လံာ်ယၡါယၤ 40:30 - Sgaw Karen Common Bible

³⁰ ပှၤလၢအသးစၢ်တဖၣ်ဒၣ်လဲာ်အဂံၢ်အဘါလီၤစၢ်ဝဲလီၤ. ပှၤပိာ်ခွါသးစၢ်တဖၣ်အဂံၢ်အဘါလၢာ်ကွံာ်ဝဲသ့လီၤ.

လံာ်ယၡါယၤ 40:30 Iomraidhean Croise

စံးထီၣ်ပတြၢၤ 33:16

စီၤပၤတဘၣ်တၢ်မၤပူၤဖျဲးအီၤလၢ အသုးမုၢ်ဂီၢ်မုၢ်ဖးဒိၣ်အဃိဘၣ်. ပှၤသုးဖိတဘၣ်တၢ်မၤပူၤဖျဲးအီၤလၢ အဂံၢ်ဆူၣ်ဘါဆူၣ်အဃိဘၣ်.

စံးထီၣ်ပတြၢၤ 34:10

ခ့ယုၢ်ဖိတဖၣ်တၢ်သၣ်ဝံၤအသးလၢ တၢ်အီၣ်တအိၣ်ဘၣ်အဃိလီၤ. မ့မ့ၢ်ပှၤလၢအဃုယွၤတဖၣ်န့ၣ်, တၢ်အဂ့ၤလၢအတဒိးန့ၢ်ဘၣ်ဝဲ တအိၣ်နီတမံၤဘၣ်.

စံးထီၣ်ပတြၢၤ 39:5

ကွၢ်ကွၢ်, နဟ့ၣ်တ့ၢ်ယၤတၢ်အိၣ်မူဖုၣ်ကိာ် ဒီးလၢနမဲာ်ညါန့ၣ်, ယတၢ်အိၣ်မူအကတီၢ်တမ့ၢ်တၢ်နီတမံၤဘၣ်. ပှၤကိးဂၤဒဲးအတၢ်အိၣ်မူန့ၣ် မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယၡါယၤ 13:18

ကမၤသံပှၤပိာ်ခွါသးစၢ်တဖၣ်လၢအချံၣ်ဧိၤပျၢ်ဧိၤလီၤ. တဒုးနဲၣ်တၢ်သးကညီၤလၢဖိဆံးဖိတဖၣ်ဒီးအတၢ်သးကညီၤ တအိၣ်ဘၣ်လၢဖိသၣ်တဖၣ်အဂီၢ်ဘၣ်.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယံးရမံယၤ 48:15

ကီၢ်မိၤအးဒီး အဝ့ၢ်တဖၣ် ဘၣ်တၢ်မၤဟးဂီၤကွံာ်အီၤဒီး အပှၤပိာ်ခွါ သးစၢ်အဂ့ၤကတၢၢ်တဖၣ်ဘၣ်တၢ်မၤသံကွံာ်အီၤလံ. ယမ့ၢ်စီၤပၤ, ယွၤသ့တၢ်လၢာ်, ဒီးယကတိၤလံတၢ်လံ.

လံာ်ယံးရမံယၤ 6:11

ယွၤဧၢ, နတၢ်သးဒိၣ်ထီၣ်ထီဒါအဝဲသ့ၣ်န့ၣ်, အီၣ်ဂီၤတၢ်လၢယပူၤစ့ၢ်ကီး, ဒီးယပၢၤအီၤတန့ၢ်ယံာ်ယံာ်လၢၤဘၣ်.” အန့ၣ်ဒီးယွၤစံးဘၣ်တ့ၢ်ယၤ, “လူလီၤယတၢ် သးကဲၤထီၣ်လၢဖိသၣ်တဖၣ်လၢအအိၣ် လၢကျဲဘိတဖၣ်အပူၤအလိၤဒီးလၢပှၤပိာ်ခွါ သးစၢ်တဖၣ်လၢအပာ်ဖှိၣ်အသးအလိၤန့ၣ်တက့ၢ်. ဝၤတဖၣ်ဒီးမါတဖၣ်ကဘၣ်တၢ်စိာ်ယံၤကွံာ်အီၤ, ဒီးပှၤအသးပှၢ်ဒၣ်လဲာ်တဘၣ်တၢ်ပျဲပူၤအီၤဘၣ်.

လံာ်ယံးရမံယၤ 9:21

တၢ်သံဟဲဝဲခီဖျိပပဲတြီဖိတဖၣ် ဒီးဟဲနုာ်လီၤလၢပနူၢ်ဧိၤစီၤဧိၤတဖၣ်အပူၤန့ၣ်လီၤ. ဒီၣ်တဲာ်ကွံာ်လံဖိသၣ်တဖၣ်လၢကျဲဘိတဖၣ်အပူၤ ဒီးပိာ်ခွါသးစၢ်တဖၣ်လၢတၢ်ဆါတၢ်ပှ့ၤ အလီၢ်တဖၣ်လံ.

လံာ်ဧၤမိၣ် 2:14

ပှၤလၢအဃ့ၢ်တၢ်ချ့တဖၣ်ဒၣ်လဲာ်တပူၤဖျဲးဘၣ်. ပှၤဂံၢ်ဆူၣ်ဘါဆူၣ်တဖၣ်အဂံၢ်အဘါကလၢာ်ကွံာ် ဝဲဒီးပှၤသုးဖိတဖၣ်အုၣ်က့ၤခီၣ်က့ၤအသးသမူတန့ၢ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:10

စီၤဒၤဝံးလဲၤဆူညါဃုာ်ဒီးပှၤအဂၤလွံၢ်ကယၤလီၤ. ပှၤအဂၤခံကယၤန့ၣ်လီၤဘှံးတုၤဒၣ်လဲာ်ခီတကဲလၢၤခီထံကျိဖိသတးဒီး အိၣ်တ့ၢ်ဝဲလၢတၢ်လီၢ်ခံန့ၣ်လီၤ.