လံာ်ယၡါယၤ 40:31 - Sgaw Karen Common Bible

³¹ မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယၡါယၤ 40:31 Iomraidhean Croise

လံာ်စီၤယိၤဘး 17:9

အန့ၣ်ဒၣ်လဲာ်ပှၤအတီအလိၤကဟံးဃာ်အကျဲ, ဒီးပှၤလၢအစု ကဆှီန့ၣ်အဂံၢ်အဘါဒံးယံာ်ကဒံးဆူၣ်ထီၣ်လီၤ.

စံးထီၣ်ပတြၢၤ 103:5

မ့ၢ်ပှၤလၢအဒုးမံသူၣ်မံသးနထးခိၣ်လၢ တၢ်ဂ့ၤဖဲနအိၣ်မူဒံးအခါ, ဒီးနဖိၣ်သၣ်ခွါထီၣ်က့ၤကဒီးဒ် လံာ်ဧိၤတြၤဧိၤအသိးန့ၣ်လီၤ.

စံးထီၣ်ပတြၢၤ 123:2

ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ အကစၢ်အစုအသိးဒီး ဒ်အခ့အပှၤပိာ်မုၣ်အမဲာ်ကွၢ်တၢ်ဆူ အကစၢ်မုၣ်အစုအသိးန့ၣ်, ပမဲာ်ကွၢ်တၢ်ဆူယွၤပကစၢ်အအိၣ်တုၤ အသူၣ်ကညီၤသးကညီၤပှၤတစုလီၤ.

စံးထီၣ်ပတြၢၤ 138:3

မုၢ်တနံၤလၢယကိးထီၣ်နၤန့ၣ်နစံးဆၢယၤ, ဒီးနဒုးဆူၣ်ထီၣ်ယဂံၢ်ယဘါလၢ ယသးကံၢ်ပူၤလီၤ.

စံးထီၣ်ပတြၢၤ 20:9

ယွၤဧၢဟ့ၣ်တၢ်မၤနၢၤလၢစီၤပၤန့ၣ်တက့ၢ်. တုၤပကိးထီၣ်နၤဒီးစံးဆၢပှၤတက့ၢ်.

စံးထီၣ်ပတြၢၤ 25:21

မ်ယတၢ်ဂ့ၤတၢ်ဝါဒီးယတၢ်သူၣ်တီသးလိၤ ပာ်မူယၤတက့ၢ်. အဂ့ၢ်ဒ်အံၤ, ယနာ်နၤလီၤ.

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 25:5

သိၣ်လိယၤလၢယကအိၣ်မူဒ်နတၢ်မ့ၢ်တၢ်တီအသိး, အဂ့ၢ်ဒ်အံၤ, နမ့ၢ်ယကစၢ်ယွၤလၢအမၤပူၤဖျဲးယၤလီၤ. ထီဘိယနာ်နၤန့ၣ်လီၤ.

စံးထီၣ်ပတြၢၤ 37:34

မုၢ်လၢ်တၢ်လၢယွၤအပူၤဒီး ဒိကနၣ်အတၢ်မၤလိာ်တဖၣ်န့ၣ်တက့ၢ်. အဝဲဒၣ်ကမၤလၤကပီၤနၤခီဖျိ တၢ်ဟ့ၣ်လီၤနၤထံဧိၤကီၢ်ဧိၤ, ဒီးနကထံၣ်ပှၤအၢပှၤသီ ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.

စံးထီၣ်ပတြၢၤ 40:1

ယအိၣ်ခိးကွၢ်လၢ်ယွၤအတၢ်မၤစၢၤလၢ တၢ်သးစူၤအပူၤလီၤ. အဝဲဒိကနၣ်ယၤဒီးနၢ်ဟူတ့ၢ်ယတၢ်ကိးထီၣ်န့ၣ်လီၤ.

စံးထီၣ်ပတြၢၤ 84:7

အဝဲသ့ၣ်တဖၣ်န့ၣ်ဒံးလဲၤတၢ်, အဂံၢ်အဘါဒံးဆူၣ်ထီၣ် ဒီးအဝဲသ့ၣ်ကထံၣ်ဘၣ်ကစၢ်တဖၣ် အကစၢ်ယွၤ လၢစံယိၣ်န့ၣ်လီၤ.

စံးထီၣ်ပတြၢၤ 84:8

ယွၤ, သ့တၢ်လၢာ်အကစၢ်ယွၤဧၢ, ဒိကနၣ်ယဘါထုကဖၣ်တၢ်တက့ၢ်. စီၤယၤကိာ်အကစၢ်ယွၤဧၢ, ဒိကနၣ်လၢ်တက့ၢ်. စ့လၤ

စံးထီၣ်ပတြၢၤ 92:1

ယွၤဧၢ, တၢ်စံးဘျုးစံးဖှိၣ်နၤ, တၢ်သးဝံၣ်မၤလၤကပီၤ တၢ်ထီကတၢၢ်ကစၢ်ယွၤ,

စံးထီၣ်ပတြၢၤ 92:13

အဝဲသ့ၣ်လီၤဂာ်ဒ် သ့ၣ်တဖၣ်လၢအဘၣ်တၢ်သူၣ်လီၤအီၤလၢ ယွၤအဟံၣ်ပူၤအသိး လၢအဂုၤထီၣ်ပသီထီၣ်လၢ ပကစၢ်ယွၤအတၢ်လုၢ်ဟံၣ်အပူၤအသိး,

