လံာ်ယၡါယၤ 40:28 - Sgaw Karen Common Bible

²⁸ မ့ၢ်နတသ့ၣ်ညါဘၣ်ဧါ. မ့ၢ်နတနၢ်ဟူတ့ၢ်ဘၣ်ဧါ. ယွၤမ့ၢ်ကစၢ်ယွၤအထူအယိာ်ဒီးတ့လီၤပာ်လီၤဟီၣ်ခိၣ်ခဲလၢာ် လီၤ. အဝဲတလီၤဘှံးလီၤတီၤဘၣ်ဒီးအသးတလီၤစၢ်လီၤဘှါနီတစုဘၣ်. အတၢ်ဆိကမိၣ်တဖၣ်န့ၣ်ပှၤတနၢ်ပၢၢ်အီၤနီတဂၤဘၣ်.

လံာ်ယၡါယၤ 40:28 Iomraidhean Croise

လံာ်တၢ်ကဲထီၣ်အခီၣ်ထံး 21:33

အန့ၣ်ဒီးစီၤအၤဘြၤဟၣ်သူၣ်သ့ၣ်တဖုဖဲဘ့ၢ်ၡဘၤဒီးဘူၣ်ထီၣ်ဘါ ထီၣ်ယွၤ, ကစၢ်ယွၤလီၤထူလီၤယိာ်န့ၣ်လီၤ.

လံာ်စီၤယိၤဘး 38:18

ဟီၣ်ခိၣ်ဒိၣ်ဝဲလဲၢ်ဝဲဆံးအါဆံးအါန့ၣ်, နနၢ်ပၢၢ်တ့ၢ်အီၤဧါ. နမ့ၢ်သ့ၣ်ညါဒီးစံးဆၢယၤတက့ၢ်.

စံးထီၣ်ပတြၢၤ 138:8

ယွၤကမၤလၢပှဲၤအတၢ်တိာ်ပာ်ခဲလၢာ်လၢယဂီၢ်န့ၣ်လီၤ. ယွၤဧၢ, နတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ. မ်နသုတလဲၤသဒၣ်နစုအတၢ်မၤန့ၣ်တဂ့ၤ.

စံးထီၣ်ပတြၢၤ 139:6

နတၢ်သ့ၣ်ညါဒ်အံၤလီၤလးကဲၣ်ဆိးလၢယဂီၢ်, အိၣ်ထီၣ်ထီဝဲ, ယနၢ်ပၢၢ်ယဲတသ့ဘၣ်.

စံးထီၣ်ပတြၢၤ 145:3

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤ အါအါကလဲာ်လီၤ. ဒီးမ့ၢ်အဒိၣ်ဝဲဆံးဒိၣ်လဲၣ်န့ၣ်ပနၢ်ပၢၢ်တတုာ်ဘၣ်.

စံးထီၣ်ပတြၢၤ 147:5

ပယွၤန့ၣ်ဒိၣ်ဝဲ, ဒီးအစိအကမီၤအိၣ်အါမးလီၤ. အတၢ်ကူၣ်သ့ကူၣ်ဘၣ်န့ၣ်တၢ်ထိၣ်အီၤတဲာ်အီၤ တသ့ဘၣ်.

စံးထီၣ်ပတြၢၤ 90:2

တချုးလၢကစၢၢ်ကလိအိၣ်ထီၣ်ဒံးဘၣ်, မ့တမ့ၢ်တချုးလၢနဒုးအိၣ်ထီၣ်ဟီၣ်ခိၣ်ဒံးဘၣ်န့ၣ်, နမ့ၢ်ကစၢ်ယွၤအစိၤစိၤအဃၣ်ဃၣ်ဒီး နကမ့ၢ်ဒံးနဲလီၤစိၤထီလီၤ.

