣ်ဧၢ, ကယဲၢ်ပှၤတခီဘီမုၢ်ဖိခဲလၢာ်လၢအဟဲထီၣ် ဒုးနၤန့ၣ်ကဘၣ်တၢ်အူဒံဖျိးကွံာ်အီၤဒ်ဖၣ်ကမူၣ်ဖၣ်ဆါအသိးဒီး အဝဲသ့ၣ်အသုးမုၢ်သံၣ်ဘိလၢအပျံၤတၢ်ဖုးတၢ်တဖၣ်ဒံကွံာ်ဖျိး ကွံာ်ဝဲဒ်ဘုလီၢ်အသိးန့ၣ်လီၤ. သတူၢ်ကလာ်ဒီးလၢတၢ်တမုၢ်လၢ် အပူၤန့ၣ်, ယွၤသ့တၢ်လၢာ်ကမၤပူၤဖျဲးသုခီဖျိလီသီၣ်လီသဲဒီး ဟီၣ်ခိၣ်ဟူးဝးတဖၣ်န့ၣ်လီၤ.

လံာ်ယၡါယၤ 29:7

အန့ၣ်ဒီး, ပှၤကလုာ်အသုးမုၢ်သံၣ်ဘိတဖၣ်လၢအဟဲထီၣ်ဒုး ကစၢ်ယွၤအတၢ်လုၢ်လီၢ်အဝ့ၢ်, ဃုာ်ဒီးအတၢ်စုကဝဲၤဒီး အတၢ်ပီးတၢ်လီတဖၣ်ခဲလၢာ်န့ၣ်, ကလီၤမၢ်ကွံာ်ဝဲဒ်တၢ်မံမီၢ် အသိးဒီးကလီၤဂာ်ဒီးတၢ်တမံၤမံၤလၢတၢ်ဆိကမိၣ်ထီၣ်န့ၢ် အီၤလၢမုၢ်နၤခီအဆၢကတီၢ်န့ၣ်လီၤ.

လံာ်ယၡါယၤ 29:8

ပှၤကလုာ်ခဲလၢာ်လၢအပာ်ဖှိၣ်အသးလၢကလဲၤထီၣ်ဒုးဝ့ၢ်ယရူၤ ၡလ့ၣ်န့ၣ်, ကလီၤဂာ်ဒီးပှၤသၣ်ဝံၤလီၤဒိတဂၤလၢအမံမီၢ်ဝဲလၢ အီၣ်တၢ်, ဘၣ်ဆၣ်ပၢၢ်ထီၣ်ဝဲလၢတၢ်သူၣ်ဝံၤသၣ်စ့ၤန့ၣ်လီၤ. မ့တမ့ၢ်ဘၣ်ဒီးကလီၤဂာ်ဒ်ပှၤတဂၤလၢအသးသူထံဘူးကသံ တ့ၢ်မးအသိးဒီးမံမီၢ်ဝဲလၢအအီထံ, ဘၣ်ဆၣ်ပၢၢ်ထီၣ်လၢအကိာ်ယူၢ်ဃ့ထီဝဲန့ၣ်လီၤ.

လံာ်ယၡါယၤ 34:12

စီၤပၤလၢကပၢထံကီၢ်န့ၣ်တအိၣ်ဘၣ်နီတဂၤဘၣ်, ဒီးပှၤခိၣ်ပှၤနၢ်တဖၣ်ကသံကွံာ်ခဲလၢာ်လီၤ.

လံာ်ယၡါယၤ 40:17

လၢအဝဲအဂီၢ်, ပှၤကလုာ်တဖၣ်တမ့ၢ်တၢ်နီတမံၤဘၣ်.

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 41:24

သုဝဲဒီးတၢ်လၢသုမၤခဲလၢာ်န့ၣ်တမ့ၢ်တၢ်နီတမံၤဘၣ်. ပှၤလၢအဘူၣ်ထီၣ်ဘါထီၣ်သုတဖၣ်လီၤသးဘၣ်အၢဒိၣ်မးလီၤ.

လံာ်ယၡါယၤ 41:29

ကစၢ်တဖၣ်အံၤတဂိာ်တသီၣ်ဘၣ်တၢ်ဘၣ်. အဝဲသ့ၣ်မၤတၢ်တသ့နီတမံၤဘၣ်. တၢ်ဂီၤတၢ်ဖီၣ်တဖၣ်အံၤအဂံၢ်စၢ်ဘါစၢ်ဒီးအစိကမီၤတအိၣ်ဘၣ်ဝဲဘၣ်.