လံာ်တၢ်ဟးထီၣ်ကွံာ် 19:4

“သုထံၣ်လံယၤ, ယွၤအံၤမၤတ့ၢ်ပှၤအဲၤကူပတူးဖိတဖၣ်ဒ်လဲၣ် ဒီးယစိာ်ထီၣ်တ့ၢ်သုဒ်သိးလံာ်ကြီကြာ်အမိၢ်တဘ့ၣ်စိာ်အဖိလၢ အဒံးဆ့တဖၣ်အလိၤဒီးဟဲစိာ်သုဆူယအိၣ်ဖဲအံၤဒ်လဲၣ်န့ၣ်လီၤ.

တၢ်ကတိၤဒိ. 30:19

ဒ်လံာ်ကြီကြာ်တဘ့ၣ်ယူၤဝဲလၢမူဖးဖီ, ဂုၢ်သ့ၣ်တဘိစွါလၢလၢၢ်အလိၤ, ကဘီတဘ့ၣ်လဲၤတၢ်လၢပီၣ်လဲၣ်ပူၤ, ဒီးပှၤပိာ်ခွါတဂၤဒီးပှၤပိာ်မုၣ်တဂၤအဲၣ်လိာ်ကွံလိာ်အသး, အသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:5

ပှၤလၢအဟဲလၢပှၢ်လၢ်ကျါဒီးဟံးဃာ်လိာ်အစုဒီးအတၢ်အဲၣ်န့ၣ် မ့ၢ်မတၤတဂၤလဲၣ်. ယထိၣ်ဂဲၤထၢၣ်နၤလၢသ့ၣ်ဖီသၣ်အဖီလာ်, တၢ်လီၢ်လၢနအိၣ်ဖျဲၣ်တ့ၢ်န့ၣ်လီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 30:15

ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 41:1

ကစၢ်ယွၤစံးဝဲ, “ကီၢ်လၢအယံၤတဖၣ်ဧၢ, အိၣ်ဘှီၣ်ကလာ်ဒီးဒိကနၣ်ယၤတက့ၢ်. အိၣ်ကတဲာ်ကတီၤသုသးလၢသုကပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ် ပူၤတက့ၢ်. သုကအိၣ်ဒီးသုတၢ်ခွဲးတၢ်ယာ်လၢသုကကတိၤတၢ်အဂီၢ်လီၤ. မ်ပကဟဲပာ်ဖှိၣ်သကိးပသးလၢပကစံၣ်ညီၣ်နီၤဖးမတၤအတၢ်ဘၣ်လဲၣ် န့ၣ်တက့ၢ်.

လံာ်ယၡါယၤ 64:4

ကစၢ်ယွၤဒ်နၤတဂၤအသိး, လၢအမၤတၢ်ဒ်န့ၣ်တဖၣ်လၢပှၤ လၢအပာ်အတၢ်မုၢ်လၢ်လၢနပူၤအဂီၢ်န့ၣ်ပှၤတထံၣ်တ့ၢ်ဒီးနၢ်ဟူ တ့ၢ်နီတဂၤဘၣ်.

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်ယံးရမံယၤ 48:15

ကီၢ်မိၤအးဒီး အဝ့ၢ်တဖၣ် ဘၣ်တၢ်မၤဟးဂီၤကွံာ်အီၤဒီး အပှၤပိာ်ခွါ သးစၢ်အဂ့ၤကတၢၢ်တဖၣ်ဘၣ်တၢ်မၤသံကွံာ်အီၤလံ. ယမ့ၢ်စီၤပၤ, ယွၤသ့တၢ်လၢာ်, ဒီးယကတိၤလံတၢ်လံ.

လံာ်စကၤရယၤ 10:12

ယကဒုးဂံၢ်ဆူၣ်ဘါဆူၣ်ထီၣ်ယပှၤဂီၢ်မုၢ်, ဒီးအဝဲသ့ၣ်ကဘါထီၣ်ယၤဒီးစူၢ်ယၤလီၤ,” ယွၤကတိၤလံတၢ်လံ.

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

ရိမ့ၤ 8:25

ဘၣ်ဆၣ်ဒီးတၢ်လၢပတထံၣ်ဘၣ်အီၤန့ၣ်ပမ့ၢ်မုၢ်လၢ်အီၤဒီး, ပအိၣ်ခိးကွၢ်လၢ်အီၤလၢတၢ်ဝံသးစူၤအပူၤန့ၣ်လီၤ.

၂ ကရံၣ်သူး 4:1

ကစၢ်ယွၤ, လၢအဝဲဒၣ်အတၢ်သးကညီၤအပူၤန့ၣ်, ဟ့ၣ်လံပှၤတၢ်မၤတမံၤအံၤလၢပကမၤအီၤသတးဒီး, ပသးတဟးဂီၤဘၣ်.