လံာ်ယၡါယၤ 37:26

မ့ၢ်နတနၢ်ဟူတ့ၢ်နဲနီတစုလၢယကူၣ်ကျဲၤတၢ်အံၤယံာ်တ့ၢ်လံ န့ၣ်ဘၣ်ဧါ. ဒီးခဲအံၤ, ယမၤထွဲတ့ၢ်အီၤလံ. ယဟ့ၣ်တ့ၢ်နၤတၢ်စိကမီၤလၢနကဒုးကဲထီၣ်ဝ့ၢ်တဖၣ်လၢအအိၣ်ဒီး တိာ်ဧိၤတာ်ဧိၤဆူတၢ်လီၤပှီၢ်ဟးဂီၤအတၢ်ပာ်ဖှိၣ်တဖၣ်န့ၣ်လီၤ.

လံာ်ယၡါယၤ 40:21

မ့ၢ်နတသ့ၣ်ညါဘၣ်ဧါ. မ့ၢ်တၢ်တစံးဘၣ်တဲဘၣ်တ့ၢ်နၤလၢအခီၣ်ထံးလံၤလံၤန့ၣ်ဘၣ်ဧါ. မ့ၢ်နတနၢ်ဟူတ့ၢ်ဟီၣ်ခိၣ်အိၣ်ထီၣ်ဝဲဒ်လဲၣ်န့ၣ်ဘၣ်ဧါ.

လံာ်ယၡါယၤ 42:4

တုၤလၢအဝဲဒုးအိၣ်ထီၣ်ဂၢၢ်ကျၢၤတၢ်စံၣ်ညီၣ်တီလၢဟီၣ်ခိၣ်အံၤ တစုန့ၣ်တပျဲတၢ်မုၢ်လၢ်မ့ၢ်ဂ့ၤတၢ်သူၣ်ဒူသးဒူမ့ၢ်ဂ့ၤကလီၤ မၢ်ကွံာ်န့ၣ်ဘၣ်. အဂ့ၢ်ဒ်အံၤ, ကီၢ်လၢအယံၤတဖၣ်အိၣ်ခိးကွၢ်လၢ်အတၢ်သိၣ်လိလၢတၢ် သူၣ်ဆူၣ်သးဂဲၤအပူၤလီၤ.”

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 59:1

ဆိကမိၣ်ထီၣ်လၢယွၤအံၤအဂံၢ်ဘါစၢ်ကဲၣ်ဆိးလၢကအုၣ် က့ၤခီၣ်က့ၤသုအဂီၢ်မ့ၢ်ဂ့ၤ, အနၢ်တအၢကဲာ်ဆိးတုၤဒၣ်လဲာ် ကနၢ်ဟူသုတၢ်ကိးထီၣ်လၢတၢ်မၤစၢၤအဂီၢ်မ့ၢ်ဂ့ၤန့ၣ်တဂ့ၤ.

လံာ်ယၡါယၤ 66:9

ဆိကမိၣ်လၢယကဟဲစိာ်ယပှၤဂီၢ်မုၢ်ဆူတၢ်အိၣ်ဖျဲၣ်ဘူးထီၣ် အဆၢကတီၢ်, ဒီးတပျဲအအိၣ်ဖျဲၣ်ထီၣ်ဘၣ်န့ၣ်တဂ့ၤ.” ယွၤကတိၤတ့ၢ်လံတၢ်လံ.

လံာ်ယံးရမံယၤ 10:10

မ့မ့ၢ်နဲဒၣ်, ယွၤဧၢ, နမ့ၢ်ကစၢ်ယွၤအမ့ၢ်အတီန့ၣ်လီၤ. နမ့ၢ်ကစၢ်ယွၤလၢအမူဝဲ ဒီးစီၤပၤအထူအယိာ်န့ၣ်လီၤ. ဖဲနသးဒိၣ်ထီၣ်န့ၣ်ဟီၣ်ခိၣ်ဟူးဟးဆှဲးဆှိးဝဲ ဒီးပှၤကလုာ်တဖၣ်တူၢ်နတၢ်သးကဲၤထီၣ် တကဲဘၣ်လီၤ.

