လံာ်ယၡါယၤ 40:29 - Sgaw Karen Common Bible

²⁹ ပှၤလၢအဂံၢ်စၢ်ဘါစၢ်တဖၣ်ဒီးပှၤလၢတၢ်ဘှံးအသးတဖၣ်န့ၣ်အဝဲ ဟ့ၣ်ဆူၣ်ထီၣ်အဂံၢ်အဘါလီၤ.

လံာ်ယၡါယၤ 40:29 Iomraidhean Croise

လံာ်တၢ်ကဲထီၣ်အခီၣ်ထံး 49:24

ဘၣ်ဆၣ်ဒီးအဝဲအချံၣ်အိၣ်ဂၢၢ်ကျၢၤဝဲဒီးအစုဒုၣ်တဖၣ်ဘၣ်တၢ် ဒုးဆူၣ်ထီၣ်အီၤလၢတၢ်စိတၢ်ကမီၤလၢအဟဲဝဲလၢသ့တၢ်လၢာ်, ပှၤကွၢ်သိ, ဒီးပှၤကဟုကယာ်ကီၢ်အံၣ်စရ့လးတဂၤအအိၣ်လီၤ.

လံာ်စီၤနဃ့မယၤ 6:9

အဝဲသ့ၣ်ဂုာ်ကျဲးစၢးမၤပျံၤပှၤဒ်သိးပကဆိကတီၢ်ကွံာ်တၢ်မၤ န့ၣ်လီၤ. ဒီးယဘါထုကဖၣ်ယဲ, “ကစၢ်ယွၤဧၢ, ခဲကနံၣ်အံၤဒုးဆူၣ်ထီၣ်ယၤတက့ၢ်.”

စံးထီၣ်ပတြၢၤ 29:11

ယွၤဟ့ၣ်ဂံၢ်ဟ့ၣ်ဘါအပှၤဂီၢ်မုၢ်, ယွၤဆိၣ်ဂ့ၤအပှၤဂီၢ်မုၢ်လၢ တၢ်ဃူတၢ်ဖိးန့ၣ်လီၤ.

စံးထီၣ်ပတြၢၤ 68:10

နပှၤဂီၢ်မုၢ်အိၣ်ဝဲဆိးဝဲလၢအပူၤ, ယွၤဧၢ, နကတဲာ်ကတီၤန့ၢ်တၢ်လၢ ပှၤဖှီၣ်န့ၢ်ယာ်ကဲအဂီၢ် လၢနတၢ်ဂ့ၤတၢ်ဝါအပူၤန့ၣ်လီၤ.

စံးထီၣ်ပတြၢၤ 68:35

ကစၢ်ယွၤဧၢ, နမ့ၢ်တၢ်လီၤပျံၤအလီၢ်လၢ နလီၢ်စီဆှံအပူၤလီၤ. အံၣ်စရ့လးကစၢ်ယွၤ, မ့ၢ်ပှၤလၢ အဟ့ၣ်အပှၤဂီၢ်မုၢ်လၢတၢ်စိတၢ်ကမီၤဒီး တၢ်ဂံၢ်တၢ်ဘါန့ၣ်လီၤ. စံးထီၣ်ပတြၢၤကစၢ်ယွၤတက့ၢ်.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယံးရမံယၤ 31:25

ယကမၤဆူၣ်ထီၣ်က့ၤ ပှၤလၢသူၣ်လီၤဘှံးသးလီၤ တီၤတဖၣ်ဒီး ပှၤတဂၤလၢ်လၢ်လၢ အဂံၢ်အဘါစၢ်လီၤ ဝဲလၢ အသူၣ်ဝံၤသၣ်စ့ၤ အဃိန့ၣ်, ယကမၤသူၣ်မံသးမံ အဝဲသ့ၣ်ဒီး တၢ်အီၣ်တၢ်အီန့ၣ်လီၤ.

လံာ်စကၤရယၤ 10:12

ယကဒုးဂံၢ်ဆူၣ်ဘါဆူၣ်ထီၣ်ယပှၤဂီၢ်မုၢ်, ဒီးအဝဲသ့ၣ်ကဘါထီၣ်ယၤဒီးစူၢ်ယၤလီၤ,” ယွၤကတိၤလံတၢ်လံ.

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

လံာ်သိၣ်လီၤသီလီၤတၢ် 33:25

မ်အဝဲအဝ့ၢ်တဖၣ်ဘၣ်တၢ်ဒီဒၣ်အီၤလၢထးတြဲၤ ဖးဒိၣ်တဖၣ်, ဒီးမ်အဝဲအိၣ်မူထီဘိလၢတၢ်ဘံၣ်တၢ်ဘၢအပူၤ န့ၣ်တက့ၢ်.”

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

ဧ့ၤဘြံၤ 11:34

မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.

လံာ်ပှၤစံၣ်ညီၣ်ကွီၢ် 15:19

တုၤနုၤတစု, ယွၤအိးထီၣ်တၢ်လီၤကအိတတီၤလၢဟီၣ်ခိၣ်လာ်ဖဲ ဝ့ၢ်လ့ၤဃံ, ဒီးထံဟဲထီၣ်လၢအပူၤလီၤ. စီၤၡံၣ်ၡိၣ်အီထံ ဒီးအိၣ်မုာ်ထီၣ်က့ၤဝဲလီၤ. မၤသးဒ်န့ၣ်ဒီး, ထံထီၣ်ပၢၢ်အံၤဘၣ်တၢ်ကိးအမံၤလၢဧ့ၣ်ဟးကိ ရ့ၤဒီးအိၣ်ဒံးဖဲဝ့ၢ်လ့ၤဃံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:4

ပှၤသုးဖိအဂံၢ်အဘါဆူၣ်တဖၣ်အချံၣ်န့ၣ်တၢ်မၤကၢ်အီၤ, မ့မ့ၢ်ပှၤအဂံၢ်စၢ်ဘါစၢ်န့ၣ်အဂံၢ်အဘါဆူၣ်ထီၣ်လီၤ.