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

လံာ်သိၣ်လီၤသီလီၤတၢ် 32:11

ဒ်လံာ်ကြီကြာ်တဘ့ၣ်သိၣ်လိအဖိဆံးလၢကယူၤဝဲ, ဖီၣ်န့ၢ်အဝဲသ့ၣ်ပူၤပူၤဖျဲးဖျဲးလၢအဒံးဆ့လၢအသလၣ်ထီၣ်အသး တဖၣ်အလိၤအသးန့ၣ်, ယွၤဟံးဃာ်ဂၢၢ်ကျၢၤကီၢ်အံၣ်စရ့လးလၢအသုတလီၤတဲာ်ကွံာ်တဂ့ၤ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 33:25

မ်အဝဲအဝ့ၢ်တဖၣ်ဘၣ်တၢ်ဒီဒၣ်အီၤလၢထးတြဲၤ ဖးဒိၣ်တဖၣ်, ဒီးမ်အဝဲအိၣ်မူထီဘိလၢတၢ်ဘံၣ်တၢ်ဘၢအပူၤ န့ၣ်တက့ၢ်.”

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

ဧ့ၤဘြံၤ 12:3

ဒ်သိးတၢ်သုတဘှံးသုသးတဂ့ၤဒီးသုသုတလီၤဘှါ တဂ့ၤန့ၣ်, ကွၢ်ထံအဝဲဒၣ်အတၢ်တူၢ်တၢ်အိၣ်ဒီးတၢ်ဝံသးစူၤ ဘၣ်ပှၤမၤတၢ်ဒဲးဘးဖိအတၢ်မၤတံာ်တာ်ထီဒါအီၤတဖၣ် န့ၣ်တက့ၢ်.

လံာ်စီၤယိၤၡူ 14:11

ဒီးတနံၤအံၤယဂံၢ်ယဘါဆူၣ်ဒံးဒၣ်ဒ်ယမ့ၢ်တ့ၢ်ဝဲဖဲစီၤမိၤၡ့မၢလီၤယၤအကတီၢ်န့ၣ်လီၤ. ယဂံၢ်ယဘါဆူၣ်ဒံးလၢတၢ်ဒုးတၢ်ယၤအဂီၢ်မ့ၢ်ဂ့ၤ, တၢ်ဂ့ၢ်အဂၤတမံၤမံၤအဂီၢ်မ့ၢ်ဂ့ၤန့ၣ်လီၤ.

လံာ်လီၣ်ဖျါ 12:14

ဘၣ်ဆၣ်ဒီး, ပိာ်မုၣ်ဘၣ်တၢ်ဟ့ၣ်အီၤလံာ်ကြီကြာ်ဖးဒိၣ် အဒံးဆ့ခံဘ့ၣ်ဒ်သိးအကယူၤကွံာ်ဆူအလီၢ်အိၣ်လီၢ်ဆိးလၢ ပှၢ်မုၢ်ကနၢ, ဖဲအဝဲဒၣ်ကဘၣ်တၢ်အံးထွဲကွၢ်ထွဲအီၤလၢသၢနံၣ် တခီအတီၢ်ပူၤ, ပူၤပူၤဖျဲးဖျဲးဒီးပယိၤန့ၣ်လီၤ.

လံာ်လီၣ်ဖျါ 2:3

နသူၣ်စူၤသးစူၤ, နတူၢ်တ့ၢ်တၢ်လၢယဃိဒီးနတတ့ၢ်စၢ်လီၤ နဂံၢ်နဘါဘၣ်န့ၣ်လီၤ.

လံာ်လီၣ်ဖျါ 4:7

အဆိကတၢၢ်တဒုန့ၣ်လီၤဂာ်ဒီးခ့ယုၢ်, ခံဒုတဒုန့ၣ်လီၤဂာ်ဒီးကျီၢ်ဖါ, သၢဒုတဒုန့ၣ်အိၣ်ဒီးအမဲာ်သၣ်လၢအလီၤဂာ်ပှၤကညီအမဲာ် သၣ်, ဒီးလွံၢ်ဒုတဒုန့ၣ်လီၤဂာ်ဒီးလံာ်ကြီကြၣ်ယူၤလၢတၢ်ဖးဖီ န့ၣ်လီၤ.

လံာ်ပှၤစံၣ်ညီၣ်ကွီၢ် 16:28

တုၤနုၤတစု, စီၤၡံၣ်ၡိၣ်ဘါထုကဖၣ်, “တၢ်ဒိၣ်ကစၢ်ဧၢ, သ့ၣ်နီၣ်ထီၣ်က့ၤလၢ်ယၤတက့ၢ်. ကစၢ်ယွၤဧၢ, ဟ့ၣ်ယၤတၢ်ဂံၢ်တၢ်ဘါထဲအအံၤတစု ဒ်သိးယကဟ့ၣ်ကၣ်ပှၤဖလ့ၡသးဖိတဖၣ်လၢယမဲာ်ချံခံဖျၢၣ်အဂီၢ်န့ၣ်တက့ၢ်.”