လံာ်ယၡါယၤ 45:24

အဝဲသ့ၣ်ကစံးဝဲလၢ, တၢ်မၤနၢၤဒီးတၢ်ဂံၢ်တၢ်ဘါန့ၣ်တၢ်ထံၣ် န့ၢ်အီၤခီဖျိဒၣ်ထဲလၢယၤတဂၤဧိၤန့ၣ်လီၤ. မ့မ့ၢ်ပှၤလၢအသးဟ့ယၤခဲလၢာ် ကတူၢ်ဘၣ်တၢ်မဲာ်ဆှးလီၤ.

လံာ်ယၡါယၤ 49:25

ယွၤစံးဆၢဝဲ, “တၢ်လၢအကမၤအသးမ့ၢ်တၢ်ဒ်န့ၣ်လီၤ. ပှၤသုးဖိအပှၤဘၣ်စၢဃာ်လၢဃိာ်ပူၤတဖၣ်ကဘၣ်တၢ်စိာ်ကွံာ်အီၤ ဒီးပှၤပၢတၢ်ဖဲအသးအၢအၢသီသီတဂၤအတၢ်ဂုာ်န့ၢ်န့ၣ်ကဘၣ်တၢ် ဟံးန့ၢ်အီၤလီၤ. ယကဒုးတၢ်ထီဒါပှၤတဂၤလၢ်လၢ်လၢအဒုးတၢ်ထီဒါသုဒီးယကမၤပူၤ မၤဖျဲးသုဖိတဖၣ်လီၤ.

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 54:15

ပှၤမ့ၢ်ဟဲဒုးနၤတဂၤဂၤဒီး, မ့ၢ်အမၤဝဲလၢတၢ်တဘၣ်ယသးအပူၤန့ၣ်လီၤ. ပှၤလၢအဒုးတၢ်ထီဒါနၤတဂၤဂၤန့ၣ်, ကဃၣ်ကွံာ်ဝဲန့ၣ်လီၤ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယံးရမံယၤ 12:17

ဘၣ်ဆၣ်ဒီးပှၤတကလုာ်ဂ့ၤတကလုာ်ဂ့ၤမ့ၢ်တစူၢ်တၢ်ဘၣ်ဒီး, ယကထဲးထီၣ်ကွံာ်အီၤလၢာ်လၢာ်ဆ့ဆ့ဒီးမၤဟးဂီၤကွံာ်အီၤ န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 2:3

ကီၢ်အံၣ်စရ့လးဧၢ, နဘၣ်ဃးတ့ၢ်ဒၣ်ထဲယၤတဂၤဧိၤလီၤ. နမ့ၢ်တ့ၢ်ယတၢ်န့ၢ်သါစီဆှံလီၤ. ယဒုးလီၤဘၣ်တၢ်နးတၢ်ဖှီၣ်ဒီးတၢ်တတၢးတနါ လၢပှၤလၢအမၤဘၣ်ဒိဘၣ်ထံးနၤ ကိးဂၤဒဲးအဖီခိၣ်န့ၣ်လီၤ. ယၤ, ယွၤအံၤ, ယကတိၤလံတၢ်လံ.”

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်စကၤရယၤ 12:3

ဘၣ်ဆၣ်ဒီးဖဲအဆၢကတီၢ်အဝဲန့ၣ်တုၤဃီၤဒီး, ယကဒုးကဲထီၣ်ဝ့ၢ်ယရူၤၡလ့ၣ်ဒ်လၢၢ်အဃၢတဖျၢၣ်အသိး, ဒီးကယဲၢ်ပှၤတကလုာ်ဂ့ၤတကလုာ်ဂ့ၤလၢအကျဲးစၢးစိာ်ထီၣ်အီၤန့ၣ် ကဘၣ်ဒိဘၣ်ထံးဝဲဒၣ်လီၤ. ပှၤကလုာ်ခဲလၢာ်လၢဟီၣ်ခိၣ်ချၢကပာ်ဖှိၣ်ထီၣ်အသုးမုၢ်သံၣ်ဘိ တဖၣ်ဒီးကဒုးတၢ်ထီဒါအီၤလီၤ.

မၤတၢ် 16:39

လၢတၢ်န့ၣ်အဃိ, အဝဲသ့ၣ်လဲၤဒီးဃ့ကညးစီၤပီလူးဒီး စီၤစံလၤလီၤ. အန့ၣ်ဝံၤအလီၢ်ခံ, အဝဲသ့ၣ်ဆှၢထီၣ်အီၤဆူ ဃိာ်အချၢဒီး မၢအဝဲသ့ၣ်ဟးထီၣ်ကွံာ်လၢဝ့ၢ်ပူၤလီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.