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်မၢ်ကူး 16:14

ယ့ၣ်ၡူးလီၣ်ဖျါထီၣ်အသးလၢခံကတၢၢ်တဘျီလၢအပျဲၢ်အဘီၣ်တဆံတဂၤ, ဖဲအဝဲသ့ၣ်အီၣ်တၢ်အီၣ်အဖၢမုၢ်လီၤ. အဝဲဒၣ်ဒူအဝဲသ့ၣ်အလိၤမ့ၢ်လၢအဝဲသ့ၣ်ပာ်ကိၤအသး ဒီးအတၢ်နာ်တအိၣ်ဘၣ်အဃိ, ဒီးမ့ၢ်လၢအဝဲသ့ၣ်တနာ်ဘၣ်ပှၤသ့ၣ်တဖၣ်လၢအထံၣ်ဘၣ်တ့ၢ်လံအီၤ လၢတၢ်ဒုးဂဲၤဆၢထၢၣ်က့ၤအီၤလၢတၢ်သံဝံၤအလီၢ်ခံန့ၣ်အဃိလီၤ.

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

လံာ်လူၤကၣ် 24:25

တုၤနုၤတစုယ့ၣ်ၡူးစံးဘၣ်အဝဲသ့ၣ်, “ပှၤသူၣ်တဆးသးတဆး သ့ၣ်ဧၢ, သုကစူၢ်ကနာ်တၢ်ခဲလၢာ်လၢဝံတဖၣ်စံးတ့ၢ်ဝဲန့ၣ် ကီမးလဲၣ်.

လံာ်ယိၤဟၣ် 14:9

ယ့ၣ်ၡူးစံးဆၢတၢ်ဒီးစံးဝဲ, “စီၤဖံလံးပူးဧၢ, ယအိၣ်ဒီးသုယံာ်တ့ၢ်ထဲအံၤညါ, အန့ၣ်ဒၣ်လဲာ်သုတသ့ၣ်ညါ ယၤဘၣ်ဧါ. ပှၤလၢအထံၣ်ယၤန့ၣ်, မ့ၢ်အထံၣ်လံပၢ်န့ၣ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိလၢနစံး, ‘ဒုးထံၣ်ပှၤလၢပၢ်န့ၣ်လဲၣ်.’

လံာ်ယိၤဟၣ် 5:17

ဒီးယ့ၣ်ၡူးစံးဆၢအဝဲသ့ၣ်, “ယပၢ်မၤတၢ်ထီဘိတထံၣ်ဃီဒီးယဲစ့ၢ်ကီးယဘၣ်မၤယဲလီၤ.”

မၤတၢ် 13:47

အဂ့ၢ်ဒ်အံၤ, အအံၤမ့ၢ်တၢ်မၤလိာ်လၢကစၢ်ဟ့ၣ်တ့ၢ်ပှၤန့ၣ်လီၤ. ‘ယဒုးကဲလံနၤတၢ်ကပီၤတဖျၢၣ်လၢပှၤကလုာ်ဂၤတဖၣ်အဂီၢ်, ဒ်သိးဟီၣ်ခိၣ်ဒီဘ့ၣ်ကဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်လီၤ.’ ”

ရိမ့ၤ 16:26

ဘၣ်ဆၣ်ခဲအံၤ, တၢ်မ့ၢ်တၢ်တီအဝဲန့ၣ်ဘၣ်တၢ်ထုးထီၣ်ပာ်ဖျါ အီၤခီဖျိဝံအတၢ်ကွဲးတဖၣ်, ဒီးခီဖျိကစၢ်ယွၤအထူအယိာ်တဂၤ အတၢ်မၤလိာ်န့ၣ်, ဘၣ်တၢ်ဒုးသ့ၣ်ညါအီၤလၢပှၤကိးကလုာ်ဒဲး, ဒ်သိးပှၤခဲလၢာ်ကစူၢ်က့ၤနာ်က့ၤတၢ်အဂီၢ်န့ၣ်လီၤ.

1 ကရံၣ်သူး 2:16

ဒ်တၢ်ကွဲးအသးစီဆှံစံးဝဲအသိးန့ၣ်, “မ့ၢ်မတၤသ့ၣ်ညါကစၢ်အသးတဂၤလဲၣ်. မ့ၢ်မတၤဟ့ၣ်အီၤတၢ်ဟ့ၣ်ကူၣ်ဟ့ၣ်ဖးသ့တဂၤလဲၣ်.” မ့မ့ၢ်ပဝဲသ့ၣ်တဖၣ်, ပအိၣ်ဒီးခရံာ်အသးလီၤ.

1 ကရံၣ်သူး 6:16

မ့တမ့ၢ်, ဘၣ်တဘၣ်သုတသ့ၣ်ညါလၢပှၤပိာ်ခွါတဂၤ လၢအပာ်ဖှိၣ်ဃုာ်အနီၢ်ခိဒီးဃဲသဲမုၣ်တဂၤန့ၣ်, ကဲထီၣ်ပှၤတဂၤဃီဒီးအီၤလၢနီၢ်ခိနီၢ်ခီန့ၣ်လီၤ. တၢ်ကွဲးအသးစံးဝဲဒၣ်ဖျါဖျါကစီဒီလီၤ. “ပှၤခံဂၤန့ၣ်ကကဲထီၣ်နီၢ်ခိတဂၤဃီလီၤ.”

1 ကရံၣ်သူး 6:19

မ့ၢ်သုတသ့ၣ်ညါလၢသုနီၢ်ခိမ့ၢ်တၢ်လုၢ်ဟံၣ်ဘၣ်ဃးဒီးသး စီဆှံ, လၢအအိၣ်ဝဲဆိးဝဲလၢသုပူၤ, ဒီးဘၣ်တၢ်ဟ့ၣ်သုလၢ ယွၤန့ၣ်ဘၣ်ဧါ. သုတဘၣ်ဃးဒီးသုနီၢ်ကစၢ်ဒၣ်သုဝဲဘၣ်, မ့မ့ၢ်သုဘၣ်ဃးဒီးယွၤလီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

လံာ်သိၣ်လီၤသီလီၤတၢ် 33:27

ထီဘိကစၢ်ယွၤမ့ၢ်သုတၢ်အိၣ်တဒၢအလီၢ်, အဝဲအစုတီၤအထူအယိာ်တဖၣ် မ့ၢ်တၢ်လၢအမၤစၢၤသုန့ၣ်လီၤ. အဝဲနီၣ်ထီၣ်ဟီထီၣ်ကွံာ်သုဒုၣ်သုဒါတဖၣ်ဖဲသုလဲၤထီၣ် ဒုးတၢ် ဒီးတဲဘၣ်သုလၢသုကမၤဟးဂီၤကွံာ်အဝဲသ့ၣ်ခဲလၢာ်န့ၣ်လီၤ.

ဖံလံးပံၤ 1:6

ဒီးလၢတၢ်န့ၣ်အဃိယနာ်ယဲဒၣ်လၢကစၢ်ယွၤ, လၢအစးထီၣ်အတၢ်မၤအဂ့ၤတမံၤအံၤလၢသုပူၤန့ၣ်, ကမၤဒံးဝဲဆူညါတုၤအလၢထီၣ်ပှဲၤထီၣ်ဝဲတစုဖဲယ့ၣ်ၡူးခရံာ် အမုၢ်တနံၤန့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:10

ယွၤအဒုၣ်အဒါတဖၣ်န့ၣ်ကဘၣ်တၢ်မၤ ဟးဂီၤကွံာ်အီၤလီၤ. အဝဲကမၤသီၣ်, လီသီၣ်လီသဲထီဒါအဝဲသ့ၣ်လၢမူခိၣ်လီၤ. ယွၤကစံၣ်ညီၣ်ဟီၣ်ခိၣ်ဒီဘ့ၣ်ညါလီၤ. အဝဲကဟ့ၣ်လီၤတၢ်စိတၢ်ကမီၤလၢအစီၤပၤတဖၣ်လီၤ. အဝဲကမၢအစီၤပၤလၢအဃုထၢဝဲန့ၣ်မၤန့ၢ်မၤနၢၤတၢ်န့ၣ်လီၤ.